പ്രവാസി കേരളീയ ക്ഷേമ ബോര്‍ഡിന്റെ ആഭിമുഖ്യത്തില്‍ പ്രവാസികള്‍ക്കായി  അംഗത്വ കാമ്പയിനും അംശദായ കുടിശിക നിവാരണവും സംഘടിപ്പിക്കുന്നു. കോഴഞ്ചേരി മാരാമണ്‍ റിട്രീറ്റ് സെന്ററില്‍  സെപ്റ്റംബര്‍ 17 ന് രാവിലെ 10 മുതല്‍ കാമ്പയിന്‍ ആരംഭിക്കും. 18 നും 60 നും ഇടയില്‍ പ്രായമുള്ള രണ്ടു വര്‍ഷക്കാലം പ്രവാസജീവിതം നയിച്ച പ്രവാസികള്‍ക്ക് ക്ഷേമനിധിയില്‍ അംഗത്വമെടുക്കുന്നതിനും അംശദായ കുടിശിക പിഴ ഇളവോടുകൂടി അടച്ച് തീര്‍ക്കുന്നതിനുമുള്ള അവസരമുണ്ട്്.

ജില്ലയില്‍ സിവില്‍ എക്‌സൈസ് ഓഫീസര്‍ (കാറ്റഗറി നമ്പര്‍. 743/2024) , ബീറ്റ് ഫോറസ്റ്റ് ഓഫീസര്‍ (കാറ്റഗറി നമ്പര്‍. 116/2024) തസ്തികകളുടെ ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ഥികള്‍ക്കായുളള എന്‍ഡ്യൂറന്‍സ്  ടെസ്റ്റ് (2.5 കി.മീ,  2 കി.മീ. ദൂരം ഓട്ടം) സെപ്റ്റംബര്‍ 16, 17 തീയതികളില്‍ രാവിലെ അഞ്ചുമുതല്‍ പ്രമാടം രാജീവ് ഗാന്ധി ഇന്‍ഡോര്‍ സ്റ്റേഡിയം മുതല്‍ ഇളകൊള്ളൂര്‍ ശ്രീമഹാദേവ ക്ഷേത്രം വരെയുള്ള റോഡില്‍ നടത്തും.

കേരള യൂറോപ്യന്‍ യൂണിയന്‍ കോണ്‍ക്ലേവിന്റെ പ്രചാരണാര്‍ത്ഥം തിരുവനന്തപുരത്ത് സെപ്റ്റംബര്‍ 17ന് മിനി മാരത്തണ്‍ സംഘടിപ്പിക്കും. രാവിലെ 6 മണിക്ക് മുട്ടത്തറ പാലം മുതല്‍ കോവളം ജംഗ്ഷന്‍ വരെ 10 കിലോമീറ്റര്‍ ദൂരമാണ് മാരത്തൺ.18 മുതല്‍ 60 വയസ്സു വരെയുള്ള   വനിതകള്‍ക്കും പുരുഷന്മാര്‍ക്കും പങ്കെടുക്കാം.

ചെറുകുന്ന് ഗ്രാമപഞ്ചായത്തിലെ കൊവ്വപ്പുറം - ഇട്ടമ്മൽ അങ്കണവാടി പുതിയ പാലത്തിന്റെ ഉദ്ഘാടനം സെപ്റ്റംബർ 14 ഞായറാഴ്ച്ച രാവിലെ 10 മണിക്ക് എം വിജിൻ എം എൽ എ നിർവഹിക്കും.
പഴയ നടപ്പാലം പൊളിച്ച് മാറ്റി 5.70 മീറ്റര്‍ നീളത്തിലും 5.30 മീറ്റര്‍ വീതിയിലുമാണ് പുതിയ പാലം നിർമ്മിച്ചത്. ഇതിനായി എം എൽ എ യുടെ ആസ്തി വികസന ഫണ്ടിൽ നിന്നും 10 ലക്ഷം രൂപ ചെലവഴിച്ചാണ് പുതിയ പാലം നിർമിച്ചിട്ടുള്ളത്.

കഴക്കൂട്ടം ഗവ വനിത ഐടിഐയില്‍ ഒഴിവുള്ള ട്രേഡുകളിലേക്ക് അഡ്മിഷന്‍ നടത്തുന്നു. ടെക്‌നീഷ്യന്‍ പവര്‍ ഇലക്ട്രോണിക് സിസ്റ്റംസ്, ഡെസ്‌ക് ടോപ്പ് പബ്ലിഷിംഗ് ഓപ്പറേറ്റര്‍, സ്റ്റെനോഗ്രാഫര്‍ സെക്രട്ടറിയല്‍ അസിസ്റ്റന്റ് (ഹിന്ദി), ഹോസ്പിറ്റല്‍ ഹൗസ് കീപ്പിംഗ്, കമ്പ്യൂട്ടര്‍ എയ്ഡഡ് എംബ്രോയിഡറി ആന്റ് ഡിസൈനിംഗ്, സെക്രട്ടേറിയല്‍ പ്രാക്ടീസ് (ഇംഗ്ലീഷ്) എന്നീ ട്രേഡുകളിലാണ് ഒഴിവുള്ളത്.

അവസാന തീയതി സെപ്റ്റംബര്‍ 25.  ഫോണ്‍: 9744900536.

അസാപ് കേരളയുടെ കഴക്കൂട്ടം കമ്മ്യൂണിറ്റി സ്‌കിൽ പാർക്കിൽ പ്രവർത്തിക്കുന്ന എ.ആർ/ വി.ആർ സെന്റർ ഓഫ് എക്സലൻസിൽ പരിശീലനം ആരംഭിക്കുന്നു. വെർച്വൽ റിയാലിറ്റി ഡെവലപ്പർ വിത്ത്‌ യൂണിറ്റി, ഗെയിം ഡെവലപ്പ്മെന്റ് യൂസിംഗ് അൺറിയൽ എഞ്ചിൻ എന്നീ കോഴ്സുകൾക്ക് അപേക്ഷിക്കാം.

അവസാന തീയതി സെപ്റ്റംബർ 20.  വിവരങ്ങൾക്ക് : 9495999693, 9633665843.

ഉത്തര കേരളത്തിൽ നൃത്ത വിരുന്നൊരുക്കാൻ കേരള സംഗീത നാടക അക്കാദമി സംഘടിപ്പിക്കുന്ന ദേശീയ നൃത്തോത്സവം ‘ത്രിഭംഗി’ രജിസ്ട്രേഷൻ വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്തു. മനുഷ്യ ജീവിതത്തെ വിശുദ്ധമാക്കുന്നതിന് നൃത്തത്തിനും സംഗീതത്തിനും വളരെ വലിയ പങ്കുണ്ടെന്നും വർത്തമാന കാലത്ത് വളരെ മൂല്യമുള്ളതാണ് ഇത്തരം പരിപാടികളൊന്നും  മന്ത്രി പറഞ്ഞു. 

കേന്ദ്ര ഗ്രാമീണ വികസന മന്ത്രാലയവും സംസ്ഥാന സർക്കാരും കുടുംബശ്രീ മുഖാന്തരം നടപ്പിലാക്കുന്ന സ്റ്റാർട്ട് അപ്പ് വില്ലേജ് എൻറർപ്രണർഷിപ്പ് പ്രോഗ്രാമിന് പെരിന്തൽമണ്ണ ബ്ലോക്കിൽ തുടക്കമായി. എസ്.വി.ഇ.പി പദ്ധതിയുടെയും, ഇൻക്യുബേഷന്‍ സെന്ററിന്റെയും ഉദ്ഘാടനം നജീബ് കാന്തപുരം എം.എൽ.എ നിർവഹിച്ചു. സ്വന്തമായി സംരംഭങ്ങൾ ആരംഭിക്കാനും വിജയകരമായി മുന്നോട്ടു കൊണ്ടു പോകാനും ആഗ്രഹമുള്ള ഗ്രാമീണ ജനതയ്ക്ക് ആവശ്യമായ പരിശീലനങ്ങൾ,ശേഷി വികസനം,മാർഗനിർദ്ദേശങ്ങൾ,സാങ്കേതിക പിന്തുണകൾ, ധനസഹായങ്ങൾ എന്നിവ ലഭ്യമാക്കുക എന്നതാണ് പദ്ധതിയുടെ ലക്ഷ്യം.

മലയോരത്തിന് ആവേശമായി ഡിടിപിസിയും ഇരിക്കൂര്‍ ടൂറിസം ആന്‍ഡ് ഇന്നോവേഷന്‍ കൗണ്‍സിലും സംയുക്തമായി നടത്തിയ റൺ പാലക്കയം തട്ട് മിനി മാരത്തൺ. മലയോര മേഖലയിലെ പ്രധാന ടൂറിസം കേന്ദ്രങ്ങളായ പാലക്കയം തട്ടിന്റെയും പൈതൽമലയുടെയും താഴ് വാരത്തിലൂടെ മാരത്തൺ താരങ്ങൾ മാറ്റുരച്ചപ്പോൾ മലയോരജനതയ്ക്ക് ലഭിച്ചത് പുത്തൻ അനുഭവം. 

മോട്ടോർ വാഹന വകുപ്പിലെ ഉദ്യോഗസ്ഥർക്ക് തവനൂർ അസാപ് കമ്മ്യൂണിറ്റി സ്കിൽ പാർക്കിൽ ഇലക്ട്രിക് വെഹിക്കിൾ ടെക്‌നോളജിയിൽ പരിശീലനം നൽകി. പരിശീലനത്തിന്റെ ഉദ്ഘാടനം അസാപ് കമ്മ്യൂണിറ്റി സ്കിൽ പാർക്ക്‌ തവനൂർ സെന്റർ ഹെഡ് എം.വൈഷ്ണവ് നിർവഹിച്ചു. ട്രെയിനർ യാഹ്യ മാലിക് പരിശീലനത്തിന് നേതൃത്വം നൽകി. ഇലക്ട്രിക് വാഹനങ്ങളുടെ പ്രവർത്തന രീതികൾ,സുരക്ഷ മാനദണ്ഡങ്ങൾ,ബാറ്ററി ടെക്നോളജി, ചാർജിംഗ് സംവിധാനങ്ങൾ തുടങ്ങി വിവിധ മേഖലകളിലാണ് ഉദ്യോഗസ്ഥർക്ക് പരിശീലനം നൽകിയത്. അസാപ് കേരളയുടെ നേതൃത്വത്തിൽ പുതിയ തലമുറയുടെ ഗതാഗത സാങ്കേതിക വിദ്യകൾ ഉദ്യോഗസ്ഥർക്കിടയിൽ പരിചയപ്പെടുത്തുന്നതിന്റെ ഭാഗമായാണ് പരിശീലനം സംഘടിപ്പിച്ചത്.