ചാലക്കുടി താലൂക്ക് പരിധിയിലുള്ള കള്ളിച്ചിത്ര, നടാംപാടം ആദിവാസി ഉന്നതികളില്‍ റേഷന്‍ സാധനങ്ങള്‍ എത്തിക്കുന്നതിനായി ഒരു ടണ്‍ ഭാരം വഹിക്കാന്‍ ശേഷിയുള്ള വാഹനം (ഡ്രൈവര്‍ സഹിതം) പ്രതിമാസ വാടകയ്ക്ക് നല്‍കുന്നതിന് താല്‍പര്യമുള്ളവരില്‍ നിന്നും സീല്‍ വെച്ച ക്വട്ടേഷന്‍ ക്ഷണിച്ചു. ക്വട്ടേഷന്‍ മാര്‍ച്ച് 16 ന് ഉച്ചയ്ക്ക് രണ്ട് മണി വരെ സ്വീകരിക്കും. എഴുതി തയ്യാറാക്കിയ അപേക്ഷയോടൊപ്പം വാഹനത്തിന്റെ വിവരങ്ങള്‍ സഹിതം ജില്ലാ സപ്ലൈ ഓഫീസില്‍ സമര്‍പ്പിക്കണം. വിലാസം: ജില്ലാ സപ്ലൈ ഓഫീസ്, ഫസ്റ്റ് ഫ്‌ളോര്‍, സിവില്‍ സ്റ്റേഷന്‍, അയ്യന്തോള്‍ പി.ഒ, തൃശ്ശൂര്‍ 680003 ഫോണ്‍: 0487 2360046.

ജില്ലാ സായുധ സേന പതാക ദിന നിധി കുടിശ്ശികയുള്ള ജില്ലാതല വകുപ്പ് മേധാവികളും ഓഫീസ് അധികാരികളും സായുധ സേനാ പതാക ദിന നിധിയിലേക്കുളള പതാക വില്പന കുടിശ്ശിക തുക മാര്‍ച്ച് 25നകം ജില്ലാ സൈനികക്ഷേമ ഓഫീസ് മുഖേന സര്‍ക്കാരിലേക്ക് അടച്ച് രസീത് കൈപ്പറ്റണമെന്ന് ജില്ലാ സായുധ സേന പതാക ദിന നിധി ചെയര്‍മാനായ ജില്ലാ കളക്ടര്‍ അറിയിച്ചു.

അപകട ഇന്‍ഷ്യൂറന്‍സ് നിഷേധിച്ച ക്ഷീരകര്‍ഷകന്റെ കുടുംബത്തിന് 570,000 രൂപ നഷ്ടപരിഹാരം നല്‍കാന്‍ ഉപഭോക്തൃ കമ്മീഷന്‍ ഉത്തരവിട്ടു. അമരമ്പലം പാട്ടക്കരിമ്പ് സ്വദേശിയായ അഹമ്മദ് കുട്ടിയുടെ അവകാശികള്‍ സമര്‍പ്പിച്ച ഹര്‍ജിയിലാണ് കമ്മീഷന്റെ വിധി. ക്ഷീരോദ്പാദക സഹകരണ സംഘത്തിലെ അംഗമായിരുന്ന അഹമ്മദ് കുട്ടിയ്ക്ക് അഞ്ച് ലക്ഷം രൂപയുടെ ഇന്‍ഷ്യൂറന്‍സ് പരിരക്ഷയുണ്ടായിരുന്നു.

കൊണ്ടോട്ടി നിരത്തുകള്‍ സെക്ഷന് കീഴില്‍ വരുന്ന കാരാട്-മൂളപ്പുറം-ചണ്ണയില്‍ പള്ളിയാളി റോഡില്‍ കള്‍വര്‍ട്ട്, ഡ്രൈനേജ് പ്രവൃത്തികള്‍ ആരംഭിക്കുന്നതിനാല്‍  മാര്‍ച്ച് 12 മുതല്‍ പ്രവൃത്തി പൂര്‍ത്തീകരിക്കുന്നതുവരെ ഈ റോഡിലൂടെയുള്ള ഗതാഗതം പൂര്‍ണമായും നിരോധിച്ചു. കാരാട് ഭാഗത്തുനിന്ന് വരുന്ന വാഹനങ്ങള്‍ കക്കോവ് വഴിയും തിരുത്തിയാട് ഭാഗത്തുനിന്ന് വരുന്ന വാഹനങ്ങള്‍ പുഞ്ചപ്പാടം വഴിയും പോകണം.

മലപ്പുറം ഗവ. കോളേജില്‍ 2025-26 അധ്യയന വര്‍ഷത്തില്‍ ഇംഗ്ലീഷ് വിഭാഗത്തില്‍ അതിഥി അധ്യാപക ഒഴിവിലേക്കുള്ള അഭിമുഖം മാര്‍ച്ച് 13ന് രാവിലെ 9.30ന് കോളെജില്‍ നടക്കും. കോഴിക്കോട് മേഖലാ കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറേറ്റില്‍ പേര് രജിസ്റ്റര്‍ ചെയ്തിട്ടുള്ള ഉദ്യോഗാര്‍ത്ഥികള്‍ മതിയായ രേഖകള്‍ സഹിതം  അഭിമുഖത്തിനെത്തണം. ഫോണ്‍-9061734918, 0483 2734918.

ഹരിതചട്ടം പാലിച്ച് തെരഞ്ഞെടുപ്പ് നടത്തുന്നതുമായി ബന്ധപ്പെട്ട് ജില്ലാ കളക്ടറുടെ അധ്യക്ഷതയില്‍ നടത്തുന്ന യോഗം മാര്‍ച്ച് 12ന് ഉച്ചയ്ക്ക് 12 ന് കളക്ടറുടെ ചേംബറില്‍ ചേരും. യോഗത്തില്‍ ജില്ലയിലെ രാഷ്ട്രീയ പാര്‍ട്ടി നേതാക്കള്‍, പ്രിന്റിങ് യൂണിറ്റ് സ്ഥാപന പ്രതിനിധികള്‍ എന്നിവര്‍ പങ്കെടുക്കണമെന്ന് കളക്ടര്‍ അറിയിച്ചു.

തിരൂര്‍ താലൂക്കിലെ നിറമരുതൂര്‍ വില്ലേജില്‍ റീ സര്‍വ്വേ 156 ല്‍ ഉള്‍പ്പെട്ട 4.04 ആര്‍സ് ഭൂമി നിയമപരമായ അവകാശികള്‍ ഇല്ലാത്തതിനാല്‍  സര്‍ക്കാരിലേക്ക് കണ്ടുകെട്ടും.  ഇതില്‍ ആക്ഷേപമുള്ളവര്‍ ആറുമാസത്തിനകം ജില്ലാ കളക്ടര്‍ മുമ്പാകെ നേരിട്ട് ഹാജരായി ആക്ഷേപം ബോധിപ്പിക്കണം.

പെരിന്തല്‍മണ്ണ താലൂക്കിലെ ഈശ്വരമംഗലം ശിവ ക്ഷേത്രം പാരമ്പര്യേതര ട്രസ്റ്റിമാരുടെ ഒഴിവിലേക്ക് നിയമനം നടത്തുന്നതിന് ഹിന്ദുമത ധര്‍മ്മ സ്ഥാപന നിയമപ്രകാരം അര്‍ഹരായ തദ്ദേശവാസികളില്‍ നിന്നും അപേക്ഷ ക്ഷണിച്ചു. അപേക്ഷകള്‍ മാര്‍ച്ച് 18 നകം തിരൂര്‍ മിനി സിവില്‍ സ്റ്റേഷനില്‍ പ്രവര്‍ത്തിക്കുന്ന മലബാര്‍ ദേവസ്വം ബോര്‍ഡ്, മലപ്പുറം അസിസ്റ്റന്റ് കമ്മിഷണറുടെ ഓഫീസില്‍ ലഭിക്കണം. അപേക്ഷാ ഫോമും  വിശദ വിവരങ്ങളും തിരൂര്‍ ഓഫീസിലും പെരിന്തല്‍മണ്ണ ഡിവിഷന്‍ ഇന്‍സ്പെക്ടര്‍ ഓഫീസിലും ലഭിക്കും.

മഞ്ചേരി ഗവ. മെഡിക്കല്‍ കോളേജില്‍ താത്ക്കാലികാടിസ്ഥാനത്തില്‍ ലാബ് ടെക്നീഷ്യന്‍ നിയമനം നടത്തുന്നതിനുള്ള അഭിമുഖം മാര്‍ച്ച് 12 ന് രാവിലെ 10.30ന് മെഡിക്കല്‍ കോളേജില്‍ നടക്കും. പ്ലസ്ടു സയന്‍സ്, എം.എല്‍.ടി അല്ലെങ്കില്‍ തത്തുല്യ യോഗ്യതയും പാരാമെഡിക്കല്‍ രജിസ്ട്രേഷനുമുള്ളവര്‍ക്ക് അപേക്ഷിക്കാം. താത്്പര്യമുള്ളവര്‍ യോഗ്യത, പ്രവൃത്തി പരിചയം, വയസ്സ്  തെളിയിക്കുന്ന സര്‍ട്ടിഫിക്കറ്റുകളുടെ അസ്സലും പകര്‍പ്പും സഹിതം  കൂടിക്കാഴ്ചയ്ക്ക് എത്തണം. ഫോണ്‍-0483 2764056.

വേങ്ങര ഗ്രാമ പഞ്ചായത്തിലെ എം.സി.എഫിലേക്ക് കെയര്‍ടേക്കര്‍ തസ്തികയില്‍ ദിവസവേതനാടിസ്ഥാനത്തില്‍ നിയമനം നടത്തുന്നതിനുള്ള അഭിമുഖം മാര്‍ച്ച് 16ന് രാവിലെ 10.30ന് പഞ്ചായത്ത് ഓഫീസില്‍ നടക്കും. . ബിരുദമാണ് അടിസ്ഥാന യോഗ്യത. ബി.എസ്.ഡബ്ലിയു/എം.എസ്.ഡബ്ലിയു യോഗ്യതയുള്ളവര്‍ക്ക് മുന്‍ഗണനയുണ്ട്. താല്‍പര്യമുള്ളവര്‍ അഭിമുഖത്തിനെത്തണം. ഫോണ്‍-0494 2450226.