കേരള ഇൻഫ്രാസ്ട്രക്ചർ ആന്റ് ടെക്‌നോളജി ഫോർ എഡ്യൂക്കേഷൻ (കൈറ്റ്) നടപ്പാക്കുന്ന കേരളത്തിലെ ഏറ്റവും വലിയ ഓൺലൈൻ പരിശീലന പദ്ധതിയായ  KOOL (KITEs Open Online Learning) വഴി നടത്തിയ കോഴ്‌സിന്റെ രണ്ടാം ബാച്ചിന്റെ ഫലം പ്രഖ്യാപിച്ചു. ഈ ബാച്ചിലെ 2883 അധ്യാപകരിൽ 2765 പേർ (95.91%) കോഴ്‌സ് വിജയിച്ചു. അധ്യാപകരുടെ പ്രൊബേഷൻ വിജയകരമായി പൂർത്തിയാക്കുന്നതിന് 'കൂൾ' കോഴ്‌സ് പാസായി നൽകുന്ന സർട്ടിഫിക്കറ്റ് പര്യാപ്തമാണെന്ന സർക്കാർ ഉത്തരവ് പുറത്തിറക്കിയിരുന്നു. കേരളത്തിൽ ആദ്യമായി ഒരു ഓൺലൈൻ കോഴ്‌സിന് സർക്കാർ അംഗീകാരം നൽകിയതും 'കൂളി'നാണ്.

ആലപ്പുഴ: 2012 മാർച്ച് മുതൽ ഐ.ടി. പരീക്ഷയ്ക്ക് പങ്കെടുക്കാൻ കഴിയാതിരുന്ന അല്ലെങ്കിൽ പരാജയപ്പെട്ട വിദ്യാർഥികൾക്കും 2019 എസ്.എസ്.എൽ.സി ഐ.ടി പരീക്ഷയ്ക്ക് പങ്കെടുക്കാൻ കഴിയാതെ വന്നവർക്കും  മാർച്ച് 29ന് രാവിലെ 10ന് ഗവ.മുഹമ്മദൻസ് ഗേൾസ് എച്ച്.എസ് ആലപ്പുഴയിൽ  ഐ.ടി. പരീക്ഷ നടത്തും.

ആലപ്പുഴ: പൊതുതിരഞ്ഞെടുപ്പുമായി ബന്ധപ്പെട്ട് ജില്ലാതല പരിശീലകർക്ക് നൽകിവന്നിരുന്ന പരിശീലനം അവസാനിച്ചു . ഇ.വി.എം എങ്ങനെ ബന്ധിപ്പിച്ച്  വോട്ട് ചെയ്യിക്കാം, കൺട്രോൾ യൂണിറ്റ് തുറക്കുന്നതെങ്ങനെ,മോക് പോൾ കഴിഞ്ഞാൽ എന്തുചെയ്യണം എന്നീ ചോദ്യങ്ങൾക്കുള്ള ഉത്തരങ്ങളടങ്ങിയ സ്ലൈഡുകളും  പരിശീലനത്തിൽ അവതരിപ്പിച്ചു. വി.വി പാറ്റിൽ തകരാർ   സംഭവിച്ചാൽ അത് ബാറ്ററിയുടെ പ്രശ്നമാണെങ്കിൽ ബാറ്ററി മാറ്റുകയാണ് വേണ്ടത്. മറ്റെന്തെങ്കിലും തകരാറണെങ്കിൽ മെഷീൻ മാറ്റണമെന്നും പരിശീലകർ അറിയിച്ചു. ഇതിനുള്ള പരിശീലനവും നൽകി. തിരഞ്ഞെടുപ്പുചുമതലയുള്ള ഉദ്യോഗസ്ഥർ പ്രിസൈഡിങ് ഓഫീസറുടെ നിർദ്ദേശങ്ങൾ പാലിക്കണം.

ആലപ്പുഴ: വൃദ്ധസദനത്തിലെ അന്തേവാസികളോട് സമ്മതി ദാനവകാശം വിനിയോഗിക്കണമെന്ന സന്ദേശവുമായി ജില്ലാ കളക്ടർ എസ്.സുഹാസ് എത്തി. പ്രായാധിക്യത്തിന്റെ പിടിയിലായ ഒരു കൂട്ടം വൃദ്ധ ജനങ്ങൾക്ക് തങ്ങളുടെ സമ്മതിദാനാവകാശം നിർവഹിക്കുന്നതിനായി എല്ലാ സൗകര്യങ്ങളും ഒരുക്കി നൽകുകയാണ് ജില്ലാ ഭരണകൂടം. ഇതിന്റെ ഭാഗമായാണ് കളക്ടർ ചൊവ്വാഴ്ച ആലപ്പുഴ വാടക്കലിലുള്ള കയർ തൊഴിലാളികളുടെ വൃദ്ധ സദനത്തിൽ എത്തിയത്.  അന്തേവാസികളോട് നേരിട്ട് അദ്ദേഹം ഏറെ നേരം സംവദിച്ചു.

പ്ലസ്ടു വിദ്യാര്‍ത്ഥികളുടെ അധ്യായന വര്‍ഷാവസാനമായ ഇന്ന്(മാര്‍ച്ച് 27) ആഘോഷങ്ങള്‍ പരിധി വിടാതിരിക്കാന്‍  ആര്‍.ടി.ഒയുടെ നേതൃത്വത്തിലുള്ള പ്രത്യേക സംഘംരംഗത്തിറങ്ങും. ജില്ലയിലെ വിവിധ സ്‌കൂളുകള്‍ക്ക് മുമ്പില്‍ ആര്‍.ടി.ഒവാഹന പരിശോധന നടത്തും.പരിശോധനയില്‍ പ്രായപൂര്‍ത്തിയാവാതെവാഹനം ഓടിക്കുന്നവരെ കണ്ടെത്തിയാല്‍ അവരുടെ മാതാപിതാക്കള്‍ക്കെതിരെ കര്‍ശന നടപടിസ്വീകരിക്കും. കൂടാതെറോഡുകളില്‍അഭ്യാസ പ്രകടനം നടത്തുന്നര്‍ക്കെതിരെയും  കര്‍ശന നടപടികള്‍ കൈക്കൊള്ളുമെന്ന് ആര്‍.ടി.ഒ അറിയിച്ചു.

        തെരഞ്ഞെടുപ്പ് പ്രചാരണം പ്രകൃതി സൗഹൃദമാക്കുന്നതിന് ജില്ലയിലെ കോളേജുകളിലെ എന്‍.എസ്.എസ് വിദ്യാര്‍ത്ഥികളുടെ സഹകരണ ത്തോടെ ജില്ലാ ശുചിത്വ / ഹരിതകേരളം മിഷനുകള്‍ സംയുക്തമായി കയ്യൊപ്പ് ശേഖരണ കാമ്പയിന്‍ നടത്തുന്നു. ആശയ പ്രചരണത്തിന്റെ ഭാഗമായി ഒപ്പിടുന്നവരില്‍ നിന്നും നറുക്കെടുപ്പ് നടത്തി ഹരിതോപഹാരം സമ്മാനമായി നല്‍കും. പരിപാടിയുടെ ജില്ലാതല ഉദ്ഘാടനം ഇന്ന് (മാര്‍ച്ച് 27)  രാവിലെ 9.30 ന് മലപ്പുറം ഗവ. കോളേജില്‍ അസി. കളക്ടര്‍ വികല്‍പ് ഭരദ്വാജ് നിര്‍വ്വഹിക്കും.

2012  മാര്‍ച്ച് മുതല്‍ എസ്. എസ്. എല്‍. സി, ഐ. ടി പരീക്ഷയ്ക്ക് പങ്കെടുക്കാന്‍ കഴിയാതിരുന്നവര്‍ക്കും പരാജയപ്പെട്ടവര്‍ക്കും  2018 ലെ പി. സി. എന്‍ കുട്ടികള്‍ക്കും 2019 വര്‍ഷത്തെ എസ്. എസ്. എല്‍. സി  ഐ. ടി പരീക്ഷയില്‍ വിവിധ കാരണങ്ങള്‍ പങ്കെടുക്കാന്‍ കഴിയാതെ വന്നിട്ടുള്ള സ്‌കൂള്‍ ഗോയിങ് വിഭാഗക്കാര്‍ക്കും മാര്‍ച്ച്29 രാവിലെ 10ന് മലപ്പുറം സെന്റ് ജമ്മാസ് ഗേള്‍സ് ഹൈസ്‌കൂളില്‍ പരീക്ഷ നടത്തുമെന്ന് ജില്ലാ വിദ്യാഭ്യാസ ഓഫീസര്‍ അറിയിച്ചു.

 കുടുംബശ്രീ സംസ്ഥാന മിഷന്റെ നേതൃത്വത്തില്‍ നടത്തുന്ന പാചക മത്സരത്തിന്റെ മലപ്പുറം ജില്ലയിലെ മത്സരം ഇന്ന് (മാര്‍ച്ച് 27) കോട്ടക്കുന്ന് ഡിടിപിസി ഹാളില്‍ നടക്കും. 'വടക്കിനി ജംങ്ഷന്‍' എന്ന് പേരിട്ടിരിക്കുന്ന മത്സരത്തില്‍ ജില്ലയിലെ 13 യൂനിറ്റുകളാണ് മാറ്റുരക്കുന്നത്. 10,000 രൂപയാണ് ഒന്നാം സമ്മാനം. 5000 രൂപ രണ്ടാം സ്ഥാനക്കാര്‍ക്കും 2500 രൂപ മൂന്നാം സ്ഥാനക്കാര്‍ക്കും ലഭിക്കും. ഒന്നാം സ്ഥാനം ലഭിക്കുന്ന ടീമിന് 'ചാദിന്റെ ഹൂറി' പട്ടം ലഭിക്കും. കഫെ കുടുംബശ്രീ യൂനിറ്റുകള്‍ക്കും വിഭവങ്ങള്‍ക്കും കൂടുതല്‍ പ്രചാരവും സ്വീകാര്യതയും നേടിയെടുക്കുകയാണ് ലക്ഷ്യം.

ആള്‍ കേരളാ റീട്ടെയില്‍ റേഷന്‍ ഡീലേഴ്‌സ് അസോസിയേഷന്റെ സംസ്ഥാന സമ്മേളനം നടക്കുന്നതിനാല്‍ ഇന്ന് (മാര്‍ച്ച് 27) ജില്ലയിലെ റേഷന്‍ കടകള്‍ക്ക് അവധിയും പകരം മാര്‍ച്ച് 31ന് പ്രവര്‍ത്തി ദിനവുമായിരിക്കുമെന്ന് ജില്ലാ സപ്ലൈ ഓഫീസര്‍ അറിയിച്ചു.

    ജില്ലാ സ്‌പോര്‍ട്‌സ് കൗണ്‍സിലിന്റെ ആഭിമുഖ്യത്തില്‍ സംസ്ഥാന സ്‌പോര്‍ട്‌സ് കൗണ്‍സിലിന്റെ അംഗീകാരത്തോടെ 14 വയസ്സിന്  താഴെയുള്ള (01-01-2006 ന് ശേഷം ജനിച്ചവര്‍) ആണ്‍കുട്ടികള്‍ക്കും പെണ്‍കുട്ടികള്‍ക്കും  ഏപ്രില്‍ രണ്ടു  മുതല്‍ 21 വരെ   ജില്ലയിലെ വിവിധ ഭാഗങ്ങളില്‍ വ്യത്യസ്ത കായിക ഇനങ്ങളില്‍ സമ്മര്‍ കോച്ചിങ് ക്യാമ്പ് നടത്തുന്നു.