കേരളത്തെ സമ്പൂര്‍ണ ഭിന്നശേഷി സൗഹൃദ സംസ്ഥാനമാക്കുന്നതിന് സമഗ്ര പദ്ധതികള്‍ ആവിഷ്‌ക്കരിക്കുന്നതിന്റെ ഭാഗമായി  ഭിന്നശേഷി നിര്‍ണയ മാര്‍ഗരേഖ തയ്യറാക്കുന്നതിന്  ശില്‍പശാലകള്‍ സംഘടിപ്പിച്ചു. ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ.കെ. ശൈലജ ടീച്ചര്‍ ശില്‍പശാല ഉദ്ഘാടനം ചെയ്തു. ഭിന്നശേഷിക്കാരുടെ  അവകാശ നിയമം 2016 അനുസരിച്ചാണ് മാര്‍ഗരേഖ തയ്യാറാക്കുന്നത്.  ഇരുപത്തി ഒന്ന് തരത്തിലുള്ള ഭിന്നശേഷി നിര്‍ണയിക്കുന്നതിന് ആരോഗ്യ രംഗത്തെ ഉദ്യോഗസ്ഥര്‍ക്കും ഡോക്ടര്‍മാര്‍ക്കും നിര്‍ദേശങ്ങള്‍ നല്‍കി.

സംസ്ഥാനത്ത് 2018 -19 സീസണില്‍ സംഭരിക്കുന്ന വിത്തുതേങ്ങയുടെ വില വര്‍ദ്ധിപ്പിക്കുന്നതിന് സംസ്ഥാന മന്ത്രിസഭായോഗം തീരുമാനിച്ചു.  വിത്തുതേങ്ങ ഉല്‍പ്പാദിപ്പിക്കുന്ന കര്‍ഷകരുടെ നിരന്തര ആവശ്യം പരിഗണിച്ചാണ് തീരുമാനമെന്ന് കൃഷി വകുപ്പ് മന്ത്രി അഡ്വ. വി.എസ് സുനില്‍ കുമാര്‍ അറിയിച്ചു. ഇതനുസരിച്ച് 2018 -19 സീസണില്‍ സംസ്ഥാനത്ത് സംഭരിക്കുന്ന ഡബ്ല്യൂ.സി.ടി/ കുറിയ ഇനം വിത്തുതേങ്ങയുടെ വില് ഒന്നിന് 70 രൂപയായും സങ്കരയിനം വിത്തുതേങ്ങയ്ക്ക് 75 രൂപയായുമാണ് വര്‍ദ്ധിപ്പിച്ചിട്ടുള്ളത്.  നേരത്തെ ഇത് 45, 50 രൂപ പ്രകാരമായിരുന്നു.

സംസ്ഥാനത്തെ കാര്‍ഷിക മേഖലയിലെ വിവിധ അടിസ്ഥാന സൗകര്യ വികസനത്തിനായി നബാര്‍ഡ് 70 കോടി രൂപയുടെ പദ്ധതികള്‍ക്ക് അനുമതി നല്‍കിയതായി കൃഷി വകുപ്പ് മന്ത്രി അഡ്വ. വി.എസ്. സുനില്‍കുമാര്‍ അറിയിച്ചു.  ശാസ്ത്രീയമായ മണ്ണ്-ജല സംരക്ഷണ പ്രവര്‍ത്തനങ്ങള്‍ അവലംബിച്ച് കാര്‍ഷിക മേഖലയില്‍ ഉല്‍പ്പാദന വര്‍ദ്ധനവും സുസ്ഥിര വികസനവും ഉറപ്പാക്കാന്‍ ലക്ഷ്യമിട്ടാണ് ഗ്രാമീണ അടിസ്ഥാന സൗകര്യ വികസന നിധി വഴിയുള്ള പദ്ധതികള്‍ക്കാണ് നബാര്‍ഡ് അനുമതി നല്‍കിയത്.

മലപ്പുറം ജില്ലയില്‍ ഒരു സര്‍ക്കാര്‍ സ്ഥാപനത്തില്‍ ഓപ്പണ്‍ നോണ്‍ പ്രയോറിറ്റി, ഓപ്പണ്‍ പ്രയോറിറ്റി വിഭാഗത്തില്‍പ്പെട്ടവര്‍ക്കായി സംവരണംചെയ്ത ആയ തസ്തികയില്‍ രണ്ട് താല്‍ക്കാലിക ഒഴിവുകളുണ്ട്.

ലീഗല്‍ മെട്രോളജി വകുപ്പില്‍ വര്‍ക്കല, കാട്ടാക്കട ഇന്‍സ്‌പെക്ടറാഫീസുകളില്‍ ഒഴിവുള്ള ഓഫീസ് അറ്റന്‍ഡന്റ്, ഫുള്‍ടൈം വാച്ചര്‍, കാഷ്വല്‍ സ്വീപ്പര്‍ എന്നീ തസ്തികകളിലേക്ക് ദിവസ വേതനാടിസ്ഥാനത്തില്‍ താല്‍ക്കാലികമായി ഉദ്യോഗാര്‍ത്ഥികളെ നിയമിക്കുന്നതിന് അഭിമുഖം നടത്തും.  ഓഫീസ് അറ്റന്‍ഡന്റ്, ഫുള്‍ടൈം വാച്ചര്‍ തസ്തികകളില്‍ നിയമനം ലഭിക്കുന്നതിന് ഏഴാം ക്ലാസ് പാസായിരിക്കണം. ഉദ്യോഗാര്‍ത്ഥികള്‍ ആവശ്യമായ രേഖകള്‍ സഹിതം നവംബര്‍ ഒന്നിന് രാവിലെ 11 ന് തിരുവനന്തപുരം ലീഗല്‍ മെട്രോളജി അസിസ്റ്റന്റ് കണ്‍ട്രോളറുടെ കൈമനത്തുള്ള ഓഫീസില്‍ ഹാജരാകണം.

പി.എന്‍.എക്‌സ്.4727/18

തിരുവനന്തപുരം സര്‍ക്കാര്‍ വനിതാ കോളേജില്‍ മാത്തമറ്റിക്‌സില്‍ ഗസ്റ്റ് അദ്ധ്യാപക നിയമനത്തിനുള്ള ഇന്റര്‍വ്യൂ 29 ന് രാവിലെ 10 ന് നടത്തും.  കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറുടെ മേഖലാ ഓഫീസുകളില്‍ ഗസ്റ്റ് ലക്ചറര്‍മാരുടെ പാനലില്‍ പേര് രജിസ്റ്റര്‍ ചെയ്ത ഉദ്യോഗാര്‍ത്ഥികള്‍ യോഗ്യത, ജനന തീയതി, മുന്‍പരിചയം ഇവ തെളിയിക്കുന്നതിനുള്ള അസ്സല്‍ സര്‍ട്ടിഫിക്കറ്റുകള്‍, രജിസ്റ്റര്‍ ചെയ്തത് തെളിയിക്കുന്നതിനുള്ള രേഖകള്‍ എന്നിവ സഹിതം ഹാജരാകണം.

പി.എന്‍.എക്‌സ്.4726/18

ഫിഷറീസ് വകുപ്പിന്റെ നേതൃത്വത്തില്‍ മുറ്റത്ത് ഒരു മീന്‍തോട്ടം പദ്ധതി നടപ്പാക്കുന്നതിന്റെ ഭാഗമായി ചെറിയ കുളങ്ങളില്‍ / അടുക്കളക്കുളം മത്സ്യകൃഷി ചെയ്യാന്‍ താല്പര്യമുള്ളവരില്‍ നിന്നും അപേക്ഷ ക്ഷണിച്ചു. നിലവില്‍ ചെറിയ കുളങ്ങള്‍ ഉള്ളവരും സ്വന്തമായി കുളമൊരുക്കി കൃഷി ചെയ്യാന്‍ താല്പര്യമുള്ളവര്‍ക്കും അപേക്ഷിക്കാം.  മത്സ്യവിത്ത്, സാങ്കേതിക സഹായം എന്നിവ അഡാക്ക് (ജലകൃഷി വികസന ഏജന്‍സി) സൗജന്യമായി നല്‍കും.

*ഭൂമിമലയാളം ഭാഷാസെമിനാര്‍ സംഘടിപ്പിച്ചു

മലയാളഭാഷയെക്കുറിച്ച് മലയാളികള്‍ പുലര്‍ത്തുന്ന അപകര്‍ഷതാബോധം ഉപേക്ഷിക്കണമെന്നും ഇത്  മലയാളികളെ ധരിപ്പിക്കാനുള്ള ദൗത്യം മലയാളം മിഷന്‍ ഏറ്റെടുക്കണമെന്നും മുഖ്യമന്ത്രിയുടെ മാധ്യമ ഉപദേഷ്ടാവ് പ്രഭാവര്‍മ പറഞ്ഞു. മലയാളം മിഷന്‍ സംഘടിപ്പിച്ച ഭൂമി മലയാളം ഭാഷാ സെമിനാറില്‍ വിഷയം അവതരിപ്പിക്കുകയായിരുന്നു അദ്ദേഹം.