ജില്ലാ പദ്ധതി രൂപീകരണവുമായി ബന്ധപ്പെട്ട് പ്ലാനിംഗ് അസിസ്റ്റന്‍റ് തസ്തികയില്‍ താത്ക്കാലിക അടിസ്ഥാനത്തില്‍ നിയമിക്കുന്നതിന് ഈ മാസം 20ന് വാക്ക് ഇന്‍ ഇന്‍റര്‍വ്യൂ നടക്കും. ജ്യോഗ്രഫി/ജിയോളജിയില്‍ ബിരുദാനന്തര ബിരുദമോ തത്തുല്യ യോഗ്യതയും ജിഐഎസ് സോഫ്റ്റ് വെയറില്‍ പ്രാവീണ്യവും അല്ലെങ്കില്‍ റിമോട്ട് സെന്‍സിംഗില്‍ ബിരുദമോ അല്ലെങ്കില്‍ ജിഐഎസ് ആപ്ലിക്കേഷനില്‍ പ്രാവീണ്യമുള്ള സമാനമായ ബിരുദമോ ഉള്ളവര്‍ രാവിലെ 10ന് പത്തനംതിട്ട മിനി സിവില്‍ സ്റ്റേഷനില്‍ മൂന്നാം നിലയില്‍ പ്രവര്‍ത്തിക്കുന്ന നഗരാസൂത്രകന്‍റെ കാര്യാലയത്തില്‍ എത്തണം. ഫോണ്‍.0468 2222435. 

(പിഎന്‍പി 3079/17)

പട്ടികജാതി വികസന വകുപ്പ് പന്തളം ഐറ്റിഐയില്‍ എംപ്ലോയബിലിറ്റി സ്കില്‍സ് പഠിപ്പിക്കുന്നതിന് താത്ക്കാലിക അധ്യാപകന്‍റെ ഒഴിവിലേക്ക് അപേക്ഷിക്കാം. എംബിഎ/ ബിബിഎ ബിരുദവും കംപ്യൂട്ടര്‍ പരിജ്ഞാനവുമാണ് യോഗ്യത. താത്പര്യമുള്ളവര്‍ അസല്‍ സര്‍ട്ടിഫിക്കറ്റുകളുമായി ഈ മാസം 20ന് രാവിലെ 10ന് പന്തളം ചേരിക്കലിലുള്ള ഐറ്റിഐ ഓഫീസില്‍ ഹാജരാകണം. കൂടുതല്‍ വിവരങ്ങള്‍ക്ക് ഫോണ്‍: 04734 252243. 

(പിഎന്‍പി 3078/17)  
 

മാരക കീടനാശിനികളുടെ അമിത ഉപയോഗം നിയന്ത്രിക്കുന്നതിന് കാര്‍ഷിക വികസന കര്‍ഷക ക്ഷേമ വകുപ്പ് ഈ മാസം 18 വരെ കാമ്പയിന്‍ നടത്തും. ഗാര്‍ഹിക കീടനിയന്ത്രണത്തിനുള്ള കീടനാശിനി ഉല്‍പ്പന്നങ്ങളുടെ വിതരണത്തിലും വില്പ്പനയിലും നിയന്ത്രണം ഏര്‍പ്പെടുത്തുന്നതിന്‍റെ ഭാഗമായി കൃഷിവകുപ്പിന്‍റെ ഗുണനിലവാര എന്‍ഫോഴ്സ്മെന്‍റാണ് കാമ്പയിന്‍ നടത്തുന്നത്. ഗാര്‍ഹിക കീടനാശിനികളെ സംബന്ധിച്ച് പൊതുജനങ്ങളുടെയും വില്പ്പന വിതരണക്കാരുടെയും ഇടയില്‍ ആവശ്യമായ അവബോധം സൃഷ്ടിക്കുകയാണ് കാമ്പയിന്‍റെ ലക്ഷ്യം. 

വിദ്യാര്‍ഥികള്‍ പ്ലാസ്റ്റിക് വിരുദ്ധ സന്ദേശ വാഹകരാകണമെന്ന് വീണാജോര്‍ജ് എംഎല്‍എ പറഞ്ഞു. മിഷന്‍ ഗ്രീന്‍ ശബരിമല പദ്ധതിയുടെ ഭാഗമായി പമ്പയില്‍ മാലിന്യ മുക്ത സന്ദേശം പ്രചരിപ്പിക്കുന്നതിനായി ഹയര്‍ സെക്കന്‍ഡറി വിദ്യാര്‍ഥികള്‍ നടത്തുന്ന പ്രചാരണ പരിപാടി പത്തനംതിട്ട കെ.എസ്.ആര്‍.ടി.സി സ്റ്റാന്‍ഡിന് സമീപം ഫ്ളാഗ് ഓഫ്     ചെയ്യുകയായിരുന്നു എംഎല്‍എ. ശബരിമല തീര്‍ഥാടത്തോടനുബന്ധിച്ച് നടപ്പാക്കുന്ന മിഷന്‍ ഗ്രീന്‍ ശബരിമല പദ്ധതി പ്രകൃതി സംരക്ഷണത്തെക്കുറിച്ചുള്ള പുതിയ ഉള്‍ക്കാഴ്ച നല്‍കുമെന്നും എംഎല്‍എ പറഞ്ഞു.

കിര്‍ത്താഡ്സിന്‍റെ ആഭിമുഖ്യത്തില്‍ നടത്തുന്ന 35-ാമത് സംസ്ഥാനതല തലയ്ക്കല്‍ ചന്തു സ്മാരക അമ്പെയ്ത്ത് മത്സരത്തില്‍ പങ്കെടുക്കുന്നതിന് അപേക്ഷിക്കാം. 18 വയസ്സിന് മുകളില്‍ പ്രായമുള്ള പട്ടികവര്‍ഗ സമുദായത്തില്‍പ്പെട്ട വ്യക്തികളായിരിക്കണം അപേക്ഷകര്‍. ഒരു ടീമില്‍ നാലു പേരാണുള്ളത്. അപേക്ഷ ഈ മാസം 20നകം   ഡെപ്യൂട്ടി ഡയറക്ടര്‍, (പരിശീലനം), ഡയറക്ടറേറ്റ് ഓഫ് കിര്‍ത്താഡ്സ്, ചേവായൂര്‍ പി.ഒ, കോഴിക്കോട് 673017 എന്ന വിലാസത്തില്‍ ലഭിക്കണം.

വ്യാജ ജാതി സര്‍ട്ടിഫിക്കറ്റ് ഉപയോഗിച്ച് സര്‍ക്കാര്‍ ജോലി നേടിയതായുള്ള പരാതിയിേډല്‍ 31 പേര്‍ക്കെതിരെ സ്പെഷ്യല്‍ ബ്രാഞ്ച് അന്വേഷണം നടത്തി റിപ്പോര്‍ട്ട് നല്‍കാന്‍ സംസ്ഥാന പട്ടികജാതി ഗോത്ര കമ്മീഷന്‍ ചെയര്‍മാന്‍ ജഡ്ജ് പി.എന്‍.വിജയകുമാര്‍ ശുപാര്‍ശ ചെയ്തു.

പമ്പാ ജലസേചന പദ്ധതി കനാലിലൂടെ ഇന്ന് (17) മുതല്‍ ജലവിതരണം നടത്തുമെന്ന് പിഐപി എക്സിക്യൂട്ടീവ് എന്‍ജിനീയര്‍ അിറയിച്ചു.               

(പിഎന്‍പി 3074/17)

തെറ്റില്ലാതെ മലയാളം, ഇംഗ്ലീഷ്, ഹിന്ദി ഭാഷകള്‍ എഴുതാനും വായിക്കാനും പഠിപ്പിക്കുന്ന സംസ്ഥാന സാക്ഷരതാ മിഷന്റെ പച്ചമലയാളം, ഗുഡ് ഇംഗ്ലീഷ്, അച്ചീ ഹിന്ദി എന്നീ നാലുമാസ സര്‍ട്ടിഫിക്കറ്റ് കോഴ്‌സുകളിലേക്ക് 30 വരെ അപേക്ഷിക്കാം.  ഓരോ കോഴ്‌സിനും രജിസ്‌ട്രേഷന്‍ ഫീസ് 500 രൂപയും കോഴ്‌സ് ഫീസ് 2000 രൂപയുമാണ്.  ജില്ലയിലെ തെരഞ്ഞെടുത്ത ഹൈസ്‌കൂളുകളാണ് പഠനകേന്ദ്രങ്ങള്‍.  അപേക്ഷാ ഫോറവും കൂടുതല്‍ വിവരങ്ങളും സാക്ഷരതാ മിഷന്‍ വികസന/ തുടര്‍ വിദ്യാകേന്ദ്രം പ്രേരക്മാരില്‍ നിന്ന് ലഭിക്കും.  ഫോണ്‍:   0497 2707699.
പി എന്‍ സി/4345/2017

കുത്തകകളുടെ താത്പര്യങ്ങള്‍ സംരക്ഷിക്കുന്നതിന് ബദലായി സമാന്തര മാധ്യമപ്രവര്‍ത്തനത്തിന് ഇന്ത്യയില്‍ ഏറെ സാധ്യതകളുണ്ടെന്ന് വീണാജോര്‍ജ് എം എല്‍ എ പറഞ്ഞു. മാധ്യമ ദിനാചരണത്തിന്‍റെ ഭാഗമായി പി ആര്‍ ഡിയുടെയും പത്തനംതിട്ട പ്രസ്ക്ലബിന്‍റെയും സംയുക്താഭിമുഖ്യത്തില്‍  മാധ്യമ സ്വാതന്ത്ര്യം ഇന്ത്യയില്‍ വെല്ലുവിളികളും പ്രതീക്ഷകളും എന്ന വിഷയത്തില്‍  സംഘടിപ്പിച്ച മാധ്യമ സെമിനാര്‍ ഉദ്ഘാടനം ചെയ്യുകയായിരുന്നു അവര്‍. പത്രപ്രവര്‍ത്തനത്തെ വളരെ താത്പര്യത്തോടെ സ്വേച്ഛയാല്‍ തിരഞ്ഞെടുത്തിരുന്ന തലമുറ ഇന്നില്ല.

പയ്യന്നൂര്‍ നിയോജകമണ്ഡലത്തിലെ 96 ബൂത്തുകളില്‍ ആദ്യഘട്ടത്തില്‍ സ്മാര്‍ട്ട് ഫോണ്‍ ഉപയോഗിച്ച് ബൂത്ത് തല ഉദ്യോഗസ്ഥര്‍ വിവരശേഖരണം നടത്തുന്നു. ഇതിനായി തെരഞ്ഞെടുപ്പ് കമ്മീഷന്റെ പ്രത്യേക ആന്‍ഡ്രോയിഡ് അപ്ലിക്കേഷന്റെ ഉപയോഗം സംബന്ധിച്ച പരിശീലനം ഇതിനകം പൂര്‍ത്തിയായി.  ഇന്ത്യന്‍ തെരഞ്ഞെടുപ്പ് കമ്മീഷന്റെ നിര്‍ദ്ദേശ പ്രകാരം കേരളത്തില്‍ 5 നിയോജകമണ്ഡലങ്ങളിലാണ് ഇപ്രകാരം സ്മാര്‍ട്ട് ഫോണ്‍ ഉപയോഗിച്ച്  ബി.എല്‍.ഒ മാര്‍ വിവരശേഖരണം നടത്തുന്നത്. കണ്ണൂര്‍ ജില്ലയില്‍ പയ്യന്നൂര്‍ നിയോജകമണ്ഡലമാണ് ഇതിനായി തെരഞ്ഞെടുക്കപ്പെട്ടിട്ടുള്ളത്.
പി എന്‍ സി/4341/2017