ആറന്മുളയെ തരിശുരഹിത ഗ്രാമമാക്കുന്നതിന്റെ ഭാഗമായി മല്ലപ്പുഴശേരി ഗ്രാമപഞ്ചായത്തിലെ പന്നിവേലിച്ചിറ പാടശേഖരത്ത് വിത്ത് വിതച്ചു.  വീണാജോര്‍ജ് എംഎല്‍എ വിത്ത് വിതയ്ക്കല്‍ കര്‍മ്മം നിര്‍വഹിച്ചു. കഴിഞ്ഞവര്‍ഷം 32 ഹെക്ടറില്‍ കൃഷിയിറക്കിയിരുന്നതെങ്കില്‍ ഈ വര്‍ഷം നാല് ഹെക്ടര്‍ കൂടി അധികമായി ചേര്‍ത്താണ് കൃഷിയിറക്കിയിരിക്കുന്നു. നാല് മാസത്തിനുള്ളില്‍ വിളവെടുപ്പ് നടത്താന്‍ സാധിക്കുന്ന രീതിയിലാണ് ഇവിടെ നെല്‍വിത്ത് വിതച്ചിരിക്കുന്നത്.  

ഈ വര്‍ഷത്തെ ശബരിമല തീര്‍ഥാടന കാലയളവില്‍ ആവശ്യമായി വരുന്ന ഓക്‌സിജന്‍ സിലിണ്ടറുകള്‍ നിറയ്ക്കുന്നതിനും വാങ്ങുന്നതിനും ദര്‍ഘാസ് നല്‍കാം. ദര്‍ഘാസ് സ്വീകരിക്കുന്ന അവസാന തീയതി നവംബര്‍ 14. ഫോണ്‍: 0468 2222642. 

        (പിഎന്‍പി 3388/18)

ജില്ലാ ആസൂത്രണ സമിതിയോഗം ഈ മാസം 23ന് ഉച്ചയ്ക്ക് ശേഷം മൂന്നിന് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ ചേരും.                               (പിഎന്‍പി 3386/18)

ജില്ലയിലെ പ്രളയബാധിത മേഖലകളില്‍ കുട്ടികളുടെ ശാരീരിക മാനസിക ആരോഗ്യ സംരക്ഷണത്തിനായി യൂനിസെഫിന്റെ സഹകരണത്തോടെ നടപ്പാക്കുന്ന വിവിധ പദ്ധതികളെപ്പറ്റി ആലോചിക്കുന്നതിനായി ഇന്ന് (17) ഉച്ചയ്ക്ക് രണ്ടിന് കളക്ടറേറ്റ് കോണ്‍ഫറന്‍സ് ഹാളില്‍ ചൈല്‍ഡ് ലൈന്‍ ഉപദേശകസമിതി യോഗം ചേരും. എഡിഎം പി.റ്റി.എബ്രഹാം അധ്യക്ഷത വഹിക്കുന്ന യോഗത്തില്‍ ജില്ലാ ലീഗല്‍ സര്‍വീസസ് അതോറിറ്റി സെക്രട്ടറി സബ്ജഡ്ജ് ആര്‍.ജയകൃഷ്ണന്‍ മുഖ്യപ്രഭാഷണം നടത്തും.               (പിഎന്‍പി 3385/18) 

പി.ആര്‍.ലക്ചറര്‍ ഒഴിവ്

കൊച്ചി: കേരള സ്റ്റേറ്റ് സിവില്‍ സപ്‌ളൈസ് കോര്‍പറേഷന്റെ പ്രവര്‍ത്തനം കാര്യക്ഷമമാക്കുന്നതിന് കൂടുതല്‍ തുക അനുവദിക്കാന്‍ ശുപാര്‍ശ ചെയ്യുമെന്ന് കേരള നിയമസഭയുടെ പൊതുമേഖലാ സ്ഥാപനങ്ങളെ സംബന്ധിച്ച സമിതി. പുതിയ പദ്ധതികള്‍ ഏറ്റെടുക്കുന്നതിനും ഔട്ട്‌ലെറ്റുകള്‍ ആധുനികവത്കരിക്കുന്നതിനും സബ്‌സിഡി നല്‍കുന്നതിനും ബജറ്റില്‍ കൂടുതല്‍ തുക അനുവദിക്കണമെന്ന ശുപാര്‍ശയടങ്ങിയ റിപ്പോര്‍ട്ട് നിയമസഭയില്‍ അവതരിപ്പിക്കുമെന്നും സമിതി ചെയര്‍മാനായ സി ദിവാകരന്‍ എംഎല്‍എ പറഞ്ഞു. എറണാകുളം സപ്‌ളൈകോ ഹെഡ് ഓഫീസിലാണ് കേരള നിയമസഭയുടെ പൊതുമേഖലാ സ്ഥാപനങ്ങളെ സംബന്ധിച്ച സമിതിയോഗം ചേര്‍ന്നത്. 

കൊച്ചി: സംസ്ഥാന ഐ.ടി മിഷന്റെ കീഴില്‍ ജില്ലയിലെ കലൂര്‍ പ്രവര്‍ത്തിക്കുന്ന ഫ്രണ്ട്‌സ് ജനസേവന കേന്ദ്രത്തില്‍ സര്‍ക്കാര്‍ സര്‍വ്വീസില്‍ നിന്നും വിരമിച്ച ജീവനക്കാരെ താത്കാലിക അടിസ്ഥാനത്തില്‍ സര്‍വ്വീസ് ഓഫീസര്‍മാരായി നിയമിക്കുന്നു.

* എസ്. മുരളീധരന് ഒളിമ്പ്യന്‍ സുരേഷ്ബാബു ലൈഫ്‌ടൈം അച്ചീവ്‌മെന്റ് അവാര്‍ഡ്

സംസ്ഥാന സ്‌പോര്‍ട്‌സ് കൗണ്‍സില്‍ ഏര്‍പ്പെടുത്തിയിട്ടുള്ള 2017-18ലെ ജി.വി. രാജ അവാര്‍ഡും മറ്റ് കായിക അവാര്‍ഡുകളും വ്യവസായ, കായികവകുപ്പ് മന്ത്രി ഇ.പി. ജയരാജന്‍ പ്രഖ്യാപിച്ചു. 

അന്താരാഷ്ട്ര അത്‌ലറ്റായ ജിന്‍സണ്‍ ജോണ്‍സണാണ് പുരുഷവിഭാഗം ജി.വി. രാജ അവാര്‍ഡ്. അന്താരാഷ്ട്ര അത്‌ലറ്റായ വി. നീനയ്ക്ക് വനിതാ വിഭാഗം പുരസ്‌കാരം ലഭിച്ചു. ഇരുവര്‍ക്കും മൂന്നുലക്ഷം രൂപയും ഫലകവും പ്രശംസാപത്രവും ലഭിക്കും.