വെണ്ണിക്കുളം പോളിടെക്‌നിക്ക് കോളേജിലെ കണ്ടിന്യൂയിംഗ് എഡ്യുക്കേഷന്‍ സെല്ലില്‍ സിസിടിവി ഇന്‍സ്റ്റലേഷന്‍ ടെക്‌നീഷ്യന്‍, അലൂമിനിയം ഫാബ്രിക്കേഷന്‍, ഓട്ടോ ഇലക്ട്രീഷ്യന്‍, എല്‍ഇഡി ലൈറ്റിംഗ് ടെക്‌നീഷ്യന്‍ എന്നീ കോഴ്‌സുകളിലേക്ക് അപേക്ഷ ക്ഷണിച്ചു. താത്പര്യമുള്ളവര്‍ കണ്ടിന്യൂയിംഗ് എഡ്യുക്കേഷന്‍ സെല്ലുമായി ബന്ധപ്പെടുക. ഫോണ്‍: 0469 2651428.                  (പിഎന്‍പി 3340/18)

ഡിഫന്‍സ് പെന്‍ഷന്‍ അദാലത്ത് ഈ മാസം 31ന് രാവിലെ 10 മുതല്‍ വൈകിട്ട് അഞ്ച് വരെ പത്തനംതിട്ട ഡിപിഡിഒ ഓഫീസില്‍ നടക്കും.         (പിഎന്‍പി 3339/18)

ജില്ലാ മെഡിക്കല്‍ ഓഫീസിന്റെ ആഭിമുഖ്യത്തില്‍ പട്ടികവര്‍ഗ മേഖലകളില്‍ ദന്തപരിശോധനാ ക്യാമ്പുകള്‍ സംഘടിപ്പിക്കുന്നു. അടിച്ചിപ്പുഴ കോളനിയില്‍ ഈ മാസം 15നും അട്ടത്തോട് കോളനിയില്‍ 17നും ക്യാമ്പ് നടക്കും. രോഗികളെ പരിശോധിച്ച് മരുന്നുകള്‍ സൗജന്യമായി നല്‍കുമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു.           (പിഎന്‍പി 3338/18)

ഭാരതീയ ചികിത്സാ വകുപ്പ് ജില്ലാ മെഡിക്കല്‍ ഓഫീസില്‍ ആഫീസ് അറ്റന്‍ഡന്റ് ഒഴിവിലേക്ക് 15ന് നടത്താനിരുന്ന ഇന്റര്‍വ്യൂ മാറ്റിവച്ചതായി ജില്ലാ മെഡിക്കല്‍ ഓഫീസര്‍ അറിയിച്ചു.                   (പിഎന്‍പി 3337/18)

*കുറ്റവാളികളില്ലാത്ത കേരളം- ശില്പശാല ഉദ്ഘാടനം ചെയ്തു

സമൂഹം പുരോഗതിയിലേക്കു നീങ്ങുമ്പോള്‍ പ്രാകൃതമായ ആചാരങ്ങള്‍ ഉപേക്ഷിക്കണമെന്ന് സാമൂഹിക നീതി മന്ത്രി കെ.കെ. ശൈലജ ടീച്ചര്‍ പറഞ്ഞു. പരിഷ്‌കരണങ്ങള്‍ അനിവാര്യമണ്. സമൂഹത്തെ ശാസ്ത്രീയമായും അന്തസ്സുറ്റതായും പരിവര്‍ത്തിപ്പിക്കുകയാണ് സര്‍ക്കാരിന്റെ ലക്ഷ്യമെന്നും മന്ത്രി പറഞ്ഞു. സാമൂഹിക നീതി വകുപ്പ് സംഘടിപ്പിച്ച കുറ്റവാളികളില്ലാത്ത കേരളം ദ്വിദിന ശില്‍പശാല ഉദ്ഘാടനം ചെയ്യുകയായിരുന്നു മന്ത്രി.

പ്രളയക്കെടുതിയില്‍ ഭൂമിയും വീടും നഷ്ടപ്പെട്ടവര്‍ക്ക് ഭൂമി കണ്ടെത്തി വീടുകള്‍ നിര്‍മിക്കുന്നതിന് ജില്ലാ കളക്ടര്‍മാര്‍ സ്വീകരിക്കേണ്ട നടപടികളുടെ മാര്‍ഗരേഖയായി. ഇതുസംബന്ധിച്ച് ദുരന്തനിവാരണ വകുപ്പ് ഉത്തരവിറക്കി.

പാരിസ്ഥിതി ദുര്‍ബലവും, വീട് നിര്‍മിക്കുന്നതിന് അനുമതി നല്‍കാനാകാത്തതുമായ പ്രദേശങ്ങള്‍ തിരിച്ചറിഞ്ഞ് അവിടെയുള്ളവരെ സുരക്ഷിതമായി മാറ്റിപ്പാര്‍പ്പിക്കാന്‍ കളക്ടര്‍മാര്‍ പദ്ധതി രൂപീകരിക്കണം.

*അന്താരാഷ്ട്ര ബാലികാ ദിനാചരണം: മത്സരവിജയികള്‍ക്ക് 

സമ്മാനങ്ങള്‍ നല്‍കി

സ്ത്രീകളോട് സമൂഹം കാണിക്കുന്ന അനാദരവുകളെ ശക്തമായി നേരിടണമെന്ന് സാമൂഹിക നീതി വകുപ്പ് മന്ത്രി കെ.കെ. ശൈലജ ടീച്ചര്‍ പറഞ്ഞു.  അന്താരാഷ്ട്ര ബാലികാ ദിനാചരണത്തോടനുബന്ധിച്ച് ഇന്ത്യന്‍ റേഡിയോളജിക്കല്‍ ആന്‍ഡ് ഇമേജിംഗ് അസോസിയേഷന്‍ സംഘടിപ്പിച്ച ഉപന്യാസ, ചിത്രരചനാ മത്സരങ്ങളിലെ വിജയികള്‍ക്ക് ഔദ്യോഗിക വസതിയില്‍ നടന്ന ചടങ്ങില്‍ സമ്മാനങ്ങള്‍ വിതരണം ചെയ്യുകയായിരുന്നു്  മന്ത്രി.