സൂര്യാഘാത സാധ്യത അനുദിനം വർധിക്കുന്ന സാഹചര്യത്തിൽ ആയൂർവേദത്തിലൂടെ സൂര്യാഘാത സാധ്യത ഫലപ്രദമായി നേരിടാനാകുമെന്ന് ഭാരതീയ ചികിത്സാ വകുപ്പ്  ഡയറക്ടർ ഡോ. കെ.എസ്. പ്രിയ അറിയിച്ചു. ഇതിനായി കേരളത്തിലുടനീളമുള്ള ഭാരതീയ ചികിത്സാ വിഭാഗത്തിന്റെ സ്ഥാപനങ്ങൾ വഴി ചികിത്സ ലഭ്യമാക്കുന്നുണ്ട്. വേനലിൽ ഉണ്ടാകാവുന്ന  ശാരീരിക മാറ്റങ്ങളും വരാൻ സാധ്യതയുള്ള രോഗങ്ങളും പ്രതിരോധിക്കാൻ കഴിയുന്ന രീതിയിലുള്ള ആഹാരവും ദൈനംദിന ചര്യകളും പിന്തുടർന്നാൽ ഒരു പരിധി വരെ സൂര്യാഘാതത്തെ പ്രതിരോധിക്കാനാകും.

ജെന്റർപാർക്കിന്റെ നേതൃത്വത്തിൽ സംസ്ഥാനത്തെ പ്രളയമേഖലകളിൽ ഉപജീവന നൈപുണ്യ പരിശീലനം, ചെറുകിട കച്ചവട നൈപുണ്യ പരിശീലനം എന്നിവ നൽകുന്നു.

പരിശീലന പരിപാടി സംഘടിപ്പിക്കാൻ താൽപ്പര്യമുള്ള, ഈ മേഖലയിൽ പ്രവർത്തിക്കുന്ന സ്ഥാപനങ്ങൾ, നടത്താനുദ്ദേശിക്കുന്ന വിവിധ പരിശീലന പരിപാടികളുടെ വിശദവിവരം ഏപ്രിൽ ആറിനകം ലഭ്യമാക്കണം. കൂടുതൽ വിവരങ്ങൾക്ക് 0471-2433334.  വിലാസം: ജെന്റർ പാർക്ക്, എ17, ബ്രാഹ്മിൺസ് കോളനി റോഡ്, കവടിയാർ പി.ഒ, തിരുവനന്തപുരം - 695003.  ഇ-മെയിൽ: info@genderpark.gov.in.       

പി.എൻ.എക്സ്. 997/19

   കാരാപ്പുഴ ജലസേചന പദ്ധതിയില്‍ ഉള്‍പ്പെട്ട വാഴവറ്റ-അമ്പലവയല്‍ റോഡില്‍ അടിവാരം മുതല്‍ മാങ്കുന്ന് വരെയുള്ള ഭാഗത്ത് ആദ്യഘട്ട ടാറിങ് പ്രവൃത്തി നടക്കുന്നതിനാല്‍ മാര്‍ച്ച് 28 മുതല്‍ ഏപ്രില്‍ ആറുവരെ ഇതിലൂടെയുള്ള ഗതാഗതം നിരോധിച്ചു. അമ്പലവയലിലേക്കുള്ള വാഹനങ്ങള്‍ അത്തിച്ചാല്‍-പോത്തുകെട്ടി-ചീനിക്കാമൂല വഴി പോകണമെന്ന് എക്‌സിക്യൂട്ടീവ് എന്‍ജിനീയര്‍ അറിയിച്ചു. 

കാസര്‍കോട്  ഗവര്‍മെന്റ്  ആയുര്‍വേദ ആശുപത്രിയില്‍ സ്ത്രീരോഗ വിഭാഗം ഒ.പിയും മര്‍മ്മരോഗ ഒ.പിയും പ്രവര്‍ത്തനം ആരംഭിച്ചു. മര്‍മ്മരോഗ ഒ.പിയില്‍ നടുവേദന, മുട്ട് വേദന, കഴുത്ത് വേദന, വെരിക്കോസ് വെയിന്‍ തുടങ്ങിയവയ്ക്ക് എല്ലാ ദിവസവും രാവിലെ ഒന്‍പതു മുതല്‍ ഉച്ചയക്ക് രണ്ടുവരെ ചികിത്സ ലഭ്യമാണ്.സ്ത്രീസംബന്ധമായ എല്ലാ ശാരീരിക പ്രശ്‌നങ്ങള്‍ക്കും സ്ത്രീരോഗ ഒപിയില്‍ ശനിയാഴ്ച ഒഴികെ എല്ലാ ദിവസവും  രാവിലെ ഒന്‍പതു മുതല്‍ ഉച്ചയക്ക്  രണ്ടുവരെയും ചികിത്സ ലഭ്യമാണ്.കൂടുതല്‍ വിവരങ്ങള്‍ക്ക്-94473 43608 (സ്ത്രീ രോഗ വിഭാഗം),99463 07403 (മര്‍മ്മ രോഗ വിഭാഗം) 

സപ്ലൈകോ വാര്‍ഷിക സ്‌റ്റോക്കെടുപ്പായതിനാല്‍ മാര്‍ച്ച് 29, 30, 31 തീയതികളില്‍ സപ്ലൈകോ സൂപ്പര്‍ മാര്‍ക്കറ്റുകളിലും മാവേലി സ്റ്റോറുകളിലും വില്‍പന ഉണ്ടാകില്ല.

 ജില്ലാ പോലീസ് മേധാവിയുടെ അധീതയില്‍ ഉള്ളതും കാസര്‍കോട് സായുധ സേനാ ക്യാമ്പില്‍ സൂക്ഷിച്ചിരിക്കുന്നതും ഡിപ്പാര്‍ട്ടമെന്റിന്് ഉപയോഗയോഗ്യമല്ലാത്തതുമായ  16 ഡിപ്പാര്‍ട്ട്‌മെന്റ് വാഹനങ്ങള്‍ ഏപ്രില്‍ 29 ന് രാവിലെ 11 ന് സായുധ സേനാ ക്യാമ്പില്‍ വച്ച് ലേലം ചെയ്യും.കൂടുതല്‍ വിവരങ്ങള്‍ക്ക്-04994 255461

· പാറമടകളിലെ വെള്ളം ഉപയോഗപ്പെടുത്തും

· ജലാശയങ്ങളുടെ ലിസ്റ്റ് സമര്‍പ്പിക്കണം

· വാര്‍ഡ് തലത്തില്‍ ജലംസരക്ഷണ ബോധവത്കരണം

 ലോകസഭാ തെരഞ്ഞെടുപ്പില്‍ മുഴുവന്‍ വോട്ടര്‍മാരും സമ്മതിദാനാവകാശം വിനിയോഗിക്കണമെന്നും 'എന്റെ വോട്ട് എന്റെ അവകാശം'  എന്ന സന്ദേശം ഉയര്‍ത്തിപ്പിടിച്ചും തെരഞ്ഞെടുപ്പ് കമ്മിഷന്‍ സംഘടിപ്പിച്ച തീരദേശ വോട്ട് സന്ദേശ യാത്ര കാസര്‍കോട് നെല്ലിക്കുന്ന് കടപ്പുറത്ത് ജില്ലാ കളക്ടര്‍ ഡോ: ഡി സജിത് ബാബു  ഉദ്ഘാടനം ചെയ്തു. തീരദേശത്തെ കുതിര്‍ എന്ന സ്ഥലത്ത് നിന്ന് ശിങ്കാരിമേളത്തിന്റെ അകമ്പടിയോടെ പ്ലക്കാര്‍ഡുളേന്തി സ്ത്രീകളും കുട്ടികളുമായി  ആരംഭിച്ച യാത്ര നെല്ലിക്കുന്ന് ലൈറ്റ് ഹൗസിന് സമീപം അവസാനിച്ചു. സ്വീപ്പ് നോഡല്‍ ഓഫീസര്‍ മുഹമ്മദ് നൗഷാദ് യാത്രക്ക് നേതൃത്വം നല്‍കി.

ലോക്‌സഭാ തെരഞ്ഞെടുപ്പുമായി ബന്ധപ്പെട്ട് കാസര്‍കോട് ജില്ലയിലെ കണ്‍ട്രോള്‍ റൂം നിയന്ത്രിക്കുന്നത് വനിതകള്‍. തെരഞ്ഞെടുപ്പ് പെരുമാറ്റച്ചട്ട ലംഘനം ഉള്‍പ്പെടെയുള്ള പരാതികളുടെയും വോട്ടര്‍ ഹെല്‍പ്പ് ലൈനുകളുടെയും നിയന്ത്രണമാണ് ജൂനിയര്‍ സുപ്രണ്ടുമാരായ രണ്ടു വനിതകളുടെ നേതൃത്വത്തില്‍ നടക്കുന്നത്. സംസ്ഥാനത്ത് വനിതകള്‍ മാത്രം നിയന്ത്രിക്കുന്ന ഏക കണ്‍ട്രോള്‍ റൂമാണ് കാസര്‍കോട് കളക്ടറേറ്റിലേത്. ജൂനിയര്‍ സുപ്രണ്ടുമാരായ സി.ജി ശ്യാമള, ഇന്ദു എം ദാസ് എന്നിവരെ നോഡല്‍ ഓഫീസര്‍മാരായി ജില്ലാ വരണാധികാരിയായ ജില്ലാ കളക്ടറാണ് നിയമിച്ചത്. ക്ലര്‍ക്കുമാരായ ഷീജ.എ, നമിത എ, സജിത പി.എ എന്നിവരും ഇവര്‍ക്കൊപ്പം സജീവമാണ്.