പെരിന്തല്‍മണ്ണ ജില്ലാ ആശുപത്രിയിലെ ഉപയോഗയോഗ്യമല്ലാത്ത ഒ പി/ഐ പി കൗണ്ടര്‍, ഇ സി ജി യൂണിറ്റ്, പഴയ ക്യാഷ്വാലിറ്റി എന്നിവ പ്രവര്‍ത്തിക്കുന്ന കെട്ടിടം പൊളിച്ചുമാറ്റി കെട്ടിട സാമഗ്രികള്‍ കൊണ്ടുപോകുന്നതിന്  ടെന്‍ഡര്‍ ക്ഷണിച്ചു. ടെന്‍ഡറുകള്‍  'സൂപ്രണ്ട്, ജില്ലാ ആശുപത്രി, പെരിന്തല്‍മണ്ണ' എന്ന വിലാസത്തില്‍ ഒക്ടോബര്‍ ആറിന് വൈകുന്നേരം മൂന്നിന് മുന്‍പായി ലഭിക്കണം. ടെന്‍ഡറിന് പുറമേ സര്‍ക്കാര്‍ ലേല നിബന്ധനകള്‍ക്ക് വിധേയമായി ഒക്ടോബര്‍ എട്ടിന് ഉച്ചയ്ക്ക് 12.30ന്  പരസ്യമായി ലേലം ചെയ്യും. ഫോണ്‍ :9495999304.

പെരിന്തല്‍മണ്ണ ജില്ലാ ആശുപത്രിയിലെ  ഉപയോഗയോഗ്യമല്ലാത്ത മെഡിക്കല്‍ വാര്‍ഡ് നിര്‍ദിഷ്ട വില നല്‍കി പൊളിച്ചു മാറ്റി കെട്ടിട സാമഗ്രികള്‍ കൊണ്ടുപോകുന്നതിന്  അംഗീകൃത കരാറുകാരില്‍ നിന്നും ടെന്‍ഡറുകള്‍ ക്ഷണിച്ചു. ടെന്‍ഡറുകള്‍  'സൂപ്രണ്ട്, ജില്ലാ ആശുപത്രി, പെരിന്തല്‍മണ്ണ' എന്ന വിലാസത്തില്‍ ഒക്ടോബര്‍ ആറിന് വൈകുന്നേരം മൂന്നിനു മുന്‍പായി ലഭിക്കണം. ടെന്‍ഡറിന് പുറമേ സര്‍ക്കാര്‍ ലേല നിബന്ധനകള്‍ക്ക് വിധേയമായി ഒക്ടോബര്‍ എട്ടിന് ഉച്ചയ്ക്ക് 12ന് പരസ്യ ലേലവുണ്ടായിരിക്കും. ഫോണ്‍ :9495999304.

സപ്ലൈകോ ഓണസമ്മാന പദ്ധതിയുടെ നറുക്കെടുപ്പ് ഓഗസ്റ്റ് 22 തിങ്കളാഴ്ച രാവിലെ 11ന് എറണാകുളം കടവന്ത്രയിലെ സപ്ലൈകോ കേന്ദ്ര കാര്യാലയത്തിൽ നടക്കും. ഓണക്കാലത്ത് സപ്ലൈകോ വില്പനശാലകളിൽ നിന്നോ ഓണച്ചന്തകളിൽ നിന്നോ 1000 രൂപയിൽ കൂടുതൽ ഉൽപ്പന്നങ്ങൾ വാങ്ങിയ ഉപഭോക്താക്കളിൽ നിന്നാണ് വിജയികളെ കണ്ടെത്തുക. 

  ഒന്നാം സമ്മാനം ഒരാൾക്ക് ഒരു പവൻ സ്വർണനാണയവും, രണ്ടാം സമ്മാനം രണ്ടുപേർക്ക് ലാപ്ടോപ്പും, മൂന്നാം സമ്മാനം മൂന്നുപേർക്ക് സ്മാർട്ട് ടിവിയും ആണ്. എല്ലാ ജില്ലകളിലെയും നറുക്കെടുപ്പ് വിജയിക്ക് സ്മാർട്ട്ഫോൺ സമ്മാനമായി ലഭിക്കും.

വിദ്യാർത്ഥികളിൽ  സാമൂഹിക ഉത്തരവാദിത്തം , നേതൃത്വ ഗുണം, സേവനമനോഭാവം എന്നിവ വളര്‍ത്തുന്നതിന്   ആരംഭിച്ച കളക്ടേഴ്‌സ് ക്യാമ്പസ് കണക്ട് പദ്ധതി  ജില്ലാ കളക്ടര്‍ അനുകുമാരി ഉദ്ഘാടനം ചെയ്തു.

 വിദ്യാർത്ഥികളിൽ സാമൂഹിക പ്രതിബദ്ധത വളര്‍ത്തുകയാണ് പദ്ധതിയുടെ പ്രധാന ലക്ഷ്യമെന്നും ഇതുവഴി വിദ്യാർത്ഥികളും ഭരണ സംവിധാനവും തമ്മില്‍ ബന്ധിപ്പിക്കാനാകുമെന്നും കളക്ടര്‍ പറഞ്ഞു.

ആലപ്പുഴ ഡബ്‌ള്യു.സി.എന്‍.ബി റോഡില്‍ മട്ടാഞ്ചേരി പാലം വടക്കേ കര മുതല്‍ വൈ.എം.സി.എ പാലം വരെയുള്ള റോഡിന്റെ പുനരുദ്ധാരണ പ്രവൃത്തികള്‍ സെപ്റ്റംബര്‍ 21 ന് നടക്കുന്നതിനാല്‍ ഇത് വഴിയുള്ള ഗതാഗതത്തിന് അന്നേ ദിവസം പൂര്‍ണ്ണ നിയന്ത്രണം ഏര്‍പ്പെടുത്തിയതായി പൊതുമരാമത്ത് വകുപ്പ് ആലപ്പുഴ നിരത്ത് സെക്ഷന്‍ അസിസ്റ്റന്റ് എഞ്ചിനീയര്‍ അറിയിച്ചു.

2024 ലെ വയര്‍മാന്‍ പ്രായോഗിക പരീക്ഷ വിജയിച്ചവര്‍ക്കുള്ള ഏകദിന പരിശീലന ക്‌ളാസ് സെപ്റ്റംബര്‍ 26 ന് രാവിലെ 9 മണി മുതല്‍ ആലപ്പുഴ സിവില്‍ സ്റ്റേഷനിലുള്ള ജില്ലാ ആസൂത്രണ സമിതി സെക്രട്ടറിയേറ്റ് കോണ്‍ഫറന്‍സ് ഹാളില്‍ നടക്കും. വയര്‍മാന്‍ പരീക്ഷ വിജയിച്ചവര്‍ അസ്സല്‍ ഹാള്‍ടിക്കറ്റുമായി (എഴുത്തു പരീക്ഷ, പ്രായോഗിക പരീക്ഷ) കൃത്യസമയത്ത് എത്തണമെന്ന് ആലപ്പുഴ ഇലക്ട്രിക്കല്‍ ഇന്‍സ്‌പെക്ടര്‍ അറിയിച്ചു. ഫോണ്‍: 0477-2962229.

കായംകുളം ബോയ്‌സ് ഹയര്‍ സെക്കന്‍ഡറി സ്‌കൂളില്‍ ഹയര്‍ സെക്കന്‍ഡറി വിഭാഗത്തില്‍ ഒരു കമ്പ്യൂട്ടര്‍ സയന്‍സ് ടീച്ചര്‍ ഒഴിവുണ്ട്. യോഗ്യരായ ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകളുമായി സെപ്റ്റംബര്‍ 22ന് തിങ്കളാഴ്ച അഭിമുഖത്തിന് പ്രിന്‍സിപ്പല്‍ ഓഫീസില്‍ രാവിലെ 10 മണിക്ക് ഹാജരാകണം. ഫോണ്‍: 9447244241.

ആലപ്പുഴ ഗവ. ടി.ഡി. മെഡിക്കല്‍ കോളേജിലെ ട്രാന്‍സ്ഫൂഷന്‍ മെഡിസിന്‍ വിഭാഗത്തിലേക്ക് മള്‍ട്ടി ചാനല്‍ പിപ്പറ്റ് (1) വാങ്ങുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി ഒക്ടോബര്‍ മൂന്നിന് വൈകിട്ട് അഞ്ച് മണി. ഫോണ്‍: 0477-2282611, 2282015.

പത്താമത് ദേശീയ ആയുർവേദ ദിനാചരണത്തോടനുബന്ധിച്ച് സെപ്റ്റംബർ 23 ന് ഭാരതീയ ചികിത്സാ വകുപ്പും ദേശീയ ആയുഷ് മിഷനും സംയുക്തമായി ആലപ്പുഴ ജില്ലയിൽ വിവിധ പരിപാടികൾ സംഘടിപ്പിക്കും. ആയുർവേദത്തിന്റെ പ്രസക്തി അന്താരാഷ്ട്ര തലത്തിലേക്ക് ഉയർത്തുക എന്ന ലക്ഷ്യത്തോടെ സംഘടിപ്പിക്കുന്ന ആയുർവേദ ദിനത്തിന്റെ ഈ വര്‍ഷത്തെ സന്ദേശം ‘ആയുർവേദം മനുഷ്യർക്കും ഭൂമിക്കും വേണ്ടി’ എന്നതാണ്.  

*ആഗോള അയ്യപ്പ സംഗമം മുഖ്യമന്ത്രി  ഉദ്ഘാടനം ചെയ്തു