റിഹാബിലിറ്റേഷന്‍ കൗണ്‍സില്‍ ഓഫ് ഇന്ത്യയും സംസ്ഥാന വിദ്യാഭ്യാസ ഗവേഷണ പരിശീലന കേന്ദ്രവും സംയുക്തമായി സര്‍ക്കാര്‍ ഉദ്യോഗസ്ഥര്‍ക്കായി നടത്തിയ ത്രിദിന പരിശീലന പരിപാടി പുതുപ്പരിയാരം ഗ്രാമപഞ്ചായത്ത് പ്രസിഡന്‍റ് പ്രസന്നകുമാരി ഉദ്ഘാടനം ചെയ്തു. ജയരാജന്‍, ജി. പ്രദീപ്, റോഷ്നി രവീന്ദ്രന്‍, ടി. ജയപ്രകാശ് എന്നിവര്‍ സംസാരിച്ചു.

എലപ്പുള്ളി ഗ്രാമപഞ്ചായത്തില്‍ ഈ സാമ്പത്തിക വര്‍ഷത്തെ കെട്ടിട നികുതി ഇളവിന് അര്‍ഹരായ വിമുക്ത ഭടന്‍മാര്‍, അവരുടെ ഭാര്യമാര്‍ എന്നിവര്‍ മാര്‍ച്ച് 31നകം പഞ്ചായത്ത് ഓഫീസില്‍ സാക്ഷ്യപത്രം നല്‍കണമെന്ന് സെക്രട്ടറി അറിയിച്ചു. 

ഹരിത നിയമാവലിയുടെ ജില്ലയിലെ ആദ്യഘട്ട പരിശീലനം മാര്‍ച്ച്   എട്ട് വരെ നടക്കും. മാര്‍ച്ച് ആറിന് ആലത്തൂര്‍ ബ്ലോക്ക് പഞ്ചായത്തിലാണ് ആദ്യഘട്ട പരിശീലനം ആരംഭിച്ചത്.  ഏഴിന് ഒറ്റപ്പാലം ബ്ലോക്ക് പഞ്ചായത്ത് ഹാളിലും എട്ടിന് പാലക്കാട് ബ്ലോക്ക് പഞ്ചായത്ത് ഹാളിലുമാണ് പരിശീലനം നടക്കുക. പോലീസ്, നഗരാസൂത്രണ വകുപ്പ്, മലിനീകരണ നിയന്ത്രണ ബോര്‍ഡ്, ആരോഗ്യവകുപ്പ്, ഭക്ഷ്യസുരക്ഷാ വകുപ്പ് എന്നിവയിലെ ഉദ്യോഗസ്ഥര്‍ പരിപാടിയില്‍ വകുപ്പുതല നിയമങ്ങളെ സംബന്ധിച്ച ക്ലാസുകളെടുക്കും.

ലോകസഭാ തെരഞ്ഞെടുപ്പിന്റെ ഭാഗമായി തെരഞ്ഞെടുപ്പു കമ്മീഷന്റെ ഐ.ടി ആപ്ലിക്കേഷനായ മൊബൈല്‍ ആപ്പ് ഇ-സുവിധ, സി-വിജില്‍ തുടങ്ങിയവ ഉദ്യോഗസ്ഥര്‍ക്ക്  പരിചയപ്പെടുത്തുന്നതിനായി    ഇന്ന്(മാര്‍ച്ച്18) ഉച്ചയ്ക്ക് രണ്ടിന് കലക്ടറേറ്റ് കോണ്‍ഫറന്‍സ് ഹാളില്‍ പരിശീലന പരിപാടി സംഘടിപ്പിക്കുന്നു.പരിശീലനത്തില്‍ ബന്ധപ്പെട്ട ഉദ്യോഗസ്ഥര്‍ പങ്കെടുക്കണം.

പാലക്കാട് കണ്ണാടി വടക്കുമുറി, പാരിജാതം വീട്ടില്‍ കെ.എം. ഹിലാലിന്‍റെ ഭാര്യ ബിജിയേയും 14,17 ഉം വയസുള്ള രണ്ട് പെണ്‍കുട്ടികളെയും 12  അഞ്ചര വയസുള്ള രണ്ട് ആണ്‍കുട്ടികളും ഉള്‍പ്പെടെ ഫെബ്രുവരി ഒമ്പത് മുതല്‍ കാണാതായതായി   ടൗണ്‍ സൗത്ത് പോലീസ് സ്റ്റേഷന്‍ എസ്.ഐ അറിയിച്ചു. ബിജിയുടെ  പ്രായം 45. വെളുത്ത നിറം, 162 സെ.മീ.ഉയരം. കണ്ടു കിട്ടുന്നവര്‍ പാലക്കാട് ടൗണ്‍ സൗത്ത് പൊലീസ് സ്റ്റേഷനുമായി ബന്ധപ്പെടണം. ഫോണ്‍ -0491 2537368.

    ഭാഗ്യക്കുറി ക്ഷേമനിധി പെന്‍ഷന് അര്‍ഹരായ എല്ലാ അംഗങ്ങളും മാര്‍ച്ച് 15 നകം ലൈഫ് സര്‍ട്ടിഫിക്കറ്റ്  ജില്ലാ ഭാഗ്യക്കുറി ക്ഷേമനിധി ഓഫീസര്‍ക്ക് നേരിട്ട് നല്‍കണമെന്ന് ജില്ലാ ഭാഗ്യക്കുറി ക്ഷേമനിധി ഓഫീസര്‍ അറിയിച്ചു. 

     ജലസ്രോതസുകള്‍ സംരക്ഷിച്ച് കുടിവെള്ളത്തിനും കൃഷിക്കും ഉപയോഗ്യമാക്കുന്ന യൂത്ത് ക്ലബുകള്‍ക്ക് നെഹ്റു യുവകേന്ദ്ര ധനസഹായം നല്‍കുന്നു. കുളങ്ങളും, കിണറുകളും വൃത്തിയാക്കി ഉപയോഗ യോഗ്യമാക്കുന്നതിനും നദി, തോട്, മറ്റ് ജലാശയങ്ങളില്‍ തടയണ കെട്ടി ജലനിരപ്പ് ഉയര്‍ത്തുന്ന പ്രവര്‍ത്തനങ്ങള്‍ക്കും സഹായം ലഭിക്കും. ശ്രമദാന പ്രവര്‍ത്തനങ്ങള്‍ക്കാണ് ധനസഹായം നല്‍കുക.  കൂടുതല്‍ വിവരങ്ങള്‍  ജില്ലാ പഞ്ചായത്ത് റോഡിലുള്ള നെഹ്റു യുവകേന്ദ്ര ഓഫീസില്‍ ലഭിക്കും. ഫോണ്‍: 0491 2505024, 9447632362