ഗോത്ര സംസ്‌കൃതിയുമായി നൂറോളം സ്റ്റാളുകളും  കാലാ സാംസ്‌കാരിക വേദികളുമൊരുക്കും 
     

പെരിയ ജവഹര്‍ നവോദയ വിദ്യാലയത്തില്‍ 2019-20 അദ്ധ്യയന വര്‍ഷത്തില്‍ ഒന്‍പതാം ക്ലാസ്സില്‍ നിലവിലുള്ള ഒഴിവുകള്‍ നികത്തുന്നതിനായി 2019 ഫെബ്രുവരി രണ്ടിന് നടത്തുന്ന ലാറ്ററല്‍ എന്‍ട്രി പ്രവേശനപ്പരീക്ഷയുടെ അപേക്ഷ www.navodaya.nic.in  എന്ന വെബ് സൈറ്റില്‍ ഓണ്‍ലൈനായി സ്വീകരിച്ചു തുടങ്ങി.  അപേക്ഷ സമര്‍പ്പിക്കേണ്ട അവസാന തീയ്യതി നവംബര്‍ 30. അപേക്ഷകര്‍ കാസര്‍കോട് ജില്ലയില്‍ 2018-19 അധ്യയന വര്‍ഷത്തില്‍ ഗവണ്‍മെന്റ്, ഗവണ്‍മെന്റ്  അംഗീകൃത വിദ്യാലയത്തില്‍ എട്ടാം - ക്ലാസില്‍ പഠിക്കുന്നവരും 2003 മേയ് ഒന്നിനും 2007 എപ്രില്‍ 30നും ഇടയില്‍ ജനിച്ചവരുമായിരിക്കണം.  

തേനീച്ച കൃഷിയെ സംബന്ധിച്ച് രണ്ടു ദിവസത്തെ പരിശീലന ക്ലാസില്‍ പങ്കെടുക്കാന്‍ താല്‍പര്യമുള്ളവര്‍ കാസര്‍കോട് കൃഷിഭവനിലെത്തി പേരുവിവരങ്ങള്‍ നല്‍കാന്‍ കൃഷി ഫീല്‍ഡ് ഓഫീസര്‍  അറിയിച്ചു. 
 

 ഒടയംചാല്‍ന്മകോടോത്ത് ഡോ.അംബേദ്കര്‍  ഗവ.ഹയര്‍സെക്കന്‍ഡറി സ്‌കൂളില്‍  ഹയര്‍സെക്കന്‍ഡറി  വിഭാഗത്തില്‍  സ്റ്റാറ്റിസ്റ്റിക്‌സ് (സീനിയര്‍)  അധ്യാപകന്റെ ഒഴിവുണ്ട്. കുടിക്കാഴ്ച് 29നു രാവിലെ 10നു  സ്‌കൂള്‍ ഓഫിസില്‍ നടക്കും. ഫോണ്‍. 0467 2279500.

 കേരള വൊളന്ററി യൂത്ത് ആക്ഷന്‍ ഫോഴ്‌സിന്റെ പ്രാധാന്യം യുവജനങ്ങളിലേക്ക് എത്തിക്കുന്നതിന്റെ ഭാഗമായി കാസര്‍കോട് ജില്ലാതല ആലോചനാ യോഗം ഇന്ന്(25) രാവിലെ 11ന് കാഞ്ഞങ്ങാട് എ.സി.കണ്ണന്‍ നായര്‍ പാര്‍ക്കില്‍ നടക്കും.  ജില്ലയിലെ യുവജന സംഘടന പ്രതിനിധികള്‍, യൂത്ത് കോര്‍ഡിനേറ്റര്‍മാര്‍, യൂത്ത് ക്ലബ്ബ്, ഭാരവാഹികള്‍ എന്നിവര്‍ യോഗത്തില്‍ പങ്കെടുക്കണം. 

കേരള തുളു അക്കാദമിയുടെ ആസ്ഥാന മന്ദിരമായ തുളുഭവനത്തിന്റെ നിര്‍മ്മാണ പ്രവര്‍ത്തനങ്ങള്‍ ഉടന്‍ തുടങ്ങും. മഞ്ചേശ്വരം ഹൊസങ്കടിക്ക് സമീപം കടമ്പാര്‍ വില്ലേജില്‍ സര്‍ക്കാര്‍ അനുവദിച്ച ഒരേക്കര്‍ ഭൂമിയിലാണ് തുളുഭവന്‍ സ്ഥാപിക്കുന്നത്. നിര്‍മ്മാണ പ്രവര്‍ത്തനങ്ങള്‍ക്ക് മേല്‍നോട്ടം വഹിക്കാന്‍ ഉപസമിതിയെ അക്കാദമി ഭരണസമിതി യോഗം നിയോഗിച്ചു. ജില്ലാ കലക്ടറും അക്കാദമി ട്രഷററുമായ ഡോ. ഡി. സജിത്ത് ബാബുവിന്റെ സാന്നിദ്ധ്യത്തില്‍ ചേര്‍ന്ന യോഗത്തില്‍ പുതിയ ചെയര്‍മാന്‍ ഉമേശ് എം. സാലിയാന്‍ അധ്യക്ഷത വഹിച്ചു.     

ഒരു വയസുമുതല്‍ 19 വരെയുള്ളവര്‍ക്ക് വിര നശീകരണത്തിനുള്ള ആല്‍ബഡസോള്‍ ഗുളികകള്‍ നല്‍കുന്നതിന്റെ ജില്ലാതല ഉദ്ഘാടനം പെരിയ ഗവ. ഹയര്‍ സെക്കന്ററി സ്‌കൂളില്‍ ഇന്ന്(25) ഉച്ചക്ക് 1.30ന്  ജില്ലാ പഞ്ചായത്ത് പ്രസിഡന്റ് എ.ജി.സി. ബഷീര്‍ നിര്‍വഹിക്കും. ദേശീയ വിരവിമുക്ത ചികിത്സാ പരിപാടിയുടെ ഭാഗമായാണ് ആല്‍ബഡസോള്‍ ഗുളികകള്‍ നല്‍കുന്നത്. 

    ജില്ലാ വികസന സമിതിയോഗം 27ന് രാവിലെ 11ന് കളക്ടറേറ്റ് കോണ്‍ഫറന്‍സ് ഹാളില്‍ ചേരും. അന്നേദിവസം രാവിലെ 10.30ന് ചേരുന്ന പ്രീ-ഡിഡിസി യോഗത്തിലും എല്ലാ ജില്ലാതല ഉദേ്യാഗസ്ഥരും പങ്കെടുക്കണമെന്ന് ജില്ലാ കളക്ടര്‍ അറിയിച്ചു. 
                                           (പിഎന്‍പി 3459/18)

    അടൂര്‍ കെല്‍ട്രോണ്‍ നോളജ് സെന്ററില്‍ ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍ (ആറ് മാസം), വേഡ് പ്രോസസിംഗ് ആന്‍ഡ് ഡാറ്റാ എന്‍ട്രി (മൂന്ന് മാസം), ഡിറ്റിപി, വെബ് ഡിസൈന്‍, ഡിപ്ലോമ ഇന്‍ കംപ്യൂട്ടര്‍ ഹാര്‍ഡ് വെയര്‍ ആന്‍ഡ് നെറ്റ് വര്‍ക്ക് മെയിന്റനന്‍സ് വിത്ത് ലാപ്‌ടോപ് ടെക്‌നോളജീസ് എന്നീ അഡ്വാന്‍സ്ഡ് കോഴ്‌സുകളിലേക്ക് റെഗുലര്‍/ഈവനിംഗ്/സണ്‍ഡേ ബാച്ചുകളിലേക്ക് അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി ഈ മാസം 31. ഫോണ്‍: 9526229998, 04734 229998. 
                                           (പിഎന്‍പി 3458/18)