സുല്‍ത്താന്‍ ബത്തേരി താലൂക്ക് ആയുര്‍വേദ ആശുപത്രിയില്‍ ദിവസ വേതനാടിസ്ഥാനത്തില്‍ മെഡിക്കല്‍ ഓഫീസറെ നിയമിക്കുന്നതിനുള്ള കൂടിക്കാഴ്ച ഒക്‌ടോബര്‍ 30ന് രാവിലെ 10.30ന് ഭാരതീയ ചികിത്സാ വകുപ്പിന്റെ കല്‍പ്പറ്റ പഴയ ബസ് സ്റ്റാന്റില്‍ പ്രവര്‍ത്തിക്കുന്ന ജില്ലാ മെഡിക്കല്‍ ഓഫീസില്‍ നടത്തും. ഫോണ്‍ 04936 203906.

        
    തരിയോട് ഗ്രാമ പഞ്ചായത്തിന്റെ കായിക പരിശീലനം പദ്ധതിയുടെ ഭാഗമായി കുട്ടികള്‍ക്ക് ഫുട്‌ബോള്‍ പരിശീലനം നല്‍കുന്നതിന് പരിശീലകരില്‍ നിന്നും അപേക്ഷ ക്ഷണിച്ചു. അപേക്ഷ  ബയോഡാറ്റയും, സര്‍ട്ടിഫിക്കറ്റുകളുടെ പകര്‍പ്പും സഹിതം ഒക്‌ടോബര്‍ 29നകം ഹെഡ്മാസ്റ്റര്‍, ചെന്നലോട് യു.പി സ്‌കൂള്‍, ചെന്നലോട്.പി.ഒ, തരിയോട് എന്ന വിലാസത്തില്‍ ലഭിക്കണം.
 

ചേളാരിയിലെ ഐ.ഒ.സി ബോട്ട്‌ലിംഗ് പ്ലാന്റിന്റെ സുരക്ഷിതത്വം ഉറപ്പാക്കുന്നതിന് വിവിധ വകുപ്പുകളും ഏജന്‍സികളും നല്‍കിയ എല്ലാ രേഖകളും പരിശോധിക്കുമെന്ന് ജില്ലാ കളക്ടര്‍ അമിത് മീണ അറിയിച്ചു. പ്ലാന്റിന്റെ  പ്രവര്‍ത്തനവുമായി ബന്ധപ്പെട്ട് ജില്ലാ കളക്ടറുടെ അദ്ധ്യക്ഷതയില്‍ കളക്ടറേറ്റില്‍ ചേര്‍ന്ന ജനപ്രതിനിധകളുടെയും ഉദ്യോഗസ്ഥരുടെയും പരിസരവാസികളുടെയും യോഗത്തിലാണ് ഇക്കാര്യം അറിയിച്ചത്. യോഗത്തില്‍ പങ്കെടുത്ത പ്രതിനിധികള്‍ പ്ലാന്റിന്റെ സുരക്ഷയുമായി ബന്ധപ്പെട്ട സര്‍ട്ടിഫിക്കറ്റുകളും മറ്റും കൃത്രിമവും വ്യാജവുമാണെന്ന് ആരോപണമുന്നയിച്ചതിന്റെ പശ്ചാത്തലത്തിലാണിത്.

കാളികാവ് ഗ്രാമപഞ്ചായത്തിലെ ഒന്നാം വാര്‍ഡില്‍ കറുത്തേനി കിപ്പട റോഡിനെ ബന്ധിപ്പിക്കുന്ന റാട്ട റിംഗ് റോഡ് ഗതാഗത യോഗ്യമാക്കി. റോഡിന്റെ ഉദ്ഘാടനം എ.പി. അനില്‍കുമാര്‍ എം.എല്‍.എ നിര്‍വ്വഹിച്ചു. എ.പി. അനില്‍കുമാര്‍ എം.എല്‍.എയുടെ പ്രാദേശിക വികസന ഫണ്ടില്‍ നിന്നും മൂന്ന് ലക്ഷം രൂപ ചെലവഴിച്ചാണ് റോഡ് കോണ്‍ക്രീറ്റ് ചെയ്തു ഗതാഗത യോഗ്യമാക്കിയത്.
ഉദ്ഘാടന ചടങ്ങില്‍ കാളികാവ് ഗ്രാമപഞ്ചായത്ത് പ്രസിഡന്റ് നജീബ് ബാബു, വാര്‍ഡ് മെമ്പര്‍ സി.ടി. സക്കറിയ, ഫ്രാന്‍സിസ് ഓണാട്ട്, മമ്പാടന്‍ മജീദ്, കെ.ടി. അബു ഹാജി തുടങ്ങിയവര്‍ പങ്കെടുത്തു.

സംസ്ഥാന വനിതാ കമ്മീഷന്‍ നാളെ  (24.10.18) രാവിലെ 10.30 ന് ജില്ലാ പഞ്ചായത്ത് ഹാളില്‍ മെഗാ അദാലത്ത് നടത്തും.

പ്രളയബാധിത വ്യാപാര വാണിജ്യ സ്ഥാപനങ്ങളുടെ വിവരങ്ങള്‍ സര്‍ക്കാരിലേക്ക്  ഇതുവരെ റിപ്പോര്‍ട്ട് ചെയ്യാത്ത ജില്ലയിലെ പ്രളയബാധിത വ്യവസായ സംരംഭങ്ങള്‍ നവംബര്‍ 10 നകം ജില്ലാവ്യവസായ കേന്ദ്രത്തിലോ താലൂക്ക് വ്യവസായ കേന്ദ്രങ്ങളിലോ റിപ്പോര്‍ട്ട് ചെയ്യണം.  ഫോണ്‍:- 04832737405,  04832734812.

തയ്യല്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളായവര്‍ക്ക് അഹല്യ കണ്ണാശുപത്രിയുമായി സഹകരിച്ച്  കോട്ടപ്പടി ടി.ടി.ഐയില്‍ ഒക്‌ടോബര്‍ 28ന് രാവിലെ 9.30ന്  സൗജന്യ നേതൃപരിശോധന ക്യാമ്പ് നടത്തുന്നു.  ഫോണ്‍ 0483 2738989

ജില്ലാ ആരോഗ്യ കുടുംബക്ഷേമ സമിതിക്കു കീഴില്‍ ജില്ലയില്‍ ഡാറ്റാ മാനേജര്‍ തസ്തികയിലേക്ക് കരാര്‍ അടിസ്ഥാനത്തില്‍ നിയമിക്കുന്നതിനായി അപേക്ഷ ക്ഷണിച്ചു. കംപ്യൂട്ടര്‍ സയന്‍സില്‍ പി.ജി/ഐ.ടിയില്‍ ബി.ഇ/ ഇലക്‌ട്രോണിക്‌സില്‍ ബി. ഇ, ആരോഗ്യ മേഖലയില്‍ മൂന്നു വര്‍ഷത്തില്‍ കുറയാത്ത പ്രവൃത്തി പരിചയം (മൂന്നു വര്‍ഷത്തില്‍ കുറയാത്ത പ്രവൃത്തി പരിചയമുളളവരുടെ അഭാവത്തില്‍ മറ്റുള്ളവരെയും പരിഗണിക്കും) എന്നിവയാണ് യോഗ്യതകള്‍.  പ്രായം 40 വയസ്സിന് താഴെ. വേതനം പ്രതിമാസം 19000 രൂപ.

വിമുക്തഭടന്‍മാരുടെ പത്താം ക്ലാസ്മുതല്‍ ബിരുദാനന്തര ബിരുദംവരെ പഠിക്കുന്ന മക്കള്‍ക്ക് നല്‍കിവരുന്ന ബ്രൈറ്റ് സ്റ്റുഡന്റ് സ്‌കോളര്‍ഷിപ്പിന് ഇപ്പോള്‍ അപേക്ഷിക്കാം. വാര്‍ഷികവരുമാനം മൂന്ന് ലക്ഷം രൂപയില്‍ താഴെയായിരിക്കണം. മുന്‍വര്‍ഷത്തെ പരീക്ഷയില്‍ കുറഞ്ഞത് 50 ശതമാനം മാര്‍ക്ക് ലഭിച്ചിരിക്കണം. 10, 11, 12 ക്ലാസുകളില്‍ പഠിക്കുന്നവര്‍ അപേക്ഷകള്‍ ഒക്ടോബര്‍ 31നകവും യു.ജി, പി.ജി. എന്നീ കോഴ്‌സുകള്‍ പഠിക്കുന്നവര്‍ നവംബര്‍ 30നകവും അപേക്ഷിക്കണം. www.sainikwelfare.kerala ല്‍ നിന്നും അപേക്ഷ ഫോം ഡൗണ്‍ലോഡ് ചെയ്യാം. വിശദവിവരങ്ങള്‍ക്ക് ജില്ലാ സൈനിക ക്ഷേമ ഓഫീസുമായി ബന്ധപ്പെുക. ഫോണ്‍ : 04832734932.