2026 നിയമസഭാ തിരഞ്ഞെടുപ്പിന്റെ ഭാഗമായി വിവിധ സ്‌ക്വാഡുകളുടെ പരിശീലനം കലക്ടറേറ്റില്‍ നടന്നു. കലക്ടറേറ്റ് ഓഡിറ്റോറിയത്തില്‍   ജില്ലാ ഇലക്ഷന്‍ ഓഫീസറായ ജില്ലാ കലക്ടര്‍ അരുണ്‍ കെ വിജയന്‍ ഉദ്ഘാടനം ചെയ്തു. തിരഞ്ഞെടുപ്പ് പ്രക്രിയ സുഗമമാക്കാന്‍ സ്‌ക്വാഡുകളുടെ കാര്യക്ഷമമായ പ്രവര്‍ത്തങ്ങള്‍ക്ക് സാധിക്കുമെന്ന് കലക്ടര്‍ പറഞ്ഞു. തിരഞ്ഞെടുപ്പ് പ്രഖ്യാപിക്കുന്നതോടെ മാതൃകാ പെരുമാറ്റച്ചട്ടം നിലവില്‍ വരുകയും വിവിധ സ്‌ക്വാഡുകളുടെ പ്രവര്‍ത്തനങ്ങള്‍ ആരംഭിക്കുകയും ചെയ്യുമെന്നും കലക്ടര്‍ പറഞ്ഞു.  

സംസ്ഥാനത്ത് സൈനേജ് ബോര്‍ഡുകള്‍ക്കും പരസ്യങ്ങള്‍ക്കും ഉപയോഗിക്കുന്ന മെറ്റീരിയലുകളുടെ കാര്യത്തില്‍ നിയന്ത്രണങ്ങള്‍ കര്‍ശനമാക്കിയതായി ശുചിത്വ മിഷന്‍ അറിയിച്ചു. മലിനീകരണ നിയന്ത്രണ ബോര്‍ഡ് അംഗീകരിച്ച 100 ശതമാനം കോട്ടണ്‍, പോളിഎത്തിലീന്‍ മെറ്റീരിയലുകള്‍ മാത്രമേ വില്‍ക്കാനോ പ്രിന്റ് ചെയ്യാനോ പാടുള്ളൂ. കൊറിയന്‍ ക്ലോത്ത് തുടങ്ങിയ പേരുകളില്‍ വിപണിയിലുള്ള ഒരു തരത്തിലുള്ള ക്ലോത്ത് മെറ്റീരിയലിനും മലിനീകരണ നിയന്ത്രണ ബോര്‍ഡ് ഇതുവരെ അംഗീകാരം നല്‍കിയിട്ടില്ല. അതിനാല്‍ തുണിയിലുള്ളതെന്ന് അവകാശപ്പെടുന്ന പ്രചരണ ബോര്‍ഡുകള്‍ കണ്ടെത്തിയാല്‍ പിഴ ഈടാക്കുകയും അവ പിടിച്ചെടുക്കുകയും ചെയ്യും. 

ജില്ലാ ലൈബ്രറി കൗണ്‍സില്‍ ഓഫീസില്‍ പ്രവര്‍ത്തിക്കുന്ന ജില്ലാ സെന്‍ട്രല്‍ ലൈബ്രറിയില്‍ ഹൈടെക് റീഡിംഗ് റൂം സജ്ജമാക്കാന്‍ മന്ത്രി രാമചന്ദ്രന്‍ കടന്നപ്പള്ളിയുടെ മണ്ഡലം ആസ്തി വികസന ഫണ്ടില്‍ നിന്ന് അഞ്ചുലക്ഷം രൂപ അനുവദിച്ചു. നവീകരണ പ്രവൃത്തി ഉടനെ ആരംഭിക്കുമെന്ന് മന്ത്രിയുടെ ഓഫീസ് അറിയിച്ചു. വായനയ്ക്കും റഫറന്‍സിനുമായി നൂറുകണക്കിനാളുകള്‍ ആശ്രയിക്കുന്ന ഇടമാണ് ജില്ലാ സെന്‍ട്രല്‍ ലൈബ്രറി റീഡിംഗ് റൂം. 

 സോളാര്‍ പ്ലാന്റ്  നിര്‍മാണ പ്രവൃത്തി ഉദ്ഘാടനം 12ന്

പച്ചമലയാളം കോഴ്സിന് രജിസ്റ്റര്‍ ചെയ്യാം

സാക്ഷരതാ മിഷന്‍ നടത്തുന്ന പച്ച മലയാളം സര്‍ട്ടിഫിക്കറ്റ് കോഴ്സിന്റെ മൂന്നാം ബാച്ചിലേക്ക് അപേക്ഷ ക്ഷണിച്ചു. മലയാളം പഠിക്കുവാന്‍ താല്‍പര്യമുള്ള 17 വയസ് പൂര്‍ത്തിയായവര്‍ക്ക് അപേക്ഷിക്കാം. ആറുമാസത്തെ അടിസ്ഥാന കോഴ്സിന് 4000 രൂപയാണ് ഫീസ്. അപേക്ഷ ഫോറം www.literacymissionkerala.org എന്ന വെബ്സൈറ്റില്‍ ലഭിക്കും. ഫോണ്‍: 04972707699

നിയമനം

കണ്ണൂര്‍ ജില്ലാ പഞ്ചായത്ത് സ്ത്രീപദവി പഠനത്തിന്റെ തുടര്‍പ്രവര്‍ത്തന ശില്‍പശാല ജില്ലാപഞ്ചായത്ത് പ്രസിഡന്റ് അഡ്വ. ബിനോയ് കുര്യന്‍ ഉദ്ഘാടനം ചെയ്തു. ജില്ലാ പഞ്ചായത്ത് ഓഡിറ്റോറിയത്തില്‍ നടന്ന പരിപാടിയില്‍ ക്ഷേമകാര്യ സ്ഥിരം സമിതി അധ്യക്ഷ ബോബി എണ്ണച്ചേരിയില്‍ അധ്യക്ഷയായി.

പരിയാരം ഗവ.ആയുര്‍വേദ കോളേജില്‍ പൂര്‍ത്തികരിച്ച വിവിധ പദ്ധതികള്‍ ആരോഗ്യ കുടുംബ ക്ഷേമ വകുപ്പ് മന്ത്രി വീണാ ജോര്‍ജ് ഓണ്‍ലൈനായി ഉദ്ഘാടനം ചെയ്തു. നിര്‍മ്മാണം പൂര്‍ത്തീകരിച്ച ബാച്ചിലേഴ്സ് ക്വാര്‍ട്ടേഴ്സ്, ആനിമല്‍ ഹൗസ്, സെന്‍ട്രല്‍ റിസര്‍ച്ച് ലബോറട്ടറി, നവീകരിച്ച ക്യാമ്പസ് റോഡ് എന്നിവയാണ് ഉദ്ഘാടനം ചെയ്തത്. എം വിജിന്‍ എം എല്‍ എ അധ്യക്ഷത വഹിച്ചു. ആയുര്‍വേദ മെഡിക്കല്‍ വിദ്യാഭ്യാസ വകുപ്പ് ഡയറക്ടര്‍ ഡോ.ടി.ഡി.ശ്രീകുമാര്‍ ആമുഖ പ്രഭാഷണം നടത്തി. 

ജില്ലയിലെ തെരഞ്ഞെടുക്കപ്പെട്ട ഗ്രൂപ്പുകള്‍ക്കുള്ള കാര്‍ഷിക യന്ത്രങ്ങളുടെ വിതരണോദ്ഘാടനം ജില്ലാ പഞ്ചായത്ത് പ്രസിഡന്റ് അഡ്വ. ബിനോയ് കുര്യന്‍ നിര്‍വഹിച്ചു. കാര്‍ഷിക മേഖലയിലെ തൊഴിലാളി ക്ഷാമം പരിഹരിക്കുക, ഉല്‍പാദനക്ഷമത വര്‍ധിപ്പിക്കുക എന്നീ ലക്ഷ്യത്തോടെയാണ് പദ്ധതി നടപ്പാക്കുന്നത്. ജില്ലാപഞ്ചായത്തിന്റെ 2025-26 വര്‍ഷത്തെ വാര്‍ഷിക പദ്ധതിയില്‍ ഉള്‍പ്പെടുത്തി പവര്‍ടില്ലറും നാല് അനുബന്ധ സാമഗ്രികളും ഒരു നടീല്‍ യന്ത്രവും നാല് മെതിയന്ത്രങ്ങളും പന്ത്രണ്ട് സ്പ്രെയറുകളുമാണ് വിതരണം ചെയ്തത്.

കല്യാശ്ശേരി ഗ്രാമപഞ്ചായത്ത് ബിക്കിരിയന്‍ പറമ്പ് ആധുനിക വാതക ശ്മശാനത്തിന്റെ പ്രവൃത്തി ഉദ്ഘാടനം എം. വിജിന്‍ എം.എല്‍.എ നിര്‍വഹിച്ചു.  കിഫ്ബി ഫണ്ട് 1.77 കോടി രൂപ ചെലവഴിച്ചാണ് നിര്‍മ്മാണം. എല്‍പിജി റും, സെക്യൂരിറ്റി റൂം, ഓഫീസ് റൂം, ജനറേറ്റര്‍ റൂം, പാര്‍ക്കിംഗ് സൗകര്യം, ഗാര്‍ഡന്‍, വിളക്കുകള്‍, ശുചിമുറി, ചുറ്റുമതില്‍, ഡ്രയിനേജ് ഇന്റര്‍ലോക്ക്, ടൈല്‍ ഉള്‍പ്പെടെയാണ് പദ്ധതി വിഭാവനം ചെയ്തിട്ടുള്ളത്. 

 
കേരള ഖാദി  ഗ്രാമ വ്യവസായ ബോര്‍ഡിന്റെ ഷോറൂമുകളില്‍ റംസാന്‍, വര്‍ഷാവസാനം എന്നിവ പ്രമാണിച്ച്  ഇന്ന് (മാര്‍ച്ച് 11) മുതല്‍ 23 വരെ ഖാദി തുണിത്തരങ്ങള്‍ക്ക്  30 ശതമാനം സ്‌പെഷ്യല്‍ റിബേറ്റ് അനുവദിച്ചു. കെ.ജി.എസ് മാതാ ആര്‍ക്കേഡ് തൊടുപുഴ, കെ.ജി.എസ് പൂമംഗലം ബില്‍ഡിംഗ് തൊടുപുഴ, കെ.ജി.എസ് സെന്‍ട്രല്‍ ജംഗ്ഷന്‍ കട്ടപ്പന എന്നീ അംഗീകൃത ഷോറൂമുകളില്‍ ഈ  ആനുകൂല്യം ലഭ്യമാണ്.  ഷോറൂമുകളില്‍ ഖാദി കോട്ടണ്‍, സില്‍ക്ക്, ഗ്രാമ വ്യവസായ ഉല്‍പ്പന്നങ്ങള്‍ എന്നിവയുടെ വൈവിധ്യങ്ങളായ ശേഖരം ഒരുക്കിയിട്ടുണ്ട്.