മലപ്പുറം ഗവ. കോളേജില്‍ 2025-26 വര്‍ഷത്തില്‍ ഒന്നാം വര്‍ഷ ബിരുദാനന്തരബിരുദ കോഴ്‌സുകളില്‍ സീറ്റ് ഒഴിവുണ്ട്. എം.എസ്.സി ഫിസിക്സ്(എസ്.സി-2, എസ്.ടി-1), എം.എ ഇസ്ലാമിക് ഹിസ്റ്ററി (ഇ ഡ ബ്ല്യു എസ്-2, പി ഡ ബ്ല്യു ഡി-1,എസ്.ടി-1, സ്പോര്‍ട്സ്-1, എല്‍ ഡി-1,ഇ ടി ബി-1), എം.എ ഇംഗ്ലീഷ്( എസ്.സി-3, എസ്.ടി-1,ലക്ഷദ്വീപ്-1,സ്പോര്‍ട്സ്-1),എം.എ എക്കണോമിക്‌സ്(എസ്.ടി-1,എസ്.സി-4,പി ഡബ്ല്യു ഡി-1,ലക്ഷദ്വീപ്-1), എം.എസ്.സി സ്റ്റാറ്റിസ്റ്റിക്സ്(എസ്.സി-1, എസ്.ടി-1,ഇ ഡബ്ല്യു എസ്-1) എം.എ. ഹിസ്റ്ററി(എസ്.സി-1) എന്നിവയിലാണ് ഒഴിവുള്ളത്.

പട്ടാമ്പി ഗവ. സംസ്‌കൃത കോളേജില്‍ വിവിധ പി.ജി. ഡിപ്പാര്‍ട്ട്‌മെന്റുകളില്‍ സീറ്റ് ഒഴിവുണ്ട്. എം.എസ്.സി. ബോട്ടണി (എസ് സി/എസ് ടി). എം.എസ്.സി. സുവോളജി (എസ് സി/എസ് ടി), എം.എ. സംസ്‌കൃതം (എസ് സി,/എസ്.ടി, എല്‍സി, ഈഴവ, മുസ്ലിം) എന്നീ കോഴ്‌സുകളിലാണ് സീറ്റ് ഒഴിവുള്ളത്. കാലിക്കറ്റ് യൂണിവേഴ്സിറ്റിയില്‍ രജിസ്റ്റര്‍ ചെയ്ത വിദ്യാര്‍ത്ഥികള്‍ ബന്ധപ്പെട്ട സര്‍ട്ടിഫിക്കറ്റുകളും അവയുടെ പകര്‍പ്പുകളും സഹിതം ആഗസ്റ്റ് 25ന് വൈകിട്ട് നാലിന് മുന്‍പായി അപേക്ഷ നല്‍കണം. ഫോണ്‍: 0466 2212223.

ദേശീയാരോഗ്യ ദൗത്യം മലപ്പുറം എം.ബി.ബി.എസ് ഡോക്ടര്‍, സ്പെഷലിസ്റ്റ് ഡോക്ടര്‍മാര്‍ (ജെറിയാട്രിക്, പീഡിയാട്രീഷന്‍, സൈക്കാട്രിസ്റ്റ്), അര്‍ബന്‍ ജെ.പി.എച്ച്.എന്‍, സ്റ്റാഫ് നഴ്സ്, പാലിയേറ്റീവ് കെയര്‍ നഴ്സ്, ആര്‍.ബി.എസ്.കെ നഴ്സ്, ഓഡിയോളജിസ്റ്റ് ആന്റ് സ്പീച്ച് തെറാപ്പിസ്റ്റ് എന്നീ തസ്തികകളിലേക്ക് ഓണ്‍ലൈനായി ആഗസ്റ്റ് 30 വരെ അപേക്ഷിക്കാം. കൂടുതല്‍ വിവരങ്ങള്‍ക്ക് ആരോഗ്യകേരളം വെബ്സൈറ്റ് www.arogyakeralam.gov.in സന്ദര്‍ശിക്കുക. ഫോണ്‍: 0483 2730313, 9846700711.

താനൂര്‍ മണ്ഡലത്തില്‍ തിരൂര്‍ പുഴയ്ക്ക് പുറകെ പുതിയതായി നിര്‍മ്മിക്കുന്ന കോട്ടിലത്തറ പാലത്തിന്റെയും അപ്രോച്ച് റോഡിന്റെയും നിര്‍മ്മാണ ഉദ്ഘാടനം നാളെ (ഓഗസ്റ്റ് 23) നടക്കും. പൊതുമരാമത്ത് വിനോദസഞ്ചാര വകുപ്പ് മന്ത്രി പി.എ. മുഹമ്മദ് റിയാസ് നിര്‍മ്മാണ ഉദ്ഘാടനം നിര്‍വഹിക്കും. ന്യൂനപക്ഷ ക്ഷേമ-കായിക-വഖഫ് വകുപ്പ് മന്ത്രി വി. അബ്ദുറഹ്‌മാന്‍ അധ്യക്ഷത വഹിക്കും. തിരൂര്‍ മുന്‍സിപ്പാലിറ്റിയിലെ പി.സി. പടിയെയും ചെറിയമുണ്ടം ഗ്രാമപഞ്ചായത്തിലെ ഇരിങ്ങാവൂരിനെയും തമ്മില്‍ ബന്ധിപ്പിക്കുന്ന പാലമാണിത്. 13 കോടി 92 ലക്ഷം രൂപ ചെലവഴിച്ചാണ് നിര്‍മ്മാണം നടക്കുന്നത്.

ജില്ലാ ഖാദി ഗ്രാമ വ്യവസായ ഓഫീസിന്റെ ആഭിമുഖ്യത്തില്‍ മലപ്പുറം പ്രസ് ക്ലബ് ബില്‍ഡിങ്ങില്‍ പ്രത്യേക ഓണം വിപണനമേള നടക്കും. മേളയുടെ ഉദ്ഘാടനം ജില്ലാ കളക്ടര്‍ വി.ആര്‍ വിനോദ് നാളെ (ആഗസ്റ്റ് 23) രാവിലെ 10.15 ന് നിര്‍വഹിക്കും. മേളയില്‍ ഖാദി വസ്ത്രങ്ങള്‍ 30 ശതമാനം റിബേറ്റില്‍ ലഭ്യമാണ്. ആയിരം രൂപയുടെ പര്‍ച്ചേസിന് സമ്മാനക്കൂപ്പണ്‍ ലഭിക്കും. 3000 രൂപയുടെ ഗിഫ്റ്റ് വൗച്ചറും മെഗാ സമ്മാനമായി ടാറ്റ ടിയാഗോ, ജില്ല തോറും ഓരോ ഇലക്ട്രിക് സ്‌കൂട്ടര്‍, ഗിഫ്റ്റ് വൗച്ചറുകള്‍ എന്നിവയും  ലഭിക്കും. സര്‍ക്കാര്‍/ അര്‍ധസര്‍ക്കാര്‍/ ബാങ്ക് ജീവനക്കാര്‍ക്ക് ഒരുലക്ഷം രൂപ വരെ ക്രെഡിറ്റ് സൗകര്യവുമുണ്ട്.

മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമി ടി.എ. റസാഖ് ഫിലിം സൊസൈറ്റിയുടെ സഹകരണത്തോടെ സംഘടിപ്പിക്കുന്ന ''സെലിബ്രേഷന്‍ ഓഫ് ഡമോക്രസി''ഫിലിം ഫെസ്റ്റിവെല്‍ ശനിയാഴ്ച (ആഗസ്റ്റ് 23) ഉച്ചക്ക് രണ്ടിന് ''എന്ന് സ്വന്തം ശ്രീധരന്‍'' എന്ന സിനിമയുടെ പ്രദര്‍ശനത്തോടെ തുടങ്ങും. അക്കാദമിയിലെ മാനവീയം വേദിയില്‍ വൈകുന്നേരം നാലിന് നടക്കുന്ന ഉദ്ഘാടന സമ്മേളനത്തില്‍ ചലച്ചിത്ര നിരൂപകന്‍ വി.കെ. ജോസഫ് ഫെസ്റ്റിവെല്‍ ഉദ്ഘാടനം ചെയ്യും. സംഗീത ചേനംപുല്ലി പ്രഭാഷണം നടത്തും. അക്കാദമി സെക്രട്ടറി ബഷീര്‍ ചുങ്കത്തറ അധ്യക്ഷത വഹിക്കും.

കേരളത്തിന്റെ പുരോഗതി അടയാളപ്പെടുത്താന്‍ താത്പര്യമുള്ള വ്‌ളോഗര്‍മാര്‍, സോഷ്യല്‍ മീഡിയ ഇന്‍ഫ്‌ളുവന്‍സര്‍മാര്‍ എന്നിവരില്‍ നിന്ന് ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ പാനലില്‍ അംഗമാകാന്‍ അപേക്ഷ ക്ഷണിച്ചു. അവസാന തീയതി ആഗസ്റ്റ്-30. മൂന്നു ലക്ഷമെങ്കിലും ഫോളോവര്‍മാരുള്ള വ്‌ളോഗര്‍മാര്‍ക്കും യൂട്യൂബ്, ഇന്‍സ്റ്റാഗ്രാം, ഫേസ്ബുക്ക് എന്നിവയില്‍ നല്‍കിയിട്ടുളള വീഡിയോ കണ്ടന്റുകള്‍ക്ക് മിനിമം 10 ലക്ഷം റീച്ച് ലഭിക്കുന്ന സോഷ്യല്‍ മീഡിയ ഇന്‍ഫ്ളുവന്‍സര്‍മാര്‍ക്കും അപേക്ഷിക്കാം.

വെട്ടം സി എച്ച്‌ സി യിലെ വാഹനമായ കെഎല്‍ 01 AZ-3294 ടാറ്റാ മോട്ടോഴ്‌സ് സ്‌പേഷ്യോ ക്വട്ടേഷന്‍ ചെയ്ത് വില്‍പ്പന നടത്തിയ ശേഷം അഞ്ച് വര്‍ഷത്തേക്ക് ബി എഫ് എച്ച്‌ സി യിലേക്ക് തിരികെ വാടകയ്ക്ക് എടുക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ആഗസ്റ്റ് 30ന് മുമ്പായി മെഡിക്കല്‍ ഓഫീസര്‍ സി എച്ച് സി വെട്ടം, വാക്കാട്, മലപ്പുറം 676502 എന്ന വിലാസത്തിൽ ലഭിക്കണം.

ഒ.ബി.സി വിഭാഗത്തില്‍പ്പെട്ട പരമ്പരാഗത കരകൗശല വിദഗ്ധര്‍ക്ക് പണിയായുധങ്ങള്‍ വാങ്ങുന്നതിനുള്ള ധനസഹായത്തിന് അപേക്ഷിക്കാനുള്ള അവസാന തീയതി ആഗസ്റ്റ് 31 വരെ നീട്ടി. കുടുംബ വാര്‍ഷിക വരുമാന പരിധി 2.5 ലക്ഷം രൂപയും പ്രായപരിധി 60 വയസ്സുമാണ്. www.bwin.kerala.gov.in എന്ന പോര്‍ട്ടല്‍ മുഖേനയാണ് അപേക്ഷിക്കേണ്ടത്. ഫോണ്‍: 0492 2222335.

വീടിന്റെ പരിസരത്ത് കൊതുക്, എലി എന്നിവ വളരുന്ന സാഹചര്യം ഒരുക്കിയതിനും പൊതുശല്യവും പകര്‍ച്ചവ്യാധി ഭീഷണിയും ഉണ്ടാകുന്ന തരത്തില്‍ മാലിന്യങ്ങള്‍ വലിച്ചെറിഞ്ഞതിനും ഉടമസ്ഥനും വാടകക്കാരനും പിഴ വിധിച്ച് പരപ്പനങ്ങാടി ഫസ്റ്റ് ക്ലാസ്സ് ജുഡീഷ്യല്‍ മജിസ്ട്രേറ്റ് കോടതി. നെടുവ സാമൂഹിക ആരോഗ്യ കേന്ദ്രം ഹെല്‍ത്ത് ഇന്‍സ്പെക്ടര്‍ വി. അനൂപ്  ചാര്‍ജ് ചെയ്ത കേസിലാണ് പരപ്പനങ്ങാടി ഒന്നാം ക്ലാസ് ജുഡീഷ്യല്‍ മജിസ്ട്രേറ്റ് 15000 രൂപ വീതം പിഴ ചുമത്തിയത്. 2023 ലെ പൊതുജനാരോഗ്യ നിയമത്തിലെ സെക്ഷന്‍ 21, 45, 53 വകുപ്പുകളുടെ ലംഘനമാണ് നടന്നത്.