പെരിന്തല്‍മണ്ണ ജില്ലാ ആശുപത്രിയില്‍ സ്റ്റാഫ് നഴ്‌സ്, ഡാറ്റാ എന്‍ട്രി ഓപ്പറേറ്റര്‍ തസ്തികയില്‍ ആറുമാസത്തേക്ക് താല്‍കാലിക നിയമനത്തിന് അപേക്ഷ ക്ഷണിച്ചു. നഴ്‌സിങിന് ബി.എസ്.സി നഴ്‌സിങ്/ജി.എന്‍.എം ഉം ഡാറ്റാ എന്‍ട്രിക്ക് പ്ലസ്ടുവും എം.എസ് ഓഫീസുമാണ് യോഗ്യത.  താല്‍പര്യമുള്ളവര്‍ അസ്സല്‍ രേഖകള്‍ സഹിതം ഒക്‌ടോബര്‍ 27ന് രാവിലെ 10.30ന് കൂടിക്കാഴ്ചക്കായി ആശുപത്രി ഓഫീസില്‍ എത്തണം.  പെരിന്തല്‍മണ്ണ താലൂക്കിലുള്ളവര്‍ക്ക് മുന്‍ഗണന.

പെരിന്തല്‍മണ്ണ പി.ടി.എം ഗവ. കോളേജില്‍  കെമിസ്ട്രി, ഫിസിക്‌സ് അതിഥി അധ്യാപക  ഒഴിവിലേക്ക് അപേക്ഷ ക്ഷണിച്ചു. എം.എസ്.സി കെമിസ്ട്രി, നെറ്റ്, എം.എസ്.സി ഫിസിക്‌സ്, നെറ്റ് യോഗ്യതയുള്ള കോളേജ് വിദ്യാഭ്യാസ വകുപ്പിന്റെ കോഴിക്കോട് മേഖലാ ഓഫീസില്‍ രജിസ്റ്റര്‍ ചെയ്തവര്‍ അസ്സല്‍ സര്‍ട്ടിഫിക്കറ്റുകളുമായി (ഫിസിക്‌സ് ഒക്‌ടോബര്‍ 22, കെമിസ്ട്രി ഒക്‌ടോബര്‍ 24)  രാവിലെ 10.30 ന് കോളേജില്‍ എത്തണം.   നെറ്റ് യോഗ്യതയുളളവരുടെ അഭാവത്തില്‍ അല്ലാത്തവരെയും പരിഗണിക്കും.  കൂടുതല്‍ വിവരങ്ങള്‍ ptmgovernmentcollege.in ല്‍ ലഭിക്കും.  

ജില്ലാതല വൈദ്യുതി അപകട നിവാരണ സമിതി യോഗം ഇന്ന് (ഒക്‌ടോബര്‍ 17) രാവിലെ 10.30ന് ജില്ലാ കലക്ടറുടെ ചേമ്പറില്‍ ചേരും.

ദേശീയ ബാലശാസ്ത്ര കോണ്‍ഗ്രസ്സ് ജില്ലാ മത്സരങ്ങള്‍ ഒകോടോബര്‍ 27 ന്  ജില്ലാ പഞ്ചായത്ത് ഹാളില്‍ നടക്കും.  പങ്കെടുക്കാന്‍ ആഗ്രഹിക്കുന്ന സ്‌കൂളുകള്‍ അവരുടെ പ്രൊജക്റ്റുകള്‍, ലോഗ്ബുക്ക്. ഫോം എ എന്നിവ ഒക്‌ടോബര്‍ 23 നകം ജില്ലാ അക്കാദമിക് കോര്‍ഡിനേറ്റര്‍ക്ക് നല്‍കണം.   ഫോണ്‍ 9745145654, 9496363308.

     ഭരണരംഗത്ത് മലയാളഭാഷയുടെ ഉപയോഗം കാര്യക്ഷമമാക്കുന്നതിന്റെ പുരോഗതി അവലോകനം ചെയ്യുന്നതിന് ജില്ലാതല ഔദ്യോഗിക ഭാഷാ ഏകോപന സമിതി ഒക്‌ടോബര്‍ 30ന് യോഗം ചേരും. രാവിലെ 10.30ന് കളക്‌ട്രേറ്റ് കോണ്‍ഫറന്‍സ് ഹാളില്‍ നടക്കുന്ന യോഗത്തില്‍ ജില്ലാ കളക്ടര്‍ ഡോ. ബി.എസ് തിരുമേനി അദ്ധ്യക്ഷത വഹിക്കും.  

ഗാന്ധിജിയുടെ ജീവിതവും പ്രവര്‍ത്തനങ്ങളും ഇതിഹാസമാക്കി മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമി മാപ്പിളപ്പാട്ട് രചനാ ശില്പശാല  സംഘടിപ്പിക്കുന്നു. മാപ്പിളപ്പാട്ടിന്റെ ഇശലില്‍ മതമൈത്രി-ദേശഭക്തിഗാനാലാപന മത്സരം സെമിനാറുകള്‍, ഗാന്ധിസിനിമകളുടെയും ഹ്രസ്വചിത്രങ്ങളുടെയും പ്രദര്‍ശനം എന്നിവയും ഗാന്ധിജിയുടെ 150-ാം ജ•ദിനാഘോഷത്തിന്റെ ഭാഗമായി  സംഘടിപ്പിക്കും. നവംബര്‍ അവസാനവാരത്തില്‍ സംഘടിപ്പിക്കുന്ന ശില്പശാലയില്‍ പങ്കെടുക്കാന്‍ താത്പര്യമുളളവര്‍ അക്കാദമി ഓഫീസുമായി ബന്ധപ്പെടണം.