വെളിയം പടിഞ്ഞാറ്റിൻകരയിൽ പ്രവർത്തിക്കുന്ന ഗവ. ഐ ടി ഐ കൊട്ടാരക്കരയിൽ 2025 വർഷത്തെ ഡ്രൈവർ കം മെക്കാനിക് ട്രേഡിലെ ഒഴിവുള്ള ഏതാനും സീറ്റുകളിലേക്ക് സ്പോട്ട് അഡ്മിഷൻ ആഗസ്റ്റ് 29, 30 തീയതികളിൽ രാവിലെ 10.30 മുതൽ നടക്കും. താൽപര്യമുള്ളവർ അസൽ രേഖകളോടൊപ്പം എത്തണം. ജൂലൈ 31 ന് 18 വയസ് പൂർത്തിയാക്കിയവർക്ക് അപേക്ഷിക്കാം. ഉയർന്ന പ്രായപരിധിയില്ല. വനിതകൾക്കും അപേക്ഷിക്കാം.

വാണിജ്യ പ്രവർത്തനങ്ങൾ ആരംഭിച്ച് ഒമ്പത് മാസത്തിനുള്ളിൽ 10 ലക്ഷം കണ്ടെയ്നറുകൾ കൈകാര്യം ചെയ്തുകൊണ്ട് ലോക മാരിടൈം മേഖലയെ വിസ്മയിപ്പിച്ചിരിക്കുകയാണ്  വിഴിഞ്ഞം രാജ്യാന്തര തുറമുഖമെന്ന് തുറമുഖം, ദേവസ്വം, സഹകരണം വകുപ്പ്  മന്ത്രി വി എന്‍ വാസവന്‍.  സംസ്ഥാന സർക്കാരിന്റെയും മത്സ്യത്തൊഴിലാളികൾ ഉൾപ്പെടെ മുഴുവൻ ജനങ്ങളുടെയും സുരക്ഷാ ഏജൻസികളുടേയും ഷിപ്പിങ് കമ്പനികളുടെയും പൂർണ പിന്തുണയും അദാനി വിഴിഞ്ഞം പോർട്ടിന്റെ കാര്യക്ഷമമായ പ്രവർത്തനമികവുമാണ് ഈ നേട്ടം സ്വന്തമാക്കാൻ വഴിയൊരുക്കിയതെന്നും മന്ത്രി പത്രസമ്മേളനത്തിൽ പറഞ്ഞു.

തിരുവനന്തപുരം ജില്ലാ എംപ്ലോയ്‌മെന്റ് എക്‌സ്‌ചേഞ്ചിനു കീഴിലെ എംപ്ലോയബിലിറ്റി സെന്ററില്‍ ആഗസ്റ്റ് 29ന് രാവിലെ 10 മണിക്ക് സ്വകാര്യ സ്ഥാപനങ്ങളിലെ വിവിധ ഒഴിവുകളിലേക്കായി അഭിമുഖം നടത്തുന്നു.

സെയില്‍സ് ഡെവലപ്‌മെന്റ് മാനേജര്‍ , ബിസിനസ് ഡെവലെപ്‌മെന്റ് മാനേജര്‍, അസിസ്റ്റന്റ് സെയില്‍സ് മാനേജര്‍, ഫിനാന്‍ഷ്യല്‍ കോണ്‍സള്‍റ്റന്റ് , അസിസ്റ്റന്റ് ബിസിനസ് മാനേജര്‍, സീനിയര്‍ ബിസിനസ് ഡെവലപ്‌മെന്റ് എക്‌സിക്യൂട്ടീവ്, ബിസിനസ് ഡെവലപ്‌മെന്റ് എക്‌സിക്യൂട്ടീവ്, ബ്രാഞ്ച് ഓപ്പറേഷന്‍സ് എക്‌സിക്യൂട്ടീവ് എന്നീ തസ്തികകളിലേക്കാണ് അഭിമുഖം നടത്തുന്നത്.

വെഞ്ഞാറമൂട് ചെറ്റക്കടമുക്ക് - പാകിസ്താന്‍മുക്ക് റോഡില്‍ ബി.സി വര്‍ക്ക് നടക്കുന്നതിനാല്‍ ആഗസ്റ്റ് 30ന് റോഡ് പൂര്‍ണമായി അടയ്ക്കുമെന്ന് അസിസ്റ്റന്റ് എന്‍ജിനീയര്‍ അറിയിച്ചു.

തലക്കുളത്തൂര്‍ ഗ്രാമപഞ്ചായത്തിലെ പാലിയേറ്റിവ് കുടുംബങ്ങള്‍ക്ക് ഭക്ഷ്യ- ഭക്ഷ്യേതര വിഭവങ്ങളും ഓണക്കോടിയും വിതരണം ചെയ്തു. എടക്കര ഡോണ്‍ പബ്ലിക് സ്‌കൂളിലെ വിദ്യാര്‍ഥികളും അധ്യാപകരും ചേര്‍ന്നാണ് കിറ്റ് നല്‍കിയത്. തലക്കുളത്തൂര്‍ ഗ്രാമപഞ്ചായത്തും സിഎച്ച്‌സി തലക്കുളത്തൂര്‍ കുടുംബാരോഗ്യകേന്ദ്രം പാലിയേറ്റീവ് കെയര്‍ വിഭാഗവും സംയുക്തമായി പഞ്ചായത്തിലെ വിദ്യാലയങ്ങളില്‍ നടപ്പിലാക്കുന്ന പലതുള്ളി പെരുവെള്ളം പദ്ധതിയുടെ ഭാഗമായാണ് വിതരണം. തലക്കുളത്തൂര്‍ പഞ്ചായത്ത് പ്രസിഡന്റ് കെ ടി പ്രമീള വിദ്യാത്ഥികളില്‍ നിന്ന് സമാഹരിച്ച വിഭവങ്ങള്‍ ഏറ്റുവാങ്ങി.  

ബസ് പെര്‍മിറ്റ് മൂന്നു മാസത്തേക്ക് റദ്ദ് ചെയ്യാന്‍ കളക്ടറുടെ നിര്‍ദ്ദേശം

പേരാമ്പ്രയില്‍ സ്വകാര്യ ബസ്സിടിച്ച് സ്‌കൂട്ടര്‍ യാത്രികനായ വിദ്യാര്‍ത്ഥി മരിച്ച സംഭവത്തില്‍ പേരാമ്പ്ര-കോഴിക്കോട് റൂട്ടില്‍ ഓടുന്ന കെഎല്‍ 11 എജി 3339 ബസ്സിന്റെ പെര്‍മിറ്റ് മൂന്നുമാസത്തേക്ക് റദ്ദ് ചെയ്യാന്‍ ബന്ധപ്പെട്ട ഉദ്യോഗസ്ഥര്‍ക്ക് ജില്ലാ കളക്ടര്‍ സ്‌നേഹില്‍ കുമാര്‍ സിംഗ് നിര്‍ദ്ദേശം നല്‍കി. കളക്ടറേറ്റില്‍ ചേര്‍ന്ന റീജ്യനല്‍ ട്രാന്‍സ്‌പോര്‍ട്ട് അതോറിറ്റി യോഗത്തിലാണ് ട്രാന്‍സ്‌പോര്‍ട്ട് അതോറിറ്റി ചെയര്‍മാന്‍ കൂടിയായ ജില്ല കളക്ടര്‍ ഇതു സംബന്ധിച്ച് ഉത്തരവിട്ടത്. 

തിരുവള്ളൂര്‍ ഗ്രാമപഞ്ചായത്തിലെ പൈങ്ങോട്ടായി ഗവണ്‍മെന്റ് യുപി സ്‌കൂള്‍ കെട്ടിടത്തിന് പുതിയ കെട്ടിടം ഉയരുന്നു. സംസ്ഥാന സര്‍ക്കാര്‍ പൊതുവിദ്യാഭ്യാസ വകുപ്പ് വഴി അനുവദിച്ച 1.10 കോടി രൂപയുടെ കെട്ടിട നിര്‍മ്മാണത്തിന്റെ ടെന്‍ഡറും കരാര്‍ നടപടികളും പൂര്‍ത്തിയായി. സ്‌കൂള്‍ കെട്ടിടത്തിന്റെ പ്രവൃത്തി ഉദ്ഘാടനം ഓഗസ്റ്റ് 29ന് വൈകിട്ട് നാലിന് കെ പി കുഞ്ഞമ്മദ്കുട്ടി മാസ്റ്റര്‍ എംഎല്‍എ നിര്‍വ്വഹിക്കും.

ആനക്കാംപൊയില്‍-കള്ളാടി-മേപ്പാടി തുരങ്കപാത പ്രവൃത്തി ഉദ്ഘാടനം ചെയ്യും 

ഫറോക്ക് താലൂക്ക് ആശുപത്രി കെട്ടിടം നാടിന് സമര്‍പ്പിക്കും

മനുഷ്യ-വന്യജീവി സംഘര്‍ഷം ജനകീയ സദസ്സില്‍ പങ്കെടുക്കും

മുഖ്യമന്ത്രി പിണറായി വിജയന്‍ ഓഗസ്റ്റ് 31-ന് ജില്ലയില്‍ വിവിധ പദ്ധതികള്‍ ഉദ്ഘാടനം ചെയ്യും. ആനക്കാംപൊയില്‍-കള്ളാടി-മേപ്പാടി തുരങ്കപാത പ്രവൃത്തി ഉദ്ഘാടനം, ഫറോക്ക് താലൂക്ക് ആശുപത്രി പുതിയ കെട്ടിട ഉദ്ഘാടനം എന്നിവ നിര്‍വഹിക്കും. വനം വകുപ്പ് സംഘടിപ്പിക്കുന്ന മനുഷ്യ-വന്യജീവി സംഘര്‍ഷം ജനകീയ സദസ്സിലും മുഖ്യമന്ത്രി പങ്കെടുക്കും.

ഓണക്കാലത്ത് അവശ്യസാധനങ്ങള്‍ വിലക്കുറവില്‍ ലഭ്യമാക്കാനും പൊതുവിപണിയില്‍ ന്യായ വില ഉറപ്പാക്കുന്നതിനുമായി സപ്ലൈകോയുടെ ജില്ലാ ഓണം ഫെയറിന് തുടക്കമായി. ഓണം ഫെയര്‍ ഉദ്ഘാടനവും ആദ്യ വില്പനയും കോര്‍പ്പറേഷന്‍ മേയര്‍ ഡോ. ബീന ഫിലിപ്പ് നിര്‍വഹിച്ചു. സപ്ലൈകോയുടെ സഞ്ചരിക്കുന്ന ഓണച്ചന്തയുടെ ഫ്‌ലാഗ് ഓഫ് ജില്ലാ പഞ്ചായത്ത് വൈസ് പ്രസിഡന്റ് പി ഗവാസ് നിര്‍വഹിച്ചു. 

 
ഓണത്തോടനുബന്ധിച്ചു നടത്തുന്ന സഞ്ചരിക്കുന്ന മാവേലി ഓഗസ്റ്റ് 31വരെ  ജില്ലയിലെ വിവിധയിടങ്ങളിൽ എത്തുമെന്ന് സപ്ലൈകോ ഡിപ്പോ മാനേജര്‍ അറിയിച്ചു. 
ഇന്ന് (ഓഗസ്റ്റ് 27) പയ്യാനക്കല്‍, ഗോതീശ്വരം (കോഴിക്കോട് സൗത്ത്), 28ന് വെള്ളയില്‍, പുതിയാപ്പ (കോഴിക്കോട് നോര്‍ത്ത്), എലത്തൂര്‍, 29ന് വഴിപോക്ക്, പാലാഴി -(കോഴിക്കോട് സൗത്ത്), 30ന് കൊളത്തറ, പൊക്കുന്ന് (ബേപ്പൂര്‍, കോഴിക്കോട് സൗത്ത്),  31ന് കാരപറമ്പ്, വെസ്റ്റ് ഹില്‍ (കോഴിക്കോട് നോര്‍ത്ത്) എന്നിവിടങ്ങളിലാണ് എത്തുക.