മരട് നഗരസഭയുടേയും കൃഷിഭവന്റയും സംയുക്താഭിമുഖ്യത്തിൽ മാലിന്യക്കൂമ്പാരം നിറഞ്ഞ സ്ഥലം വൃത്തിയാക്കി പച്ചക്കറി കൃഷി ആരംഭിച്ചു. നഗരസഭാ ചെയർപേഴ്സൺ ആന്റണി ആശാംപറമ്പിൽ ചടങ്ങ് ഉദ്ഘാടനം ചെയ്തു. വെണ്ട, പാവൽ, വഴുതന, തക്കാളി, പയർ എന്നിവയാണ് കൃഷി ചെയ്യുന്നത്.

 വൈസ് ചെയർപേഴ്സൺ അഡ്വ രശ്മി സനിൽ അധ്യക്ഷത വഹിച്ചു. സ്ഥിരം സമിതി അധ്യക്ഷന്മാരായ റിയാസ് കെ മുഹമ്മദ്, ശോഭ ചന്ദ്രൻ, ബേബി പോൾ, റിനി തോമസ്, കൗൺസിലർമാരായ ചന്ദ്രകലാധരൻ, പി.ഡി. രാജേഷ്, ടി.എം അബ്ബാസ്, മിനി ഷാജി, ജയ ജോസഫ് , പത്മപ്രിയ വിനോദ്, കൃഷി ഓഫീസർ അഞ്ജലി ഭദ്ര ,ആസൂത്രണ സമിതി ഉപാധ്യക്ഷൻ പി.പി സന്തോഷ് തുടങ്ങിയവർ പങ്കെടുത്തു.

കേരള സംസ്ഥാന യുവജനക്ഷേമ ബോർഡ് 2024 ലെ സ്വാമി വിവേകാനന്ദൻ യുവപ്രതിഭാ പുരസ്കാരത്തിന് നിശ്ചിതഫോറത്തിൽ നോമിനേഷൻ ക്ഷണിച്ചു. വ്യക്തിഗത പുരസ്കാരത്തിനായി അതത് മേഖകളിലെ 18 - നും 40- നും മദ്ധ്യ പ്രായമുള്ള യുവജനങ്ങളെയാണ് നോമിനേറ്റ് ചെയ്യേണ്ടത്. സാമൂഹ്യപ്രവർത്തനം, മാധ്യമപ്രവർത്തനം (പ്രിൻ്റ് മീഡിയ), മാധ്യമ പ്രവർത്തനം (ദ്യശ്യമാധ്യമം), കല, സാഹിത്യം, കായികം (വനിത), കായികം (പുരുഷൻ), സംരംഭകത്വം, കൃഷി, എന്നീ മേഖലകളിൽ നിന്നും മികച്ച ഓരോ വ്യക്തിക്കുവീതം ആകെ 9 പേർക്കാണ് പുരസ്കാരങ്ങൾ നൽകുന്നത്. 

കേന്ദ്ര സർക്കാർ സംരംഭമായ ബിസിൽ ട്രെയിനിംഗ് ഡിവിഷൻ നടത്തുന്ന ഒരു വർഷം , ആറു മാസം പ്രീ - പ്രൈമറി, നഴ്സ്സറി ടീച്ചർ ട്രെയിനിംഗ് കോഴ്‌സുകൾക്ക് പ്ലസ് ടു/ എസ് എസ് എൽ സി യോഗ്യതയുള്ളവരിൽ നിന്നും അപേക്ഷ ക്ഷണിച്ചു. വിശദ വിവരങ്ങൾക്ക് ബിസിൽ ട്രെയിനിംഗ് ഡിവിഷനിൽ ബന്ധപ്പെടുക. ഫോൺ: 7994449314.

കേന്ദ്ര ടെക്സ്റ്റെൽ മന്ത്രാലയത്തിനു കീഴിലുള്ള (എഇപിസി) അപ്പാരൽ എക്സ്പോർട്ട് പ്രെമോഷൻ കൗൺസിലിൻ്റെ ആഭിമുഖ്യത്തിൽ പ്രവർത്തിക്കുന്ന അപ്പാരൽ ട്രെയിനിംഗ് ആന്റ് ഡിസൈൻ സെന്റർ (എടിഡിസി) കണ്ണൂർ സെന്ററിൽ മൂന്ന് വർഷത്തെ ഫാഷൻ ഡിസൈനിങ്ങിൽ ഡിഗ്രി, ഒരു വർഷത്തെ ഫാഷൻ ഡിസൈനിങ്ങിൽ ഡിപ്ലോമ എന്നീ കോഴ്സിലേക്ക് സെപ്തംബർ ഒന്ന്, രണ്ട് തീയതികളിൽ സ്പോട്ട് അഡ്മിഷ൯ നടത്തുന്നു. യോഗ്യത പ്ലസ് ടു / ഡിഗ്രി.

 വിലാസം - അപ്പാരൽ ട്രെയിനിംഗ് ആൻഡ് ഡിസൈൻ സെൻ്റർ, കിൻഫ്ര ടെക്സ്റ്റൈൽ സെൻ്റർ, നാടുകാണി, പള്ളിവയൽ പി.ഒ, തളിപ്പറമ്പ്, കണ്ണൂർ 670142 , ഫോൺ: 8301030362, 9995004269  

കേരളാ കള്ള് തൊഴിലാളി ക്ഷേമനിധി ബോർഡിൽ 2024 ഡിസംബർ 31 വരെ ക്ഷേമനിധി ബോർഡ് പെൻഷൻ അനുവദിക്കപ്പെട്ട തൊഴിലാളി കുടുംബ/സാന്ത്വന പെൻഷൻ ഗുണഭോക്താക്കളുടെ 2025 വാർഷിക മസ്റ്ററിങ് പൂർത്തിയാക്കുന്നതിനുള്ള സമയം സെപ്റ്റംബർ 10 വരെ നീട്ടി.

വനിതാ ശിശുവികസന വകുപ്പിനു കീഴിൽ പ്രവർത്തിക്കുന്ന വടവുകോട് ഐ സി ഡി എസ് പ്രോജക്ടിലെ അഞ്ച് പഞ്ചായത്തുകളിലെ 134 അങ്കണവാടികളിൽ പാൽ വിതരണം ചെയ്യുന്നതിന് പഞ്ചായത്ത് തലത്തിൽ ദർഘാസ് ക്ഷണിച്ചു. ദർഘാസ് സ്വീകരിക്കുന്ന അവസാന തീയതി സെപ്തംബർ എട്ട്. കൂടുതൽ വിവരങ്ങൾക്ക് വടവുകോട് ഐസിഡിഎസ് ഓഫീസിൽ പ്രവൃത്തി സമയങ്ങളിൽ ബന്ധപ്പെടാം. ഫോൺ : 0484 2730320, ഇ മെയിൽ: vadavucode155@gmail.com.

നോർത്ത് ചെല്ലാനം സഹകരണ സംഘത്തിന്റെ ആഭിമുഖ്യത്തിൽ ഓണച്ചന്ത ആരംഭിച്ചു . കെ ജെ മാക്സി എം എൽ എ ഓണചന്ത ഉദ്ഘാടനം ചെയ്തു. ചടങ്ങിൽ നോർത്ത് ചെല്ലാനം സഹകരണ സംഘം പ്രസിഡന്റ് സി ജെ ജോയി അധ്യക്ഷത വഹിച്ചു. വൈസ് പ്രസിഡന്റ് എം എം ഷാജി, സെക്രട്ടറി സി പി രാജേശ്വരി, നോർത്ത് ചെല്ലാനം പഞ്ചായത്ത് സഹകരണ സംഘം മുൻ പ്രസിഡന്റുമാരായ ടി ജെ പ്രിൻസൻ, വി ജെ നിക്സൺ, ഇ വി ആന്റണി, ചെല്ലാനം ഗ്രാമപഞ്ചായത്ത് വികസന കാര്യ സ്റ്റാന്റിംഗ് കമ്മിറ്റി ചെയർമാൻ കെ എക്സ് നിക്സൺ, വാർഡ് മെമ്പർ റോസി പെക്സി, ബോർഡ് മെമ്പർമാരായ കെ ജെ ഫ്ലോറൻഷ്യസ് , കെ കെ ഹരിദാസ്, മേരി ടീച്ചർ എന്നിവർ പങ്കെടുത്തു.

കുമ്പളങ്ങി സർവീസ് സഹകരണ ബാങ്കിന്റെ ആഭിമുഖ്യത്തിൽ കൺസ്യൂമർഫെഡിന്റെ സഹകരണത്തോടെ ഓണച്ചന്ത ആരംഭിച്ചു. കെ ജെ മാക്സി എം എൽ എ ഉദ്ഘാടനം നിർവഹിച്ചു. 13 ഇന ഉത്പന്നങ്ങൾ സബ്സിഡിയോട് കൂടിയാണ് വിതരണം ചെയ്യുന്നത്. കുമ്പളങ്ങിയിൽ തന്നെ കൃഷി ചെയ്ത ജൈവ പച്ചക്കറികളും ചന്തയിൽ ലഭ്യമാണ്.

ചടങ്ങിൽ കുമ്പളങ്ങി സർവീസ് സഹകരണ ബാങ്ക് പ്രസിഡന്റ് നെൽസൺ കോച്ചേരി അധ്യക്ഷത വഹിച്ചു .കുമ്പളങ്ങി ഗ്രാമ പഞ്ചായത്ത് പ്രസിഡന്റ് സൂസൻ ജോസഫ്,വൈസ് പ്രസിഡന്റ് പി എ സഗീർ,ജനപ്രതിനിധികളായ ഉഷ പ്രദീപ് ,ഷാജി കുറുപ്പശ്ശേരി ,ബ്രാഞ്ച് മാനേജർ എൻ ടി ഉഷ, എന്നിവർ പങ്കെടുത്തു.

കൺസ്യൂമർ ഫെഡിന്റെയും സഹകരണ സംഘങ്ങളുടെയും നേതൃത്വത്തിൽ ജില്ലയിൽ ഓണവിപണികൾ സജീവം. 

വടവുകോട് ഫാർമേഴ്സ് കോപ്പറേറ്റീവ് ബാങ്കിൽ നടന്ന ചടങ്ങിൽ കൺസ്യൂമർഫെഡ് ഓണവിപണികളുടെ ജില്ലാതല ഉദ്ഘാടനം പി.വി ശ്രീനിജിൻ എം.എൽ.എ നിർവഹിച്ചു.

ജയ അരി, കുറുവ അരി, കുത്തരി, പച്ചരി, പഞ്ചസാര, ഉഴുന്ന്, ചെറുപയർ, കടല, വൻപയർ, തുവരപ്പരിപ്പ്, മുളക്, മല്ലി, വെളിച്ചെണ്ണ എന്നിങ്ങനെ 13 ഇനം നിത്യോപയോഗ സാധനങ്ങൾ സബ്‌സിഡി നിരക്കിലാണ് വിപണിയിലേക്ക് എത്തിക്കുന്നത്. ജില്ലയിൽ ത്രിവേണി മുഖേന 14 വിപണികളും സഹകരണ സംഘങ്ങൾമുഖേന 159 വിപണികളുമാണ് നടത്തുന്നത്.

സമുദ്ര മേഖലയുമായി ബന്ധപ്പെട്ട സാമ്പത്തിക, പാരിസ്ഥിതിക വിഷയങ്ങളില്‍ സമഗ്ര വിവരശേഖരണത്തിന് കേന്ദ്ര സാമ്പത്തിക സ്ഥിതിവിവരക്കണക്ക് പദ്ധതി നിര്‍വ്വഹണ മന്ത്രാലയം നടപടികള്‍ ആരംഭിച്ചു. ഇതിന്റെ ഭാഗമായി കേരളത്തില്‍ ആദ്യമായി ദേശീയതല ശില്പശാല സംഘടിപ്പിക്കുന്നു.