ഗാന്ധിജിയുടെ 150-ാം ജന്മ വാര്‍ഷികാഘോഷത്തോടനുബന്ധിച്ച് ഫുഡ് സേഫ്റ്റി & സ്റ്റാന്‍ഡേര്‍ഡ്‌സ് അതോറിറ്റി ഓഫ് ഇന്‍ഡ്യ 'സ്വസ്ത് ഭാരത് യാത്ര' എന്ന പേരില്‍ രാജ്യമൊട്ടാകെ  സൈക്ലാത്തോണ്‍ സംഘടിപ്പിക്കും.  സംസ്ഥാനതല ഉദ്ഘാടനം ഒക്‌ടോബര്‍ 16ന് വൈകുന്നേരം നാലിന് കനക്കുന്ന് കൊട്ടാരത്തില്‍ ആരോഗ്യമന്ത്രി കെ.കെ.ശൈലജ ടീച്ചര്‍ നിര്‍വ്വഹിക്കും. സൈക്ലാത്തോണിന്റെ ഫ്‌ളാഗ് ഓഫ് 17ന് കിഴക്കേക്കോട്ട ഗാന്ധിപാര്‍ക്കില്‍ രാവിലെ ഏഴ് മണിയ്ക്ക് നടക്കും.

കേരള സ്‌കൂള്‍ കലോത്സവത്തിന് പൊതുമത്സരമായിരുന്ന കഥകളി (സിംഗിള്‍), തുള്ളല്‍, നാടോടി നൃത്തം, മിമിക്രി എന്നീ ഇനങ്ങള്‍ ആണ്‍ - പെണ്‍ വിഭാഗത്തില്‍ പ്രത്യേക മത്സരമായി നടത്താന്‍ സര്‍ക്കാര്‍ ഉത്തരവായി. ഇത് ഈ വര്‍ഷത്തെ സ്‌കൂള്‍ കലോത്സവങ്ങള്‍ക്ക് ബാധകമാണ്.

   പി.എന്‍.എക്‌സ്.4543/18

മലബാര്‍ ദേവസ്വം ക്ഷേത്രജീവനക്കാരുടെയും എക്‌സിക്യൂട്ടീവ്‌ ഓഫീസര്‍മാരുടെയും ക്ഷേമനിധിയില്‍ അംഗങ്ങളായവര്‍ 2017 ഡിസംബര്‍ വരെയുളള ക്ഷേമനിധി വിഹിതം 2018 ഡിസംബര്‍ 31 നകം അടച്ചുതീര്‍ക്കണം. അല്ലാത്തപക്ഷം ഇനി ഒരു അറിയിപ്പില്ലാതെ അംഗത്വം റദ്ദാക്കും. കുടിശ്ശിക അടയ്‌ക്കുമ്പോള്‍ ശമ്പളപട്ടികയുടെ പകര്‍പ്പ്‌, ഇപ്പോഴും ജോലിയില്‍ തുടരുന്നുണ്ടെന്ന്‌ കാണിക്കുന്ന ക്ഷേത്രഭാരവാഹിയുടെ സാക്ഷ്യപത്രം എന്നിവ നല്‍കണം. പുതുതായി ജോലിയില്‍ പ്രവേശിച്ച ജീവനക്കാര്‍ ശമ്പളപ്പട്ടികയില്‍ ഉള്‍പ്പെട്ട്‌ ഒരു വര്‍ഷത്തിനകം അംഗത്വത്തിന്‌ അപേക്ഷ നല്‍കണം. വൈകി ലഭിക്കുന്ന അപേക്ഷ പരിഗണിക്കില്ലെന്ന്‌ സെക്രട്ടറി അറിയിച്ചു.

ജില്ലാ ഗവണ്‍മെന്‍്‌റ്‌ പ്ലീഡര്‍ ആന്‍ഡ്‌ പബ്ലിക്ക്‌ പ്രോസിക്യൂട്ടറുടെ പുതിയ ഓഫീസ്‌ ഉദ്‌ഘാടനം കോടതി സമുച്ചയത്തില്‍ പ്രിന്‍സിപ്പല്‍ ജില്ലാ ആന്‍ഡ്‌ സെഷന്‍സ്‌ ജഡ്‌ജ്‌ എ. ബദറുദ്ദീനും ജില്ലാ കളക്ടര്‍ ടി.വി. അനുപമയും ചേര്‍ന്ന്‌ നിര്‍വഹിച്ചു. ചടങ്ങില്‍ ജില്ലാ ജഡ്‌ജിമാര്‍, അസിസ്‌റ്റന്‍്‌റ്‌ കളക്ടര്‍ പ്രേം കൃഷ്‌ണന്‍ , ജില്ലാ ഗവണ്‍മെന്‍്‌റ്‌ പ്ലീഡര്‍ ആന്‍ഡ്‌ പബ്ലിക്ക്‌ പ്രോസിക്യൂട്ടര്‍ അഡ്വ. കെ.ഡി. ബാബു ,അഭിഭാഷകര്‍ തുടങ്ങിയവര്‍ പങ്കെടുത്തു.

കാലാവസ്ഥാ വൃതിയാനത്തിന്റെ പശ്ചാത്തലത്തില്‍ പാരമ്പര്യേതര ഊര്‍ജ്ജ സ്രോതസ്സുകളിലേക്ക്‌ മാറുന്നതിന്റെ ആവശ്യകത പരിചയപ്പെടുത്തുന്ന ഏകദിന ശില്‍പശാല ഇന്ന്‌ (ഒക്‌ടോബര്‍ 12) കിലയില്‍ നടക്കും.

മണ്ണുത്തി സ്റ്റേറ്റ്‌ ബയോകണ്‍ട്രോള്‍ ലാബിലേക്ക്‌ അസാഡിറാക്‌ടിന്‍ വിതരണം ചെയ്യുന്നതിന്‌ ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി ഒക്‌ടോബര്‍ 22 ഉച്ചയ്‌ക്ക്‌ 12 മണി. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2374605.

വനം വന്യജീവി വകുപ്പും ജൈവ വൈവിധ്യ ബോര്‍ഡും മാള കാര്‍മ്മല്‍ കോളേജും സംയുക്തമായി നടത്തുന്ന വന്യജീവി വാരാചരണത്തിന്റെ ഉദ്‌ഘാടനം മാള കാര്‍മ്മല്‍ കോളേജില്‍ സാമൂഹ്യവനവല്‍ക്കരണ വിഭാഗം അസിസ്റ്റന്റ്‌ ഫോറസ്റ്റ്‌ കണ്‍സര്‍വേറ്റര്‍ എ ജയദേവന്‍ നിര്‍വഹിച്ചു. ജന്തുശാസ്‌ത്രവിഭാഗം അദ്ധ്യാപിക സിസ്റ്റര്‍ റിനി റാഫേല്‍ അദ്ധ്യക്ഷത വഹിച്ചു. അസിസ്റ്റന്റ്‌ ഫോറസ്റ്റ്‌ കണ്‍സര്‍വേറ്റര്‍ കെ ബി ജയചന്ദ്രന്‍നായര്‍, കോളേജ്‌ അദ്ധ്യാപികമാരായ ഡോ. കെ ബി ബിന്ദു, പി ആര്‍ റീന ജൈവവിധ്യ ബോര്‍ഡ്‌ ജില്ലാ കോ-ഓര്‍ഡിനേറ്റര്‍ ഇ എസ്‌ സദാനന്ദന്‍ തുടങ്ങിയവര്‍ പങ്കെടുത്തു. തുടര്‍ന്ന്‌ �കാലാവസ്ഥാ വ്യതിയാനവും ജൈവവിധ്യവും� എന്ന വിഷയത്തില്‍ ഡോ.

പ്രളയക്കെടുതിയില്‍ വീടുകള്‍ക്ക്‌ നാശനഷ്‌ടം സംഭവിച്ചര്‍ക്കുളള പുനരധിവാസവുമായി ബന്ധപ്പെട്ട്‌ സ്വന്തം ഭൂമിയില്‍ വീടുവെയ്‌ക്കുന്നതിനുളള ധനസഹായം ലഭിക്കുന്നതിനായി നിശ്ചിത മാതൃകയിലുളള അപേക്ഷാഫോറം / സമ്മതപത്രം ബന്ധപ്പെട്ട ഗുണഭോക്താക്കളില്‍ നിന്നും ഒക്‌ടോബര്‍ 12 മുതല്‍ വില്ലേജ്‌ ഓഫീസുകളില്‍ സ്വീകരിക്കും. സമ്മതപത്രത്തിന്റെ മാതൃക ജില്ലാ വെബ്‌സൈറ്റില്‍ നിന്ന്‌ ഡൗണ്‍ലോഡ്‌ ചെയ്‌തും ഉപയോഗിക്കാം. ഒക്‌ടോബര്‍ 15 മുതല്‍ സമ്മതപത്രത്തിന്റെ പകര്‍പ്പ്‌ വില്ലേജ്‌ ഓഫീസുകളില്‍ നിന്നും ലഭിക്കുമെന്ന്‌ ജില്ലാ കളക്‌ടര്‍ അറിയിച്ചു.

പ്രളയം ബാധിത പ്രദേശങ്ങളിലെ വോട്ടര്‍മാരില്‍ തിരിച്ചറിയല്‍ കാര്‍ഡ്‌ നഷ്‌ടപ്പെട്ടവര്‍ക്ക്‌ അപേക്ഷിക്കുന്ന മുറയ്‌ക്ക്‌ സൗജന്യമായി കാര്‍ഡ്‌ ലഭിക്കുമെന്ന്‌ തിരഞ്ഞെടുപ്പ്‌ വരണാധികാരിയായ ജില്ലാ കളക്‌ടര്‍ അറിയിച്ചു.