ദേശീയ ആരോഗ്യ ദൗത്യത്തിന് കീഴില്‍ ദിവസവേതനാടിസ്ഥാനത്തില്‍ താല്‍ക്കാലികമായി സൈക്കോളജിസ്റ്റിനെ നിയമിക്കും. യോഗ്യത - എം.എസ്.സി ക്ലിനിക്കല്‍ സൈക്കോളജി, ആര്‍.സി.ഐ രജിസ്‌ട്രേഷന്‍, എം.ഫില്‍ ഉളളവര്‍ക്ക് മുന്‍ഗണന. പ്രായപരിധി - 40 വയസ്സ്. താല്‍പ്പര്യമുളളവര്‍ ഇന്ന് (ഒക്‌ടോബര്‍ 23) രാവിലെ 10 മണിക്ക് യോഗ്യതാ സര്‍ട്ടിഫിക്കറ്റുകളും തിരിച്ചറിയില്‍ രേഖയും സഹിതം കോഴിക്കോട് സിവില്‍ സ്റ്റേഷനിലെ നാഷണല്‍ ഹെല്‍ത്ത് മിഷന്‍ ഓഫീസില്‍ ഹാജരാകണമെന്ന് ആരോഗ്യകേരളം ജില്ലാ പ്രോഗ്രാം മാനേജര്‍ അറിയിച്ചു.
 

പ്രളയത്തില്‍ സര്‍ട്ടിഫിക്കറ്റുകളും മാര്‍ക്ക് ലിസ്റ്റുകളും നഷ്ടപ്പെട്ട വിദ്യാര്‍ത്ഥികള്‍ക്ക് വേണ്ടി കേരളാ ആരോഗ്യ ശാസ്ത്ര സര്‍വകലാശാല നാളെ (ഒക്‌ടോബര്‍ 24) രാവിലെ 10.30 ന് സര്‍വകലാശാല ആസ്ഥാനത്ത് അദാലത്ത് നടത്തും. പങ്കെടുക്കാനാഗ്രഹിക്കുന്നവര്‍ ബന്ധപ്പെട്ട രേഖകള്‍ സഹിതം സര്‍വകലാശാല ആസ്ഥാനത്തു എത്തണം.  വിശദ വിവരങ്ങള്‍ക്ക് സര്‍വകലാശാല വെബ്‌സൈറ്റ് ംംം.സൗവ.െമര.ശി. സന്ദര്‍ശിക്കുക.
 

വനിതാ ശിശുവികസന വകുപ്പ് ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്റെ കോര്‍ടീം അംഗങ്ങള്‍ക്കായി ദ്വിദിന ശില്പശാല നടത്തും. പ്ലാനിംഗ് കോണ്‍ഫറന്‍സ് ഹാളില്‍ ഇന്ന്(ഒക്‌ടോബര്‍ 23) ന് രാവിലെ 10 മണിക്ക് പരിപാടി ജില്ലാ വിദ്യാഭ്യാസ ഉപഡയറക്ടര്‍ സുരേഷ് കുമാര്‍ ഉദ്ഘാടനം ചെയ്യും. 
            

ആയൂര്‍വേദ ദിനാചരണത്തിന്റെ ഭാഗമായി പ്ലസ്ടു വിദ്യാര്‍ത്ഥികള്‍ക്ക് പൊതുജനാരോഗ്യത്തില്‍ ആയുര്‍വേദത്തിന്റെ പങ്ക് എന്ന വിഷയത്തില്‍ പ്രബന്ധരചനാമത്സരം നടത്തും. രചനകള്‍ (എട്ട് പേജില്‍ കവിയാത്തത്) നവംബര്‍ ഒന്നിനകം സിവില്‍സ്റ്റേഷനിലെ ഭാരതീയ ചികിത്സാ വകുപ്പ് ഓഫീസില്‍ സ്‌കൂളില്‍ നിന്നുളള സാക്ഷ്യപത്രത്തോടൊപ്പം ലഭിക്കണം. ഫോണ്‍ - 9072650464.
 

മാത്തറയിലെ കാനറാ ബാങ്ക് ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍ ലേഡീസ്/സ്‌കൂള്‍ ബാഗ് നിര്‍മ്മാണ കോഴ്‌സില്‍ സൗജന്യ പരിശീലനം നല്‍കും. 18 നും 45 നും ഇടയില്‍ പ്രായമുളള യുവതി യുവാക്കള്‍ക്ക് അപേക്ഷിക്കാം. പരിശീലനം സൗജന്യമായിരിക്കും. അപേക്ഷ സ്വീകരിക്കുന്ന അവസാന തീയതി ഈ മാസം 31. ഫോണ്‍ - 0495 - 2432470, 9447276470.