ആലപ്പുഴ മുനിസിപ്പാലിറ്റിയുടെ പരിധിയില്‍ വരുന്ന കേരള വാട്ടര്‍ അതോറിറ്റിയുടെ പഴവങ്ങാടി, കൊമ്മാടി പമ്പ് ഹൗസുകളിലും, ആര്യാട് പഞ്ചായത്തിന്റെ രാമവര്‍മ പമ്പ് ഹൗസിലും സെപ്റ്റംബര്‍ 18 ന് സൂപ്പര്‍ ക്ലോറിനേഷന്‍ പ്രവൃത്തികള്‍ നടക്കുന്നതിനാല്‍ ഈ പ്രദേശങ്ങളിലുള്ള ജനങ്ങള്‍ ഈ തീയതിയില്‍ കുടിവെള്ളം ഉപയോഗിക്കാന്‍ പാടില്ലെന്ന് വാട്ടര്‍ അതോറിറ്റി വിഎസ്പി സെക്ഷന്‍ അസി. എഞ്ചിനീയര്‍ അറിയിച്ചു. 

ഗാന്ധി ജയന്തിയോടനുബന്ധിച്ച് നഗര-ഗ്രാമീണ മേഖലകളിലെ ശുചിത്വ പ്രവർത്തനങ്ങൾ ഏകോപിപ്പിക്കുന്ന 'സ്വച്ഛതാ ഹി സേവ' ക്യാമ്പയിൻ 'ശുചിത്വോത്സവം 2025' സെപ്റ്റംബർ 17 ബുധനാഴ്ച  ആരംഭിക്കും

തൈക്കാട്ടുശ്ശേരി ബ്ലോക്ക് പഞ്ചായത്ത് വാര്‍ഷിക പദ്ധതിപ്രകാരം വനിതകള്‍ക്കായി സെപ്റ്റംബര്‍ 20 മുതല്‍ ആരംഭിക്കുന്ന 30 ദിവസത്തെ സൗജന്യ പി.എസ്.സി മത്സര പരീക്ഷ പരിശീലനത്തിന് അപേക്ഷ ക്ഷണിച്ചു. സെക്രട്ടേറിയേറ്റ് അസിസ്റ്റന്റ് പ്രിലിമിനറി ഉള്‍പ്പെടെയുള്ള പരീക്ഷകള്‍ക്കായി പി.എസ്.സി നിശ്ചയിച്ചിരിക്കുന്ന പ്രായപരിധി കഴിയാത്ത ബിരുദം, പത്താം ക്ലാസ് തുടങ്ങിയ യോഗ്യതയുള്ള ആദ്യം രജിസ്റ്റര്‍ ചെയ്യുന്ന 50 പേര്‍ക്കാണ് അവസരം.  പങ്കെടുക്കാന്‍ താല്പര്യമുള്ളവര്‍ ചേര്‍ത്തല ടൗണ്‍ എപ്ലോയ്‌മെന്റ് എക്‌സ്‌ചേഞ്ചില്‍ രജിസ്റ്റര്‍ ചെയ്യണം. വിശദവിവരങ്ങള്‍ക്ക്: 0478-2813038/0478-2523010.

ജില്ലയിലെ ജല ജീവൻ മിഷന്റെ പ്രവൃത്തികൾ വേഗത്തിൽ പൂർത്തിയാക്കണമെന്ന് ഡിസ്ട്രിക്ട് ഇൻഫ്രാസ്ടക്ചർ കോ-ഓർഡിനേഷൻ കമ്മിറ്റി അവലോകനയോഗം നിർദേശിച്ചു. റോഡുകളിലെ അറ്റകുറ്റപ്പണികളടക്കമുള്ള പ്രവൃത്തികൾ സമയബന്ധിതമായി പൂർത്തിയാക്കുന്നതിനാണ് നിർദേശം. മഴ കുറഞ്ഞ സാഹചര്യത്തിൽ എല്ലാ നിർമാണ പ്രവർത്തനങ്ങളും വേഗത്തിലാക്കണം. 

യോഗത്തിൽ വിവിധ പൊതുമരാമത്ത് വിഭാഗങ്ങൾ, ആർ ബി ഡി സി കെ, കെ ആർ എഫ് ബി, കൺസ്ട്രക്ഷൻ കോർപ്പറേഷൻ, കെ എസ് ടി പി നിരത്തു പരിപാലന വിഭാഗം, നാഷണൽ ഹൈവേ, നിരത്തുകൾ വിഭാഗം, വാട്ടർ അതോറിറ്റി, കെ എസ് ഇ ബി എന്നീ വകുപ്പുകളുടെ പ്രവൃത്തികൾ വിലയിരുത്തി.

സംസ്ഥാന യുവജനക്ഷേമ ബോര്‍ഡ് 2024-ലെ സ്വാമിവിവേകാനന്ദന്‍ യുവപ്രതിഭാ പുരസ്‌കാരത്തിന് നോമിനേഷന്‍ സ്വീകരിക്കുന്നതിനും മികച്ച ക്ലബ്ബുകള്‍ക്കുള്ള അവാര്‍ഡിന് അപേക്ഷ സമര്‍പ്പിക്കുന്നതിനുമുള്ള അവസാന തീയതി  സെപ്റ്റംബര്‍ 25 വൈകിട്ട്  അഞ്ചുവരെ നീട്ടി. സംസ്ഥാന യുവജനക്ഷേമ ബോര്‍ഡില്‍ അഫിലിയേറ്റ് ചെയ്തിട്ടുള്ള യൂത്ത്, യുവാ, അവളിടം ക്ലബ്ബുകള്‍ക്ക് അപേക്ഷിക്കാം. ജില്ലാതലത്തില്‍ തിരഞ്ഞെടുക്കുന്ന മികച്ച ക്ലബ്ലിന് 30,000 രൂപയും പ്രശസ്തി പത്രവും പുരസ്‌കാരവും നല്‍കും. സംസ്ഥാന അവാര്‍ഡ് നേടുന്ന ക്ലബ്ബിന് 50,000 രൂപയും പ്രശസ്തി പത്രവും പുരസ്‌കാരവും നല്‍കും.

സംസ്ഥാന ജൈവവൈവിധ്യ ബോര്‍ഡിന്റെ ആഭിമുഖ്യത്തില്‍ വിദ്യാഭ്യാസ വകുപ്പിന്റെ സഹകരണത്തോടെ നടത്തുന്ന ജൈവവൈവിധ്യ കോണ്‍ഗ്രസില്‍ കോളജ് , സ്‌കൂള്‍ വിദ്യാര്‍ഥികള്‍ക്കായി പ്രോജക്ട്  അവതരണ മത്സരം, പെന്‍സില്‍ ഡ്രോയിംഗ്, വാട്ടര്‍ കളര്‍ പെയിന്റിംഗ് എന്നിവ സംഘടിപ്പിക്കുന്നു. 'ധരണി -2025: ജൈവവൈവിധ്യ-കാലാവസ്ഥാ വിജ്ഞാന പ്രതിബദ്ധതയോടെ യുവകേരളം' എന്നതാണ് മുഖ്യപ്രമേയം. അപേക്ഷ സെപ്റ്റംബര്‍ 23 വൈകിട്ട് അഞ്ചുവരെ സ്വീകരിക്കും. വെബ്‌സൈറ്റ് : tthps://keralabiodiv--erstiy.org/ , ഫോണ്‍ : 8907446149, 8075480912.

നിലയ്ക്കല്‍ പ്രാഥമികാരോഗ്യകേന്ദ്രത്തിലേക്ക് ലാബ് ടെക്‌നീഷനെ കരാര്‍ അടിസ്ഥാനത്തില്‍ നിയമിക്കുന്നു.
റാന്നി പെരുനാട് ഗ്രാമപഞ്ചായത്തിലുളളവര്‍ക്ക് മുന്‍ഗണന. സര്‍ട്ടിഫിക്കറ്റുകളുടെ പകര്‍പ്പ് സഹിതം സെപ്റ്റംബര്‍ 29 ഉച്ചയ്ക്ക് രണ്ടിന് മുമ്പ് നിലയക്കല്‍ പ്രാഥമികാരോഗ്യകേന്ദ്രത്തില്‍ അപേക്ഷ സമര്‍പ്പിക്കണം. യോഗ്യത - സര്‍ക്കാര്‍  അംഗീകൃത ബി എസ് സി എംഎല്‍റ്റി /ഡി എം എല്‍ റ്റി, കേരള പാരാമെഡിക്കല്‍ കൗണ്‍സില്‍ രജിസ്‌ട്രേഷന്‍. ഫോണ്‍ : 04735 205202, 9961632380.
 

ചെങ്ങന്നൂര്‍ സര്‍ക്കാര്‍ വനിത ഐ.ടി.ഐ യില്‍ വിവിധ എന്‍.സി.വി.ടി അംഗീക്യത ട്രേഡുകളില്‍ സ്‌പോട്ട് അഡ്മിഷന്‍ നടത്തുന്നു. സെപ്റ്റംബര്‍ 30ന് മുമ്പ് ഐ.ടി.ഐയില്‍ നേരിട്ടെത്തി പ്രവേശനം നേടാം. ഫോണ്‍ : 04792457496, 9747454553.
 

കേരള വനിതാ കമ്മിഷനില്‍ നിലവില്‍ ഒഴിവുള്ള ഒരു അസിസ്റ്റന്റ് തസ്തികയിലേക്ക്  ഡെപ്യൂട്ടേഷന്‍ വ്യവസ്ഥയില്‍ സര്‍ക്കാര്‍ സര്‍വീസില്‍ സമാന തസ്തികയില്‍ ജോലി ചെയ്യുന്നവരില്‍ നിന്ന് അപേക്ഷ ക്ഷണിച്ചു. 39,300-83,000  ശമ്പള സ്‌കെയിലില്‍ സേവനമനുഷ്ഠിക്കുന്നവര്‍ക്ക് അപേക്ഷിക്കാം.
നിശ്ചിത ഫോറത്തിലുള്ള അപേക്ഷ, നിരാക്ഷേപപത്രം സഹിതം, മേലധികാരി മുഖേന മെമ്പര്‍ സെക്രട്ടറി, കേരള വനിതാ കമ്മിഷന്‍, പി.എം.ജി, പട്ടം. പി.ഒ, തിരുവനന്തപുരം 695004 വിലാസത്തില്‍ സെപ്റ്റംബര്‍ 30 നകം ലഭിക്കണം.  ഫോണ്‍ : 0471 2303659, 8281199055.

ചെന്നീര്‍ക്കര സര്‍ക്കാര്‍ ഐടിഐ യില്‍ ജൂനിയര്‍ ഇന്‍സ്ട്രക്ടര്‍ (ഇലക്ട്രീഷന്‍) ഒരു ഒഴിവിലേക്ക് ഈഴവ/ബില്ലവ/തീയ വിഭാഗക്കാരെ നിയമിക്കുന്നു. ഇവരുടെ അഭാവത്തില്‍ ഓപ്പണ്‍ കാറ്റഗറിയിലുളളവരെ പരിഗണിക്കും.
യോഗ്യത- ഇലക്ട്രിക്കല്‍/ഇലക്ട്രിക്കല്‍ ആന്‍ഡ് ഇലക്ട്രോണിക്‌സ് എഞ്ചിനീയറിംഗില്‍ ബിരുദവും ഒരു വര്‍ഷത്തെ പ്രവൃത്തി പരിചയവും അല്ലെങ്കില്‍ ഇലക്ട്രിക്കല്‍/ഇലക്ട്രിക്കല്‍ ആന്‍ഡ് ഇലക്ട്രോണിക്‌സ് എഞ്ചിനീയറിംഗില്‍ ഡിപ്ലോമയും രണ്ടു വര്‍ഷത്തെ പ്രവൃത്തി പരിചയവും അല്ലെങ്കില്‍ ഇലക്ട്രീഷന്‍ ട്രേഡില്‍ ഐടിഐ സര്‍ട്ടിഫിക്കറ്റ് (എന്‍ റ്റി സി /എന്‍ എ സി ) യോഗ്യതയും മൂന്നു വര്‍ഷത്തെ പ്രവൃത്തി പരിചയവും.