എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജിയുടെ തിരുവനന്തപുരം പാളയത്തുള്ള കേന്ദ്ര ഓഫീസിലേക്ക് ഗസ്റ്റ് ലക്ചറര്‍മാരെ നിയമിക്കുന്നു. ബി.ടെക്, എം.സി.എ, എം.എസ്‌സി കമ്പ്യൂട്ടര്‍ സയന്‍സ്/എം.എസ്‌സി ഇന്‍ഫര്‍മേഷന്‍ ടെക്‌നോളജി/പി.ജി.ഡി.സി.എ ഉള്ളവര്‍ക്ക് അപേക്ഷിക്കാം.

യോഗ്യത, മുന്‍പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പുകള്‍, ബയോഡേറ്റ എന്നിവ സഹിതം 17ന് ഉച്ചയ്ക്ക് 2.30ന് തിരുവനന്തപുരം കേന്ദ്ര ഓഫീസില്‍ നേരിട്ടെത്തണം. ഇന്റര്‍വ്യൂവിന്റെ അടിസ്ഥാനത്തില്‍ ഒരു വര്‍ഷത്തേയ്ക്കാണ് നിയമനം. ഫോണ്‍: 2560332, 2560333, 8547141406.

   പി.എന്‍.എക്‌സ്.4607/18

ഒക്‌ടോബര്‍ 17ന് സ്‌കൂളുകള്‍ക്ക് അവധിയായതിനാല്‍ അന്നു നടത്താന്‍ നിശ്ചയിച്ചിരുന്ന സ്‌കൂള്‍ പാര്‍ലമെന്റ് തിരഞ്ഞെടുപ്പ് ഒക്‌ടോബര്‍ 22ന് നടക്കുമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു. വോട്ടെടുപ്പ് 22ന് ഉച്ചയ്ക്കു 12ന് മുമ്പും തുടര്‍ന്ന് വോട്ടെണ്ണെലും നടക്കും. ഉച്ചയ്ക്കു ശേഷം 2.30 നാണ് സ്‌കൂള്‍ പാര്‍ലമെന്റ് ഭാരവാഹികളുടെ തിരഞ്ഞെടുപ്പ് നടത്തേണ്ടത്. സ്‌കൂള്‍ പാര്‍ലമെന്റിന്റെ ആദ്യയോഗം ഒക്‌ടോബര്‍ 24ന് നടക്കും.

   പി.എന്‍.എക്‌സ്.4606/18

മികച്ച സേവനം കാഴ്ചവെച്ച ഇ.എസ്.ഐ സ്ഥാപനങ്ങള്‍ക്ക് 2017 ലെ അവാര്‍ഡ് നല്‍കുന്ന ചടങ്ങ് 17ന് വൈകിട്ട് മൂന്നിന് ദര്‍ബാര്‍ ഹാളില്‍ നടത്തും. തൊഴിലും നൈപുണ്യവും എക്‌സൈസ് വകുപ്പ് മന്ത്രി ടി.പി രാമകൃഷ്ണന്‍ അവാര്‍ഡ് വിതരണം നിര്‍വഹിക്കും. തൊഴിലും നൈപുണ്യവും വകുപ്പ് അഡീഷണല്‍ ചീഫ് സെക്രട്ടറി ഡോ. ആശാ തോമസ് അധ്യക്ഷത വഹിക്കും.

   പി.എന്‍.എക്‌സ്.4605/18

മുതിര്‍ന്ന പൗരന്മാരുടെ ക്ഷേമം സംബന്ധിച്ച നിയമസഭാ സമിതി ഇന്ന് (ഒക്‌ടോബര്‍ 16) രാവിലെ 11.30ന് കെ.എസ്.ആര്‍.ടി.സിയുടെ തിരുവനന്തപുരം ജില്ലയിലെ തമ്പാനൂര്‍, നെയ്യാറ്റിന്‍കര ബസ് ഗ്യാരേജുകള്‍ സന്ദര്‍ശിക്കും. സന്ദര്‍ശനങ്ങളില്‍ മുതിര്‍ന്ന പൗരന്മാര്‍ക്ക് ബസുകളില്‍ ഏര്‍പ്പെടുത്തിയിട്ടുള്ള സൗകര്യങ്ങള്‍ സമിതി നേരിട്ടു വിലയിരുത്തി. ഗതാഗത വകുപ്പ് ഉദ്യോഗസ്ഥരുമായി ചര്‍ച്ച നടത്തും.

       പി.എന്‍.എക്‌സ്.4604/18

 കോഴിക്കോട് ആസ്ഥാനമായി പ്രവര്‍ത്തിക്കുന്ന കിര്‍ടാഡ്‌സ് (കേരള ഇന്‍സ്റ്റിറ്റ്യൂട്ട് ഫോര്‍ റിസര്‍ച്ച് ട്രെയിനിംഗ് ആന്റ് ഡെവലപ്‌മെന്റ് സ്റ്റഡീസ് ഓഫ് ഷെഡ്യൂള്‍ഡ് കാസ്റ്റ് ആന്റ് ഷെഡ്യൂള്‍ഡ് ട്രൈബ്‌സ്) വകുപ്പിലേക്ക് കേന്ദ്ര ധനസഹായത്തോടെ നടത്തുന്ന പ്രോജക്ടിലേക്ക് താത്കാലികാടിസ്ഥാനത്തില്‍ റിസര്‍ച്ച് അസോസിയേറ്റുമാരെ നിയമിക്കുന്നതിന് അപേക്ഷ ക്ഷണിച്ചു. യോഗ്യതയും പരിചയവുമുള്ളവര്‍ കിര്‍ടാഡ്‌സ് വകുപ്പിന്റെ കോഴിക്കോട് ഓഫിസില്‍ ഒക്‌ടോബര്‍ 29ന് രാവിലെ 10 മണിക്ക് നടത്തുന്ന അഭിമുഖത്തിന് യോഗ്യത, വയസ്, പരിചയം, സമുദായം എന്നിവ തെളിയിക്കുന്ന അസല്‍ രേഖകള്‍ സഹിതം ഹാജരാകണം. 

*പാലായിവളവ് റഗുലേറ്റര്‍ കം ബ്രിഡ്ജ്  നിര്‍മാണോദ്ഘാടനം മുഖ്യമന്ത്രി നിര്‍വഹിച്ചു

നാടിനാകെ പ്രയോജനം ലഭിക്കുന്ന പദ്ധതികള്‍ നടപ്പിലാക്കാന്‍ ഒരു മുടക്കവും ഉണ്ടാവരുതെന്നാണ് സര്‍ക്കാരിന്റെ താത്പര്യമെന്ന്  മുഖ്യമന്ത്രി പിണറായി വിജയന്‍ പറഞ്ഞു. കാസര്‍ഗോഡ് നീലേശ്വരം കാര്യംകോട് പുഴയില്‍ നിര്‍മിക്കുന്ന പാലായിവളവ് റഗുലേറ്റര്‍ കം ബ്രിഡ്ജിന്റെ നിര്‍മാണോദ്ഘാടനം വീഡിയോ കോണ്‍ഫറന്‍സിംഗിലൂടെ നിര്‍വഹിക്കുകയായിരുന്നു അദ്ദേഹം.

പ്രിസം പദ്ധതിയുമായി ബന്ധപ്പെട്ട ഇന്‍ഫര്‍മേഷന്‍ അസിസ്റ്റന്റ്‌ പരീക്ഷ ഇന്ന്‌ (ഒക്‌ടോബര്‍ 16) രാവിലെ 10.30 മുതല്‍ 11.30 വരെ നടക്കും. അഭിമുഖം ഒരു മണി മുതലാണ്‌ നടക്കുക. അറിയിപ്പ്‌ ലഭിച്ചവര്‍ വിദ്യാഭ്യാസം, വയസ്സ്‌, യോഗ്യത തുടങ്ങിയ തെളിയിക്കുന്ന രേഖകളുമായി തൃശൂര്‍ ജില്ലാ ഇന്‍ഫര്‍മേഷന്‍ ഓഫീസില്‍ കൃത്യസമയത്ത്‌ എത്തിച്ചേരണ്ടതാണ്‌. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2360644.

പെരുമ്പാവൂര്‍ ടിമ്പര്‍ സെയില്‍സ്‌ ഡിവിഷനു കീഴില്‍ ചന്ദനത്തിന്റെ ചില്ലറ വില്‍പന ആരംഭിച്ചു. ആവശ്യമുളളവര്‍ തിരിച്ചറിയല്‍ കാര്‍ഡ്‌, പാന്‍ കാര്‍ഡ്‌ എന്നിവയുടെ പകര്‍പ്പ്‌ സഹിതം വീട്ടൂര്‍ ഡിപ്പോയിലെത്തി നിശ്ചിത ഫീസടച്ച്‌ ചന്ദനം വാങ്ങാം. ക്ഷേത്രാവശ്യങ്ങള്‍ക്കുളള ചന്ദനത്തടികളും ലഭിക്കും. കൂടുതല്‍ വിവരങ്ങള്‍ക്ക്‌ ഫോണ്‍ : 0484-2768640.

മണ്ണുത്തി സ്റ്റേറ്റ്‌ ബയോ കണ്‍ട്രോള്‍ ലാബിലേക്ക്‌ കോര്‍സീറ മുട്ടകള്‍ വിതരണം ചെയ്യുന്നതിന്‌ ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി ഒക്‌ടോബര്‍ 22. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2374605.

പ്രളയാനന്തര പുനര്‍നിര്‍മ്മിതിയ്‌ക്ക്‌ വിഭവസമാഹരണം നടത്തുന്നതിന്റെ ഭാഗമായി സംഘടിപ്പിക്കുന്ന കലാ-സാംസ്‌കാരിക സംഗമത്തെക്കുറിച്ച്‌ ചര്‍ച്ച ചെയ്യുവാന്‍ ജില്ലയിലെ മന്ത്രിമാരായ ഏ സി മൊയ്‌തീന്‍, പ്രൊഫ. സി രവീന്ദ്രനാഥ്‌, അഡ്വ. വി എസ്‌ സുനില്‍കുമാര്‍ എന്നിവരുടെ നേതൃത്വത്തില്‍ ജില്ലയിലെ ജനപ്രതിനിധികളുടെ യോഗം നാളെ (ഒക്‌ടോബര്‍ 17) ചേരും. രാവിലെ 10 ന്‌ ജില്ലാ പ്ലാനിങ്ങ്‌ ഓഫീസ്‌ കോണ്‍ഫറന്‍സ്‌ ഹാളില്‍ ചേരുന്ന യോഗത്തില്‍ ജനപ്രതിനിധികള്‍ പങ്കെടുക്കണമെന്ന്‌ ജില്ലാ കളക്‌ടര്‍ ടി വി അനുപമ അഭ്യര്‍ത്ഥിച്ചു.