ബേപ്പൂര്‍ തുറമുഖത്തെ ചുമട്ട്കൂലി തര്‍ക്കം ജില്ലാ ഡെപ്യൂട്ടി ലേബര്‍ ഓഫീസര്‍ എം.പി.ഹരിദാസന്‍ വിളിച്ചുചേര്‍ത്ത ചര്‍ച്ചയില്‍ ഒത്തുതീര്‍പ്പായി. തൊഴില്‍ സാഹചര്യം പരിഗണിച്ച് തുറമുഖത്തെ നിലവിലുളള കൂലി നിരക്ക് ഈ മാസം ഒന്ന് മുതല്‍ ഒരു വര്‍ഷത്തേയ്ക്ക് കൂടി തുടരാന്‍ ധാരണയായി. കൂലി സംബന്ധിച്ച കരാറിന്റെ കാലാവധി സെപ്തംബര്‍ 30 ന് അവസാനിച്ചിരുന്നു. ഈ  സാഹചര്യത്തില്‍ കരാര്‍ പുതുക്കി നിശ്ചയിക്കണമെന്നാവശ്യപ്പെട്ടുകൊണ്ട് ഐ.എന്‍.റ്റി.യു.സി, സി.ഐ.റ്റി.യു, എസ്.റ്റി. യു എന്നീ ട്രേഡ് യൂണിയനുകള്‍  സമര്‍പ്പിച്ച അവകാശപത്രികയി•േ-ലാണ് തീരുമാനമായത്.  

കോഴിക്കോട് ബീച്ച് ആശുപത്രിയില്‍ നിന്ന് ഭിന്നശേഷി സദനം ഏറ്റെടുത്ത കര്‍ണ്ണാടക കോലാര്‍ സ്വദേശി അശോക് ബാബുവിനെ ബന്ധുക്കളോടൊപ്പം നാട്ടിലേക്കയച്ചു. ബീച്ച് ആശുപത്രിയില്‍ ബന്ധുക്കള്‍ ഉപേക്ഷിച്ച നിലയില്‍ കണ്ടെത്തിയ വയോധികരെ ജില്ലാ ലീഗല്‍ സര്‍വീസസ് അതോറിറ്റിയും ജില്ലാ ഭരണകൂടവും സാമുഹൃനീതി വകുപ്പും ഇടപ്പെട്ട് സാമൂഹ്യനീതി വകുപ്പിന്റെ കീഴിലുള്ള സ്ഥാപനങ്ങളില്‍ പുനരധിവസിപ്പിച്ചിരുന്നു. അമ്പതുകാരനായ അശോക് ബാബുവിന് അപകടത്തില്‍ ഒരു കാല്‍ നഷ്ടപ്പെട്ടിരുന്നു. കേള്‍വി കുറവുമുണ്ട്.

യുവതികളുടെ ശബരിമല പ്രവേശനം സംബന്ധിച്ച പ്രശ്‌നങ്ങളില്‍ കോടതിയുടെ പരിഗണനയില്‍ ഉള്ള വിഷയമെന്ന രീതിയില്‍ സ്വമേധയാ കേസെടുക്കാനാകില്ലെന്നും പരാതി ലഭിച്ചാല്‍ നടപടിയുണ്ടാകുമെന്നും മനുഷ്യാവകാശ കമ്മീഷന്‍ അംഗം പി.മോഹനദാസ് വ്യക്തമാക്കി. കോഴിക്കോട് റസ്റ്റ് ഹൗസില്‍ മനുഷ്യാവകാശ കമ്മീഷന്‍ സിറ്റിംഗിന് ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. സിറ്റിംഗില്‍ 66 പരാതികള്‍ ലഭിച്ചതില്‍ 26 എണ്ണം തീര്‍പ്പാക്കി. മറ്റു കേസുകള്‍ കക്ഷികള്‍ ഹാജരാകാത്തതിനെ തുടര്‍ന്നും കൂടുതല്‍ സമയം വേണമെന്ന അപേക്ഷ ലഭിച്ചതിനെ തുടര്‍ന്നും മറ്റൊരു ദിവസത്തേക്ക് മാറ്റി.

ഭൂമി സംബന്ധമായ സേവനങ്ങള്‍ റവന്യു ലാന്റ് ഇന്‍ഫര്‍മേഷന്‍ സിസ്റ്റം(റെലിസ്) വഴി ഓണ്‍ ലൈന്‍ ആക്കുന്നതിന്റെ ജില്ലാതല ഉദ്ഘാടനം വേങ്ങേരി വില്ലേജ് ഓഫീസില്‍ ജില്ലാകലക്ടര്‍ യു.വി ജോസ് നിര്‍വഹിച്ചു. പദ്ധതിയുടെ വിശദാംശങ്ങള്‍ ലളിതമായി ജനങ്ങളിലെത്തിക്കുന്നതിനായി തയ്യാറാക്കിയ ലഘുലേഖയും ജില്ലാ കലക്ടര്‍ പ്രകാശനം  ചെയ്തു.  സ്മാര്‍ട്ട്‌ഫോണ്‍, കമ്പ്യൂട്ടര്‍ എന്നിവ ഉണ്ടെങ്കില്‍ വില്ലേജ് ഓഫീസില്‍ പോകാതെ തന്നെ ഇനി ഭൂനികുതി ഓണ്‍ലൈന്‍ ആയി അടക്കാം. 

ചെങ്ങന്നൂർ :- മഹാത്മാഗാന്ധിയുടെ 150ാം ജയന്തിയോടനുബന്ധിച്ച് കേരള സർവ്വോദയ മണ്ഡലം സംഘടിപ്പിച്ചിരിക്കുന്ന ഗാന്ധിസന്ദേശയാത്ര 25 ന് രാവിലെ ചെങ്ങന്നൂരിലെത്തും. ജില്ലാ അതിർത്തിയായ പ്രാവിൻ കൂട്ടിനു സമീപം ജാഥയെ സ്വീകരിച്ച് ഗാന്ധിജി സഞ്ചരിച്ച വഴിയിലൂടെ മുണ്ടൻകാവ് ജെ ബി സ്‌ക്കൂൾ ,താഴ്മൺ മഠം ,കിഴക്കേനട എം.ജി കോളനി, ഊരയിൽ തറവാട് എന്നിവിടങ്ങളിലൂടെ ചെങ്ങന്നൂർ നഗരസഭക്ക് സമീപം ഗാന്ധി പ്രതിമയ്ക്ക് മുൻപിൽ സ്വീകരണ സമ്മേളനം നടക്കും. കൊടിക്കുന്നിൽ സുരേഷ് എം.പി. യോഗം ഉദ്ഘാടനം ചെയ്യും.

ആലപ്പുഴ:പെരുംമ്പാവൂർ ടിംബർ സെയിൽസ് ഡിവിഷനു കീഴിലുള്ള വീട്ടുർ തടി ഡിപ്പോയിൽ ചന്ദത്തിന്റെ ചില്ലറ വിൽപന ആരംഭിച്ചു. ചന്ദനം ആവശ്യമുള്ളവർ തിരിച്ചറിയൽ കാർഡിന്റെ പകർപ്പ്, പാൻ കാർഡിന്റെ പകർപ്പ് എന്നിവ സഹിതം ഓഫീസ് പ്രവർത്തി സമയങ്ങളിൽ വീട്ടൂർ ഡിപ്പോയിൽ എത്തി നിശ്ചയിച്ചിട്ടുള്ള വില അടച്ച് ചന്ദനം വാങ്ങാം. ക്ഷേത്രങ്ങളിലെ ഉപയോഗത്തിനായുള്ള ചന്ദനത്തടികളും ലഭ്യമാണ്. വിലാസം: ഡിപ്പോ ഓഫീസർ, ഗവ. തടി ഡിപ്പോ, വീട്ടുർ, നെല്ലാട് പി.ഒ., വീട്ടൂർ വിശദവിവരത്തിന് ഫോൺ: 0484- 2768640.  

ആലപ്പുഴ:ദേശീയ വിര വിമുക്തി ദിനം ജില്ലാതല ഉദ്ഘാടനം നാളെ( ഒക്‌ടോബർ 25) ഉച്ചയക്ക് 1.30ന് മണപ്പുറം സെന്റ് തെരേസാസ് ഹൈസ്‌കൂളിൽ  അരൂർ എം.എൽ.എ അഡ്വ.എ.എം.ആരിഫ് നിർവഹിക്കും.  തൈക്കാട്ടുശ്ശേരി ഗ്രാമപഞ്ചായത്ത് പ്രസിഡന്റ് ശാന്തമ്മ പ്രകാശ് അധ്യക്ഷം വഹിക്കും. ജില്ലാ പഞ്ചായത്ത് വൈസ് പ്രസിഡന്റ് ദലീമ ജോജോ മുഖ്യ പ്രഭാഷണം നിർവഹിക്കും. ജില്ല പഞ്ചായത്ത്  ആരോഗ്യ സ്റ്റാന്റിങ് കമ്മറ്റി ചെയർമാൻ അഡ്വ.കെ.ടി.മാത്യു ദിനാചരണ സന്ദേശം നൽകും. തൈക്കാട്ടുശ്ശേരി ബ്ലോക്ക് പഞ്ചായത്ത് പ്രസിഡന്റ് നിർമ്മല ശെൽവരാജ് പ്രതിജ്ഞ ചൊല്ലി കൊടുക്കും. ആരോഗ്യകേരളം ജില്ല പ്രോഗ്രാം മാനേജർ കെ.ആർ. രാധാകൃഷ്ണൻ വിഷയാവതരണം നടത്തും. 

ധനസഹായം ഉൾപ്പടെ കളക്ടർ വാഗ്ദാനം ചെയ്തു

വീട് വയ്ക്കാൻ നാല് ലക്ഷം രൂപ നൽകും

ആറാട്ടുപുഴ: ജില്ലയിലെ പ്രളയ ബാധിത പ്രദേശങ്ങളിൽ നടത്തിയ രക്ഷാപ്രവർത്തനത്തിനിടെ പരിക്കേറ്റ മത്സ്യ തൊഴിലാളിയെ ജില്ലാ കളക്ടർ എസ്. സുഹാസ് ചൊവ്വാഴ്ച സന്ദർശിച്ചു. ഓഗസ്റ്റ് 16ന് ചെങ്ങന്നൂർ പാണ്ടനാട് പ്രദേശങ്ങളിൽ രക്ഷാപ്രവർത്തനം നടത്തുന്നതിനിടയിൽ  പരിക്കേറ്റ  ആറാട്ടുപുഴ കള്ളിക്കാട് മുണ്ടുചിറയിൽ രത്നകുമാറിന്റെ വീട്ടിലാണ് കളക്ടർ സന്ദർശനം നടത്തിയത്.