പൊന്നാനി സ്ത്രീകളുടെയും കുട്ടികളുടെയും ആശുപത്രിയില്‍ ദിവസവേതനാടിസ്ഥാനത്തില്‍ നേഴ്സിംഗ് അസിസ്റ്റന്റുമാരെ നിയമിക്കുന്നു. 20നും 45നും ഇടയില്‍ പ്രായമുള്ള എസ്എസ്എല്‍സി,എഎന്‍എം/നഴ്‌സിംഗ് അസിസ്റ്റന്റ് കോഴ്‌സ് സര്‍ട്ടിഫിക്കറ്റുള്ളവര്‍ക്ക് അപേക്ഷിക്കാം. യോഗ്യരായ ഉദ്യോഗാര്‍ത്ഥികള്‍ വിദ്യാഭ്യാസ യോഗ്യത, പ്രായം, പ്രവൃത്തി പരിചയം എന്നിവ തെളിയിക്കുന്നതിനുള്ള സര്‍ട്ടിഫിക്കറ്റുകളുടെ ഒറിജിനലും, പകര്‍പ്പും ആധാര്‍ കോപ്പിയുമായി സെപ്റ്റംബര്‍ രണ്ടിന് രാവിലെ 11.30ന് ആശുപത്രി ഓഫീസില്‍ കൂടിക്കാഴ്ചയ്ക്ക് ഹാജരാകണം. ഫോണ്‍: 0494 2666439

മലപ്പുറം ജില്ലാ ഇന്‍ഫര്‍മേഷന്‍ ഓഫീസില്‍ ഇന്‍ഫര്‍മേഷന്‍ അസിസ്റ്റന്റുമാരുടെ മൂന്ന് ഒഴിവുകളിലേക്ക് നാളെ (ആഗസ്റ്റ് 27) രാവിലെ 11 ന് വാക് ഇന്‍ ഇന്റര്‍വ്യൂ നടത്തും. ജേര്‍ണലിസം ബിരുദം, ബിരുദാനന്തര ബിരുദം, അല്ലെങ്കില്‍ ഏതെങ്കിലും ബിരുദവും ജേര്‍ണലിസം ഡിപ്ലോമയും ഉള്ളവര്‍ക്ക് പങ്കെടുക്കാം. പ്രായ പരിധി 35. താത്പര്യമുള്ളവര്‍ സര്‍ട്ടിഫിക്കറ്റുകളും പകര്‍പ്പുകളുമായി രാവിലെ 10.30 ന് സിവില്‍ സ്റ്റേഷനിലെ ജില്ലാ ഇന്‍ഫര്‍മേഷന്‍ ഓഫീസില്‍ എത്തണം. ഫോണ്‍- 0483 2734387.

താനൂര്‍ ഗവ. ആര്‍ട്‌സ് ആന്‍ഡ് സയന്‍സ് കോളേജില്‍ ഒന്നാംവര്‍ഷ ഇന്റഗ്രേറ്റഡ് എംഎ മലയാളം, ബി.എസ്.സി ഇലക്ട്രോണിക്‌സ് എന്നീ കാറ്റഗറിയില്‍ ഒഇസി കാറ്റഗറിയില്‍ ഒഴിവുണ്ട്. താത്പര്യമുള്ളവര്‍ നാളെ( ആഗസ്റ്റ് 27) രാവിലെ 10ന് കോളേജില്‍ നേരിട്ട് ഹാജരാകണം. ഫോണ്‍: 0494 2582800

സഹകരണ വകുപ്പിന്റെ നേതൃത്വത്തിലുള്ള നിലമ്പൂര്‍ പട്ടികവര്‍ഗ കാട്ടുതേന്‍ വില്പന സഹകരണ സൊസൈറ്റി അംഗങ്ങള്‍ വനാന്തര്‍ ഭാഗങ്ങളില്‍ നിന്നും ശേഖരിച്ചു നല്‍കിയ ഉയര്‍ന്ന ഔഷധ ഗുണനിലവാരമുള്ള നിലമ്പൂര്‍ കാട്ടുതേന്‍ സെപ്റ്റംബര്‍ ഒന്ന്, രണ്ട്, മൂന്ന് തീയതികളില്‍ മലപ്പുറം സിവില്‍ സ്റ്റേഷന്‍ പ്രവേശന കവാടത്തിന് സമീപം വെച്ച് വിപണനം നടത്തും.
 

താനൂര്‍ ഗവ. ആര്‍ട്സ് ആന്‍ഡ്് സയന്‍സ് കോളേജില്‍ ഒന്നാംവര്‍ഷ ബി സി എ ക്ലാസ്സില്‍ പിഡബ്ല്യുഡി കാറ്റഗറിയില്‍ ഒരൊഴിവും ഒന്നാംവര്‍ഷ ബിഎ ഇംഗ്ലീഷില്‍ എസ്.സി. കാറ്റഗറിയില്‍ രണ്ട് ഒഴിവുകളുമുണ്ട്. താല്പര്യമുള്ളവര്‍ ആഗസ്റ്റ് 27ന് രാവിലെ 10ന് കോളേജില്‍ നേരിട്ട് ഹാജരാകണം. ഫോണ്‍: 9188900200

റെയില്‍വേ ട്രാക്കില്‍ അറ്റകുറ്റപ്പണി നടക്കുന്നതിനാല്‍ പെരിന്തല്‍മണ്ണ- നിലമ്പൂര്‍ റോഡില്‍ ലെവല്‍ ക്രോസ് നമ്പര്‍ 8, സെപ്റ്റംബര്‍ 9 ന് രാവിലെ എട്ട് മുതല്‍ സെപ്റ്റംബര്‍ 10 ന് രാത്രി എട്ട് വരെ അടച്ചിടും. വാഹനങ്ങള്‍ പട്ടിക്കാട്-വലമ്പൂര്‍ ഓരാടംപാലം വഴിയോ പാണ്ടിക്കാട്- മേലാറ്റൂര്‍-പെരിന്തല്‍മണ്ണ റോഡ് വഴിയോ പോകണം.

ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ ടീച്ചര്‍ (ഉറുദു) കാറ്റഗറി നമ്പര്‍ 131/2018  തസ്തികയിലേക്കുള്ള തെരഞ്ഞെടുപ്പിനായി 2022 ജൂലൈ 25ന് നിലവില്‍ വന്ന 427/2022/എസ്എസ്III നമ്പര്‍ റാങ്ക് പട്ടിക 2025 ജൂലൈ 25ന് അര്‍ധരാത്രിയില്‍ മൂന്ന് വര്‍ഷ കാലാവധി പൂര്‍ത്തിയായതിനാല്‍ ജൂലൈ 26 മുതല്‍ റദ്ദായതായി പി.എസ്.സി ജില്ലാ ഓഫീസര്‍ അറിയിച്ചു.
 

സാമൂഹ്യനീതി വകുപ്പിന്റെ ആഭിമുഖ്യത്തില്‍ വേങ്ങര ഗ്രാമപഞ്ചായത്ത് സായംപ്രഭാ ഫോമില്‍ വെച്ച് മദര്‍ തെരേസാ ദിനം- അനാഥ അഗതിദിനം ആചരിച്ചു. പൊതുസമ്മേളനം പഞ്ചായത്ത് പ്രസിഡന്റ് ഹസീന ഫസല്‍ ഉദ്ഘാടനം ചെയ്തു.  

ഓണ വിപണിയില്‍ ആശ്വാസമായി സപ്ലൈകോയുടെ ഓണംമേളയ്ക്കും സഞ്ചരിക്കുന്ന ഓണചന്തകള്‍ക്കും ജില്ലയില്‍ തുടക്കമായി. മലപ്പുറം - പെരിന്തല്‍മണ്ണ റോഡില്‍ ഡാലിയ കേപീസ് അവന്യൂവിലാണ് വിലക്കുറവിന്റെ ചന്ത നടക്കുന്നത്. മേളയുടെ ഉദ്ഘാടനവും സഞ്ചരിക്കുന്ന ഓണച്ചന്തയുടെ ഫ്ലാഗ് ഓഫും പി. ഉബൈദുള്ള എംഎല്‍എ നിര്‍വഹിച്ചു. ജില്ലാ പഞ്ചായത്ത് പ്രസിഡന്റ് എം.കെ. റഫീഖ അധ്യക്ഷത വഹിച്ചു. നഗരസഭ ചെയര്‍പേഴ്സന്‍ മുജീബ് കാടേരി ആദ്യ വില്‍പ്പന നിര്‍വഹിച്ചു. കൗണ്‍സിലര്‍മാരായ സി.പി. ആയിഷാബി, സി. സുരേഷ്, സി.എച്ച്. നൗഷാദ്, സപ്ലൈകോ മേഖലാ മാനേജര്‍ ജി. സുമ, ജില്ലാ സപ്ലൈ ഓഫീസര്‍ എ. സജാദ്, രാഷ്ട്രീയ പാര്‍ട്ടി പ്രതിനിധികളായ കെ.പി.