മണ്ണാര്‍ക്കാട് താലൂക്ക് ആസ്ഥാന ആശുപത്രിയിലെ എക്‌സറേ യൂണിറ്റിലേക്ക് റേഡിയോഗ്രാഫറെ കരാര്‍ അടിസ്ഥാനത്തില്‍ താല്കാലികമായി നിയമിക്കുന്നതിന് സെപ്റ്റംബര്‍ 24 ന് രാവിലെ 11 ന് കൂടിക്കാഴ്ച നടക്കും. യോഗ്യത: പ്ലസ് ടു വിജയം, ഗവ. അംഗീകൃത സ്ഥാപനങ്ങളില്‍ നിന്നോ അംഗീകൃത സര്‍വകലാശാലകളില്‍ നിന്നോ ഡി ആര്‍ ടി, ഡി ആര്‍ ആര്‍ ടി അല്ലെങ്കില്‍ ബി എസ് സി എം ആര്‍ ടി കോഴ്‌സ് പൂര്‍ത്തിയായിരിക്കണം. പാരാമെഡിക്കല്‍ കൗണ്‍സില്‍ രജിസ്‌ട്രേഷന്‍ നിര്‍ബന്ധമാണെന്ന് സൂപ്രണ്ട് അറിയിച്ചു. ഫോണ്‍: 04924 224549.

ഒറ്റപ്പാലം താലൂക്ക് ആസ്ഥാന ആശുപത്രിയിലേക്ക് മെഡിക്കല്‍ ഗ്യാസ് പൈപ്പ് ലൈന്‍ സിസ്റ്റം പിരിയോഡിക്കല്‍ മെയിന്റനന്‍സ് നടത്തുന്നതിനായി ടെന്‍ഡര്‍ ക്ഷണിച്ചു.  ടെന്‍ഡര്‍ ഫോമുകള്‍ സെപ്റ്റംബര്‍ 29 ന് വൈകീട്ട് മൂന്ന് വരെ ലഭിക്കും. ടെന്‍ഡറുകള്‍ സെപ്റ്റംബര്‍ 30 ന് രാവിലെ 11 വരെ സ്വീകരിക്കും. ലഭിച്ച ടെന്‍ഡറുകള്‍ അന്നേ ദിവസം വൈകീട്ട് മൂന്നിന് തുറന്ന് പരിശോധിക്കുമെന്ന് സൂപ്രണ്ട് അറിയിച്ചു. ഫോണ്‍: 0466 2344053.

'ജില്ലാ ക്ഷീര കര്‍ഷക സംഗമം 2025'  ഫുഡ് കമ്മിറ്റിക്ക് വേണ്ടി ക്വട്ടേഷന്‍ ക്ഷണിച്ചു. താല്പര്യമുള്ളവര്‍ സെപ്റ്റംബര്‍ 29ന് വൈകിട്ട് മൂന്നിനകം ക്വട്ടേഷനുകള്‍ നല്‍കണം. കൂടുതല്‍ വിവരങ്ങള്‍ പാലക്കാട് സിവില്‍ സ്റ്റേഷനില്‍ പ്രവര്‍ത്തിക്കുന്ന ക്ഷീര വികസന വകുപ്പ് ഡെപ്യൂട്ടി ഡയറക്ടറുടെ ഓഫീസില്‍ ലഭിക്കും. ഫോണ്‍: 9961169261, 9947039755.

തൃത്താല മണ്ഡലത്തിൽ ആധുനിക രീതിയിൽ നിർമ്മാണം പൂർത്തീകരിച്ച കാലടി ആനക്കര റോഡ് ഇന്ന് (സെപ്റ്റംബർ 20 )വൈകീട്ട് അഞ്ചിന് പൊതുമരാമത്ത് ടൂറിസം വകുപ്പ് മന്ത്രി പി എ മുഹമ്മദ് റിയാസ് നാടിന് സമർപ്പിക്കും.തദ്ദേശ സ്വയംഭരണ എക്സൈസ് പാർലിമെൻ്ററി കാര്യവകുപ്പ് മന്ത്രി എം ബി രാജേഷ് അധ്യക്ഷനാകും.

നെടുമങ്ങാട് ​ഗവ. ടെക്‌നിക്കല്‍ ഹൈസ്‌കൂളില്‍ ടര്‍ണിംഗ് വിഭാഗത്തില്‍ ട്രേഡ്‌സ്മാന്‍ തസ്തികയില്‍ ദിവസവേതന അടിസ്ഥാനത്തില്‍  താല്‍ക്കാലിക ഒഴിവുണ്ട്.

ബന്ധപ്പെട്ട വിഷയത്തില്‍ നേടിയ ടിം എച്ച്.എസ്.എല്‍.സി/ ഐ.റ്റി.ഐ / വി.എച്ച്.എസ്.ഇ ആണ് അടിസ്ഥാന യോഗ്യത. താല്‍പര്യമുള്ള അപേക്ഷകര്‍ അസ്സല്‍ യോഗ്യതാ സര്‍ട്ടിഫിക്കറ്റുകള്‍ സഹിതം സെപ്റ്റംബർ 24ന് രാവിലെ 10ന് സ്‌കൂളില്‍ നടക്കുന്ന അഭിമുഖ പരീക്ഷയില്‍ പങ്കെടുക്കുക. 0472-2812686, 9745088773, 9048940805

സംസ്ഥാനസര്‍ക്കാരിന്റെ സ്വയംഭരണ സ്ഥാപനമായ കേരള മീഡിയ അക്കാദമി  തിരുവനന്തപരം, കൊച്ചി  സെന്ററുകളില്‍  നടത്തുന്ന ഫോട്ടോ ജേണലിസം കോഴ്‌സിലേയ്ക്ക് അപേക്ഷ ക്ഷണിച്ചു. തിയറിയും പ്രാക്ടിക്കലും ഉള്‍പ്പെടെ മൂന്ന് മാസമാണ് കോഴ്‌സിന്റെ കാലാവധി. ശനി, ഞായര്‍ ദിവസങ്ങളിലാണ് ക്ലാസ്സുകള്‍. 25 വീതം സീറ്റുകള്‍ ഉണ്ട്. സര്‍ക്കാര്‍ അംഗീകാരമുളള കോഴ്‌സിന് 25,000 രൂപയാണ് ഫീസ്. പ്ലസ് ടു വിദ്യാഭ്യാസ യോഗ്യതയുളളവര്‍ക്ക് അപേക്ഷിക്കാം. അപേക്ഷ തപാല്‍ മുഖേനേയോ, ഓണ്‍ലൈന്‍ ആയോ സമര്‍പ്പിക്കാം https://forms.gle/ufEN2EzVr4VHKRAs5 എന്ന ലിങ്കിലൂടെയും അപേക്ഷ സമര്‍പ്പിക്കാം. അപേക്ഷ സ്വീകരിക്കുന്ന അവസാന തീയതി ഒക്ടോബര്‍ 6.