പട്ടികജാതി-പട്ടികവര്‍ഗ്ഗ വിഭാഗത്തില്‍പ്പെട്ട സ്വയംതൊഴില്‍ സംരംഭകരെ പ്രോല്‍സാഹിപ്പിക്കുന്നതിനും അവരുടെ പരമ്പരാഗത പൈതൃക ഉല്‍പ്പന്നങ്ങള്‍ക്ക് വിപണി കണ്ടെത്തുന്നതിനും പാരമ്പര്യ കലാരൂപങ്ങള്‍ അവതരിപ്പിക്കുന്നതിനുമായി പട്ടികജാതി-പട്ടികവര്‍ഗ്ഗ വികസന വകുപ്പുകളുടെയും കിര്‍ത്താഡ്‌സിന്റെയും സംയുക്താഭിമുഖ്യത്തില്‍ 'ഗദ്ദിക-2018-19' എന്ന പേരില്‍ ഉല്‍പ്പന്ന പ്രദര്‍ശന വിപണന മേളയും കലാമേളയും സംഘടിപ്പിക്കുന്നു.  പാരമ്പര്യ ഉല്‍പ്പന്നങ്ങളുടെ ഉല്‍പാദനത്തിലേര്‍പ്പെട്ടിട്ടുളള പട്ടികജാതി വ്യക്തികള്‍ക്കും സൊസൈറ്റികള്‍, കുടുംബശ്രീ യൂണിറ്റുകള്‍ എന്നിവയ്ക്കും മേളയില്‍ പങ്കെടുക്കാം.

ജനാധിപത്യപ്രക്രിയയില്‍ പുതിയ തലമുറയുടെ സജീവമായ പങ്കാളിത്തം ഉറപ്പുവരുത്തുന്നതിന്റെ ഭാഗമായി ജില്ലയിലെ വിവിധ വിദ്യാലയങ്ങളില്‍ പ്രവര്‍ത്തിച്ചുവരുന്ന ഇലക്ടറല്‍ ലിറ്ററസി ക്ലബ്ബുകളിലെ നോഡല്‍ ഓഫീസര്‍മാരായ അധ്യാപകര്‍ക്കുളള ഏകദിന പരിശീലന പരിപാടി ജില്ലാ പ്ലാനിങ്ങ് ഓഫീസ് കോണ്‍ഫറന്‍സ് ഹാളില്‍ നടന്നു.  ജില്ലാ കളക്ടര്‍ ഡോ.ഡി.സജിത് ബാബു ഉദ്ഘാടനം ചെയ്തു.  വിദ്യാര്‍ത്ഥികള്‍ക്കിടയില്‍ വളര്‍ന്നുവരുന്ന അരാഷ്ട്രീയതയ്‌ക്കെതിരെയും ജനാധിപത്യ പ്രക്രിയകളോടുളള വിമുഖതയ്‌ക്കെതിരെയും ബോധവല്‍ക്കരണം നടത്തി.

ജില്ലാ ഹരിത കേരളം മിഷന്‍ ഓഫീസില്‍ ക്ലര്‍ക്ക് കം ടൈപ്പിസ്റ്റ് തസ്തികയില്‍ ദിവസ വേതനാടിസ്ഥാത്തില്‍ നിയമനം നടത്തുന്നു.  ഉദ്യോഗാര്‍ത്ഥികള്‍ ഒക്‌ടോബര്‍ 22 ന് രാവിലെ 11 മണിക്ക് ഹരിത കേരളം മിഷന്‍ ജില്ലാ ഓഫീസില്‍ നടക്കുന്ന കൂടിക്കാഴ്ചയില്‍ യോഗ്യത തെളിയിക്കുന്ന സര്‍ട്ടിഫിക്കറ്റുകള്‍ സഹിതം പങ്കെടുക്കണം.  യോഗ്യതകള്‍- ഡിഗ്രി, പി.ജി.ഡി.സി.എ, മലയാളം, ഇംഗ്ലീഷ് കമ്പ്യൂട്ടര്‍ ടൈപ്പിംഗില്‍ പരിജ്ഞാനം. മുന്‍പരിചയം അഭിലഷണനീയം.

സംസ്ഥാനത്തെ 20 തദ്ദേശസ്വയംഭരണ വാര്‍ഡുകളിലേക്കു നടന്ന ഉപതെരഞ്ഞെടുപ്പുകളില്‍ എല്‍.ഡി.എഫ് 12-ഉം യു.ഡി.എഫ് 6-ഉം ബി.ജെ.പിയും സ്വതന്ത്രനും ഓരോ സീറ്റു വീതവും നേടിയതായി സംസ്ഥാന തിരഞ്ഞെടുപ്പ് കമ്മീഷണര്‍ വി. ഭാസ്‌കരന്‍ അറിയിച്ചു.

തിരുവനന്തപുരം, കൊല്ലം, ഇടുക്കി, എറണാകുളം, തൃശ്ശൂര്‍, പാലക്കാട്, കോഴിക്കോട്, കണ്ണൂര്‍ ജില്ലകളിലെ 16 ഗ്രാമപഞ്ചായത്ത് വാര്‍ഡുകളിലും, മലപ്പുറം, കണ്ണൂര്‍ ജില്ലകളിലെ ഓരോ ബ്ലോക്ക്  പഞ്ചായത്ത് വാര്‍ഡുകളിലും വയനാട്, കണ്ണൂര്‍ ജില്ലകളിലെ ഓരോ  നഗരസഭാ വാര്‍ഡുകളിലുമാണ് ഉപതിരഞ്ഞെടുപ്പ് നടന്നത്.   

ഒന്നാം വര്‍ഷ ഇംപ്രൂവ്‌മെന്റ്/ സപ്ലിമെന്ററി തുല്യതാ പരീക്ഷയുടെ പൊളിറ്റിക്കല്‍ സയന്‍സ് പുന :പരീക്ഷ 16ന് രാവിലെ 10 മുതല്‍ 12.45 വരെ പരീക്ഷാകേന്ദ്രങ്ങളില്‍ നടത്തും. ഇത് സംബന്ധിച്ച സര്‍ക്കുലര്‍ www.dhsekerala.gov.in ല്‍ ലഭ്യമാണ്.

   പി.എന്‍.എക്‌സ്.4570/18

വിമുക്തിമിഷന്റെ ആഭിമുഖ്യത്തില്‍ തിരുവനന്തപുരം എക്‌സൈസ് ആസ്ഥാനത്ത് മുകളിലത്തെ നിലയില്‍ പ്രവര്‍ത്തിച്ചിരുന്ന വിമുക്തി കൗണ്‍സലിംഗ് സെന്റര്‍  എക്‌സൈസ് ആസ്ഥാന മന്ദിരത്തിന്റെ ഗ്രൗണ്ട് ഫ്‌ളോറില്‍ പ്രത്യേകമായി സജ്ജീകരിച്ച മുറിയില്‍ പ്രവര്‍ത്തനം ആരംഭിച്ചു. കൗണ്‍സലിംഗ് സെന്ററില്‍ എല്ലാ പ്രവൃത്തി ദിവസങ്ങളിലും  രാവിലെ 10 മുതല്‍ വൈകിട്ട് അഞ്ച് വരെ  സൈക്കോളജിസ്റ്റിന്റേയും, സോഷ്യോളജിസ്റ്റിന്റേയും നേതൃത്വത്തില്‍ പൊതുജനങ്ങള്‍ക്ക് സൗജന്യസേവനം ലഭിക്കും. ഫോണ്‍ നമ്പര്‍ 9400022100, 9400033100

 പി.എന്‍.എക്‌സ്.4569/18

അഖിലേന്ത്യാ സഹകരണവാരാഘോഷം സംസ്ഥാനതല ഉദ്ഘാടനം നവംബര്‍ 14 ന് കാസര്‍കോടും സമാപനം 20 ന് കാഞ്ഞങ്ങാടും നടക്കും. സംസ്ഥാനതല ഉദ്ഘാടന-സമാപന പരിപാടികള്‍ വിജയിപ്പിക്കുന്നതിന്റെ ഭാഗമായി ്ജില്ലാസഹകരണ ബാങ്ക് കെട്ടിടത്തില്‍ ആരംഭിച്ച സംഘാടകസമിതി ഓഫീസ് സംസ്ഥാന സഹകരണ യൂണിയന്‍ ചെയര്‍മാന്‍ കോലിയക്കോട് കൃഷ്ണന്‍ നായര്‍ ഉദ്ഘാടനം ചെയ്തു. 

    മഹാനവമി പ്രമാണിച്ച് 18 ന് കേരള സംസ്ഥാന ശാസ്ത്ര സാങ്കേതിക മ്യൂസിയവും പ്ലാനറ്റേറിയവും അവധിയായിരിക്കുമെന്ന് ഡയറക്ടര്‍ അറിയിച്ചു.

 പി.എന്‍.എക്‌സ്.4568/18

 പ്രമുഖ സാംസ്‌ക്കാരിക പ്രവര്‍ത്തകനും നടനും നാടക സംവിധായകനുമായ ഉമേശ് എം. സാലിയാനെ കേരള തുളു അക്കാദമി പുതിയ ചെയര്‍മാനായി നിയമിച്ചു സര്‍ക്കാര്‍ ഉത്തരവായി. സാംസ്‌ക്കാരിക വകുപ്പാണ് ഇത് സംബന്ധച്ച് ഉത്തരവ് ഇറക്കിയത്. അക്കാദമി സെക്രട്ടറിയായി വിദ്യാഭ്യാസ വകുപ്പിലെ ഉദ്യോഗസ്ഥന്‍ മഞ്ചേശ്വരം വോര്‍ക്കാടി പാവളയിലെ പി. വിജയകുമാരനെയും നിയമിച്ചു. പി. കരുണാകരന്‍ എം.പി., പി.ബി. അബ്ദുല്‍ റസാഖ് എം.എല്‍.എ., മുന്‍ സെക്രട്ടറി ബി. ബാലകൃഷ്ണ ഷെട്ടിഗാര്‍ എന്നിവര്‍ ഉള്‍പ്പെടെ മുന്‍ കമ്മിറ്റിയിലെ മുഴുവന്‍ അംഗങ്ങളെയും പുതിയ കമ്മിറ്റിയില്‍ ഉള്‍പ്പെട്ടുത്തിയിട്ടുണ്ട്. ജില്ലാ കളക്ടറാണ് ട്രഷറര്‍.