തൃശൂര്‍ ജില്ലാ ഇന്‍ഫര്‍മേഷന്‍ ഓഫീസിലേക്ക്‌ നടത്തിയ ഇന്‍ഫര്‍മേഷന്‍ അസിസ്റ്റന്റിന്റെ റാങ്ക്‌ ലിസ്റ്റ്‌ പ്രസിദ്ധീകരിച്ചു. കൂടുതല്‍ വിവരങ്ങള്‍ക്ക്‌ ജില്ലാ ഇന്‍ഫര്‍മേഷന്‍ ഓഫീസുമായി ബന്ധപ്പെടുക. ഫോണ്‍ : 0487-2360644. 

ദുരന്തവുമായി ബന്ധപ്പെട്ട്‌ സന്നദ്ധപ്രവര്‍ത്തകര്‍ക്കുളള പരിശീലനം വിയ്യൂര്‍ ഫയര്‍ ആന്‍ഡ്‌ റസ്‌ക്യൂ സര്‍വീസ്‌ അക്കാദമിയില്‍ തുടങ്ങി. തെരഞ്ഞെടുത്ത 200 പേര്‍ക്ക്‌ ഇന്ന്‌ (ഒക്‌ടോബര്‍ 22) മുതല്‍ 12 ദിവസത്തെ പരിശീലനം ആരംഭിച്ചു. പ്രഥമശുശ്രൂഷ, തിരച്ചല്‍, രക്ഷപ്പെടുത്തല്‍, ദുരന്തമുന്നറിയിപ്പ്‌, പുനരധിവാസക്യാമ്പ്‌ തുടങ്ങി ദുരന്തമുഖത്ത്‌ കൈത്താങ്ങാവുന്ന പദ്ധതിയാണ്‌ ആപ്‌ദാമിത്ര. ദുരന്തങ്ങളില്‍ നിന്നും മറ്റുളളവരെ സഹായിക്കുന്ന സുഹൃത്ത്‌ എന്നാണ്‌ ആപ്‌ദാമിത്ര അര്‍ത്ഥമാക്കുന്നത്‌. ദുരന്തനിവാരണ അതോറിറ്റി മുഖേന ഫയര്‍ ആന്‍ഡ്‌ റസ്‌ക്യൂ സര്‍വീസാണ്‌ പരിശീലനം നല്‍കുക.

ജില്ലാ വ്യവസായ കേന്ദ്രത്തിനു കീഴില്‍ ജില്ലയുടെ വിവിധ ഭാഗങ്ങളില്‍ ആരംഭിക്കുന്ന 26 വ്യവസായ യൂണിറ്റുകളുടെ അപേക്ഷ പരിഗണിച്ചു. ഇവര്‍ക്കുള്ള സബ്‌സിഡി അംഗീകരിക്കുന്നതിനുള്ള യോഗം ജില്ലാ കളക്‌ടര്‍ ടി.വി. അനുപമയുടെ അധ്യക്ഷതയില്‍ കളക്‌ടറുടെ ചേംബറില്‍ ചേര്‍ന്നു. അപേക്ഷിച്ചിട്ടുള്ള 26 യൂണിറ്റുകള്‍ 69,249,126 കോടി രൂപയുടെ ഇന്‍വെസ്റ്റ്‌മെന്റ്‌ സപ്പോര്‍ട്ടിനും 12,604,399 കോടിയുടെ സബ്‌സിഡിയ്‌ക്കുമാണ്‌ അപേക്ഷിച്ചിട്ടുള്ളത്‌. 

ജില്ലയിലെ 2018-19 സാമ്പത്തിക വര്‍ഷത്തെ വിവിധ ഭേദഗതി പദ്ധതികള്‍ക്ക്‌ ജില്ലാ ആസൂത്രണ സമിതി യോഗം അംഗീകാരം നല്‍കി. വിവിധ തദ്ദേശസ്വയംഭരണ സ്ഥാപനങ്ങള്‍ വഴി നടപ്പിലാക്കുന്ന ഭേദഗതി പദ്ധതികള്‍ക്കാണ്‌ ജില്ലാ പഞ്ചായത്ത്‌ പ്രസിഡന്‍്‌്‌റ മേരി തോമസിന്‍െ്‌റ അധ്യക്ഷതയില്‍ ആസൂത്രണ ഭവന്‍ ഹാളില്‍ ചേര്‍ന്ന ആസൂത്രണ സമിതി യോഗത്തില്‍ അംഗീകാരം നല്‍കിയത്‌. ജില്ലാ പഞ്ചായത്തിന്‍െ്‌റ 81 ഭേദഗതി പദ്ധതികളും, 7 പുതിയ പദ്ധതികളും തൃശൂര്‍ കോര്‍പ്പറേഷന്‍െറ 159 ഭേദഗതി പദ്ധതികളും 38 പുതിയ പദ്ധതികളും ഉള്‍പ്പടെ വിവിധ തദ്ദേശസ്വയംഭരണ സ്ഥാപനങ്ങളുടെ പദ്ധതികള്‍ക്കാണ്‌ അംഗീകാരം നല്‍കിയത്‌.

പുതുക്കാട്‌ റെയില്‍വേ മേല്‍പാലം, നന്തിക്കര മേല്‍പാലം എന്നിവ കിഫ്‌ബി പദ്ധതിയില്‍ ഉള്‍പ്പെടുത്തി നിര്‍മ്മിക്കുമെന്നും ഇതിനുള്ള അംഗീകാരം ലഭിച്ചു കഴിഞ്ഞവെന്നും പൊതുവിദ്യാഭ്യാസ വകുപ്പ്‌മന്ത്രി പ്രൊഫ. സി. രവീന്ദ്രനാഥ്‌ അറിയിച്ചു. ജില്ലാ കളക്‌ടറുടെ ചേംബറില്‍ നടന്ന പുതുക്കാട്‌ നിയോജകമണ്‌ഡലത്തിലെ റോഡുകള്‍, പാലങ്ങള്‍ എന്നിവയുടെ നിര്‍മ്മാണ പ്രവര്‍ത്തനങ്ങള്‍ വിലയിരുത്തുന്ന യോഗത്തിലാണ്‌ മന്ത്രി ഇക്കാര്യം വ്യക്തമാക്കിയത്‌. 

ഭിന്നശേഷിക്കാരായ വിദ്യാര്‍ഥികളുടെ കാര്യത്തില്‍ സര്‍ക്കാരിന്‌ പ്രത്യേക കരുതലാണ്‌ ഉള്ളതെന്ന്‌ കൃഷിവകുപ്പ്‌ മന്ത്രി അഡ്വ. വി.എസ്‌്‌. സുനില്‍കുമാര്‍. ഭിന്നശേഷി വിദ്യാര്‍ഥികള്‍ക്കുള്ള 2018-19 വര്‍ഷത്തെ ഉപകരണവിതരണത്തിന്‍െ്‌റ സംസ്ഥാനതല ഉദ്‌ഘാടനവും എസ്‌.ഐ.ഇ.ടി. തയ്യാറാക്കിയ ഡിജിറ്റല്‍ ഉള്ളടക്കത്തിന്‍െ്‌റ പ്രകാശനവും അരണാട്ടുകര ടാഗോര്‍ സെന്‍്‌റിനറി ഹാളില്‍ നിര്‍വഹിച്ച്‌ സംസാരിക്കുകയായിരുന്നു അദ്ദേഹം. ഭിന്നശേഷി വിദ്യാര്‍ഥികളെ മറ്റു വിദ്യാര്‍ഥികള്‍ക്കൊപ്പം എത്തിക്കുക എന്നത്‌ ഉത്തരവാദിത്വമാണ്‌. ഇവരുടെ ശാരീരികവും മാനസികവുമായ കെല്‍പ്പ്‌ വര്‍ദ്ധിപ്പിക്കലാണ്‌ ലഷ്യമെന്നും മന്ത്രി പറഞ്ഞു.