ന്യൂനപക്ഷ ക്ഷേമ വകുപ്പിന്റെ കീഴില്‍ നടത്തുന്ന പ്രീ മാരിറ്റല്‍ കൗണ്‍സലിംഗ് പദ്ധതിയില്‍ ഫാക്കല്‍റ്റിയായി സേവനം ചെയ്യാന്‍ താല്‍പര്യമുള്ളവര്‍ ഈ മാസം 30 നകം പ്രൊഫ: എം.അബ്ദുറഹിമാന്‍, പ്രിന്‍സിപ്പല്‍ സി സി എം വൈ കോഴിക്കോട് എന്ന വിലാസത്തില്‍ ബന്ധപ്പെടണം. ഫോണ്‍: 9447468965. 
    

കണ്ണമ്പ്ര പ്രാഥമികാരോഗ്യകേന്ദ്രത്തില്‍ പാലിയേറ്റീവ് കെയര്‍ നഴ്സിന്‍റെ താല്‍ക്കാലിക ഒഴിവിലേക്ക് അപേക്ഷിക്കാം. ബി.സി.സി.പി.എന്‍, ജി.എന്‍.എം/എ.എന്‍.എം/ബി.എസ്.സി നഴ്സിംഗ് ആണ് അടിസ്ഥാന യോഗ്യത. താല്‍പര്യമുള്ളവര്‍ അസല്‍ സര്‍ട്ടിഫിക്കറ്റുകളും പകര്‍പ്പും സഹിതം ഒക്ടോബര്‍ 29ന് ഉച്ചയ്ക്ക് രണ്ടിന് പ്രാഥമികാരോഗ്യകേന്ദ്രം മെഡിക്കല്‍ ഓഫീസര്‍ മുമ്പാകെ കൂടിക്കാഴ്ചയ്ക്ക് എത്തണം. വിശദാംശം കണ്ണമ്പ്ര പ്രാഥമികാരോഗ്യകേന്ദ്രത്തില്‍ നിന്നറിയാം.

ചുള്ളിയാര്‍ ഡാമിന്‍റെ വൃഷ്ടി പ്രദേശങ്ങളില്‍ കനത്ത മഴ തുടരുന്നതിനാല്‍ വരും ദിവസത്തില്‍  ഡാം തുറക്കാന്‍ സാധ്യതയുണ്ട്. ഡാമിന്‍റെ പരമാവധി ഉയര്‍ന്ന ജലനിരപ്പ് 154.08 മീറ്ററാണ്. നിലവില്‍ 152.59 മീറ്റര്‍ ആണ് ജലനിരപ്പ്. 153.7 മീറ്ററില്‍ എത്തിയാല്‍ മൂന്നാമത്തെ മുന്നറിയോപ്പോടെ ഡാം ഏതു സമയവും തുറക്കും. അതിനാല്‍ ഗായത്രി പുഴയുടെ തീരത്ത് താമസിക്കുന്നവര്‍ അതീവ ജാഗ്രത പാലിക്കണമെന്ന് എക്സിക്യൂട്ടീവ് എന്‍ജിനീയര്‍ അറിയിച്ചു.

സംസ്ഥാന സാക്ഷരതാ മിഷന്‍ നടത്തുന്ന പത്താം തരം  ഹയര്‍ സെക്കന്ററി തുല്യതാ കോഴ്‌സുകള്‍ക്ക് 200 രൂപ ഫൈനോടെ  ഒക്ടോബര്‍ 31 വരെ രജിസ്റ്റര്‍ ചെയ്യാം. വിശദവിവരങ്ങള്‍ തദ്ദേശ സ്വയംഭരണ സ്ഥാപനങ്ങള്‍ക്ക് കീഴിലെ സാക്ഷരതാ മിഷന്‍ വിദ്യാകേന്ദ്രങ്ങളില്‍ നിന്നും കോഴിക്കോട് സിവില്‍ സ്റ്റേഷനിലെ ജില്ലാ സാക്ഷരതാ മിഷന്‍ ഓഫീസില്‍ നിന്നും ലഭിക്കും.ഫോണ്‍ 0495 2370053.
ഗതാഗത നിയന്ത്രണം
പരപ്പന്‍ പൊയില്‍ - പുന്നശ്ശേരി - കാക്കൂര്‍ റോഡിന്റെ നവീകരണ പ്രവൃത്തി നടക്കുന്നതിനാല്‍ വാഹനഗതാഗതത്തിന് നിയന്ത്രണം ഉണ്ടായിരിക്കുമെന്ന് പൊതുമരാമത്ത് എക്‌സിക്യൂട്ടീവ് എഞ്ചിനീയര്‍ അറിയിച്ചു.

         ജില്ലാ എംപ്ലോയ്മെന്‍റ് എക്സ്ചേഞ്ച്- വൊക്കേഷണല്‍ ഗൈഡന്‍സ് യൂനിറ്റ്- ചിറ്റൂര്‍ ടൗണ്‍ എംപ്ലോയ്മെന്‍റ് എക്സ്ചേഞ്ച് എന്നിവയുടെ സംയുക്താഭിമുഖ്യത്തില്‍  പബ്ലിക്ക് സര്‍വ്വീസ് കമ്മീഷന്‍റെ മത്സര പരീക്ഷകള്‍ക്ക് തയ്യാറെടുക്കുന്ന വിദ്യാര്‍ത്ഥികള്‍ക്കായി സൗജന്യ  പരിശീലനം നടത്തുന്നു.  എസ്.എസ്.എല്‍.സി യോഗത്യുള്ളവര്‍ക്കാണ് അവസരം. താത്പര്യമുളളവര്‍ ഒക്ടോബര്‍ 27 ന് മുന്‍പ് ചിറ്റൂര്‍ ടൗണ്‍ എംപ്ലോയ്മെന്‍റ് എക്സ്ചേഞ്ചില്‍ നേരിട്ട് എത്തി രജിസ്റ്റര്‍ ചെയ്യണമെന്ന് എംപ്ലോയ്മെന്‍റ് ഓഫീസര്‍ അറിയിച്ചു. ഫോണ്‍: 04923 224297

തൃശൂരില്‍ 2018 ജനുവരിയില്‍ നടന്ന സംസ്ഥാന സ്കൂള്‍ കലോത്സവത്തില്‍ എ ഗ്രേഡ് നേടിയ പട്ടികജാതിവിഭാഗക്കാരായ വിദ്യാര്‍ത്ഥികളെ പട്ടികജാതി വികസന ഓഫീസിന്‍റെ ആഭിമുഖ്യത്തില്‍ ക്യാഷ് അവാര്‍ഡ് നല്‍കി അനുമോദിക്കും.  ഒക്ടോബര്‍ 26ന് രാവിലെ 10ന് ജില്ലാ പഞ്ചായത്ത് ഹാളില്‍ പട്ടികജാതി പട്ടികവര്‍ഗ പിന്നോക്കക്ഷേമ വകുപ്പ് മന്ത്രി എ.കെ.ബാലന്‍ പരിപാടിയുടെ ഉദ്ഘാടനം നിര്‍വഹിക്കും. 10000 രൂപയുടെ ക്യാഷ് അവാര്‍ഡാണ് നല്‍കുക. അറിയിപ്പ് ലഭിച്ചവര്‍ ജാതി, എസ്.എസ്.എല്‍.സി, യോഗ്യത സര്‍ട്ടിഫിക്കറ്റ്, സ്കൂള്‍ ഐഡന്‍റിറ്റി കാര്‍ഡ്/ആധാര്‍ കാര്‍ഡ് എന്നിവയുടെ സാക്ഷ്യപ്പെടുത്തിയ പകര്‍പ്പ് സഹിതം എത്തണം. ഫോണ്‍ - 0491 2505005

ദേശീയ വിരവിമുക്ത ദിനാചരണത്തിന്റെ ഭാഗമായി നാളെ ( ഒക്‌ടോബര്‍ 25) ജില്ലയിലെ ഒന്നു മുതല്‍ 19 വയസുവരെയുള്ള 7,22,018 കുട്ടികള്‍ക്ക് വിരനശീകരണത്തിനുള്ള അല്‍ബന്‍ഡസോള്‍ ഗുളികകള്‍ വിതരണം ചെയ്യും. സ്‌കൂളുകളിലും അംഗന്‍വാടികളിലുമായി ആരോഗ്യ വിദ്യാഭ്യാസ സാമൂഹ്യനീതി വകുപ്പുകളുടെ സഹകരണത്തോടെയാണ് പദ്ധതി നടപ്പാക്കുന്നത്.