ഭാരതിയ ചികിത്സാവകുപ്പ് പടന്നക്കാട് ജില്ലാ ആയൂര്‍വേദ ആശൂപത്രിയില്‍ കരള്‍രോഗപ്രതിരോധത്തിനും ചികിത്സയ്ക്കുമായി പ്രത്യേക പോജക്ട് തുടങ്ങി.  കരള്‍രോഗ പ്രതിരോധത്തിനും ചികിത്സയ്ക്കുമായി ആറുമാസം നീണ്ടുനില്‍ക്കുന്ന ഈ പദ്ധതിയില്‍ കരള്‍രോഗത്തിനുളള സൗജന്യ രക്തപരിശോധന, ഫാറ്റിലിവര്‍ (ഗ്രേഡ്-1, ഗ്രേഡ്-2), മുമ്പ് മഞ്ഞപ്പിത്തം ബാധിച്ചവര്‍ ഇവയ്ക്ക് പ്രത്യേക ഔഷധങ്ങള്‍, ബോധവല്‍ക്കരണ പരിപാടികള്‍ ഇവ ഉള്‍പ്പെടുത്തിയിട്ടുണ്ട്.  പടന്നക്കാട് ഗവ. ജില്ലാ ആയുര്‍വേദ ആശുപത്രിയില്‍ എല്ലാ ശനിയാഴ്ചകളിലും കരള്‍ രോഗത്തിനായി പ്രത്യേക ഒപി. പ്രവര്‍ത്തിക്കുന്നുണ്ട്.  ഫോണ്‍: 0467 2283277.

 ഹോസ്ദുര്‍ഗ് ഗവ. ഹയര്‍ സെക്കണ്ടറി സ്‌കുളില്‍ നടന്ന അഖിലകേരള വായനോത്സവം 2018 ജില്ലാതല മത്സര വിജയികളുടെ ലിസ്റ്റ് ചുവടെ.ഒന്നാംസ്ഥാനം- അബിജ അര്‍ജ്ജുന്‍.ബി (ജി.വി.എച്ച്.എസ്.എസ്.കയ്യൂര്‍), രണ്ടാം സ്ഥാനം-മാളവിക.ടി (ജി.എച്ച്.എസ്.എസ്.പിലിക്കോട്), മൂന്നാം സ്ഥാനം- അനുഗ്രഹ.ജി.നായര്‍ (ജി.എച്ച്.എസ്.എസ്. ചായ്യോത്ത്).     നവംബര്‍ 10,11 തീയതികളില്‍ തിരുവനന്തപുരത്ത് നടക്കുന്ന അഖിലകേരള വായനോത്സവം 2018 സംസ്ഥാനതല മത്സരത്തില്‍ അബിജ അര്‍ജ്ജൂന്‍ കാസര്‍കോട് ജില്ലയെ പ്രതിനിധീകരിക്കും.

 കല, കായികം, സാഹിത്യം, ശാസ്ത്രം, സാമൂഹികം മേഖലകളില്‍ അസാധാരാണ കഴിവ് പ്രകടിപ്പിക്കുന്ന അഞ്ച് വയസിനും 18 വയസിനും ഇടയിലുള്ള കുട്ടികളെ കണ്ടെത്തി പ്രോത്സാഹിപ്പിക്കുന്നതിനു വേണ്ടി കുട്ടികള്‍ക്ക് 'ഉജ്ജ്വല ബാല്യം' പുരസ്‌കാരം നല്‍കുന്നു. ഒരു ജില്ലയില്‍ ഒരുകുട്ടി എന്ന രീതിയില്‍ മാനദണ്ഡങ്ങള്‍ക്ക് അനുസരിച്ചാണ് പുരസ്‌കാരം.    അപേക്ഷകര്‍ അഞ്ച് വയസിനും 18 വയസിനും ഇടയിലുള്ളവരായിരിക്കണം. 25,000രൂപയും സര്‍ട്ടിഫിക്കറ്റും ട്രോഫിയും അടങ്ങുന്നതാണ് പുരസ്‌കാരം. അപേക്ഷാ ഫോറം കാസര്‍കോട് ജില്ലാശിശുസംരക്ഷണ യൂണിറ്റ് ഓഫീസില്‍ ലഭ്യമാണ്.

സാമൂഹ്യ നീതി ഡയറക്ടറേറ്റ് തിരുവനന്തപുരം നിഷ് ന്റെ സഹകരണത്തോടെ സംസ്ഥാന തലത്തില്‍ കുട്ടികളുടെ രക്ഷിതാക്കള്‍ക്കായി സംഘടിപ്പിക്കുന്ന ഓണ്‍ലൈന്‍ സെമിനാര്‍ ഒക്‌ടോബര്‍ 27 ന് രാവിലെ 10.30 മുതല്‍ ഒരു മണിവരെ ജില്ലാ ശിശു സംരക്ഷണ യൂണിറ്റില്‍ (ഡി.സി.പി.യു) നടത്തും.  കുഞ്ഞുങ്ങളിലെ അപസ്മാരം എന്ന വിഷയത്തിലാണ്  ഓണ്‍ലൈന്‍ സെമിനാര്‍. ജില്ലയിലെ കുട്ടികളുടെ രക്ഷിതാക്കള്‍ക്ക് ഓണ്‍ലൈന്‍ സെമിനാറില്‍ പങ്കെടുക്കുന്നതിനായി കാസര്‍കോട് കളക്ടറേറ്റിലെ ഡി ബ്ലോക്ക് രണ്ടാം നിലയില്‍ പ്രവര്‍ത്തിക്കുന്ന ജില്ലാ ശിശുസംരക്ഷണ യൂണിറ്റ് (ഡി.സി.പി.യു) ഓഫീസില്‍ സൗകര്യം ഒരുക്കിയിട്ടുണ്ട്.

 കയ്യൂര്‍ ഗവ. ഐ.ടി.ഐയില്‍ ഐ.എം.സി യുടെ ആഭിമുഖ്യത്തില്‍ പ്രവര്‍ത്തിക്കുന്ന ഡ്രൈവിംഗ് സ്‌കൂളിലേക്ക് ഡ്രൈവിംഗ് സ്‌കൂള്‍ ഇന്‍സ്ട്രക്ടറെ നിയമിക്കുന്നു. കൂടിക്കാഴ്ച ഈ മാസം 2ന് രാവിലെ 11 മണിക്ക് കയ്യൂര്‍ ഐ.ടി.ഐ ഓഫീസില്‍ നടത്തും. ഫോണ്‍ : 04672 230980. 
    യോഗ്യതകള്‍:-     ഓട്ടോമൊബൈല്‍എഞ്ചിനീയറിംഗ് ബ്രാഞ്ചിലുള്ള ത്രിവത്സര ഡിപ്ലോമ,  മെക്കാനിക്ക് മോട്ടോര്‍ വെഹിക്കിള്‍ ട്രേഡില്‍ എന്‍.ടി.സി,എസ്.ടി.സി പാസായിരിക്കണം, ടുവീലര്‍, ത്രീ വീലര്‍, ലൈറ്റ്‌മോട്ടോര്‍ വെഹിക്കിള്‍ എന്നീ ലൈസന്‍സുകള്‍ നേടിയശേഷം അഞ്ചുവര്‍ഷത്തെ പ്രവര്‍ത്തി പരിചയവുമുണ്ടായിരിക്കണം.

പട്ടികജാതി വികസന വകുപ്പിന് കീഴില്‍ പ്രവര്‍ത്തിക്കുന്ന വെള്ളച്ചാല്‍ ആണ്‍കുട്ടികളുടെ മോഡല്‍ റസിഡന്‍ഷ്യല്‍ സ്‌കൂളില്‍ 2018-19 അധ്യയന വര്‍ഷം  മേട്രണ്‍-കം-റസിഡന്റ് ട്യൂട്ടര്‍ തസ്തികയില്‍ കരാര്‍ അടിസ്ഥാനത്തില്‍ തെരഞ്ഞെടുക്കുന്നതിനുള്ള അപേക്ഷ ക്ഷണിച്ചു. ബിരുദവും ബി.എഡും യോഗ്യതയുള്ള പട്ടികജാതി വിഭാഗത്തില്‍പ്പെട്ട ഉദ്യോഗാര്‍ത്ഥികളെ മാത്രമേ നിയമനത്തിന് പരിഗണിക്കു. ഇവരുടെ പ്രതിമാസ വേതനം 12000 രൂപയാണ്.

സാക്ഷരതാമിഷന്‍ നടത്തുന്ന പത്താംതരം ഹയര്‍സെക്കന്ററി തുല്യതാ രജിസ്‌ട്രേഷന്‍ 200 രൂപ സൂപ്പര്‍ ഫൈനോടു കൂടി ഒക്‌ടോബര്‍ 31 വരെ നീട്ടി. ജില്ലയില്‍ മലയാള മീഡിയത്തിലും കന്നഡ മീഡിയത്തിലും പഠിക്കുന്നതിന് അവസരമുണ്ട്. പട്ടികജാതി,പട്ടികവര്‍ഗ്ഗത്തില്‍പ്പെട്ടവര്‍ക്കും ട്രാന്‍സ്‌ജെന്‍ഡേഴ്‌സ് വിഭാഗത്തില്‍പ്പെട്ടവര്‍ക്കും കോഴ്‌സ് ഫീസ് സൗജന്യമാണ്. പഠിക്കാന്‍ താത്പര്യമുള്ളവര്‍് പഞ്ചായത്തുകളില്‍ പ്രവര്‍ത്തിക്കുന്ന സാക്ഷരതാ തുടര്‍ വിദ്യാകേന്ദ്രങ്ങളുമായി ബന്ധപ്പെടണമെന്ന്  ജില്ലാ കോ-ഓര്‍ഡിനേറ്റര്‍ അറിയിച്ചു. 

 വിദ്യാര്‍ത്ഥികളില്‍ മാലിന്യ പരിപാലനത്തെ സംബന്ധിച്ച അവബോധം വളര്‍ത്തുക, പ്രളയാനന്തര പുനര്‍നിര്‍മ്മാണ പ്രവര്‍ത്തനങ്ങള്‍ക്ക് സാമ്പത്തിക സമാഹരണം നടത്തുക, പാഴ്‌വസ്തുക്കളുടെ ശാസ്ത്രീയമായ പുന:ചംക്രമണം സാധ്യമാക്കുക എന്നീ ലക്ഷ്യങ്ങളോടെ ജില്ലാ ഹരിത കേരളം മിഷന്റെ നേതൃത്വത്തില്‍ പൊതുവിദ്യാഭ്യാസ വകുപ്പിന്റെയും തദ്ദേശ സ്വയംഭരണ സ്ഥാപനങ്ങളുടെയും സഹകരണത്തോടെ നടത്തുന്ന 'ഹരിത സ്പര്‍ശത്തിന് ഞാനും എന്റെ വിദ്യാലയവും' പദ്ധതിയുടെ ഭാഗമായി പൊയ്‌നാച്ചി ഭാരത് ഇംഗ്ലീഷ് മീഡിയം സ്‌കൂളിലെ വിദ്യാര്‍ത്ഥികളുടേയും അധ്യാപകരുടേയും നേതൃത്വത്തില്‍ പാഴ്‌വസ്തുക്കള്‍ വിറ്റുകിട്ടിയ തുക പ്രളയാനന്തര പുനര്‍നിര്‍മ്മാണ പ്രവര്‍ത്തനങ്ങള്‍ക്

ജില്ലാ പഞ്ചായത്തിന്റെ  2018-19 വര്‍ഷത്തെ അതിജീവനം - സമഗ്ര കാന്‍സര്‍ നിര്‍മ്മാര്‍ജ്ജന പദ്ധതിയുടെ ഭാഗമായി കാന്‍സര്‍ രജിസ്ട്രി തയ്യാറാക്കുന്നതിന്റെ ആവശ്യത്തിനായി പ്രൊജക്ട് കോഓര്‍ഡിനേറ്ററെ താല്‍ക്കാലികമായി നിയമിക്കുന്നതിനുളള കൂടിക്കാഴ്ച ഈ മാസം 26ന്  രാവിലെ 10.30ന് കാഞ്ഞങ്ങാട് ചെമ്മട്ടംവയലിലുളള ജില്ലാ മെഡിക്കല്‍ ഓഫീസില്‍ (അലോപ്പതി) നടക്കും. യോഗ്യത: ബി.എസ്‌സി/എം.എസ്.സി നഴ്‌സിംഗ് അല്ലെങ്കില്‍ ബി.എസ് സി/എം.എസ്.സി സൈക്കോളജി അല്ലെങ്കില്‍ എം.എസ്.ഡബ്‌ള്യൂ. കമ്പ്യൂട്ടര്‍ പരിജ്ഞാനം അഭികാമ്യം. താല്‍പ്പര്യമുളളവര്‍ അസല്‍ സര്‍ട്ടിഫിക്കറ്റുകളും പകര്‍പ്പുകളുമായി കൃത്യസമയത്ത് ഹാജരാകണം. ഫോണ്‍: 0467 2203118.