വനിതാ ശിശു വികസന വകുപ്പിന്റെ കീഴിൽ പ്രവർത്തിക്കുന്ന വൈപ്പിൻ ഐ സി ഡി എസ് ഓഫീസിന്റെ പരിധിയിൽ വരുന്ന ഞാറക്കൽ പഞ്ചായത്തിലെ 23 അങ്കണവാടികളിൽ പോഷക ബാല്യം പദ്ധതി 2025 -26 പ്രകാരം സെപ്റ്റംപർ മാസം മുതൽ 2026 മാർച്ച് 31 വരെ 7 മാസത്തേക്ക് കോഴിമുട്ട വിതരണം ചെയ്യുന്നതിന് വ്യക്തികളിൽ നിന്നും സ്ഥാപനങ്ങളിൽ നിന്നും റീ ടെൻഡറുകൾ ക്ഷണിച്ചു. സെപ്റ്റംബർ 19 ഉച്ചയ്ക്ക് 2 നുള്ളിൽ റീ ടെണ്ടറുകൾ സമർപ്പിച്ചിരിക്കണം. കൂടുതൽ വിവരങ്ങൾക്ക്: 0484 2496656

ആലങ്ങാട് ഐ.സി.ഡി.എസ് പ്രൊജക്ട് പരിധിയിലുള്ള ഏലൂർ മുനിസിപ്പാലിറ്റി പ്രദേശത്ത് പ്രവർത്തിക്കുന്ന അങ്കണവാടി കം ക്രഷിലേക്ക് ഹെൽപ്പറുടെ നിയമനത്തിനായി അപേക്ഷ ക്ഷണിച്ചു. ഏലൂർ മുനിസിപ്പാലിറ്റിയിലെ സ്ഥിര താമസക്കാരായ പത്താം ക്ലാസ് പാസായതും 18 - നും 35 നും ഇടയിൽ പ്രായമുള്ളതുമായ വനിതകൾക്ക് അപേക്ഷിക്കാം. സെപ്റ്റംബർ 23നുള്ളിൽ അപേക്ഷ സമർപ്പിക്കേണ്ടതാണ്. വിശദവിവരങ്ങൾക്ക് : 9946735290

എറണാകുളം ജില്ലയിലെ ഗാർഹിക പാചകവാതക സിലിണ്ടറുകളുടെ വിതരണം, വിതരണ ഏജൻസികളുടെ പ്രവർത്തനം എന്നിവ അവലോകനം ചെയ്യുന്നതിനും ഗാർഹികപാചകവാതക വിതരണ രംഗത്ത് ഉപഭോക്താക്കൾക്കുള്ള പരാതികൾ പരിഹരിക്കുന്നതിനുമായി സെപ്റ്റംബർ 24 രാവിലെ 11ന് ജില്ലാ കളക്ടറുടെ അധ്യക്ഷതയിൽ എറണാകുളം കളക്ടറേറ്റ് കോൺഫറൻസ് ഹാളിൽ പാചകവാതക അദാലത്ത് നടത്തും. അദാലത്തിൽ പൊതുവിതരണ വകുപ്പ് ഉദ്യോഗസ്ഥരെ കൂടാതെ ഓയിൽ കമ്പനി പ്രതിനിധികൾ, പാചകവാതക വിതരണ ഏജൻസി പ്രതിനിധികൾ, ഉപഭോക്തൃ സംഘടന പ്രതിനിധികൾ എന്നിവർ പങ്കെടുക്കും.

ജില്ലയിലെ ഒരു അർദ്ധസർക്കാർ സ്ഥാപനത്തിൽ ഹെൽപ്പർ (പ്രിന്റിംഗ്) തസ്തികയിലെ താൽക്കാലിക ഒഴിവുകളിലേക്ക് അപേക്ഷ ക്ഷണിച്ചു. 

മൂന്ന് വർഷത്തെ ഡിപ്ലോമ ഇൻ പ്രിന്റിംഗ് ടെക്നോളജി ഉള്ളവർക്കും, കെ.ജി.ടി.ഇ./എം.ജി.ടി.ഇ. (മെഷീൻ വർക്ക് – ലോവർ) അല്ലെങ്കിൽ വി.എച്ച്.എസ്.ഇ. പ്രിന്റിംഗ് ടെക്നോളജി യോഗ്യത ഉള്ളവർക്കും എൻ.സി.വി.ടി. സർട്ടിഫിക്കറ്റ് ഉള്ളവർക്കുമാണ് അപേക്ഷിക്കാൻ സാധിക്കുക. കുറഞ്ഞത് രണ്ട് വർഷത്തെ ഓഫ്സെറ്റ് പ്രിന്റിംഗ് മെഷീൻ പ്രവർത്തി പരിചയമുള്ളവർക്കും അപേക്ഷിക്കാം.

കേരള ഇന്‍സ്റ്റിറ്റ്യൂട്ട് ഓഫ് ലോക്കല്‍ അഡ്മിനിസ്ട്രേഷനും (കില) ബ്രസല്‍സിലുള്ള ഐക്യ രാഷ്ട്രസഭ സര്‍വകലാശാലയുടെ ഗവേഷണ സ്ഥാപനമായ UNU-CRIS ഉം തമ്മില്‍ സഹകരണം ശക്തിപ്പെടുത്തുന്നതിനായി താല്‍പര്യപത്രത്തില്‍ (Letter of Intent) ഒപ്പുവച്ചു. പ്രാദേശിക ഭരണകൂടങ്ങളുടെ ശേഷി വര്‍ധിപ്പിക്കല്‍, ഗവേഷണം, നയ പിന്തുണ, അനുഭവപരിചയാധിഷ്ഠിത പഠനം എന്നിവയില്‍ സഹകരണം വികസിപ്പിക്കുകയാണ് ലക്ഷ്യം.

കാലാവസ്ഥാ മാറ്റത്തിന്റെ വെല്ലുവിളികളെ നേരിടാന്‍ ശേഷിയുള്ള നഗരവികസനം കേരളത്തിന്റെ പ്രധാന മുന്‍ഗണനയാക്കണമെന്ന് കേരള അര്‍ബന്‍ കോണ്‍ക്ലേവില്‍ അഭിപ്രായമുയര്‍ന്നു. കോണ്‍ക്ലേവിന്റെ ഭാഗമായി സംഘടിപ്പിച്ച ഹൈലെവല്‍ പൊളിറ്റിക്കല്‍ ഫോറത്തിലും ''കാലാവസ്ഥാ മാറ്റത്തെ പ്രതിരോധിക്കാന്‍ ശേഷിയുള്ള നഗരവല്‍ക്കരണം'' എന്ന വിഷയത്തില്‍ സംഘടിപ്പിച്ച നയരൂപീകരണ സെഷനിലെ ചര്‍ച്ചയിലും സമാനമായ അഭിപ്രായമാണ് വിദഗ്ധര്‍ മുന്നോട്ടുവെച്ചത്.

തിരുവനന്തപുരം: ആരോഗ്യ മേഖലയില്‍ മികച്ച പ്രവര്‍ത്തനങ്ങള്‍ നടത്തിയ തദ്ദേശ സ്വയംഭരണ സ്ഥാപനങ്ങള്‍ക്കുള്ള ആര്‍ദ്ര കേരളം പുരസ്‌കാരം 2023-24 ആരോഗ്യ വകുപ്പ് മന്ത്രി വീണാ ജോര്‍ജ് പ്രഖ്യാപിച്ചു. ആരോഗ്യ വകുപ്പിന്റെ പങ്കാളിത്തത്തോടെ തദ്ദേശ സ്വയംഭരണ സ്ഥാപനങ്ങളുടെ നേതൃത്വത്തില്‍ ആവിഷ്‌കരിച്ച് നടപ്പിലാക്കി വരുന്ന സമഗ്ര ആരോഗ്യ പദ്ധതി ആരോഗ്യ രംഗത്ത് വലിയ മാറ്റങ്ങളുണ്ടാക്കിയിട്ടുണ്ട്. 2023-24 സാമ്പത്തിക വര്‍ഷം ആരോഗ്യ മേഖലയില്‍ തദ്ദേശ സ്വയംഭരണ സ്ഥാപനങ്ങള്‍ 1692.95 കോടി രൂപയുടെ പദ്ധതി പ്രവര്‍ത്തനങ്ങള്‍ നടത്തിയിട്ടുണ്ട്.

കേരള അര്‍ബന്‍ കോണ്‍ക്ലേവിന്റെ രണ്ടാം ദിവസമായ ഇന്ന് ഹൈലെവല്‍ പൊളിറ്റിക്കല്‍ ഫോറത്തില്‍ മേയര്‍മാരുടെ സമ്മേളനം നടക്കും. വേദി ഒന്നില്‍ രാവില ഒന്‍പതിനാരംഭിക്കുന്ന സമ്മേളനത്തില്‍ ദക്ഷിണാഫ്രിക്കയിലെ ഡര്‍ബന്‍ മേയര്‍ സിറില്‍ സാബ, ശ്രീലങ്കയിലെ കൊളംബോ സിറ്റി മേയര്‍ വ്രൈ കാല്ലി ബല്‍ത്താസര്‍, മാലിദ്വീപ് മേയര്‍ ആദം അസിം, ബ്രസീലിയന്‍ അസോസിയേഷന്‍ ഓഫ് മുനിസിപ്പാലിറ്റീസ് എക്‌സിക്യൂട്ടീവ് ഡയറക്ടര്‍ എഡ്വേഡോ ടഡ്യൂ എന്നിവര്‍ വിദേശ പ്രതിനിധികളായി പങ്കെടുക്കും. കൂടാതെ ഇന്ത്യയിലെ വിവിധ മുനിസിപ്പല്‍ കോര്‍പറേഷന്‍ മേയര്‍മാരും കേരളത്തിലെ ആറു കോര്‍പറേഷനുകളുടെ മേയര്‍മാരും പങ്കെടുക്കും.

കേരള സർക്കാരിൽ സേവനമനുഷ്ഠിക്കുന്ന / വിരമിച്ച ജീവനക്കാരുടെയും, കുടുംബ പെൻഷൻകാരുടെയും പെൻഷൻ, ജിപിഎഫ് കേസുകളുമ

*കേരള അർബൻ കോൺക്ലേവ് ഉദ്ഘാടനം നിർവഹിച്ചു