*നഷ്ടപരിഹാര കേസുകളില്‍ വീഴ്ച വരുത്തുന്നവര്‍ക്കെതിരെ നടപടി

തെരുവ്നായ നിയന്ത്രണത്തിന് ഗ്രാമപഞ്ചായത്തുകള്‍  കര്‍ശന നടപടി സ്വീകരിക്കുന്നതിന് സര്‍ക്കാര്‍ മാഗനിര്‍ദ്ദേശങ്ങള്‍ പുറപ്പെടുവിച്ചു. തെരുവ്നായ വന്ധ്യംകരണത്തിനുള്ള നടപടി തദ്ദേശസ്ഥാപനങ്ങള്‍ ഉടന്‍ ആരംഭിക്കണം. ഇതിനായി കുടുംബശ്രീയുടെ എ. ബി. സി മൈക്രോ യൂണിറ്റുകളെ അടിയന്തരമായി ചുമതലപ്പെടുത്തണം. വളര്‍ത്തു നായ്ക്കളുടെയും തെരുവ് നായ്ക്കളുടെയും എണ്ണം രേഖപ്പെടുത്തുന്നതിന് ഇത്തരം യൂണിറ്റുകളെ ഉപയോഗിക്കണം. എ. ബി. സി പദ്ധതി മാര്‍ഗനിര്‍ദ്ദേശങ്ങള്‍ പാലിച്ച് ഇതിനുള്ള തുക ചെലവഴിക്കണം.

ലോകയുവജന നൈപുണ്യദിനത്തോടനുബന്ധിച്ചു യുനെസ്‌കോ -യൂണിവോക്്‌സംഘടിപ്പിച്ച സ്‌കില്‍സ് ഇന്‍ ആക്ഷന്‍ ഫോട്ടോഗ്രാഫി മത്സരത്തില്‍ ആദ്യ ഇരുപതില്‍ സ്ഥാനം നേടി മലയാളിയായ സൗമ്യയും. സംസ്ഥാനത്തെ നൈപുണ്യവികസന പദ്ധതിയായ അസാപ്പിലെ ആലപ്പുഴ ഡിസ്ട്രിക്ട് യൂണിറ്റിലെ പ്രോഗ്രാംഎക്‌സിക്യൂട്ടീവാണ് സൗമ്യ. ലോകമെമ്പാടുമുള്ള അപേക്ഷാര്‍ത്ഥികളോട് മത്സരിച്ചാണ് സൗമ്യ നേട്ടം കൈവരിച്ചത്.

സര്‍ക്കാര്‍/സര്‍ക്കാര്‍ എയ്ഡഡ് സ്ഥാപനങ്ങളില്‍ ബിരുദം, ബിരുദാനന്തര ബിരുദം, പ്രൊഫഷണല്‍ കോഴ്‌സുകളില്‍ പഠിക്കുന്ന ന്യൂനപക്ഷ മതവിഭാഗങ്ങളിലെ ദാരിദ്ര്യരേഖക്ക് താഴെയുളള കുടുംബങ്ങളിലെ വിദ്യാര്‍ത്ഥിനികള്‍ക്ക് 2018 -19 അധ്യയന വര്‍ഷത്തേയ്ക്ക് സി.എച്ച്. മുഹമ്മദ് കോയ സ്‌കോളര്‍ഷിപ്പ്/ ഹോസ്റ്റല്‍ സ്റ്റൈപന്റിന് സംസ്ഥാന ന്യൂനപക്ഷക്ഷേമ വകുപ്പ് അപേക്ഷ ക്ഷണിച്ചു. 

ഊരകം ഇലക്ട്രിക്കല്‍ സെക്ഷന്‍ പരിധിയില്‍ വരുന്ന വട്ടപ്പറമ്പ്, പുല്ലംചാല്‍, തടത്തിപ്പാറ ഭാഗങ്ങളില്‍ അറ്റകുറ്റപണി നടക്കുന്നതിനാല്‍ ഒക്‌ടോബര്‍ 12ന് രാവിലെ 8.30 മുതല്‍ വൈകുന്നേരം അഞ്ച് വരെ വൈദ്യുതി വിതരണം മുടങ്ങു.  

എടപ്പറ്റ ഗ്രാമ പഞ്ചായത്തിലെ മാങ്കോടംകുളമ്പ്, ചേരിപ്പറമ്പ് വായനശാല, മൂന്നാടി എന്നിവിടങ്ങളിലും മുതുവല്ലൂര്‍ ഗ്രാമ പഞ്ചായത്തിലെ തനിയാപുറം പ്രദേശത്തും നിലവിലുള്ള കുഴല്‍ കിണറുകളില്‍ ഹാന്‍ഡ് പമ്പ് സ്ഥാപിക്കുന്നതിന് ദര്‍ഘാസ് ക്ഷണിച്ചു.  ദര്‍ഘാസുകള്‍ ഒക്‌ടോബര്‍ 23ന് വൈകുന്നേരം മൂന്നിനകം  ജില്ലാ ഓഫീസ്, ഭൂജല വകുപ്പ്, മലപ്പുറം വിലാസത്തില്‍ ലഭിക്കണം.  ഫോണ്‍ 0483 2731450.

സംസ്ഥാന വനിതാ കമ്മീഷന്‍ ഒക്‌ടോബര്‍ 24ന് ജില്ലാ പഞ്ചായത്ത് ഹാളില്‍ രാവിലെ 10.30 മുതല്‍ മെഗാ അദാലത്ത് നടത്തും.  നിലവിലുള്ള അപേക്ഷകള്‍ക്ക് പുറമെ പുതിയ അപേക്ഷകളും അദാലത്തില്‍ പരിഗണിക്കും.