സംസ്ഥാന വനിതാ കമ്മീഷന്‍ ഒക്‌ടോബര്‍ 24ന് ജില്ലാ പഞ്ചായത്ത് ഹാളില്‍ രാവിലെ 10.30 മുതല്‍ മെഗാ അദാലത്ത് നടത്തും.  നിലവിലുള്ള അപേക്ഷകള്‍ക്ക് പുറമെ പുതിയ അപേക്ഷകളും അദാലത്തില്‍ പരിഗണിക്കും.

സംസ്ഥാന സര്‍വ്വീസ് പെന്‍ഷന്‍കാരും കുടുംബ പെന്‍ഷന്‍ക്കാരും പാര്‍ട്ട് ടൈം കണ്ടിജന്റ് / എക്‌സ് ഗ്രേഷ്യാ / പേഴ്‌സണല്‍ സ്റ്റാഫ് പെന്‍ഷന്‍ / കുടുംബ പെന്‍ഷന്‍കാര്‍ ഉള്‍പ്പെടെയുള്ള എല്ലാ പെന്‍ഷന്‍കാരും ആരോഗ്യ ഇന്‍ഷൂറന്‍സ് പദ്ധതിയില്‍ ചേരുന്നതിനുള്ള അപേക്ഷ ട്രഷറികളില്‍ നിന്നും കൈപ്പറ്റണമെന്ന് ജില്ലാ ട്രഷറി ഓഫീസര്‍ അറിയിച്ചു.

അറബിക്കടലിന്റെ  തെക്കുപടിഞ്ഞാറ് ഭാഗത്തായി രൂപപ്പെട്ട അതി ശക്തമായ ചുഴലിക്കാറ്റ്  അറബികടലിന്റെ മധ്യ പടിഞ്ഞാറന്‍ ഭാഗത്ത് കേന്ദ്രീതമായി രൂപപ്പെട്ടിരി ക്കുന്നു. ഇത്  തീവ്ര ചുഴലിക്കാറ്റായി മാറുകയും പടിഞ്ഞാറ്-വടക്കുപടിഞ്ഞാറന്‍ ദിശയില്‍ സഞ്ചരിച്ച അടുത്ത 4 ദിവസങ്ങളില്‍ തെക്കന്‍ ഒമാന്‍, പടിഞ്ഞാറന്‍- വടക്ക് പടിഞ്ഞാറന്‍ യമന്‍, തീരങ്ങളിലേക്ക് നീങ്ങുവാനും സാധ്യത ഏറെയാണ്.

ആലപ്പുഴ: പി.എൻ.പണിക്കർ ഫൗണ്ടേഷന്റെ ആഭിമുഖ്യത്തിൽ ആരോഗ്യ സാക്ഷരതാ പരിപാടിയും സൗജന്യ മെഡിക്കൽ ക്യാമ്പും സംഘടിപ്പിക്കുന്നു. ശനിയാഴ്ച രാവിലെ പത്തിന് കരുമാടി കെ.കെ.കുമാരപിള്ള സ്മാരക ഹൈ സ്‌കൂളിൽ നടക്കുന്ന ക്യാമ്പിന്റെ ഉദ്ഘാടനം മന്ത്രി ജി.സുധാകരൻ നിർവഹിക്കും. തകഴി ഗ്രാമ പഞ്ചായത്ത് പ്രസിഡന്റ് അംബികാ ഷിബു അധ്യക്ഷയാകും. ജില്ലാ പഞ്ചായത്തംഗം ബിനു ഐസക് രാജു മുഖ്യ പ്രഭാഷണം നടത്തും.

സ്‌കൂള്‍ കലോത്സവത്തിലെ വിവിധ ഇനങ്ങള്‍ക്ക് വിധികര്‍ത്താക്കളാകാന്‍ യോഗ്യരായ മലപ്പുറം ഉപജില്ലാ പരിധിയില്‍ ഉള്‍പ്പെട്ടവര്‍ അവരുടെ ബയോഡാറ്റ ഒക്‌ടോബര്‍ 16ന് വൈകുന്നേരം നാലിനകം ഉപജില്ലാ വിദ്യാഭ്യാസ ഓഫീസില്‍ എത്തിക്കണമെന്ന് ഉപജില്ലാ വിദ്യാഭ്യാസ ഓഫീസര്‍ അറിയിച്ചു.

ഗവ. സെക്രട്ടേറിയറ്റ് /കെ.പി.എസ്.സി/അഡ്വക്കറ്റ് ജനറല്‍ ഓഫീസ്/ ഓഡിറ്റ് ഡിപ്പാര്‍ട്ട്‌മെന്റ് തുടങ്ങിയവയിലേക്കുള്ള അസിസ്റ്റന്റ് ഗ്രേഡ് 2/ഓഡിറ്റര്‍ (കാറ്റഗറി 545/17, 546/17) തസ്തികകളിലേക്കുള്ള ഒ.എം.ആര്‍ പരീക്ഷ ഒക്‌ടോബര്‍ 13ന് ഉച്ചക്ക് 1.30 മുതല്‍ 3.15 വരെ ജില്ലയിലെ വിവിധ കേന്ദ്രങ്ങളില്‍ നടത്തുമെന്ന് പി.എസ്.സി ജില്ലാ ഓഫീസര്‍ അറിയിച്ചു.

ലോക മാനസികാരോഗ്യ ദിനാചരണത്തിന്റെ ഭാഗമായൂള്ള സെമിനാര്‍ മഞ്ചേരി ബോയ്‌സ് ഗവ. ഹയര്‍ സെക്കന്‍ഡറി സ്‌കൂളില്‍ നഗരസഭ ചെയര്‍ പേഴ്‌സണ്‍ വി.കെ. സുബൈദ ഉദ്ഘാടനം ചെയ്തു.  ജില്ലാ ഡെപ്യൂട്ടി മെഡിക്കല്‍ ഓഫീസര്‍ ഡോ. കെ.വി. പ്രകാശ് അധ്യക്ഷത വഹിച്ചു. മാറുന്ന ലോകവും യുവജന മാനസിക ആരോഗ്യ പ്രശ്‌നങ്ങളും എന്ന വിഷയത്തില്‍ മെന്റല്‍ ഹെല്‍ത്ത് നോഡല്‍ ഓഫീസര്‍ ഡോ. മര്‍വ്വ ക്ലാസ്സെടുത്തു.  നഗരസഭാ സ്റ്റാന്റിങ് കമ്മിറ്റി ചെയര്‍മാന്‍ സമീറാ മുസ്തഫ, ജില്ലാ മാസ് മീഡിയ ഓഫീസര്‍ ടി.എം ഗോപാലന്‍, അസി. ലെപ്രസി ഓഫീസര്‍ എം. ഹമീദ്, ബോയ്‌സ് സ്‌കൂള്‍ പ്രിന്‍സിപ്പല്‍ വി.സി ഗീതാമണി, ബബീഷ് തുടങ്ങിയവര്‍ സംസാരിച്ചു.

വാഴക്കാട് പഞ്ചായത്തിലെ മപ്രം ജി.എം.എല്‍.പി സ്‌കൂളില്‍  പി.ടി.എയുടെ നേതൃത്വത്തില്‍ കുട്ടികളുമായി ചേര്‍ന്ന് ജനകീയ ജൈവകൃഷിക്ക് തുടക്കമായി.

ആലപ്പുഴ:  കാർത്തിക പള്ളി സെക്ഷൻ പരിധിയിൽ  തൃക്കുന്നപുഴ കാർത്തികപള്ളി ഭാഗങ്ങളിൽ 11ന് ( വ്യാഴാഴ്ച) രാവിലെ 9 മുതൽ വൈകിട്ട് അഞ്ചുവരെ വൈദ്യുതി മുടങ്ങും.

ആലപ്പുഴ: നഗരസഭ ആരോഗ്യ സ്റ്റാന്റിങ് കമ്മിറ്റി ചെയർമാന്റെ ഒഴിവിലേക്കുള്ള തിരഞ്ഞെടുപ്പ് ഒക്‌ടോബർ 16ന് രാവിലെ 10നും ഡപ്യൂട്ടി ചെയർപേഴ്‌സൺ  ഒഴിവിലേക്കുള്ള തിരഞ്ഞെടുപ്പ്  ഒക്‌ടോബർ 24ന് രാവിലെ 11നും ആലപ്പുഴ മുനിസിപ്പാലിറ്റി കോൺഫറൻസ് ഹാളിൽ നടത്തും.

ആരോഗ്യ സാക്ഷരത പരിപാടിയും സൗജന്യ മെഡിക്കൽ ക്യാമ്പും