രണ്ട് ദിവസങ്ങളിലായി തളിപ്പറമ്പ് പൂക്കോത്ത് നടയിൽ അരങ്ങേറിയ ഉത്തരമേഖല ദേശീയ നൃത്തോത്സവം 'ത്രിഭംഗി' സമാപിച്ചു. കേരള സംഗീത നാടക അക്കാദമി ജില്ലാ കേന്ദ്രകലാസമിതിയുടെയും പുരോഗമന കലാസാഹിത്യ സംഘത്തിന്റെയും സഹകരണത്തോടെ നടത്തിയ കലാ മാമാങ്കം വൻ ജനപങ്കാളിത്തം കൊണ്ട് ശ്രദ്ധേയമായി. കേരള സംഗീത നാടക അക്കാദമി സെക്രട്ടറി കരിവള്ളൂർ മുരളി പങ്കെടുത്ത എല്ലാവർക്കും സർട്ടിഫിക്കറ്റ് വിതരണം ചെയ്തു.

വിദ്യാഭ്യാസ വകുപ്പിലെ പാര്‍ട്ട് ടൈം ജൂനിയര്‍ ലാംഗ്വേജ് ടീച്ചര്‍ (അറബിക്) എല്‍പിഎസ് 8 എന്‍സിഎ എസ് സി (കാറ്റഗറി നമ്പര്‍ 185/24),  എല്‍പി സ്‌കൂള്‍ ടീച്ചര്‍ (മലയാളം മീഡിയം) ( റിക്രൂട്ട്‌മെന്റ് ബൈ ട്രാന്‍സ്ഫര്‍) (കാറ്റഗറി നമ്പര്‍ 288/24) തസ്തികകളുടെ ചുരുക്കപട്ടികയില്‍ ഉള്‍പ്പെട്ടവര്‍ക്കായി സെപ്റ്റംബര്‍ 17ന് കോട്ടയം  പി എസ് സി ജില്ലാ ഓഫീസില്‍ അഭിമുഖം നടത്തും. വണ്‍ടൈം വെരിഫിക്കേഷന്‍ സര്‍ട്ടിഫിക്കറ്റിനൊപ്പം ജനന തീയതി, ജാതി, യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റ്, വ്യക്തിവിവരകുറിപ്പ് സഹിതം അഭിമുഖത്തിന് ഹാജരാകണം. ഫോണ്‍: 0468 2222665.
 

ഏനാദിമംഗലം ഗ്രാമപഞ്ചായത്തിലെ വനിതാ  വികസന പ്രവര്‍ത്തനങ്ങള്‍, ജാഗ്രതാ സമിതി, ജിആര്‍സി എന്നിവയ്ക്കായി കമ്മ്യൂണിറ്റി വിമന്‍ ഫെസിലിറ്റേറ്ററെ നിയമിക്കുന്നു. അംഗീകൃത സര്‍വകലാശാലയില്‍ നിന്നുളള വിമന്‍ സ്റ്റഡീസ് / ജന്‍ഡര്‍ സ്റ്റഡീസ്, സോഷ്യല്‍ വര്‍ക്ക് , സൈക്കോളജി, സോഷ്യോളജി വിഷയങ്ങളില്‍ ഏതെങ്കിലും ഒന്നില്‍ ബിരുദാനന്തര ബിരുദമാണ് യോഗ്യത. പ്രായപരിധി 18-36. സര്‍ട്ടിഫിക്കറ്റുകളുടെ പകര്‍പ്പ് സഹിതം സെപ്റ്റംബര്‍ 22 ഉച്ചകഴിഞ്ഞ് മൂന്നിന് മുമ്പ് ഗ്രാമപഞ്ചായത്ത് ഓഫീസില്‍ അപേക്ഷ സമര്‍പ്പിക്കണം. ഫോണ്‍ : 04734 246031.

കെഎസ്ഇബി ഏച്ചൂർ ഇലക്ട്രിക്കൽ സെക്ഷന് കീഴിൽ എച്ച് ടി ലൈനിനു സമീപമുള്ള മരച്ചില്ലകൾ വെട്ടി മാറ്റുന്നതിനാൽ ജനശക്തി ട്രാൻസ്ഫോർമർ പരിധിയിൽ സെപ്റ്റംബർ 15 ന് രാവിലെ എട്ടുമണി മുതൽ 11 വരെയും ചേലോറ, പെരിങ്ങലായി, റിഷീശ്വരം ടെമ്പിൾ, ശ്രീറോഷ് 1, 2, 3 എന്നീ ട്രാൻസ്ഫോർമർ പരിധിയിൽ രാവിലെ പത്ത് മണി മുതൽ ഉച്ച മൂന്ന് വരെയും വൈദ്യുതി മുടങ്ങും.

കേരള സ്റ്റേറ്റ് റൂട്രോണിക്‌സിന്റെ റാന്നി പഠന കേന്ദ്രത്തില്‍ സര്‍ക്കാര്‍ അംഗീകൃത കമ്പ്യൂട്ടര്‍ കോഴ്‌സുകളിലേക്ക് അപേക്ഷ ക്ഷണിച്ചു. വനിതകള്‍ക്കും ബി. പി. എല്‍ കാര്‍ഡ് ഉടമകള്‍ക്കും നിയമാനുസൃത ഫീസിളവ്. ഫോണ്‍ : 9656923100 , 9633460025
 

കെ.എസ്.ആർ.ടി.സി പയ്യന്നൂർ യൂണിറ്റ് ബജറ്റ് ടൂറിസം സെല്ലിൻ്റെ നേതൃത്വത്തിൽ  സെപ്റ്റംബർ 19 ന്  പഞ്ചപാണ്ഡവ ക്ഷേത്ര തീർത്ഥയാത്ര സംഘടിപ്പിക്കുന്നു. രാവിലെ അഞ്ച് മണിയോടെ പയ്യന്നൂരിൽ നിന്നും പുറപ്പെട്ട് 21-ന് പുലർച്ചെ തിരിച്ചെത്തുന്ന വിധമാണ് യാത്ര ക്രമീകരിച്ചിരിക്കുന്നത്. പഞ്ച പാണ്ഡവ ക്ഷേത്രങ്ങൾക്ക് പുറമെ ചോറ്റാനിക്കര ദേവി ക്ഷേത്രം, വൈക്കം മഹാദേവ ക്ഷേത്രം, ഏറ്റുമാനൂർ മഹാദേവ ക്ഷേത്രം, അമ്പലപ്പുഴ ശ്രീകൃഷ്ണ ക്ഷേത്രം, മണ്ണാറശാല നാഗരാജ ക്ഷേത്രം എന്നിവയും ആറന്മുള വള്ള സദ്യയും പാക്കേജിൽ ഉൾപ്പെടുത്തിയിട്ടുണ്ട്.

ഏനാദിമംഗലം ഗ്രാമപഞ്ചായത്ത് അസിസ്റ്റന്റ് എഞ്ചിനീയറുടെ കാര്യാലയത്തിലേക്ക് ക്ലാര്‍ക്കിനെ ദിവസവേതനാടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു. അടിസ്ഥാന യോഗ്യത പ്ലസ് ടു, കമ്പ്യൂട്ടര്‍ പരിജ്ഞാനം (മലയാളം വേഡ് പ്രൊസസിംഗ് അറിയുന്നവര്‍ക്ക് മുന്‍ഗണന). രേഖകളുടെ സാക്ഷ്യപ്പെടുത്തിയ പകര്‍പ്പ് സഹിതം സെപ്റ്റംബര്‍ 20ന് മുമ്പ് അപേക്ഷ ഗ്രാമപഞ്ചായത്ത് ഓഫീസില്‍ സമര്‍പ്പിക്കണം. ഫോണ്‍ : 04734 246031.

അടൂര്‍-പട്ടാഴി റോഡിന്റെ ടാറിംഗ് പ്രവൃത്തികള്‍ ആരംഭിച്ചതിനാല്‍ സെപ്റ്റംബര്‍ 17 വരെ വാഹന ഗതാഗതത്തിന് നിരോധനം ഏര്‍പ്പെടുത്തി. പട്ടാഴി ഭാഗത്തേക്ക് പോകുന്ന വാഹനങ്ങള്‍ ഏഴകുളം -മാങ്കൂട്ടം -കൈതപറമ്പ് വഴി ചെളിക്കുഴി ഭാഗത്തേക്കും അടൂര്‍ ഭാഗത്തേക്ക് വരുന്ന വാഹനങ്ങള്‍ ചെളികുഴി-കൈതപറമ്പ് - മാങ്കൂട്ടം -ഏഴംകുളം വഴിയും തിരിഞ്ഞുപോകണം.
 

ചെറുകുന്ന് പഞ്ചായത്തിലെ കൊവ്വപ്പുറം - ഇട്ടമ്മൽ അങ്കണവാടി പാലം എം വിജിൻ എംഎൽഎ ഗതാഗതത്തിന് തുറന്നുകൊടുത്തു. ഇതോടെ സ്കൂൾ, അങ്കണവാടി എന്നിവിടങ്ങളിലേക്കുള്ള വിദ്യാർഥികളുടെയും പ്രദേശത്തെ നാല്പതോളം  കുടുംബങ്ങളുടെയും യാത്രാ ക്ലേശത്തിന് പരിഹാരമായി. 

വലിയ വാഹനങ്ങൾക്കും സുഗമമായി പോകാൻ സാധിക്കുന്ന നിലയിലാണ്  5.70 മീറ്റര്‍ നീളത്തിലും  5.30 മീറ്റര്‍  വീതിയിലും പുതിയ പാലം നിർമിച്ചത്. നേരത്തെ ചെറിയൊരു നടപ്പാലം മാത്രമാണ് ഇവിടെ ഉണ്ടായിരുന്നത്. എം എൽ എ യുടെ ആസ്തി വികസന ഫണ്ടിൽ നിന്നും 10 ലക്ഷം രൂപ ചെലവഴിച്ചാണ് പാലം നിർമിച്ചത്.

വിജ്ഞാന കേരളം പദ്ധതിയുടെ ഭാഗമായി തലശ്ശേരി ബ്ലോക്ക് പഞ്ചായത്തും തലശ്ശേരി നഗരസഭയും ചേര്‍ന്ന് സംഘടിപ്പിച്ച പ്രാദേശിക തൊഴിൽമേളയിൽ 65 പേർക്ക് തൊഴിൽ. 130 പേർ വിവിധ കമ്പനികളുടെ ചുരുക്കപട്ടികയിൽഇടം നേടി. 10 പേരെ കെൽട്രോൺ ഇന്റേൺഷിപ്പിന് തെരഞ്ഞെടുത്തു.

തൊഴിൽ ലഭിച്ച 65ൽ 24 പേർക്ക് വിദേശകമ്പനികളിലാണ് അവസരം ലഭിച്ചത്. ചുരുക്ക പട്ടികയിൽ ഉൾപ്പെട്ട 130പേർക്ക് കമ്പനികളുടെ  രണ്ടാം ഘട്ട ഇൻ്റർവ്യുവിൻ്റെ കൂടി  അടിസ്ഥാനത്തിലായിരിക്കും നിയമനം ലഭിക്കുക. ആകെ 414 ഉദ്യോഗാർത്ഥികളാണ് തൊഴിൽ മേളയിൽ പങ്കെടുത്തത്.