ജില്ലാ മീഡിയേഷന്‍ സെന്റര്‍, മഞ്ചേരിയുടെയും വാഴക്കാട് ഗ്രാമ പഞ്ചായത്തിന്റെയും സംയുക്താഭിമുഖ്യത്തില്‍ മധ്യസ്ഥതയും അനുരഞ്ജനവും എന്ന വിഷയത്തില്‍ ബോധവല്‍ക്കരണ പരിപാടി സംഘടിപ്പിച്ചു.  ജില്ല സബ് ജഡ്ജും ലീഗല്‍ സര്‍വ്വീസസ് അതോറിറ്റി സെക്രട്ടറിയുമായ  മിനി. ആര്‍ ഉല്‍ഘാടനം ചെയ്തു.
       വാഴക്കാട് ഗ്രാമ പഞ്ചായത്തില്‍ പ്രവര്‍ത്തിക്കുന്ന ലീഗല്‍ സര്‍വ്വീസസ്  അതോറിറ്റിയുടെ നേതൃത്വത്തില്‍ ആഴ്ചയില്‍ 2 ദിവസം ഗ്രാമ പഞ്ചായത്തില്‍ സഹായവുമായി ക്യാമ്പ് ചെയ്യുന്നുണ്ട്. കേസുകളെ സംബന്ധിച്ചും ലീഗല്‍ സര്‍വ്വീസസ് അതോറിറ്റിയുടെ സേവനത്തെ കുറിച്ചും വിശദീകരിച്ചു.

ജില്ലാ മെഡിക്കല്‍ ഓഫീസിന്റെ കീഴിലുള്ള സ്ഥാപനങ്ങളില്‍ മെഡിക്കല്‍ ഓഫീസര്‍മാരുടെ താല്‍ക്കാലിക ഒഴിവുകളിലേക്ക് ദിവസ വേതനാടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു.  ഹോമിയോപ്പതി ബി.എച്ച്.എം.എസ് ബിരുദവും തൊഴില്‍ പരിചയവുമാണ് യോഗ്യത.  താല്‍പര്യമുള്ളവര്‍ കൂടിക്കാഴ്ചക്കായി ഒക്‌ടോബര്‍ 23ന് രാവിലെ 11ന് മലപ്പുറം സിവില്‍ സ്റ്റേഷനിലെ ജില്ലാ മെഡിക്കല്‍ ഓഫീസില്‍ (ഹോമിയോ) അസ്സല്‍ രേഖകളുമായി എത്തണം.   ഫോണ്‍ 0483 2731387.

ലോക ഭക്ഷ്യ ദിനത്തോടനുബന്ധിച്ച് ചീക്കോട് ഗവ: യു.പി.എസിലെ വിദ്യാത്ഥികളുടെ ഭക്ഷ്യ വിഭവങ്ങളുടെ പ്രദര്‍ശനം ശ്രദ്ധേയമായി. 17 നാടന്‍ ഭക്ഷ്യ ഇന വിഭവങ്ങളില്‍ നിന്ന് മുന്നൂറോളം വ്യത്യസ്ത വിഭവങ്ങളാണ് കുട്ടികള്‍ ഒരുക്കിയത്.
  മേള ചീക്കോട് ഗ്രാമപഞ്ചായത്ത് വൈസ് പ്രസിഡന്റ് റസിയ എടശ്ശേരി ഉല്‍ഘാടനം ചെയ്തു. പി.ടി.എ പ്രസിഡന്റ് ഫസല്‍ മാസ്റ്റര്‍ അധ്യക്ഷത വഹിച്ചു.        സ്‌കൂള്‍ ഹെഡ്മാസ്റ്റര്‍ ഉണ്ണികൃഷ്ണന്‍ മാസ്റ്റര്‍, സ്റ്റാഫ് സെക്രട്ടറി മോയിന്‍ കുട്ടി മാസ്റ്റര്‍ തുടങ്ങിയവര്‍ സംസാരിച്ചു.

    പെരിന്തല്‍മണ്ണ ഗവ. പോളിടെക്‌നിക് കോളേജിലെ കമ്മ്യൂണിറ്റി ഡവലപ്പ്‌മെന്റ്  ത്രൂ പോളിടെക്‌നിക് സ്‌കീമില്‍ ഇലക്ട്രിക്കല്‍ വയറിങ്, ഓട്ടോമൊബൈല്‍ എ.സി മെക്കാനിക്ക്, ഫാഷന്‍ ഡിസൈനിങ് (മങ്കട ഉപകേന്ദ്രം), പ്ലംബിങ് ആന്‍ഡ് സാനിറ്ററി ഫിറ്റിങ് എന്നീ ഹ്രസ്വകാല സൗജന്യ കോഴ്‌സുകളിലേക്ക് അപേക്ഷ ക്ഷണിച്ചു.  പരിശീലന കാലവധി നാല് മാസം. അപേക്ഷ ഒക്‌ടോബര്‍ 25നകം ലഭിക്കണം.  ഫോണ്‍ 04933 228045. 

    പഠന വൈകല്യമുള്ള കുട്ടികള്‍ക്ക് വേണ്ടി ശിശുക്ഷേമ സമിതിയുടെ നേതൃത്വത്തില്‍ സംഘടിപ്പിക്കുന്ന  'സ്മാര്‍ട്ട് ചൈല്‍ഡ് പദ്ധതി'ക്ക് നവംബറില്‍ തുടക്കമാകും.  എഴുത്ത്, വായന, പഠനം എന്നിവയില്‍ പിന്നോക്കം നില്‍ക്കുന്ന കുട്ടികളിലെ പഠന വൈകല്യം കണ്ടെത്തി കൗണ്‍സിലിങും വിദഗ്ധ പഠനവും ലഭ്യമാക്കും.   ശിശുക്ഷേമ സമിതിയുടെ മൈലപ്പുറത്തുള്ള ഓഫീസില്‍ ശനി, ഞായര്‍ ദിവസങ്ങളിലായിരിക്കും ക്ലാസ്സ്.  ക്ലാസ്സുകള്‍ നവംബര്‍ ആദ്യവാരത്തില്‍ തന്നെ ആരംഭിക്കും.  ഫോണ്‍ 8281998318, 0483 2738272.

വൈദ്യുതി പോസ്റ്റുകളില്‍  അനധികൃതമായി പോസ്റ്ററുകളും ഫ്‌ളക്‌സുകളും  മറ്റും  സ്ഥാപിച്ച് പ്രചരണത്തിന്  ഉപയോഗിക്കുന്നവര്‍ക്കെതിരെ  കര്‍ശന നടപടിയെടുക്കുമെന്ന് ജില്ലാ കലക്ടര്‍ അമിത് മീണ അറിയിച്ചു. കലക്ടറേറ്റില്‍ നടന്ന ജില്ലാതല വൈദ്യുതി അപകട നിവാരണ സമിതി യോഗത്തില്‍ അധ്യക്ഷത വഹിച്ചു സംസാരിക്കുകയായിരുന്നു  കലക്ടര്‍.

കാണക്കാരി ഗ്രാമപഞ്ചായത്തിന്റെ വാര്‍ഷിക പദ്ധതി രൂപീകരണവുമായി ബന്ധപ്പെട്ട് ഒക്‌ടോബര്‍ 20, 21 തീയതികളില്‍ ഗ്രാമസഭ ചേരും.  രണ്ടാം വാര്‍ഡ് ഗ്രാമസഭ 20ന് ഉച്ചയ്ക്ക് 2 ന് വെമ്പള്ളി പഞ്ചായത്ത് കമ്മ്യൂണിറ്റി ഹാളിലും 15-ാം വാര്‍ഡ് ഗ്രാമസഭ 21 രാവിലെ 11 ന് കാണക്കാരി ഗവ. എല്‍. പി സ്‌കൂളിലും നടക്കും.