കാർഷിക മാമാങ്കത്തിന്‌ വർണാഭ തുടക്കം

കൃഷിക്ക് ഒപ്പം കളമശ്ശേരിയുടെ ഭാഗമായി മണ്ഡലത്തിൽ കാർഷിക മേഖലയിൽ വലിയ പുരോഗതിയാണ് ഉണ്ടായിരിക്കുന്നതെന്നും കൃഷിക്ക് ഒപ്പം കളമശ്ശേരി ജനങ്ങളുടെ ആകെ വികാരമായി മാറിയെന്നും വ്യവസായ വകുപ്പ് മന്ത്രി പി രാജീവ് . കളമശ്ശേരി കാർഷികോത്സവത്തിന്റെ മൂന്നാം പതിപ്പിൽ അധ്യക്ഷത വഹിച്ച് സംസാരിക്കുകയിരുന്നു അദ്ദേഹം.

ഓണാഘോഷത്തിനാവശ്യമായ എല്ലാ സാധനങ്ങളും ഒരേ കുടക്കീഴിൽ ലഭ്യമാക്കുന്ന വിധത്തിൽ എറണാകുളം കുടുംബശ്രീ ജില്ലാ മിഷന്റെ ആഭിമുഖ്യത്തിൽ ഒരുക്കിയ മേളയ്ക്ക് വ്യവസായ-വാണിജ്യ വകുപ്പ് മന്ത്രി പി. രാജീവ് തുടക്കം കുറിച്ചു.

ജില്ലാതല ഓണ വിപണന മേള ഓഗസ്റ്റ് 26 മുതൽ സെപ്റ്റംബർ 1 വരെ നടത്തപ്പെടും. ജില്ലയിലെ വിവിധ ബ്ലോക്കുകളിലെ കുടുംബശ്രീ അംഗങ്ങൾ ഉൽപ്പാദിപ്പിച്ച വൈവിധ്യമാർന്ന ഉൽപ്പന്നങ്ങളാണ് മേളയുടെ ആകർഷണം. നാട്ടിൻപുറത്തിന്റെ രുചിയും തനിമയും ഒത്തുചേർന്ന ഉൽപ്പന്നങ്ങൾ ഒരേ വേദിയിൽ ലഭ്യമാക്കുന്നതിലൂടെ ഓണാഘോഷത്തിന് നിറവും പുതുമയും നൽകാനാണ് വിപണനമേള ലക്ഷ്യമിടുന്നത്.

കളമശ്ശേരിയുടെ കാർഷിക പൈതൃകവും സാംസ്കാരിക പാരമ്പര്യവും വിളിച്ചോതി മൂന്നാമത് കളമശ്ശേരി കാർഷികോത്സവത്തിന് ഉജ്ജ്വലമായ തുടക്കം. ഏഴ് ദിവസം നീണ്ടുനിൽക്കുന്ന മേളയ്ക്ക് മുന്നോടിയായി നടന്ന വർണ്ണശബളമായ ഘോഷയാത്ര കാർഷികോത്സവത്തിന് മാറ്റുകൂട്ടി. കളമശ്ശേരി നഗരസഭയിൽ നിന്ന് ആരംഭിച്ച് ഉദ്ഘാടന വേദിയായ ചാക്കോളാസ് പവലിയൻ വരെ നീണ്ട ഘോഷയാത്രയിൽ ആയിരക്കണക്കിന് ആളുകൾ അണിചേർന്നു.

*വാടപൊഴി പാലത്തിന്റെയും അപ്പ്രോച്ച് റോഡിന്റെയും ഉദ്ഘാടനം നിർവഹിച്ചു

കേരളത്തിലെ മത്സ്യത്തൊഴിലാളികൾക്കായി യുറോപ്പിലെ 27 രാജ്യങ്ങളിലെ അംബാസിഡർമാർ പങ്കെടുക്കുന്ന ഇൻവെസ്റ്റ്മെൻ്റ് മീറ്റ് നടത്തുമെന്ന് 
ഫിഷറീസ്, സാംസ്കാരികവകുപ്പ് മന്ത്രി സജി ചെറിയാൻ പറഞ്ഞു. വാടപൊഴി പാലത്തിന്റെയും അപ്പ്രോച്ച് റോഡിന്റെയും ഉദ്ഘാടനം
മത്സ്യഗന്ധി ജംഗ്ഷന് സമീപം നിർവഹിച്ച് സംസാരിക്കുകയായിരുന്നു മന്ത്രി.

മൂന്നാമത് കളമശ്ശേരി കാർഷികോത്സവം ഉദ്ഘാടനം ചെയ്തു

രാഷ്ട്രീയവും സിനിമയുമെല്ലാം വാർത്തകളിൽ നിറയുന്ന ഈ കാലഘട്ടത്തിൽ, കർഷകരെയും കാർഷിക മേഖലയെയും കേന്ദ്രീകരിച്ച് മണ്ഡലത്തിൽ ഇത്തരം ഒരു മേള സംഘടിപ്പിക്കുന്നത് അഭിനന്ദനാർഹമാണെന്ന് ചലച്ചിത്രതാരം പൃഥ്വിരാജ് സുകുമാരൻ.ചാക്കോളാസ് പവലിയനിൽ ആരംഭിച്ച കളമശ്ശേരി കാർഷിക കോത്സവത്തിൻ്റെ മൂന്നാം പതിപ്പ് ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.

71-ാമത് നെഹ്രുട്രോഫി വള്ളംകളി ഹരിതചട്ടം പാലിച്ച് നടത്തുന്നതിന്‍റെ പ്രചാരണാര്‍ത്ഥം ആലപ്പുഴ നഗരസഭ സംഘടിപ്പിച്ച ജലഘോഷയാത്ര  നഗരസഭാധ്യക്ഷ കെകെ ജയമ്മ ഫ്ലാഗ് ഓഫ് ചെയ്തു. ഹരിതചട്ടം പാലിക്കുന്നതിന്‍റെ ആവശ്യകത സംബന്ധിച്ച ബോധവല്‍ക്കരണത്തിന്‍റെ ഭാഗമായി നാല്‍പ്പാലത്തിനു സമീപത്തു നിന്നും കയാക്കിങ് വള്ളങ്ങളുടെ അകമ്പടിയോടെ സംഘടിപ്പിച്ച ജലഘോഷയാത്ര ശവക്കോട്ടപാലത്തിനു സമീപം സമാപിച്ചു.

ജിഡയുടെയും കൃഷി വകുപ്പിൻ്റെയും സഹകരണത്തോടെ കാർബൺ ന്യൂട്രൽ ഗോശ്രീ കാർഷിക പദ്ധതിക്കു തുടക്കം. മണ്ഡലത്തിലെ എല്ലാ പഞ്ചായത്തുകളിലുമായി എട്ടു ലക്ഷം രൂപ ചെലവിൽ വീട്ടുവളപ്പിൽ  

ഫലവൃക്ഷ - പച്ചക്കറി തോട്ടം ഒരുക്കാൻ ലക്ഷ്യമിടുന്ന പദ്ധതി കെ.എൻ. ഉണ്ണിക്കൃഷ്ണൻ എം.എൽ.എ ഞാറക്കലിൽ ഉദ്ഘാടനം ചെയ്തു.

വീടുകളിൽ പുതിയൊരു കാർഷിക സംസ്കാരത്തിന് വഴിവെക്കുന്ന പദ്ധതിയാണെന്ന് കെ എൻ ഉണ്ണിക്കൃഷ്ണൻ പറഞ്ഞു. ജിഡ ഉൾപെടുന്ന കടമക്കുടി, മുളവുകാട്, എളങ്കുന്നപ്പുഴ, ഞാറക്കൽ, നായരമ്പലം, എടവനക്കാട്, കുഴുപ്പിള്ളി, പള്ളിപ്പുറം എന്നീ പഞ്ചായത്തുകളിൽ പദ്ധതി കാർബൺ ന്യൂട്രൽ കൃഷി രീതി പ്രോത്സാഹിപ്പിക്കും.

പാലിന്റെയും പാലുൽപ്പന്നങ്ങളുടെയും ഗുണനിലവാരത്തെ കുറിച്ച് ജനങ്ങൾ ബോധവാന്മാരാകേണ്ടത് ഇന്നത്തെ കാലഘട്ടത്തിൽ അത്യന്താപേക്ഷികമാണെന്ന് ജില്ലാ പഞ്ചായത്ത് പ്രസിഡന്റ് മനോജ് മൂത്തേടൻ പറഞ്ഞു. ക്ഷീര വികസന വകുപ്പ് ഗുണനിയന്ത്രണ വിഭാഗത്തിന്റെ ആഭിമുഖ്യത്തിൽ ചിറ്റേത്തുകര ക്ഷീരസംഘത്തിൻ്റെ സഹകരണത്തോടെ സംഘടിപ്പിച്ച ഉപഭോക്ത്യ മുഖാമുഖം പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. 

വള്ളംകളിയുടെ ആവേശം ജില്ലയിലെ എല്ലാ ഭാഗങ്ങളിലും എത്തിക്കാൻ 'വള്ളംകളി എക്‌സ്പ്രസ്' യാത്ര ഇന്ന് (ആഗസ്റ്റ് 27 ന്) എടത്വയിൽ. രാവിലെ 10 മണിക്ക് എടത്വ കോളേജിൽ പര്യടനം നടത്തും. തുടർന്ന് മങ്കൊമ്പ്, ചമ്പക്കുളം, പൂപ്പള്ളി, കൈതവന, പഴവീട്, കെ.എസ്.ആർ.ടി.സി, പുന്നമട, തലവടി,  മണ്ണഞ്ചേരി, തണ്ണീർമുക്കം, വെച്ചൂർ, കുമരകം, തല യാഴം വഴി ചേർത്തലയിലെത്തും.