നാഷണല്‍ സ്റ്റോക്ക് എക്‌സ്‌ചേഞ്ച് ഓഫ് ഇന്ത്യയും, സെക്യൂരിറ്റീസ് ആന്‍ഡ് എക്‌സ്ചേഞ്ച് ബോര്‍ഡ് ഓഫ് ഇന്ത്യയും സംയുക്തമായി  ജില്ലാ പ്ലാനിംഗ് ഓഫീസിലെ  കോണ്‍ഫറന്‍സ് ഹാളില്‍  സെപ്റ്റംബര്‍ ഒമ്പതിന് ഉച്ചയ്ക്ക് 2.30 മുതല്‍ 4.30 വരെ റീജിയണല്‍ ഇന്‍വെസ്റ്റര്‍ സെമിനാര്‍ ഫോര്‍ അവയര്‍നെസ്  നടത്തും.
 

 സി-ഡിറ്റില്‍   എന്റെ കേരളം, വിജ്ഞാന കേരളം പദ്ധതിയിലേക്ക്  താത്കാലിക അടിസ്ഥാനത്തില്‍ സ്‌റ്റൈപ്പന്റോടെ ഡിസൈനര്‍ ഇന്റേണ്‍ഷിപ്പിനെ നിയമിക്കുന്നതിന് വാക്-ഇന്‍-ഇന്റര്‍വ്യൂ നടത്തും.    യോഗ്യത: ബിഎഫ്എ അല്ലെങ്കില്‍ ബിഎ/ബിഎസ്സി (ആനിമേഷന്‍/ഡിസൈന്‍) അല്ലെങ്കില്‍ ഏതെങ്കിലും വിഷയത്തില്‍ ബിരുദവും ആനിമേഷന്‍/ഡിസൈനില്‍ ബിരുദാനന്തര ഡിപ്ലോമയും. പോര്‍ട്ട്‌ഫോളിയോ (ലേഔട്ട്, ബ്രാന്‍ഡിംഗ്, ചിത്രീകരണം, ടൈപ്പോഗ്രാഫി), അഡോബ് ക്രിയേറ്റീവ് സ്യൂട്ട് (ഫോട്ടോഷോപ്പ്, ഇല്ലസ്‌ട്രേറ്റര്‍, ഇന്‍ഡിസൈന്‍), വിഷ്വല്‍ സ്റ്റോറിടെല്ലിംഗ്, ക്രീയേറ്റിവിറ്റി, ഡിസൈനിംഗ് എന്നിവയിലുള്ള കഴിവ് അഭികാമ്യം.

തദ്ദേശ സ്വയംഭരണ സ്ഥാപനങ്ങളുടെ 2025-26 വാര്‍ഷിക പദ്ധതിയിലുള്‍പ്പെട്ട 15 പദ്ധതികള്‍ക്ക് ജില്ലാതല വിദഗ്ധസമിതി അംഗീകാരംനല്‍കി.  നൂതന പദ്ധതികള്‍ ചര്‍ച്ചചെയ്യുന്ന യോഗത്തില്‍ 16 പദ്ധതികളാണ് പരിഗണിച്ചത്. ബ്ലോക്ക് പഞ്ചായത്തുകളായ ചവറ, മുഖത്തല, ചടയമംഗലം, ആലപ്പാട് ഗ്രാമപഞ്ചായത്ത് എന്നിവയുടെ രണ്ട് പദ്ധതികള്‍ വീതവും കൊല്ലം കോര്‍പ്പറേഷന്‍, കൊട്ടാരക്കര, ഓച്ചിറ, വെട്ടിക്കവല, പട്ടാഴി വടക്കേക്കര, അഞ്ചല്‍ മുന്നോട്ടുവെച്ച ഓരോ പദ്ധതികള്‍വീതവും അംഗീകരിച്ചു. പോരുവഴി ഗ്രാമപഞ്ചായത്തിന്റെ ക്യാന്‍സര്‍ രോഗികള്‍ക്ക് ധനസഹായംനല്‍കുന്ന പദ്ധതി കോ-ഓര്‍ഡിനേഷന്‍ കമ്മിറ്റിയുടെ പരിഗണനയ്ക്ക് നല്‍കി.

കുടുംബശ്രീ ജില്ലാതല ഓണവിപണനമേള നെടുമണ്‍കാവ് പഞ്ചായത്ത് കോംപ്ലക്‌സ് ഗ്രൗണ്ടില്‍ ഓഗസ്റ്റ് 27ന് വൈകിട്ട് 5.30ന് ധനകാര്യ വകുപ്പ് മന്ത്രി കെ എന്‍ ബാലഗോപാല്‍ ഉദ്ഘാടനം ചെയ്യും. കരീപ്ര ഗ്രാമപഞ്ചായത്ത് പ്രസിഡന്റ് എസ്.എസ്.സുവിധ അധ്യക്ഷയാകും. കൊട്ടാരക്കര ബ്ലോക്ക് പഞ്ചായത്ത് പ്രസിഡന്റ് എ.അഭിലാഷ് ആദ്യവില്പന നടത്തും. അത്തപൂക്കള മത്സരം, ഗാനമേള തുടങ്ങി വിവിധ കലാ-സാംസ്‌കാരിക പരിപാടികളും അരങ്ങേറും.
കുടുംബശ്രീ സംസ്ഥാന മിഷന്‍ ആവിഷ്‌ക്കരിച്ച പോക്കറ്റ് മാര്‍ട്ട് ദ കുടുംബശ്രീ സ്റ്റോറിലൂടെ ഓര്‍ഡര്‍ ചെയ്ത ഓണം ഹാമ്പറുകളുടെ എണ്ണം സംസ്ഥാനത്ത് 5000 കഴിഞ്ഞു, 1057 ഓര്‍ഡറുകളുമായി ഒന്നാമതാണ് കൊല്ലം ജില്ല.

ഓണക്കാലത്തെ വിപണി ഇടപെടലിന്റെ ഭാഗമായി കേരള സ്‌റ്റേറ്റ് സിവിൽ സപ്ലൈസ് കോർപറേഷൻ (സപ്ലൈകോ) ഒരുക്കിയ ഓണം ഫെയറിന് കണ്ണൂർ ജില്ലയിൽ തുടക്കമായി. കണ്ണൂർ താലൂക്ക് കോൺഫറൻസ് ഹാളിൽ രജിസ്ട്രേഷൻ, മ്യൂസിയം, പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി സപ്ലൈകോ ഓണം ഫെയറിന്റെ ജില്ലാതല ഉദ്ഘാടനം നിർവഹിച്ചു. ഓണക്കാലത്ത് വിലക്കയറ്റം തടയാൻ സമഗ്രമായ ഇടപെടലുകളാണ് സർക്കാർ നടത്തുന്നതെന്നും അല്ലലില്ലാതെ ഓണം ആഘോഷിക്കുകയാണ് ഇത്തരം ഓണം ഫെയറുകളുടെ ലക്ഷ്യമെന്നും മന്ത്രി പറഞ്ഞു. 

കണ്ണൂർ ജില്ലയിലെ തൃപ്പങ്ങോട്ടൂർ ഗ്രാമപഞ്ചായത്തിനെയും കോഴിക്കോട് ജില്ലയിലെ നാദാപുരം ഗ്രാമപഞ്ചായത്തിനെയും ബന്ധിപ്പിക്കുന്ന ചെറ്റക്കണ്ടി പാലത്തിന്റെ അറ്റകുറ്റപ്പണികൾ നടക്കുന്നതിനാൽ സെപ്റ്റംബർ എട്ട് മുതൽ സെപ്റ്റംബർ 23 വരെ  ഇതുവഴിയുള്ള വാഹനഗതാഗതം പൂർണമായും നിരോധിച്ചതായി കണ്ണൂർ പൊതുമരാമത്ത് പാലങ്ങൾ ഉപവിഭാഗം അസി. എക്‌സിക്യൂട്ടീവ് എഞ്ചിനീയർ അറിയിച്ചു. വാഹനങ്ങൾ മുണ്ടത്തോട് വഴിയോ പെരിങ്ങത്തൂർ വഴിയോ പോകണം. ഫോൺ: 0497 2700310

മലബാർ ദേവസ്വം ബോർഡ് തലശ്ശേരി അസി. കമ്മീഷണറുടെ ഔദ്യോഗിക ആവശ്യങ്ങൾക്കായി മാസത്തിൽ ശരാശരി 1000 കിലോമീറ്റർ യാത്ര ചെയ്യുന്നതിനായി ടാക്‌സി പെർമിറ്റുള്ള ഏഴ് സീറ്റ് വാഹനം ഡ്രൈവറടക്കം നൽകുന്നതിന് ക്വട്ടേഷൻ ക്ഷണിച്ചു. ഏഴ് വർഷത്തിൽ താഴെ പഴക്കമുള്ള വാഹനം മാസവാടക നിരക്കിൽ ഒരുവർഷത്തേക്കാണ് ലഭിക്കേണ്ടത്. ക്വട്ടേഷനുകൾ സെപ്റ്റംബർ 18 ന് ഉച്ചയ്ക്ക് രണ്ട് മണിക്കകം മലബാർ ദേവസ്വം ബോർഡ് അസിസ്റ്റന്റ് കമ്മീഷണറുടെ ഓഫീസിൽ ലഭിക്കണം. ഫോൺ: 0490 2321818

കണ്ണൂർ ഗവ. ഐ.ടി.ഐയിൽ നടത്തുന്ന ഫയർ ആൻഡ് സേഫ്റ്റി, ഓയിൽ ആൻഡ് ഗ്യാസ് ടെക്‌നോളജി, എയർപോർട്ട് മാനേജ്‌മെന്റ് വിത്ത് സപ്ലൈ ചെയിൻ ലോജിസ്റ്റിക്‌സ്, ഡിജിറ്റൽ മാർക്കറ്റിങ്ങ് വിത്ത് എ ഐ ഡിപ്ലോമ കോഴ്‌സുകളിലേക്ക് അപേക്ഷ ക്ഷണിച്ചു. ഫോൺ: 8301098705

കണ്ണൂർ ഗവ. വനിത ഐ.ടി.ഐയിൽ ഐ എം സി യുടെ ആഭിമുഖ്യത്തിൽ പത്താം ക്ലാസ് മുതൽ യോഗ്യതയുള്ളവർക്ക് തൊഴിലധിഷ്ഠിത എയർ കാർഗോ ഷിപ്പിംഗ് ആൻഡ് ലോജിസ്റ്റിക് മാനേജ്മെന്റ്, എയർലൈൻ ഹോസ്പിറ്റാലിറ്റി ആൻഡ് ട്രാവൽ മാനേജ്മെന്റ് (ഏവിയേഷൻ), ഇന്റർനാഷണൽ ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ, എ സി മെക്കാനിക്ക് കോഴ്സുകളിലേക്ക് അഡ്മിഷൻ ആരംഭിച്ചു. ഫോൺ: 8921512459