തിരൂരങ്ങാടി വിദ്യാഭ്യാസ ജില്ലയില്‍ ഔപചാരിക വിദ്യാഭ്യാസത്തിന്റെ ഭാഗമാകാന്‍ കഴിയാത്തവരും നാഷണല്‍ ഇന്‍സ്റ്റിറ്റ്യൂട്ട് ഫോര്‍ ഓപ്പണ്‍ സ്‌കൂളില്‍ രജിസ്റ്റര്‍ ചെയ്തിട്ടുള്ള സ്ഥാപനങ്ങളില്‍ പഠിക്കുന്നവരും 14 വയസ്സിനു താഴെയുള്ളവരുമായ വിദ്യാര്‍ഥികളുടെ വിവരങ്ങള്‍ സ്ഥാപന മേധാവികള്‍ തിരൂരങ്ങാടി വിദ്യാഭ്യാസ കാര്യാലയത്തില്‍ നല്‍കണമെന്ന് തിരൂരങ്ങാടി ജില്ലാ വിദ്യാഭ്യാസ ഓഫീസര്‍ അറിയിച്ചു.

പട്ടിക വര്‍ഗ്ഗ വിദ്യാര്‍ഥികള്‍ക്ക് റൂട്രോണിക്‌സിന്റെ അംഗീകൃത കേന്ദ്രമായ എല്‍.സി.സി എടക്കര പഠന കേന്ദ്രത്തില്‍ നടത്തുന്ന ഒരു വര്‍ഷ / ആറ് മാസ സൗജന്യ കംപ്യൂട്ടര്‍ കോഴ്‌സിന് അപേക്ഷ ക്ഷണിച്ചു.  എസ്.എസ്.എല്‍.സിയോ അതിന് മുകളിലോ വിദ്യാഭ്യാസയോഗ്യതയുള്ള പട്ടികവര്‍ഗ്ഗ യുവതികള്‍ക്ക് അപേക്ഷിക്കാം.  അപേക്ഷയുടെ മാതൃക  പഠന കേന്ദ്രത്തിലും നിലമ്പൂര്‍ ഐ.റ്റി.ഡി.പി. ആഫീസിലും ലഭിക്കും.  കൂടുതല്‍ വിവരങ്ങള്‍ക്ക് 04931- 278212, 9048222041  നമ്പറില്‍ ബന്ധപ്പെടാം.

    സംസ്ഥാന ന്യൂനപക്ഷ കമ്മീഷന്‍ സിറ്റിങ് ഒക്‌ടോബര്‍ 24ന് രാവിലെ 11ന് ജില്ലാ പഞ്ചായത്ത് ഹാളില്‍ നടക്കും.  സിറ്റിങില്‍ നിലവിലുള്ള പരാതികള്‍ക്ക് പുറമേ പുതിയ പരാതികളും സ്വീകരിക്കും.  

നിയമസഭയുടെ പിന്നാക്ക സമുദായ ക്ഷേമം സംബന്ധിച്ച സമിതി ഇന്ന് (ഒക്‌ടോബര്‍ 23) രാവിലെ 10ന് കലക്ടറേറ്റ് സമ്മേളന ഹാളില്‍ സിറ്റിംഗ് നടത്തും. സമിതി ചെയര്‍മാനായ ഗോപകുമാര്‍ എംഎല്‍എയുടെ അധ്യക്ഷയില്‍ നടക്കുന്ന യോഗത്തില്‍ സമിതി അംഗങ്ങളായ കെ.എന്‍.എ ഖാദര്‍, ടി.വി. ഇബ്രാഹീം, കെ.ഡി. പ്രസേനന്‍, എസ്. രാജേന്ദ്രന്‍, എല്‍ദോസ് കുന്നപ്പള്ളി, വി. ജോയി, കെ. ആന്‍സലന്‍ എന്നീ എം.ല്‍.എമാരും പങ്കെടുക്കും.

മദ്യത്തിനും മയക്കുമരുന്നിനും പകുവലിക്കും എതിരെ എക്‌സെസ് വകുപ്പിന്റെ വിമുക്തി നടത്തുന്ന  പ്രചരണത്തിന്റെ ഭാഗമായി ഇന്ന് (ഒക്‌ടോബര്‍ 23) രാവിലെ 10ന് മേല്‍മുറി മഅദിന്‍ പബ്ലിക് സ്‌കൂളില്‍ മാന്ത്രികന്‍ മുതുകാട് 'അകക്കണ്ണുകള്‍' എന്ന പേരില്‍ മാജിക്‌ഷോ നടത്തും.  ഭിന്നശേഷിയുള്ള കുട്ടികള്‍ക്കായി നടത്തുന്ന ഈ ഒത്തുചേരല്‍ പരിപാടി എക്‌സൈസ്, ആരോഗ്യം, ഇന്‍ഫര്‍മേഷന്‍ പബ്ലിക് റിലേഷന്‍സ്, സാമൂഹ്യ നീതി എന്നീ വകുപ്പുകളുടെ സഹകരണത്തോടെയാണ് നടത്തുന്നത്.  

കോഴിക്കോട് കോര്‍പ്പറേഷന്‍ പരിധിയിലെ ഐ.സി.ഡി.എസ് അര്‍ബ്ബന്‍ 1 പ്രൊജക്ടിലെ അങ്കണവാടികളില്‍ ഫര്‍ണ്ണിച്ചര്‍, സ്റ്റീല്‍ അലമാര, വെയിംഗ് സ്‌കെയില്‍ (സാള്‍ട്ടര്‍) എന്നിവ വാങ്ങുന്നതിന്  ടെണ്ടര്‍ ക്ഷണിച്ചു. ക്വട്ടേഷന്‍ സമര്‍പ്പിക്കേണ്ട അവസാന തീയതി ഈ മാസം 31 ഉച്ചയ്ക്ക് 12 മണി. ഫോണ്‍ - 0495 2702523.

ബാലുശ്ശേരി ഐ.സി.ഡി.എസ് ഓഫീസിലേക്ക് കമ്പ്യൂട്ടര്‍ (ഡെസ്‌ക്‌ടോപ്, ലാപ്‌ടോപ്), പ്രിന്റര്‍, യു.പി.എസ് പ്രോജക്ടര്‍ (സ്‌ക്രീന്‍ ഉള്‍പ്പെടെ) എന്നിവ വാങ്ങുന്നതിന് വ്യക്തികള്‍/സ്ഥാപനങ്ങള്‍ എന്നിവരില്‍ നിന്നും  ടെണ്ടര്‍ ക്ഷണിച്ചു.  ടെണ്ടര്‍ ലഭിക്കേണ്ട അവസാന തീയതി നവംബര്‍ 12. കൂടുതല്‍ വിവരങ്ങള്‍ക്ക് : 0496-2707177.  

പട്ടികവര്‍ഗ്ഗ വികസന വകുപ്പ് ജില്ലാ ഓഫീസിനു കീഴിലുള്ള വടകര, പുതുപ്പാടി, കുന്ദമംഗലം, ഈസ്റ്റ്ഹില്‍, പൂളക്കടവ് എന്നീ സ്ഥലങ്ങളില്‍ പ്രവര്‍ത്തിക്കുന്ന അഞ്ച് പ്രീമെട്രിക്/പോസ്റ്റ്‌മെട്രിക് ഹോസ്റ്റലുകളില്‍ വാച്ച്മാന്‍ തസ്തികയില്‍ ദിവസവേതനാടിസ്ഥാനത്തില്‍ നിയമനം നടത്തുന്നതിന് അഭിമുഖം നടത്തും. ജില്ലയില്‍ സ്ഥിരതാമസക്കാരും ഏഴാം ക്ലാസ്സ് വിജയിച്ചവരുമായ പട്ടികവര്‍ഗ്ഗ ഉദ്യോഗാര്‍ത്ഥികള്‍ക്ക് പങ്കെടുക്കാം. ഡിഗ്രി പാസ്സായവര്‍ പങ്കെടുക്കേണ്ടതില്ല. ജോലി സമയം രാവിലെ 10 മുതല്‍ 5 വരെയും, വൈകുന്നേരം 5 മുതല്‍ തൊട്ടടുത്ത ദിവസം രാവിലെ 10 വരെയും രണ്ട് ഷിഫ്റ്റുകളിലായിരിക്കും. 

റെലിസ് (റവന്യൂ ലാന്റ് ഇന്‍ഫര്‍മേഷന്‍ സിസ്റ്റം)പദ്ധതി കൂടുതല്‍ ജനകീയമാക്കുന്നതിനായി ഓണ്‍ലൈന്‍ നികുതി അടവാക്കുന്നത് സംബന്ധിച്ച് പ്രതിപാദിക്കുന്ന ലഘുലേഖ ഇന്ന് (ഒക്‌ടോബര്‍ 23) രാവിലെ 9.30 ന് വേങ്ങേരി വില്ലേജ് ഓഫീസില്‍ നടക്കുന്ന ചടങ്ങില്‍ ജില്ലാ കലക്ടര്‍ യു.വി ജോസ് പ്രകാശനം ചെയ്യും. 
                
 

        കൊയിലാണ്ടി ഗവ. റീജ്യണല്‍ ഫിഷറീസ് ടെക്‌നിക്കല്‍  ഹൈസ്‌ക്കൂളില്‍ (ഗേള്‍സ്) കരാറടിസ്ഥാനത്തില്‍ ബാസ്‌ക്കറ്റ് ബോള്‍ കോച്ചിനെ നിയമിക്കുന്നതിന് ഈ മാസം   29ന് രാവിലെ 11 മണിക്ക് വെസ്റ്റ്ഹില്‍ ഫിഷറീസ് ഡെപ്യൂട്ടി ഡയറക്ടറുടെ ഓഫീസില്‍  വാക്ക് ഇന്‍ ഇന്റര്‍വ്യൂ നടത്തും.   അപേക്ഷകര്‍ എന്‍.ഐ.എസ് യോഗ്യതയുള്ളവരോ , സീനിയര്‍ സ്റ്റേറ്റ് ടീമില്‍ കളിച്ചവരോ , സ്‌പോര്‍ട്‌സ് കൗണ്‍സില്‍ അംഗീകാരമുള്ളവരോ ആയിരിക്കണം.  മാസവേതനം 15,000 രൂപ. സ്ത്രീകള്‍ക്ക് മുന്‍ഗണന.   ഫോണ്‍  0495-2383780.