ഓണക്കാലത്ത് അവശ്യസാധനങ്ങള്‍ വിലക്കുറവില്‍ ലഭ്യമാക്കാനും പൊതുവിപണിയില്‍ ന്യായ വില ഉറപ്പാക്കുന്നതിനുമായി സപ്ലൈകോയുടെ ജില്ലാ ഓണം ഫെയറിന് തുടക്കമായി. ഓണം ഫെയര്‍ ഉദ്ഘാടനവും ആദ്യ വില്പനയും കോര്‍പ്പറേഷന്‍ മേയര്‍ ഡോ. ബീന ഫിലിപ്പ് നിര്‍വഹിച്ചു. സപ്ലൈകോയുടെ സഞ്ചരിക്കുന്ന ഓണച്ചന്തയുടെ ഫ്‌ലാഗ് ഓഫ് ജില്ലാ പഞ്ചായത്ത് വൈസ് പ്രസിഡന്റ് പി ഗവാസ് നിര്‍വഹിച്ചു. 

 
ഓണത്തോടനുബന്ധിച്ചു നടത്തുന്ന സഞ്ചരിക്കുന്ന മാവേലി ഓഗസ്റ്റ് 31വരെ  ജില്ലയിലെ വിവിധയിടങ്ങളിൽ എത്തുമെന്ന് സപ്ലൈകോ ഡിപ്പോ മാനേജര്‍ അറിയിച്ചു. 
ഇന്ന് (ഓഗസ്റ്റ് 27) പയ്യാനക്കല്‍, ഗോതീശ്വരം (കോഴിക്കോട് സൗത്ത്), 28ന് വെള്ളയില്‍, പുതിയാപ്പ (കോഴിക്കോട് നോര്‍ത്ത്), എലത്തൂര്‍, 29ന് വഴിപോക്ക്, പാലാഴി -(കോഴിക്കോട് സൗത്ത്), 30ന് കൊളത്തറ, പൊക്കുന്ന് (ബേപ്പൂര്‍, കോഴിക്കോട് സൗത്ത്),  31ന് കാരപറമ്പ്, വെസ്റ്റ് ഹില്‍ (കോഴിക്കോട് നോര്‍ത്ത്) എന്നിവിടങ്ങളിലാണ് എത്തുക.

മനുഷ്യാവകാശ കമ്മീഷന്‍ ആക്ടിംഗ് ചെയര്‍പേഴ്‌സണും ജുഡീഷ്യല്‍ അംഗവുമായ കെ ബൈജുനാഥ് കോഴിക്കോട് പിഡബ്ല്യുഡി റെസ്റ്റ് ഹൗസില്‍ നടത്തിയ സിറ്റിംഗില്‍ 35 പരാതികള്‍ തീര്‍പ്പാക്കി. 200 കേസുകളാണ് പരിഗണിച്ചത്. ബാക്കി കേസുകള്‍ തുടര്‍ നടപടികള്‍ക്കായി മാറ്റിവെച്ചു. പോലീസ്, മാലിന്യപ്രശ്‌നം ഉള്‍പ്പെടെയുള്ള വിവിധ വിഷയങ്ങളില്‍ പരാതികള്‍ കമ്മീഷനു മുന്‍പാകെ വന്നു.

        2025 ലെ ഓണാഘോഷ ഘോഷയാത്രയിൽ വനിത ശിശുവികസന വകുപ്പിന്റെ ഫ്ലോട്ടുകൾ തയാറാക്കുന്നതിനായി അക്രഡിറ്റഡ് എംപാനൽഡ് ഏജൻസികളിൽ നിന്നും ക്വട്ടേഷനുകൾ ക്ഷണിച്ചു. ക്വട്ടേഷൻ സ്വീകരിക്കുന്ന അവസാന തീയതി ഓഗസ്റ്റ് 29.

വടകരയിലെ ടൂറിസം കേന്ദ്രമായ സാന്‍ഡ് ബാങ്ക്‌സ് പരിസത്ത് വഴിയോര കച്ചവട മാര്‍ക്കറ്റ് ഒരുക്കി വടകര നഗരസഭ. നഗരത്തിലെ വഴിയോര കച്ചവടക്കാരുടെ ജീവനോപാധി സംരക്ഷിക്കുക, ക്ഷേമം ഉറപ്പു വരുത്തുക, നഗര സൗന്ദര്യവല്‍ക്കരണം തുടങ്ങിയ ലക്ഷ്യത്തോടെ ആരംഭിച്ച പദ്ധതിയുടെ ഭാഗമായാണ് നഗരത്തിലെ വഴിയോര കച്ചവടക്കാര്‍ക്ക് സാന്റ്ബാങ്ക്‌സ് പരിസരത്ത് ഉന്തുവണ്ടികള്‍ സജ്ജമാക്കിയത്.

ഓണാഘോഷത്തോടനുബന്ധിച്ചുള്ള ഫ്ലോട്ട് അവതരിപ്പിക്കുന്നതിന് സാമൂഹ്യ നീതി വകുപ്പ് ഏജൻസി / പിആർ ഏജൻസി എന്നിവരിൽ നിന്നും താല്പര്യപത്രം ക്ഷണിച്ചു.

കൊയിലാണ്ടി സപ്ലൈകോ ഡിപ്പോയ്ക്ക് കീഴിലെ സഞ്ചരിക്കുന്ന ഓണച്ചന്ത  കൊയിലാണ്ടി സബ് ഇന്‍സ്‌പെക്ടര്‍ ആര്‍ സി ബിജു ഫ്‌ലാഗ് ഓഫ് ചെയ്തു.   കൊയിലാണ്ടിയിലെ പുറക്കാടാണ് ആദ്യദിനം ഓണച്ചന്ത പ്രവര്‍ത്തിച്ചത്. 

ഇന്ന് (ഓഗസ്റ്റ്  27) കുരുടിമുക്ക്, പൂതേരിപ്പാറ, ഏക്കാട്ടൂര്‍, 29 ന് ഊരള്ളൂര്‍ ടൗൺ, ചാത്തോത്ത് താഴെ, തോടത്താംകണ്ടി, കിഴക്കന്‍ പേരാമ്പ്ര, 30 ന് തുരുത്തിയാട്, മടിയറക്കുന്ന്, എരമംഗലം, പാറമ്മല്‍ ബസാര്‍, കണ്ണാടിപൊയില്‍ ടൗണ്‍, 31ന് വാകയാട് ടൗണ്‍, മൂലാട് ടൗണ്‍, സെപ്റ്റംബര്‍ ഒന്നിന് കണ്ണന്‍കാവ്, മുച്ചുകുന്ന്, തിക്കോടി എന്നിവിടങ്ങളിലാണ് ഓണച്ചന്ത പ്രവര്‍ത്തിക്കുക.
 

താമരശ്ശേരി കൊയിലാണ്ടി-എടവണ്ണ സംസ്ഥാനപാതയിലെ കൂടത്തായി പാലത്തിന്റെ അപകടാവസ്ഥ വിലയിരുത്തുന്നതിന് കേരള ഹൈവേ റിസർച്ച് ഇൻസ്റ്റിറ്റ്യൂട്ടിലെ (കെഎച്ച്ആർഐ) വിദഗ്ധ സംഘം പരിശോധന നടത്തി. പൊതുമരാമത്ത് വകുപ്പ് മന്ത്രി പി എ മുഹമ്മദ്‌ റിയാസിന്റെ നിർദേശ പ്രകാരമാണ് സംഘം എത്തിയത്.

സ്‌പോട്ട് അഡ്മിഷന്‍ 29 ന്

പേരാമ്പ്ര ഗവ ഐടിഐയില്‍ വിവിധ ട്രേഡുകളിൽ ഒഴിവുള്ള സീറ്റിലേക്ക് ഓഗസ്റ്റ് 29 ന് സ്‌പോട്ട് അഡ്മിഷന്‍ നടത്തും.   അപേക്ഷകർ രാവിലെ 10.30 ന് ഒറിജിനല്‍ സര്‍ട്ടിഫിക്കറ്റുകള്‍, ടിസി കൈവശമുള്ളവര്‍ ആയത് സഹിതം 262 രൂപ ഫീസ് ഉള്‍പ്പെടെ പേരാമ്പ്ര ഐടിഐയിൽ എത്തണം. ഫോണ്‍: 9400127797, 9496918562.

സീറ്റൊഴിവ്

സംസ്ഥാന സര്‍ക്കാരിന്റെ ഓണാഘോഷം മാവേലിക്കസ് 2025 നോടനുബന്ധിച്ച് സെപ്റ്റംബര്‍ രണ്ട്, മൂന്ന്, നാല് തീയതികളിലായി കോഴിക്കോട് നാടകോത്സവത്തിന് അരങ്ങൊരുങ്ങുന്നു. ടൗണ്‍ഹാളില്‍ എം ടി വാസുദേവന്‍ നായരുടെ ചിരസ്മരണക്ക് സര്‍ഗാഭിവാദ്യമായി സബര്‍മതി ഒരുക്കിയ 'എം ടി, എഴുത്തിന്റെ ആത്മാവ്' ദൃശ്യശില്പത്തോടെയാണ് നാടകോത്സവത്തിന് തുടക്കമാകുക. എം ടി രചനകളിലെ കഥാപാത്രങ്ങളും മുഹൂര്‍ത്തങ്ങളും നിറഞ്ഞു നില്‍കുന്നതാണ് സബര്‍മതി തിയേറ്റര്‍ വില്ലേജ് അവതരിപ്പിക്കുന്ന നാടകം.