പ്രളയക്കെടുതിയില്‍ നാശം സംഭവിച്ച വീടുകളിലെ പുനരുദ്ധാരണ പ്രവര്‍ത്തനങ്ങള്‍ക്ക് നേതൃത്വം നല്‍കിയ നൈപുണ്യ കര്‍മ്മസേനയ്ക്ക് സംസ്ഥാന സര്‍ക്കാരിന്റെ അനുമോദനം. തിരുവനന്തപുരം വി.ജെ.ടി ഹാളില്‍ നടന്ന ചടങ്ങില്‍ മന്ത്രി ടി.പി. രാമകൃഷ്ണനില്‍ നിന്നും കാസര്‍കോട് ജില്ലയ്ക്കുളള ഉപഹാരം നൈപുണ്യ കര്‍മ്മസേന നോഡല്‍ ഓഫീസര്‍ പി.ജെ ഫിലോമിന ജെഫി ജെന്നിഫര്‍, ജില്ലാ കോ-ഓഡിനേറ്റര്‍ സനീഷ് ബാലക്കണ്ടി, ഇന്‍സ്ട്രക്ടര്‍മാരായ മനോജ്കുമാര്‍ കെ, സജീഷ്. കെ എന്നിവര്‍ ചേര്‍ന്ന് ഏറ്റുവാങ്ങി.

 കേരള വാട്ടര്‍ അതോറിറ്റിയുടെ ബാവിക്കര പമ്പ് ഹൗസിലെ പ്രധാന മോട്ടോര്‍ തകരാറായതിനാല്‍ കാസര്‍കോട് നഗരസഭ, മധൂര്‍, ചെങ്കള, മൊഗ്രാല്‍ പുത്തൂര്‍  എന്നിവിടങ്ങളില്‍  ഒരാഴ്ചത്തേക്ക് കുടിവെളള വിതരണം ഭാഗികമായി തടസപ്പെടുമെന്ന് അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ അറിയിച്ചു.

മൊഗ്രാല്‍ പുത്തൂര്‍ ഗ്രാമപഞ്ചായത്തിലെ എരിയാല്‍ കൊറുവയല്‍ റോഡ് കോണ്‍ക്രീറ്റ് പ്രവൃത്തി ചെയ്യുന്നതിനാല്‍ എരിയാല്‍ ബ്ലാര്‍ക്കോട് റോഡ്, എരിയാല്‍ കൊറുവയല്‍ റോഡുകള്‍ ഒക്‌ടോബര്‍ 23 മുതല്‍ 15 ദിവസത്തേക്ക് അടച്ചിടുമെന്ന് സെക്രട്ടറി അറിയിച്ചു. 

മുളിയാര്‍ ഗ്രാമപഞ്ചായത്തില്‍ ലൈബ്രേറിയന്‍ തസ്തികയില്‍ നിലവിലുള്ള ഒഴിവിലേക്ക്  നിയമനം നടത്തുന്നതിന് യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷ ക്ഷണിച്ചു. കേരള ലൈബ്രറി കൗണ്‍സില്‍ അംഗീകരിച്ച ലൈബ്രറി സയന്‍സ് കോഴ്‌സ് വിജയിച്ചിരിക്കണം. കമ്പ്യൂട്ടര്‍ പരിജ്ഞാനം അഭികാമ്യം. നിശ്ചിത യോഗ്യതയുള്ള ഉദ്യോഗാര്‍ത്ഥികള്‍ അസല്‍ രേഖകളും പകര്‍പ്പും സഹിതം ഈ മാസം 23ന് രാവിലെ 11ന് മുളിയാര്‍ ഗ്രാമപഞ്ചായത്തില്‍ ഹാജരാകണം. മുളിയാര്‍ ഗ്രാമപഞ്ചായത്ത് പരിധിയില്‍പ്പെടുന്നവര്‍ക്ക് മുന്‍ഗണന ഉണ്ടായിരിക്കും. ഫോണ്‍: 04994  250226      

 പട്ടികവര്‍ഗ വികസന വകുപ്പിനു കീഴില്‍ കാസര്‍കോട് ട്രൈബല്‍ ഡവലപ്‌മെന്റ് ഓഫീസിന്റെ നിയന്ത്രണത്തില്‍ പ്രവര്‍ത്തിക്കുന്ന കുറ്റിക്കോല്‍,വാണിനഗര്‍, ബളാംതോട്     പ്രീ മെട്രിക്ക് ഹോസ്റ്റലുകളിലേയ്ക്ക് ദിവസ വേതനാടിസ്ഥാനത്തില്‍ വാച്ച്മാന്‍മാരെ      നിയമിക്കുന്നു. യോഗ്യരായ പട്ടികവര്‍ഗ ഉദ്യോഗാര്‍ത്ഥികള്‍ അസല്‍ സര്‍ട്ടിഫിക്കറ്റുകളുമായി ഈ മാസം 16ന് രാവിലെ 11 ന് സിവില്‍ സ്റ്റേഷനില്‍          പ്രവര്‍ത്തിക്കുന്ന കാസര്‍ഗോഡ് ട്രൈബല്‍ ഡവലപ്‌മെന്റ് ഓഫീസില്‍ കൂടിക്കാഴ്ചയ്ക്ക്                            ഹാജരാകണം. ഫോണ്‍: 04994-255466

ഗാന്ധിജയന്തി പക്ഷാചരണത്തിന്റെ ഭാഗമായി കാസര്‍കോട് ജില്ലാതല സമ്മേളനവും 'നവകേരള സൃഷ്ടി; പ്രതീക്ഷകളും വെല്ലുവിളികളും' എന്ന വിഷയത്തെ ആസ്പദമാക്കിയുള്ള സെമിനാറും, സി.എം.രവീന്ദ്രന്‍ സ്മാരക എന്‍ഡോവ്‌മെന്റ് അവാര്‍ഡ് വിതരണം നാളെ(ഒക്‌ടോബര്‍ 13ന്) രാവിലെ 10 മണിക്ക് നിലേശ്വരം ബ്ലോക്ക് പഞ്ചായത്ത് പടുവളം എസ്.ജി.എസ്.വൈ ഹാളില്‍  നടക്കും. എം. രാജഗോപാലന്‍ എം.എല്‍.എ ഉദ്ഘാടനം നിര്‍വഹിക്കും. ജില്ലാപഞ്ചായത്ത് പ്രസിഡന്റ് എ.ജി.സി ബഷീര്‍ അധ്യക്ഷനാകും. വിവിധ ജനപ്രതിനിധികള്‍,സാമൂഹ്യ സാംസ്‌കാരിക രംഗത്തെ പ്രമുഖര്‍ പങ്കെടുക്കും.

കേരള സംസ്ഥാന യുവജന കമ്മീഷന്‍ ഇന്ന് രാവിലെ 11 മുതല്‍ പത്തനംതിട്ട ഗവണ്‍മെന്റ് ഗസ്റ്റ് ഹൗസ് കോണ്‍ഫറന്‍സ് ഹാളില്‍ അദാലത്ത് നടത്തുന്നു. 18 വയസ്സിനും 40 മദ്ധ്യേ പ്രായമുള്ള യുവജനങ്ങളള്‍ക്ക്  പരാതികളും നിര്‍ദ്ദേശങ്ങളും കമ്മീഷന്‍ മുമ്പാകെ സമര്‍പ്പിക്കാവുന്നതാണ്. യുവജന കമ്മീഷന്‍ ചെയര്‍പേഴ്സണ്‍ ചിന്താ ജെറോമിന്റെ നേതൃത്വത്തിലാണ് അദാലത്ത് നടക്കുന്നത്. 

(പിഎന്‍പി 3345/18)

ജില്ലയില്‍ പ്രളയക്കെടുതിയില്‍ ദുരിതമനുഭവിച്ച 49712 കുടുംബങ്ങള്‍ക്ക് 10000 രൂപയുടെ ധനസഹായം കൈമാറി. തിരുവല്ല താലൂക്കില്‍ 29662 കുടുംബങ്ങള്‍ക്കും കോഴഞ്ചേരിയില്‍ 8038 കുടുംബങ്ങള്‍ക്കും മല്ലപ്പള്ളിയില്‍ 1334 കുടുംബങ്ങള്‍ക്കും റാന്നിയില്‍ 4046 കുടുംബങ്ങള്‍ക്കും കോന്നിയില്‍ 2764 കുടുംബങ്ങള്‍ക്കും അടൂരില്‍ 3868 കുടുംബങ്ങള്‍ക്കുമാണ് തുക കൈമാറിയത്. 18110 അപ്പീലുകള്‍ ലഭിച്ചതില്‍ 10298 അപ്പീലുകള്‍ അര്‍ഹമാണെന്ന് കണ്ടെത്തി. 7812 അപ്പീലുകള്‍ നിരസിച്ചു. 

                          (പിഎന്‍പി 3343/18)