പ്രകൃതി ദുരന്തങ്ങള്‍ നേരിടുന്ന അവസ്ഥയില്‍ സംസ്ഥാനത്തെ മുഴുവന്‍ മുന്‍ഗണനേതര കുടുംബങ്ങള്‍ക്കും ഒക്ടോബറില്‍ പത്തുകിലോ അരി നല്‍കാനുള്ള മുന്‍ ഉത്തരവിനു പകരം അഞ്ചുകിലോ അരി വീതം ഒക്ടോബര്‍, നവംബര്‍, ഡിസംബര്‍ മാസങ്ങളില്‍ റേഷന്‍ കടകള്‍ വഴി വിതരണം ചെയ്യാന്‍ സിവില്‍ സപ്ലൈസ് ഡറക്ടര്‍ക്ക് നിര്‍ദേശം നല്‍കി സര്‍ക്കാര്‍ ഉത്തരവായി.

നോര്‍ക്ക സര്‍ട്ടിഫിക്കറ്റ് അറ്റസ്‌റ്റേഷന്‍ ക്യാമ്പ്് ഈ മാസം 24ന് രാവിലെ 9.30 മുതല്‍ കാസര്‍കോട് കളക്ടറേറ്റ് കോണ്‍ഫറന്‍സ് ഹാളില്‍ നടക്കും. ഉദ്യോഗാര്‍ഥികള്‍ ഓണ്‍ലൈന്‍ അപേക്ഷ നല്‍കിയതിനുശേഷം മാത്രം ഹാജരാകുക. ആ ദിവസം കോഴിക്കോട് നോര്‍ക്ക റൂട്ട്‌സിന്റെ സര്‍ട്ടിഫിക്കറ്റ് അറ്റസ്റ്റേഷന്‍ സെന്ററില്‍ സര്‍ട്ടിഫിക്കറ്റ് അറ്റസ്റ്റേഷന്‍ ഉണ്ടായിരിക്കുന്നതല്ല. 04994257827, 0497 2765310, 04952304885 

കേരള നിയമസഭയുടെ പൊതുമേഖലാ സ്ഥാപനങ്ങളെ സംബന്ധിച്ച സമിതി 16 ന് രാവിലെ 10.30 ന് എറണാകുളത്ത് കേരള സ്റ്റേറ്റ് സിവില്‍ സപ്ലൈസ് കോര്‍പ്പറേഷന്‍ ലിമിറ്റഡ് ഹെഡ് ഓഫീസ് കോണ്‍ഫറന്‍സ് ഹാളില്‍ യോഗം ചേരും. സപ്ലൈകോയുടെ പ്രവര്‍ത്തനം സംബന്ധിച്ച് ബന്ധപ്പെട്ട ഉദ്യോഗസ്ഥരുമായി ചര്‍ച്ച നടത്തും. തുടര്‍ന്ന് സ്ഥാപനം സന്ദര്‍ശിക്കും.

   പി.എന്‍.എക്‌സ്.4566/18

  മംഗല്‍പ്പാടി ഗ്രാമപഞ്ചായത്തിലെ 22-ാം വാര്‍ഡിലെ ബപ്പായിത്തൊട്ടി-പാറകട്ട റോഡ് കോണ്‍ക്രീറ്റ് നടക്കുന്നതിനാല്‍ ഈ മാസം 15 മുതല്‍ രണ്ടുമാസത്തേക്ക് റോഡ് അടച്ചിടുമെന്ന് സെക്രട്ടറി അറിയിച്ചു.

കേരളനിയമസഭയുടെ എസ്റ്റിമേറ്റ്‌സ് കമ്മിറ്റി 17 ന് രാവിലെ 10.30 ന് മങ്കൊമ്പ് നെല്ലുഗവേഷണകേന്ദ്രത്തിലെ കോണ്‍ഫറന്‍സ് ഹാളില്‍ യോഗം ചേരും. കാലാവസ്ഥാവ്യതിയാനം, പ്രളയം എന്നിവ മൂലം ആലപ്പുഴ ജില്ലയില്‍ കാര്‍ഷികമേഖലയ്ക്കുണ്ടായ നാശനഷ്ടങ്ങള്‍ സംബന്ധിച്ച് ബന്ധപ്പെട്ട  ജില്ലാതല  ഉദ്യോഗസ്ഥരില്‍നിന്നും തെളിവെടുക്കും. തുടര്‍ന്ന് ദുരന്തബാധിതപ്രദേശങ്ങള്‍ സന്ദര്‍ശിക്കും

   പി.എന്‍.എക്‌സ്.4565/18

റവന്യു മന്ത്രി ഇ.ചന്ദ്രശേഖരന്‍ ജില്ലയില്‍ മൂന്നു ദിവസം (13,14,15 തീയതികളില്‍) വിവിധ പരിപാടികളില്‍ പങ്കെടുക്കും. ഇന്ന്(13) രാവിലെ 10.30ന് പരപ്പയില്‍ സഹകരണ വകുപ്പ് അസിസ്റ്റന്റ് രജിസ്ട്രാര്‍(ജനറല്‍) ഓഫീസ് ഉദ്ഘാടനം, 2.30 പെര്‍ളയില്‍ സ്വകാര്യചടങ്ങ്, 14ന് 11 ന് ക്യാമ്പ് ഓഫീസ്, 15 രാവിലെ 10ന് ഒടയംചാലില്‍ കോടോം-ബേളൂര്‍ കുടിവെള്ള പദ്ധതി ഉദ്ഘാടനം, ഉച്ചയ്ക്ക് 12ന് എണ്ണപ്പാറ കുടുംബാരോഗ്യ കേന്ദ്രം പ്രവര്‍ത്തന ഉദ്ഘാടനം, ഉച്ചകഴിഞ്ഞ് 3ന് പാലായി വളവ് റഗുലേറ്റര്‍ കം ബ്രിഡ്ജ് നിര്‍മ്മാണോദ്ഘാടനം എന്നീ പരിപാടികളില്‍ പങ്കെടുക്കും. 

 പൊതുസ്ഥലങ്ങളില്‍ മാലിന്യങ്ങള്‍ തള്ളുന്നവര്‍ക്കെതിരെയും പ്ലാസ്റ്റിക് മാലിന്യങ്ങള്‍ കത്തിക്കുന്നവര്‍ക്കെതിരെയും പൊതുജനങ്ങളില്‍ നിന്ന് ഫോട്ടോകള്‍ സഹിതം പരാതികള്‍ ലഭിച്ചതിന്റെ അടിസ്ഥാനത്തില്‍ ജില്ലാ ഭരണകൂടം കര്‍ശന നടപടി സ്വീകരിച്ചുതുടങ്ങി. കഴിഞ്ഞ ദിവസം ലഭിച്ച അഞ്ച് പരാതികളില്‍ കാസര്‍കോട് നഗരസഭ സെക്രട്ടറി, മംഗല്‍പാടി ഗ്രാമപഞ്ചായത്ത് സെക്രട്ടറി, ചെമ്മനാട് ഗ്രാമപഞ്ചായത്ത് സെക്രട്ടറി എന്നിവരോട് അടിയന്തര നടപടി സ്വീകരിച്ച് ഒരാഴ്ചയ്ക്കുളളില്‍ റിപ്പോര്‍ട്ട് സമര്‍പ്പിക്കാന്‍ ജില്ലാ കളക്ടര്‍ ഡോ.ഡി.സജിത്ത്ബാബു നിര്‍ദേശിച്ചു. 

സ്‌കൂള്‍ വിദ്യാര്‍ത്ഥികളില്‍ ചരിത്ര പൈതൃക അവബോധം വളര്‍ത്തുന്നതിന് ആര്‍ക്കൈവ്‌സ് വകുപ്പ് ഹൈസ്‌കൂള്‍തലത്തില്‍ നടത്തുന്ന ചരിത്ര ക്വിസ് 2018ന് ലോഗോ ക്ഷണിച്ചു. ലോഗോ 25നകം ലഭിക്കണം. ഡയറക്ടര്‍, സംസ്ഥാന ആര്‍ക്കൈവ്‌സ് വകുപ്പ്, ഡയറക്ടറേറ്റ്, നളന്ദ കവടിയാര്‍ പി.ഒ, തിരുവനന്തപുരം 695003 എന്ന വിലാസത്തില്‍ അയയ്ക്കണം. ഫോണ്‍: 9495871627 വാട്ട്‌സ് അപ്പ് നമ്പര്‍: 9188526388 ഇമെയില്‍:keralaarchives@gmail.com

   പി.എന്‍.എക്‌സ്.4563/18

തിരുവനന്തപുരം പാലോട് ബൊട്ടാണിക് ഗാര്‍ഡന്‍ ആന്റ് റിസര്‍ച്ച് ഇന്‍സ്റ്റിറ്റ്യൂട്ടില്‍ നടപ്പിലാക്കുന്ന ഗവേഷണ പദ്ധതിയില്‍ ഒരു ജെ.ആര്‍.എഫ് ഒഴിവിലേക്ക് അപേക്ഷ ക്ഷണിച്ചു. കാലാവധി രണ്ടര വര്‍ഷം.  യോഗ്യത: ബോട്ടണിയില്‍ ഒന്നാം ക്ലാസ് ബിരുദാനന്തര ബിരുദം. പ്രായം 2018 ജനുവരി ഒന്നിന് 28 വയസ് കവിയരുത്. പട്ടികജാതി പട്ടികവര്‍ഗ പിന്നാക്ക വിഭാഗങ്ങളിലുള്ളവര്‍ക്ക് നിയമാനുസൃത വയസിളവ് ലഭിക്കും. ഫെല്ലോഷിപ്പ് പ്രതിമാസം 16000 രൂപയും എച്ച്.ആര്‍.എയും.