കേരള സംസ്ഥാന ചലച്ചിത്ര അക്കാദമി ഒക്ടോബര്‍ 16, 17, 18, 19 തീയതികളില്‍ തലശ്ശേരി ലിബര്‍ട്ടി തിയേറ്റര്‍ സമുച്ചയത്തില്‍ സംഘടിപ്പിക്കുന്ന തലശ്ശേരി ഇന്റര്‍നാഷണല്‍ ചലച്ചിത്രമേളയുടെ  (TIFF) സംഘാടക സമിതി രൂപീകരിച്ചു. യോഗം നിയമസഭ സ്പീക്കർ അഡ്വ. എ.എൻ ഷംസീർ ഉദ്ഘാടനം ചെയ്തു. ചലച്ചിത്ര അക്കാദമി ചെയർമാൻ പ്രേംകുമാർ അധ്യക്ഷനായി.

കല്‍പ്പറ്റ നഗരസഭയിലെ ഗൂഡലായി വാട്ടര്‍ടാങ്ക് ക്ലീന്‍ ചെയ്യുന്നതിന്റെ ഭാഗമായി സെപ്റ്റംബര്‍ 15 ന് ഗൂഢാലയ്ക്കുന്ന്, കൈരളി നഗര്‍, ഗൂഡലായി മുനിസിപ്പാലിറ്റി, എസ്.കെ.എം .ജെ സ്‌കൂള്‍ പരിസരം, ബ്ലോക്ക് ഓഫീസ് പരിസരം, കച്ചേരികുന്ന് പരിസരം, ചന്ത റോഡ്, ലിയോ ഹോസ്പിറ്റല്‍ പരിസരം, പുല്‍പ്പാറ, റാട്ടക്കൊല്ലി, റാട്ടക്കൊല്ലി ഓള്‍ഡ് ലൈന്‍ ബൈപ്പാസ് റാട്ടക്കൊല്ലി, പുത്തൂര്‍വയല്‍ - മാങ്ങാവയല്‍ - മഞ്ഞളാംകൊല്ലി- വിനായക കോളനി, ചുഴലി -മില്‍മ റോഡ് -പുറക്കാട്ട്കുന്ന്, ഓണിവയല്‍ - കൈതക്കൊല്ലി - കോഫി ബോര്‍ഡ്, മടിയൂര്‍കുന്ന്, വെള്ളാരംകുന്ന്, അറ്റ്‌ലെഡ്, കൈതക്കൊല്ലി, അയ്യപ്പഅമ്പല പരിസര പ്രദേശങ്ങളില്‍ ജലവിതരണം തടസ്സപ്പെടും.

അമീബിക് മസ്തിഷ്ക ജ്വരവുമായി ബന്ധപ്പെട്ട് പൊതുജനങ്ങൾ ആരോഗ്യകരമായ ശീലങ്ങൾ പാലിക്കണമെന്ന് ജില്ലാ മെഡിക്കൽ ഓഫീസർ ഡോ. പിയൂഷ്‌ എം നമ്പൂതിരിപ്പാട് അറിയിച്ചു. കുളിക്കാൻ ഉപയോഗിക്കുന്ന കിണർ വെള്ളം നിർബന്ധമായും ക്ലോറിനേറ്റ് ചെയ്യണം. വെള്ളത്തിലെ അമീബയെ നശിപ്പിക്കാൻ ക്ലോറിനേഷൻ ഫലപ്രദമാണ്. കെട്ടിക്കിടക്കുന്ന വെള്ളത്തിൽ മുങ്ങി കുളിക്കുന്നതും ഡൈവ് ചെയ്യുന്നതും  ഒഴിവാക്കണമെന്ന് ഡി എം ഒ അഭ്യർത്ഥിച്ചു.

ജില്ലാ ശിശുക്ഷേമ സമിതിയുടെ ആഭിമുഖ്യത്തില്‍ സെപ്റ്റംബര്‍ 20,21 തിയതികളില്‍ സ്വാമിനാഥന്‍ ഗവേഷണ കേന്ദ്രത്തില്‍ വിദ്യാര്‍ത്ഥികള്‍ക്കായി സംഘടിപ്പിക്കുന്ന ജില്ലാതല ശാസ്ത്ര ചരിത്ര ശില്‍പശാലയുടെ സംഘാടക സമിതി രൂപീകരിച്ചു. കല്‍പ്പറ്റ ജി.എല്‍.പി സ്‌കൂളില്‍ നടന്ന യോഗത്തില്‍ 51 അംഗ സംഘാടക സമിതിയാണ് രൂപീകരിച്ചത്. സംഘാടക സമിതി ചെയര്‍മാനായി കല്‍പ്പറ്റ നഗരസഭാ കലാ-കായിക വിദ്യാഭ്യാസ സ്റ്റാന്റിങ് കമ്മിറ്റി ചെയര്‍മാന്‍ സി.കെ ശിവരാമന്‍, വൈസ് ചെയര്‍മാന്‍മാരായി മേപ്പാടി ഗ്രാമപഞ്ചായത്ത് മെമ്പര്‍ ഡോ.

സംരംഭകര്‍ക്ക് ബാങ്കിങ് സേവനങ്ങളെക്കുറിച്ച് അവബോധം പകരാനും ബാങ്കും സംരംഭകരും തമ്മിലുള്ള ആശയവിനിമയം സുഗമമാക്കല്‍ ലക്ഷ്യമിട്ട് വൈത്തിരി താലൂക്ക് വ്യവസായ കേന്ദ്രത്തിന്റെ ആഭിമുഖ്യത്തില്‍ ബാങ്കേഴ്‌സ് മീറ്റ് സംഘടിപ്പിച്ചു. കേന്ദ്ര സൂക്ഷ്മ ചെറുകിട ഇടത്തരം വ്യവസായ മന്ത്രാലയത്തിന്റെയും സംസ്ഥാന വ്യവസായ വാണിജ്യ വകുപ്പിന്റെയും ആഭിമുഖ്യത്തില്‍ നടത്തുന്ന ലോക ബാങ്ക് പദ്ധതിയായ റൈസിംഗ് ആന്‍ഡ് ആക്‌സലേറ്റിംഗ് എം.എസ്.എം.ഇ പെര്‍ഫോര്‍മന്‍സ് റാമ്പ് പദ്ധതിയുടെ ഭാഗമായാണ് ബാങ്കേഴ്‌സ് മീറ്റ് സംഘടിപ്പിച്ചത്.

മുണ്ടയാട് 110 കെവി സബ് സ്റ്റേഷനിൽ അറ്റകുറ്റപ്പണി നടക്കുന്നതിനാൽ അഴീക്കോട്‌, മാങ്ങാട് 110 കെവി സബ്സ്റ്റേഷനുകൾ, കണ്ണൂർ ടൗൺ, പുതിയതെരു 33കെവി സബ്സ്റ്റേഷനുകൾ എന്നിവയുടെ പരിധിയിൽ സെപ്റ്റംബർ 14 ഞായറാഴ്ച രാവിലെ 8.30 മുതൽ 11.30 വരെ വൈദ്യുതി മുടങ്ങുമെന്ന് കെഎസ് ഇബി അസിസ്റ്റന്റ് എക്സിക്യൂട്ടീവ് എഞ്ചിനീയർ അറിയിയിച്ചു.

ജില്ലയിലെ വിവിധ വകുപ്പുകളില്‍ ക്ലാര്‍ക്ക് (കാറ്റഗറി നമ്പര്‍ 207/2019) തസ്തികയിലേക്ക് 2022 ഓഗസ്റ്റ് ഒന്നിന് പ്രസിദ്ധീകരിച്ച റാങ്ക് പട്ടികയുടെ കാലാവധി പൂര്‍ത്തിയായതിനാല്‍ ഓഗസ്റ്റ് ഒന്ന് മുതല്‍ റാങ്ക് പട്ടിക റദ്ദാക്കിയതായി ജില്ലാ പി.എസ്.സി ഓഫീസര്‍ അറിയിച്ചു.

ജില്ലാശിശുക്ഷേമ സമിതിയുടെ നേതൃത്വത്തിൽ സംഘടിപ്പിച്ച ശാസ്ത്ര ചരിത്ര ശിൽപശാല എം വിജിൻ എം എൽ എ ഉദ്ഘാടനം ചെയ്തു. ചാല ഗവ. ഹയർ സെക്കൻഡറി സ്കൂളിൽ നടന്ന പരിപാടിയിൽ ചെമ്പിലോട് ഗ്രാമപഞ്ചായത്ത് പ്രസിഡന്റ് കെ ദാമോദരൻ അധ്യക്ഷനായി. സംസ്ഥാന ശിശുക്ഷേമ സമിതി ജനറൽ സെക്രട്ടറി ജി എൽ അരുൺ ഗോപി ശിൽപശാലയുടെ ഉദ്ദേശ വിശദീകരണം നടത്തി.