പെരിന്തല്‍മണ്ണ സബ് കലക്ടറായി അനുപം മിശ്ര ചാര്‍ജെടുത്തു. നേരത്തേ തിരുവനന്തപുരം അസിസ്റ്റന്റ് കലക്ടറായിരുന്നു. ഉത്തര്‍പ്രദേശിലെ സുല്‍ത്താന്‍പൂര്‍ ജില്ലക്കാരനായ അനുപം മിശ്ര 2016 ബാച്ചിലെ ഐഎഎസ് ഉദ്യോഗസ്ഥനാണ്.

ആലപ്പുഴ: നല്ല ആരോഗ്യ ശീലത്തിലേയ്ക്ക്  സമൂഹത്തെ നയിക്കുക എന്ന ലക്ഷ്യത്തോടെ ജില്ല മെഡിക്കൽ ഓഫീസിന്റെയും ജില്ല പോലീസിന്റെയും ആഭിമുഖ്യത്തിൽ  നടപ്പിലാക്കുന്ന ആരോഗ്യ ജാഗ്രത പരിപാടിയായ സ്‌മൈൽ പദ്ധതിയുടെ ജില്ലാ തല ഉദ്ഘാടനം ഇന്ന് നടക്കും.സ്റ്റുഡന്റ്‌സ് കേഡറ്റ് പദ്ധതിയിലൂടെ  വിദ്യാർത്ഥികളിലും അവരിലൂടെ പൊതുജനങ്ങളിലും  ശരിയായ ആരോഗ്യ ശീലങ്ങൾ എത്തിക്കുകയും ബോധവൽക്കരണ പ്രവർത്തനങ്ങൾ ശക്തമാക്കി പകർച്ച വ്യാധി പ്രതിരോധിക്കലുമാണ് പരിപാടിയുടെ ആശയം.

ആലപ്പുഴ: നവംബർ 10ന് നടക്കുന്ന  നെഹ്‌റുട്രോഫീ ജലോത്സവ മത്സരവളളംകളിക്ക് മുന്നോടിയായി ക്യാപ്റ്റൻമാർക്കും ലീഡിങ് ക്യാപ്റ്റൻമാർക്കും ക്ലബുകളുടെ ഭാരവാഹികൾക്കും ഉളള നിർദ്ദേശങ്ങൾ നൽകുന്നതിനും ജലോത്സവം ചിട്ടയായും, ഭംഗിയായും നടത്തുന്നതിനും റേസ് കമ്മറ്റിയുടെ നേതൃത്വത്തിൽ ആലപ്പുഴ വൈ.എം.സി.എ ഓഡിറ്റോറിയത്തിൽ ഒക്‌ടോബർ 16ന് ഉച്ചകഴിഞ്ഞ് മൂന്നിന് യോഗം ചേരും.

ജില്ലയിലെ സര്‍ക്കാര്‍ അര്‍ദ്ധസര്‍ക്കാര്‍ പൊതുമേഖലാ കോര്‍പ്പറേഷന്‍, ഗവണ്‍മെന്റ് സൊസൈറ്റികള്‍ എന്നിവിടങ്ങളിലെ ഡ്രോയിംഗ് &  ഡിസ്‌ബേഴ്‌സിംഗ് ഓഫീസര്‍മാര്‍ക്കും ടെക്‌നീഷ്യന്‍മാര്‍ക്കുമുള്ള ജി.എസ്.ടി പരിശീലനം ഒക്‌ടോബര്‍ 15, 17 തീയ്യതികളില്‍ രാവിലെ 10.30 ന് കളക്‌ട്രേറ്റ് കോണ്‍ഫറന്‍സ് ഹാളില്‍ നടക്കും.  പരിശീലനത്തില്‍ പങ്കെടുക്കുന്ന ഉദ്യോഗസ്ഥര്‍ക്കുള്ള രജിസ്‌ട്രേഷന്‍ ഒക്‌ടോബര്‍ 11ന് വൈകിട്ട് അഞ്ച് വരെ നീട്ടിയിട്ടുണ്ടെന്ന് ജി.എസ്.ടി ഡെപ്യൂട്ടി കമ്മീഷണര്‍ അറിയിച്ചു.  രജിസ്റ്റര്‍ ചെയ്യേണ്ട വിലാസം -ഇ-മെയില്‍  gstcellmpm@gmail.com ഫോണ്‍ 8330011250.

പെരിന്തല്‍മണ്ണ പി.ടി.എം ഗവ. കോളേജില്‍ പുതിയതായി ആരംഭിക്കുന്ന എം.എസ്.സി ഫിസിക്‌സ്, ബി.എസ്.സി കെമിസ്ട്രി എന്നീ കോഴ്‌സുകളിലേക്ക് അപേക്ഷ ക്ഷണിച്ചു.   യൂണിവേഴ്‌സിറ്റി ഇഅജ കഉ യുളള താത്പര്യമുളള വിദ്യാര്‍ത്ഥികള്‍ കോളേജ് ഓഫീസില്‍ നിന്നും അപേക്ഷാ ഫോം വാങ്ങി ആവശ്യമായ രേഖകള്‍ സഹിതം ഒക്‌ടോബര്‍ 15ന് ന് രാവിലെ 11 നകം സമര്‍പ്പിക്കണം.  അപേക്ഷാ ഫോം വിതരണം ഒക്‌ടോബര്‍ 11 ന് രാവിലെ 10 മുതല്‍ ആരംഭിക്കും.  വൈകി ലഭിക്കുന്ന അപേക്ഷകള്‍ പരിഗണിക്കുന്നതല്ല.

പ്രളയ ബാധിത പ്രദേശങ്ങളിലെ  ഇലക്ഷന്‍ ഐ.ഡി കാര്‍ഡ് നഷ്ടപ്പെട്ട വോട്ടര്‍മാര്‍ക്ക് ഐഡി കാര്‍ഡിന് അപേക്ഷിക്കാം. ഐഡി കാര്‍ഡ് സൗജന്യമായി ലഭ്യമാക്കാന്‍ എല്ലാ തഹസില്‍ദാര്‍മാര്‍ക്കും ജില്ലാ കലക്ടര്‍ നിര്‍ദ്ദേശം നല്‍കി.