ജില്ലാ ആരോഗ്യ കുടുംബക്ഷേമ സമിതിക്കു കീഴില്‍ ജില്ലയില്‍ ക്ലിനിക്കല്‍ സൈക്കോളജിസ്റ്റ് തസ്തികയിലേക്ക് കരാര്‍ അടിസ്ഥാനത്തില്‍ നിയമിക്കുന്നതിനായി അപേക്ഷ ക്ഷണിച്ചു.   യോഗ്യത എം.എ/എം.എസ്.സി സൈക്കോളജി/എം.ഫില്‍ ഇന്‍ ക്ലിനിക്കല്‍ സൈക്കോളജി/പി.ജി ഡിപ്ലോമ ഇന്‍ സൈക്കോളജി.  ആര്‍.സി.ഐ രജിസ്‌ട്രേഷന്‍ നിര്‍ബന്ധം. പ്രായം 40 വയസ്സില്‍ താഴെ. മൂന്ന് വര്‍ഷം പ്രവര്‍ത്തി പരിചയം അഭികാമ്യം. നിശ്ചിത പ്രവര്‍ത്തി പരിചയം ഇല്ലാത്തവരുടെ അഭാവത്തില്‍ രണ്ടു വര്‍ഷത്തെ പ്രവൃത്തി പരിചയമുള്ളവരെയും പരിഗണിക്കും.

സംസ്ഥാന ഹജ്ജ് കമ്മിറ്റിയുടെ നേതൃത്വത്തില്‍ ഹജ്ജ് 2018 ട്രെയ്‌നര്‍മാരുടെ സംഗമം നടത്തി. ഹജ്ജ് കമ്മിറ്റി ചെയര്‍മാന്‍ സി. മുഹമ്മദ് ഫൈസി ഉദ്ഘാടനം ചെയ്തു. ഹജ്ജ് കമ്മിറ്റി അംഗം എച്ച്. മുസമ്മില്‍ ഹാജി അധ്യക്ഷത വഹിച്ചു. ഹജ്ജ് കമ്മിറ്റി അംഗം കെ.എം. കാസിം കോയ മുഖ്യപ്രഭാഷണം നടത്തി.  അംഗങ്ങളായ പി. അബ്ദുറഹിമാന്‍ എന്ന ഇണ്ണി, എല്‍. സുലേഖ, ഹജ്ജ് അസിസ്റ്റന്റ് സെക്രട്ടറി ടി.കെ. അബ്ദുറഹിമാന്‍, കോ ഓര്‍ഡിനേറ്റര്‍ എന്‍.പി.ഷാജഹാന്‍, മാസ്റ്റര്‍ ട്രെയ്‌നര്‍ മുജീബ് മാസ്റ്റര്‍ എന്നിവര്‍ സംസാരിച്ചു. പ്രതികൂല കാലാവസ്ഥയിലും മികച്ച പ്രവര്‍ത്തനം കാഴ്ചവെച്ച വെച്ച മുഴുവന്‍ ട്രെയ്‌നര്‍മാരെയും യോഗം അഭിനന്ദിച്ചു.

ജില്ലയിലെ മൃഗസംരക്ഷണ പ്രവര്‍ത്തനങ്ങള്‍ക്കായി നാഷണലൈസ്ഡ്  ബാങ്ക് / കോ-ഓപ്പറേറ്റീവ് ബാങ്കുകളില്‍ നിന്ന് ലോണെടുത്ത കര്‍ഷകര്‍ക്ക് മൃഗസംരക്ഷണ വകുപ്പ് 5000 രൂപ വരെ പലിശ ഇനത്തില്‍ ധനസഹായം നല്‍കുന്നു.  കര്‍ഷകര്‍ തൊട്ടതുത്ത മൃഗസംരക്ഷണ ഓഫീസുമായി ബന്ധപ്പെടണമെന്ന് ജില്ലാ മൃഗസംരക്ഷണ ഓഫീസര്‍ അറിയിച്ചു.

മലപ്പുറം നഗരസഭയില്‍ 'നഗര പ്രിയ' പദ്ധതിയില്‍ 1200 ഓളം കുടുംബങ്ങള്‍ക്ക് കോഴിയും കൂടും വിതരണം ചെയ്തു. വനിതകള്‍ക്ക് സ്വയം തൊഴില്‍ പദ്ധതിയുടെ ഭാൗമായി കേരള പൗള്‍ട്രി വികസന കോര്‍പ്പറേഷനുമായി സഹകരിച്ചാണ് ഓരോ കുടുംബത്തിനും 5 കോഴി, കൂട്, 5 കിലോ കോഴി തീറ്റ, മരുന്ന് എന്നിവ വിതരണം ചെയ്തത്. 850 രൂപ സബ്‌സിഡി നിരക്കിലാണ് പദ്ധതി നടപ്പിലാക്കുന്നത്.

സംസ്ഥാന ദുരന്ത നിവാരണ അതോറിറ്റയുടെ റെഡ് അലെര്‍ട്ട് മുന്നറിയിപ്പിനെ തുടര്‍ന്നു ജില്ലയില്‍ ക്വാറികളുടെ പ്രവര്‍ത്തനത്തിനുണ്ടായിരുന്ന നിരോധനം നീക്കി ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ഉത്തരവായി.
കൊണ്ടോട്ടി താലൂക്കില്‍ വാഴയൂര്‍ വില്ലേജിലെ ഹൈഗ്രിപ്പ് ക്രഷേര്‍സ്, ഏറനാട് താലൂക്കില്‍ വെറ്റിലപ്പാറ വില്ലേജിലെ ചെറുപാറ ഗ്രാനൈറ്റ്‌സ്, പെരകമണ്ണ വില്ലേജിലെ  മുബാറക് ക്രഷര്‍ യൂണിറ്റ് എന്നിവയുടെ നിരോധനം നിലനിര്‍ത്തിയാണ് മറ്റു ക്വാറികള്‍ക്ക് പ്രവര്‍ത്തനാനുമതി നല്‍കിയത്.