ആലപ്പുഴ:പൊതുമരാമത്ത് ആലപ്പുഴ നിരത്തു ഉപവിഭാഗം അധീനതയിലുള്ള മൂന്നു റോഡുകളുടെ പുനരുദ്ധാരണ പ്രവർത്തികൾ നടക്കുന്നതിനാൽ ഈ റോഡിൽ കൂടിയുള്ള വാഹനഗതാഗതം ഒക്ടോബർ 25 മുതൽ 27 ശനിയാഴ്ച വരെ താൽക്കാലികമായി നിരോധിച്ചു. ആലപ്പുഴ- മധുര ലിങ്ക് റോഡ് (പിച്ചു അയ്യർ ജംഗ്ഷൻ മുതൽ വൈഎംസിഎ വരെയും ശവക്കോട്ടപ്പാലം മുതൽ കോടതിപ്പാലം വരെയും),  അമ്പലപ്പുഴ ബ്രാഞ്ച് റോഡ് (ചുടുകാട് ജംഗ്ഷൻ മുതൽ കൊച്ചു കടപ്പാലം വരെ), പുലയൻ വഴി ബീച്ച് റോഡ് (തിരുവമ്പാടി ജംഗ്ഷൻ മുതൽ ബീച്ച് വരെ) ആണ് ഗതാഗതം താൽക്കാലികമായി നിരോധിച്ചത്.

ആലപ്പുഴ: വോട്ടർപട്ടികയിൽ ഇനിയും പേര് ചേർത്തിട്ടില്ലാത്തവർ നിശ്ചിത തീയതിക്കകം  ഓൺലൈനായി അപേക്ഷ നൽകേണ്ടതാണെന്ന് ജില്ലാ കളക്ടറുടെ അധ്യക്ഷതയിൽ കൂടിയ യോഗത്തിൽ അദ്ദേഹം വ്യക്തമാക്കി. (nvsp.in)അപേക്ഷകൾ മൊബൈൽ ഫോൺ വഴിയും നൽകാവുന്നതാണ്. വോട്ടർമാരെ വോട്ടർ പട്ടികയിൽ പേരു ചേർക്കുന്നതിന് ബോധവൽക്കരിക്കുന്നതിനായി സ്വീപ്പ് പ്രവർത്തനങ്ങൾ ജില്ലയിൽ ആരംഭിച്ചു കഴിഞ്ഞു. എല്ലാ ഉദ്യോഗസ്ഥരും രാഷ്ട്രീയ പാർട്ടികളും ഇക്കാര്യത്തിൽ സഹകരിക്കണമെന്ന് ജില്ലാ കളക്ടർ അഭ്യർത്ഥിച്ചു.

ജില്ലാ ആയൂര്‍വേദ ആശുപത്രികളില്‍ നഴ്‌സ്‌ ഗ്രേഡ്‌ രണ്ട്‌, തെറാപ്പിസ്റ്റ്‌ (പുരുഷന്‍) എന്നീ തസ്‌തികകളില്‍ താല്‍ക്കാലിക നിയമനം നടത്തുന്നു. എസ്‌ എസ്‌ എല്‍ സി യും ആയൂര്‍വേദ നഴ്‌സിങ്‌ പരിശീലനവുമാണ്‌ നഴ്‌സിന്റെ യോഗ്യത. ആയൂര്‍വേദ തെറാപ്പിസ്റ്റ്‌ പരിശീലനമാണ്‌ തെറാപ്പിസ്റ്റിന്റെ യോഗ്യത. താല്‍പര്യമുളളവര്‍ സര്‍ട്ടിഫിക്കറ്റിന്റെ അസ്സലും പകര്‍പ്പും സഹിതം ഒക്‌ടോബര്‍ 29 രാവിലെ 11 ന്‌ ഭാരതീയ ചികിത്സാ വകുപ്പിന്റെ ജില്ലാ കാര്യാലയത്തില്‍ അഭിമുഖത്തിന്‌ എത്തണം. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2334313.

കയ്‌പ്പമംഗലം നിയോജക മണ്ഡലത്തിലെ സമഗ്ര വിദ്യാഭ്യാസ പദ്ധതിയിലെ കാര്‍ഷിക ഗ്രൂപ്പായ തളിര്‍ ശീതകാല പച്ചക്കറി തൈകള്‍ വിതരണം നടത്തി. പൂവ്വത്തുംകടവ്‌ ഫാര്‍മേഴ്‌സ്‌ സഹകരണ ബാങ്കിന്റെ സഹായത്തോടെയാണ്‌ കാബേജ്‌, കോളിഫ്‌ളവര്‍ തൈകള്‍ മണ്ഡലത്തിലെ വിദ്യാലയങ്ങള്‍ക്ക്‌ സൗജന്യമായി നല്‍കിയത്‌. ഇ ടി ടൈസണ്‍ മാസ്റ്റര്‍ എം എല്‍ എ ഉദ്‌ഘാടനം ചെയ്‌തു. ബാങ്ക്‌ പ്രസിഡണ്ട്‌ എം ആര്‍ ജോഷി അദ്ധ്യക്ഷത വഹിച്ചു. ബാങ്ക്‌ സെക്രട്ടറി വി ആര്‍ ബീന, ബ്ലോക്ക്‌ മെമ്പര്‍ ബാബു, വാര്‍ഡ്‌ മെമ്പര്‍മാര്‍ മുന്‍ ബാങ്ക്‌ പ്രസിഡണ്ട്‌ രമേഷ്‌ ബാബു, മതിലകം ബി പി ഒ സജീവന്‍ മാസ്റ്റര്‍, തളിര്‍ കണ്‍വീനര്‍ രാധാമണി ടീച്ചര്‍ എന്നിവര്‍ പങ്കെടുത്തു.

നവകേരള നിര്‍മ്മിതിയില്‍ നമുക്കും പങ്കാളികളാകാം എന്ന ലക്ഷ്യത്തോടെ നാഷണല്‍ സേവിംഗ്‌സ്‌ മഹിളാ പ്രധാന്‍ ഏജന്റുമാര്‍ക്കായി ഏകദിന പരിശീലന ക്ലാസ്സ്‌ സംഘടിപ്പിക്കുന്നു. ഒത്തു പിടിച്ചാല്‍ മലയും പോരും എന്ന്‌ പേരിട്ടിരിക്കുന്ന പരിശീലന പരിപാടി ജില്ലാ കളക്‌ടര്‍ ടി വി അനുപമ ഉദ്‌ഘാടനം ചെയ്യും. ഒക്‌ടോബര്‍ 31 കളക്‌ടറേറ്റ്‌ കോണ്‍ഫറന്‍സ്‌ ഹാളില്‍ സംഘടിപ്പിക്കുന്ന പരിപാടിയില്‍ എന്‍ എസ്‌ ഡി ഡെപ്യൂട്ടി ഡയറക്‌ടര്‍ (ഇന്‍-ചാര്‍ജ്ജ്‌) പി വി ബിജു അദ്ധ്യക്ഷത വഹിക്കും. എന്‍ എസ്‌ ഡി അസിസ്റ്റന്റ്‌ ഡയറക്‌ടര്‍ പി അനില്‍കുമാര്‍ ക്ലാസ്സ്‌ നയിക്കും.

ജനിതക മേന്മയുളള തെങ്ങിന്റെ മാതൃവ്യക്ഷങ്ങള്‍ കര്‍ഷകരുടെ കൃഷിയിടങ്ങളില്‍ കണ്ടെത്തി കുറിയ ഇനത്തിലും സങ്കരയിനത്തില്‍പ്പെട്ടതുമായ തെങ്ങിന്‍ തൈകള്‍ ഉല്‍പാദിപ്പിക്കുന്നു. തെങ്ങിന്റെ കുറിയ ഇനമാതൃവൃക്ഷങ്ങള്‍ തെങ്ങിന്‍ തോട്ടത്തില്‍ ലഭ്യമാണെങ്കില്‍ അവയുടെ വിവരം തൊട്ടടുത്ത കൃഷിഭവനില്‍ അറിയിക്കണം. കൂടുതല്‍ വിവരങ്ങള്‍ക്ക്‌ ഫോണ്‍ : 9846429935, 04994-232333.

ജനാധിപത്യ പ്രക്രിയയില്‍ പങ്കാളിത്തം കൂട്ടുകയും വോട്ടര്‍മാരെ ബോധവത്‌കരിക്കുകയും പേരുകള്‍ വോട്ടര്‍ പട്ടികയില്‍ ഉള്‍പ്പെടുത്തുന്നത്‌്‌ പ്രോത്സാഹിപ്പിക്കുന്നതിനുമായി ജില്ലാതലത്തില്‍ സീപ്പ്‌ പദ്ധതി വിപുലപ്പെടുത്തുന്നു. ഇതിനായി ജില്ലയിലെ വോട്ടര്‍മാരുടെ പേരുകള്‍ പരമാവധി വോട്ടര്‍ പട്ടികയില്‍ ഉള്‍പ്പെടുത്തുകയും ആവശ്യകത പൊതുജനത്തിന്‌ മനസ്സിലാക്കുന്നതിനും വേണ്ടി ക്രീയേറ്റീവ്‌ / ഇന്നൊവേറ്റീവ്‌ ആശയങ്ങള്‍ ജില്ലക്കാരില്‍ നിന്ന്‌ സ്വീകരിക്കുന്നു. മികച്ച സൃഷ്‌ടി സീപ്പ്‌ പദ്ധതിയുടെ പ്രചാരണത്തിന്‌ ഉപയോഗിക്കും. അതിലെ വിജയികളെ ആദരിക്കുകയും ചെയ്യുമെന്ന്‌ ജില്ലാ ഇലക്ഷന്‍ വിഭാഗം അറിയിച്ചു.

ജില്ലയിലെ പ്രളയബാധിതര്‍ക്ക്‌ ഒക്‌ടോബര്‍, നവംബര്‍ മാസങ്ങളിലെ ഭക്ഷ്യകിറ്റുകള്‍ ഒരുമിച്ചു നല്‍കുമെന്ന്‌ കളക്‌ടറേറ്റില്‍ നടത്തിയ യോഗത്തില്‍ ജില്ലാ കളക്‌ടര്‍ ടി.വി. അനുപമ അറിയിച്ചു. നവംബര്‍ 10 നകം വില്ലേജ്‌ ഓഫീസര്‍മാരുടെ നേതൃത്വത്തില്‍ അര്‍ഹരായവര്‍ക്ക്‌ കിറ്റുകള്‍ എത്തിക്കും. 10,000 രൂപ കൈപ്പറ്റിയവര്‍ക്ക്‌ കിറ്റുകള്‍ ലഭിക്കുന്നതിന്‌ പാസ്‌ബുക്കിന്റെ കോപ്പി കാണിച്ചാല്‍ മതിയാകും. ചുവപ്പ്‌ കാര്‍ഡുള്ളവര്‍, പട്ടികജാതി-പട്ടികവര്‍ഗക്കാര്‍, ഭിന്നശേഷിക്കാര്‍ എന്നിവര്‍ക്ക്‌ ബന്ധപ്പെട്ട രേഖകള്‍ കാണിച്ചാല്‍ കിറ്റുകള്‍ ലഭിക്കും.

പാലിയേക്കര ടോള്‍പ്ലാസയില്‍ കാല്‍നട യാത്രക്കാര്‍ക്ക്‌ പ്രത്യേക സൗകര്യം ഒരുക്കാന്‍ ന്യൂനപക്ഷ കമ്മീഷന്‍ നാഷണല്‍ ഹൈവേ പാലക്കാട്‌ മാനേജരോട്‌ അടിയന്തിര റിപ്പോര്‍ട്ട്‌ തേടി. കളക്‌ടറേറ്റില്‍ നടന്ന ന്യൂനപക്ഷ കമ്മീഷന്‍ സിറ്റിങ്ങില്‍ കമ്മീഷനംഗം അഡ്വ. ടി.വി. മുഹമ്മദ്‌ ഫൈസലാണ്‌ അടിയന്തിര റിപ്പോര്‍ട്ട്‌ ആവശ്യപ്പെട്ടത്‌. ടോള്‍പ്ലാസയുമായി ബന്ധപ്പെട്ട്‌ കാല്‍നടക്കാര്‍ക്കുള്ള അസൗകര്യം പരിഗണിക്കാന്‍ പ്രദേശവാസി ജോസ്‌പോള്‍ നല്‍കിയ പരാതിയിലാണ്‌ ന്യൂനപക്ഷ കമ്മീഷനംഗത്തിന്റെ ഉത്തരവ്‌. 

സംസ്ഥാനത്തെ സ്വാശ്രയ സ്ഥാപനങ്ങള്‍ ഉള്‍പ്പടെയുള്ള ഉന്നതവിദ്യാ്യഭാസ സ്ഥാപനങ്ങളെ വിലയിരുത്തുന്നതിന്‌ 2019 ജനവരി ഒന്നു മുതല്‍ സ്‌റ്റേറ്റ്‌ അസസ്‌മെന്‍്‌റ്‌ ആന്‍്‌റ്‌ അക്രഡിറ്റേഷന്‍ സെന്‍്‌റര്‍ (സാക്‌്‌) നിലവില്‍ വരുമെന്ന്‌ ഉന്നതവിദ്യാഭ്യാസ-ന്യൂനപക്ഷ ക്ഷേമ മന്ത്രി ഡോ. കെ ടി ജലീല്‍. മുളങ്കുന്നത്തുകാവ്‌ കിലയില്‍ നടന്ന കണ്ണൂര്‍, കോഴിക്കോട്‌ സര്‍വ്വകലാശാലകള്‍ക്കു കീഴിലുള്ള സ്വാശ്രയ ആര്‍ട്‌സ്‌ ആന്‍ഡ്‌ സയന്‍സ്‌, ട്രെയിനംഗ്‌ കോളേജുകളിലെ പ്രിന്‍സിപ്പല്‍മാരുടെയും മാനേജര്‍മാരുടെയും യോഗത്തില്‍ സംസാരിക്കുകയായിരുന്നു അദ്ദേഹം.