പ്രളയത്തെത്തുടര്‍ന്ന്‌ ജില്ലയിലെ ജൈവവൈവിധ്യത്തുനുണ്ടായ ശോഷണം തിട്ടപ്പെടുത്തുന്നതിനുള്ള സര്‍വ്വേ ഒക്‌ടോബര്‍ 27 നകം പൂര്‍ത്തീകരിക്കാന്‍ തീരുമാനം. ജില്ലാപഞ്ചായത്ത്‌ വൈസ്‌പ്രസിഡന്‍്‌റ്‌ കെ.പി. രാധാകൃഷ്‌ണന്‍െ്‌റ അധ്യക്ഷതയില്‍ ജില്ലാപഞ്ചായത്ത്‌ കോണ്‍ഫറന്‍സ്‌ ഹാളില്‍ നടന്ന ആഘാതപഠനത്തെ സംബന്ധിച്ച ജില്ലാതല ശില്‌പ്പശാലയിലാണ്‌ തീരുമാനം.

ആത്മ പദ്ധതിയുടെ ഭാഗമായി പുഴയ്‌ക്കല്‍ ബ്ലോക്ക്‌തല മാതൃക കര്‍ഷക അവാര്‍ഡിന്‌ അപേക്ഷ ക്ഷണിച്ചു. അടാട്ട്‌, അയ്യന്തോള്‍, അവണ്ണൂര്‍, കൈപ്പറമ്പ്‌, കോലഴി, തോളൂര്‍, മുളങ്കുന്നത്തുകാവ്‌ പഞ്ചായത്തുകളിലെ കര്‍ഷകര്‍ നിര്‍ദ്ദിഷ്‌ട മാതൃകയിലുളള അപേക്ഷ ഒക്‌ടോബര്‍ 31 നകം അതത്‌ കൃഷി ഭവനുകളില്‍ നല്‍കണമെന്ന്‌ പുഴയ്‌ക്കല്‍ കൃഷി അസിസ്റ്റന്റ്‌ ഡയറക്‌ടര്‍ അറിയിച്ചു.

കേന്ദ്ര സര്‍ക്കാരിന്റെ ക്ഷേമ പദ്ധതികളെക്കുറിച്ച്‌ ചേറൂരില്‍ വാര്‍ത്താ-വിതരണ പ്രക്ഷേപണ മന്ത്രാലയത്തിന്റെ ഫീല്‍ഡ്‌ ഔട്ട്‌ റീച്ച്‌ ബ്യൂറേ സംഘടിപ്പിച്ച ദ്വിദിന ബോധവല്‍ക്കരണ പരിപാടി കോര്‍പ്പറേഷന്‍ കൗണ്‍സിലര്‍ പ്രേംകുമാര്‍ ഉദ്‌ഘാടനം ചെയ്‌തു. വിവിധ ബാങ്കിങ്ങ്‌ സേവനങ്ങള്‍, വിദ്യാഭ്യാസ വായ്‌പകള്‍, സമ്പാദ്യ പദ്ധതികള്‍ തുടങ്ങിയവയെക്കുറിച്ച്‌ റിസര്‍വ്‌ ബാങ്ക്‌ സാമ്പത്തിക സാക്ഷരത കൗണ്‍സിലര്‍ വി ആര്‍ രാമചന്ദ്രന്‍ വിശദീകരിച്ചു. ജീവിതശൈലി രോഗങ്ങളെക്കുറിച്ച്‌ ലോകാരോഗ്യസംഘടന കണ്‍സള്‍ട്ടന്റ്‌ഡോ. സി എ പ്രതീഷ്‌ ക്ലാസ്സെടുത്തു.

പ്രളയത്തില്‍ നശിച്ച പുസ്‌തകശാലകളെ വീണ്ടെടുക്കുന്നതിലൂടെ സമൂഹമനസ്സിന്റെ പുനര്‍നിര്‍മ്മാണമാണ്‌ നടക്കുന്നതെന്ന്‌ പൊതുവിദ്യാഭ്യാസ വകുപ്പു മന്ത്രി പ്രൊഫ. സി രവീന്ദ്രനാഥ്‌ പറഞ്ഞു. കേവലമൊരു കെട്ടിടമല്ല പുസ്‌തകശാലകളെന്നും സമൂഹമനസ്സിന്റെ പ്രതിഫലനമാണ്‌ അവയെന്നും അദ്ദേഹം സൂചിപ്പിച്ചു. കേരള ഭാഷ ഇന്‍സ്റ്റിറ്റിയൂട്ട്‌, ജില്ലാ ലൈബ്രറി കൗണ്‍സില്‍ എന്നിവയുടെ ആഭിമുഖ്യത്തില്‍ സംഘടിപ്പിച്ച അക്ഷരങ്ങളുടെ അതിജീവനപ്പാത അഥവാ പ്രളയനാശം വന്ന പുസ്‌തകശാലകള്‍ക്ക്‌ പുസ്‌തകങ്ങള്‍ നല്‍കുന്ന പരിപാടി ഉദ്‌ഘാടനം ചെയ്‌തു സംസാരിക്കുകയായിരുന്നു മന്ത്രി. പ്രളയം സംബന്ധിച്ച അനുഭവങ്ങള്‍ പുതുതലമുറയ്‌ക്കായി രേഖപ്പെടുത്തും.

പ്രളയക്കെടുതിയില്‍ ഏറെ നാശനഷ്‌ടങ്ങള്‍ സംഭവിച്ച ജില്ലയുടെ പുനര്‍ നിര്‍മ്മാണത്തിന്‌ സമൂഹത്തിലെ വിവിധ ആളുകളില്‍ നിന്ന്‌ ഫണ്ടുകള്‍, മറ്റ്‌ വിഭവ സമാഹരണം എന്നിവ ശേഖരിച്ച്‌ വീടുകള്‍ നഷ്‌ടപ്പെട്ടവര്‍ക്ക്‌ വീടുകള്‍ നിര്‍മ്മിച്ചു നല്‍കുമെന്ന്‌ പൊതുവിദ്യാഭ്യാസ വകുപ്പ്‌ മന്ത്രി പ്രൊഫ. സി.രവീന്ദ്രനാഥ്‌, കൃഷിവകുപ്പ്‌ മന്ത്രി അഡ്വ. വി.എസ്‌. സുനില്‍കുമാര്‍ എന്നിവര്‍ അറിയിച്ചു. ജില്ലാ കളക്‌ടര്‍ ടി.വി.

ഭീമനടി  ബേബി ജോണ്‍ മെമ്മോറിയല്‍ ഗവ (വനിത) ഐ.ടി.ഐയില്‍ ഡി/സിവില്‍ ട്രേഡില്‍ ജൂനിയര്‍ ഇന്‍സ്ട്രക്ടറുടെ ഒരു ഒഴിവുണ്ട്.  യോഗ്യത ബി.ടെക്ക് ഇന്‍ സിവില്‍ ഏഞ്ചിനീറിംഗും പ്രസ്തുത മേഖലയിലെ ഒരു വര്‍ഷത്തെ പ്രവര്‍ത്തി പരിചയവും അല്ലെങ്കില്‍ ഡിപ്ലോമ ഇന്‍ സിവില്‍ ഏഞ്ചിനീറിംഗും പ്രസ്തുത മേഖലയിലെ രണ്ട് വര്‍ഷത്തെ പ്രവര്‍ത്തി പരിചയവും അല്ലെങ്കില്‍ ഡി/സിവില്‍ ട്രേഡിലുളള എന്‍.എ.സി, എന്‍.ടി.സി യും പ്രസ്തുത മേഖലയിലെ മൂന്ന് വര്‍ഷത്തെ പ്രവര്‍ത്തി പരിചയവും.  കൂടിക്കാഴ്ച ഒക്‌ടോബര്‍ 16 ന് രാവിലെ 11 മണിക്ക് ഓഫീസില്‍ നടത്തും.

  കേരള സര്‍ക്കാര്‍ മൃഗസംരക്ഷണ വകുപ്പ്, കാസര്‍കോട് - റീജണല്‍ എ.ഐ.സെന്ററിന്റെ ആഭിമുഖ്യത്തില്‍ ജില്ലയിലെ വിവിധ പഞ്ചായത്തുകളില്‍ നിന്നും തെരഞ്ഞെടുക്കപ്പെട്ട 40 കര്‍ഷകര്‍ക്കായി നാലു ദിവസത്തെ വ്യാവസായികാടിസ്ഥാനത്തില്‍ ആടുവളര്‍ത്തല്‍ പരിശീലനം നല്‍കി.  സ്പീഡ് വേ ഇന്നില്‍ എന്‍.എ. നെല്ലിക്കുന്ന് എം.എല്‍.എ ഉദ്ഘാടനം ചെയ്തു.  ജില്ലാ മൃഗസംരക്ഷണ വകുപ്പ് ഡെപ്യൂട്ടി ഡയറക്ടര്‍ ഡോ.ഉമ്മന്‍ പി.രാജ്, ചീഫ് വെറ്ററിനറി ഓഫീസര്‍ ഡോ.ജാന്‍സി, കെ എന്നിവര്‍ ആശംസകള്‍ നേര്‍ന്നു.  അസിസ്റ്റന്റ് പ്രോജക്ട് ഓഫീസര്‍ ഡോ.എസ്.രാജലക്ഷ്മി നന്ദി പറഞ്ഞു.

 ലഹരി വര്‍ജന മിഷന്‍ വിമുക്തിയുടെ ഭാഗമായി നീലേശ്വരം താലൂക്ക് ആശുപ്രതിയില്‍ ആരംഭിക്കുന്ന ലഹരി വിമുക്ത കേന്ദ്രത്തില്‍ വിവിധ തസ്തികകളില്‍ താല്‍ക്കാലിക നിയമനം നടത്തുന്നതിനുള്ള കൂടിക്കാഴ്ച ഒക്‌ടോബര്‍ 16ന് രാവിലെ 10ന് നടക്കും. തസ്തിക:- സെക്യാട്രിസ്റ്റ്. യോഗ്യത:എംബിബിഎസ്, എംഡി,ഡിപിഎം,ഡിഎന്‍ബി, ടിസിഎംസി രജിസ്‌ട്രേഷന്‍. മെഡിക്കല്‍ ഓഫീസര്‍:-എംബിബിഎസ്, ടിസിഎംസി രജിസ്‌ട്രേഷന്‍. സൈക്യാടി പിജി ഉളളവര്‍ക്ക് മുന്‍ഗണന. ക്ലീനിക്കല്‍ സൈക്കോളജിസ്റ്റ്:-  പ്രസ്തുത വിഷയത്തിലുള്ള എംഫില്‍, ക്ലിനിക്കല്‍ സൈക്കോളജിയില്‍ പി ജി.ഡി.സി.പി, ആര്‍.സി.ഐ രജിസ്‌ട്രേഷന്‍.

സ്വയം തൊഴില്‍, ചെറുകിട സംരംഭങ്ങള്‍ ആരംഭിക്കാന്‍ ധനസഹായം നല്‍കുന്ന പദ്ധതിയിലേക്ക് ജില്ലയിലെ നഗരസഭ നിവാസികളില്‍ നിന്ന് അപേക്ഷ ക്ഷണിച്ചു. കുടുംബശ്രീ മിഷന്‍ എന്‍.യു.എല്‍.എം. പദ്ധതിയിലൂടെയാണ് മുനിസിപ്പാലിറ്റികളിലെ സ്ഥിരതാമസക്കാരായ ഒരു ലക്ഷത്തില്‍  താഴെ വാര്‍ഷിക വരുമാനമുള്ള സ്ത്രീ പുരുഷന്‍മാര്‍ക്ക് അവസരം  നല്‍കുന്നത്.  സംരംഭങ്ങള്‍ ആരംഭിക്കുന്നവര്‍ക്ക് വായ്പ പലിശയിന്മേല്‍ സബ്‌സിഡി നല്‍കുന്ന രീതിയിലായിരിക്കും സാമ്പത്തിക സഹായം.ബാങ്കുകള്‍ മുഖേനയാണ് സംരംഭകര്‍ക്കായി വായ്പകള്‍ ലഭ്യമാക്കുക. വ്യക്തി ഒന്നിന്  പരമാവധി രണ്ടു ലക്ഷം രൂപയാണ് വായ്പ് തുക.

കുടുംബശ്രീ ജില്ലാമിഷന്‍ കാസര്‍കോട് ബ്ലോക്ക് പഞ്ചായത്തുമായി സഹകരിച്ച് ഏകദിന ശില്‍പശാല ബ്ലോക്ക് പഞ്ചായത്ത് ഹാളില്‍ സംഘടിപ്പിച്ചു.  ബ്ലോക്ക് പഞ്ചായത്ത് വൈസ് പ്രസിഡന്റ് ഹലീമ ഷിനൂരിന്റെ അധ്യക്ഷതയില്‍ മൊഗ്രാല്‍ പുത്തൂര്‍ പഞ്ചായത്ത് പ്രസിഡന്റ് എ.എ ജലീല്‍ ഉദ്ഘാടനം ചെയ്തു. കുടുംബശ്രീയുടെ വിവിധ പദ്ധതികള്‍ ത്രിതല പഞ്ചായത്ത് സംവിധാനത്തിന്റെ സംയോജിത ഇടപെടലുകളിലൂടെ നടപ്പാക്കുന്നത് ലക്ഷ്യമിട്ടാണ് ശില്‍പശാല സംഘടിപ്പിച്ചത്.