ഇടുക്കി ജില്ലയിലെ വിവിധ വകുപ്പുകളില്‍ ഫൂള്‍ടൈം ഒഴിവുകളിലേക്കുള്ള നിയമനത്തിന് പാര്‍ട്ട് ടൈം കണ്ടിജന്റ് ജീവനക്കാരുടെ കോമണ്‍ സീനിയോറിറ്റി ലിസ്റ്റ് തയ്യാറാക്കുന്നതിനായി 2016 ജനുവരി ഒന്ന് മുതല്‍ 2017 ഡിസംബര്‍ 31 വരെ ജോലിയില്‍ പ്രവേശിച്ച പാര്‍ട്ട് ടൈം കണ്ടിജന്റ് ജീവനക്കാരുടെ വിവരങ്ങള്‍ എല്ലാ ജില്ലാ വകുപ്പ് മേധാവികളും നിശ്ചിത പ്രൊഫോര്‍മയില്‍ ഒക്‌ടോബര്‍ 25ന് മുമ്പായി ജില്ലാകലക്ടര്‍ക്ക് സമര്‍പ്പിക്കണം.

തൊടുപുഴ താലൂക്ക് തല ഭൂമി പതിവ് കമ്മറ്റി യോഗം 26ന് രാവിലെ 10.30ന് തൊടുപുഴ താലൂക്കാഫീസില്‍ ചേരും. 

വനിതാ കമ്മീഷന്‍ കലക്‌ട്രേറ്റ് കോണ്‍ഫറന്‍സ് ഹാളില്‍ 29ന് രാവിലെ 10.30 മുതല്‍ മെഗാ അദാലത്ത് നടത്തും.

 ജില്ലാ വികസന സമിതിയുടെ ഒക്‌ടോബര്‍ മാസത്തെ യോഗം 27ന് രാവിലെ 11 മണിക്ക് കലക്‌ട്രേറ്റ് കോണ്‍ഫറന്‍സ് ഹാളില്‍ ചേരുമെന്ന് ജില്ലാകലക്ടര്‍ അറിയിച്ചു.

    നവംബര്‍ 16, 17 തീയതികളില്‍ നടക്കുന്ന ജില്ലാ സ്‌കൂള്‍ കലാ മേളയുടെ സ്വാഗത സംഘ രൂപീകരണ യോഗം ഒക്‌ടോബര്‍ 24ന് ഉച്ചയ്ക്ക് 2ന് വടുവഞ്ചാല്‍ ഗവ.ഹയര്‍ സെക്കന്ററി സ്‌കൂളില്‍ചേരും.  യോഗത്തില്‍ എല്ലാ അംഗീകൃത അധ്യാപക സംഘടനാ പ്രതിനിധികളും ബന്ധപ്പെട്ടവരും പങ്കെടുക്കണമെന്ന് വിദ്യാഭ്യാസ ഉപഡയറക്ടര്‍ അറിയിച്ചു.