പ്രളയം മൂലം പൂര്‍ണമായും ഭാഗികമായും നാശനഷ്‌ടം സംഭവിച്ച ജില്ലയിലെ 17 ഗ്രാമീണ വായനശാലകള്‍ക്കും 31 സ്‌കൂള്‍ ലൈബ്രറികള്‍ക്കും 2 കോളേജ്‌ ലൈബ്രറികള്‍ക്കും 6 ലക്ഷം രൂപയുടെ 5000 പുസ്‌തകങ്ങള്‍ കേരള ഭാഷാ ഇന്‍സ്റ്റിറ്‌റ്യൂട്ട്‌ സൗജന്യമായി വിതരണം ചെയ്യുന്നു. ഇന്ന്‌ (ഒക്‌ടോബര്‍ 12) വൈകീട്ട്‌ 4 ന്‌ തൃശൂര്‍ പബ്ലിക്‌ ലൈബ്രറി ഹാളില്‍ പുസ്‌തക വിതരണത്തിന്റെ സംസ്ഥാനതല ഉദ്‌ഘാടനം വിദ്യാഭ്യാസ വകുപ്പു മന്ത്രി പ്രൊഫ. സി രവീന്ദ്രനാഥ്‌ നിര്‍വ്വഹിക്കും. ജില്ല ലൈബ്രറി കൗണ്‍സില്‍ പ്രസിഡന്റ്‌ മുരളി പെരുനെല്ലി എം എല്‍ എ അദ്ധ്യക്ഷത വഹിക്കും. കേരള ഭാഷ ഇന്‍സ്റ്റിറ്റിയൂട്ട്‌ ഡയറക്‌ടര്‍ പ്രൊഫ.

പ്രളയത്തില്‍ വീടു നഷ്‌ടപ്പെട്ടവര്‍ക്ക്‌ വീടു നിര്‍മ്മിച്ചു നല്‍കാന്‍ സന്നദ്ധമായ വ്യക്തികള്‍, സ്ഥാപനങ്ങള്‍, സന്നദ്ധസംഘടനകള്‍, ബാങ്കുകള്‍ തുടങ്ങിയവയുടെ യോഗം പൊതുവിദ്യാഭ്യാസ വകുപ്പുമായി പ്രൊഫ. സി രവീന്ദ്രനാഥിന്റെ അദ്ധ്യക്ഷതയില്‍ ഇന്ന്‌ (ഒക്‌ടോബര്‍ 12) രാവിലെ 11.30 ന്‌ ജില്ലാ കളക്‌ടറുടെ ചേമ്പറില്‍ നടക്കും. വീടുകള്‍ നിര്‍മ്മിച്ചു നല്‍കാന്‍ തയ്യാറുളളവര്‍ യോഗത്തില്‍ പങ്കെടുക്കണമെന്ന്‌ ജില്ലാ കളക്‌ടര്‍ ടി വി അനുപമ അറിയിച്ചു.

പ്രളയാനന്തര കേരളത്തിന്റെ പുനര്‍നിര്‍മാണത്തിനായി ഐക്യരാഷ്ട്ര സംഘടന തയ്യാറാക്കിയ പോസ്റ്റ് ഡിസാസ്റ്റര്‍ നീഡ് അനാലിസിസ് റിപ്പോര്‍ട്ടിന്റെ കരട് സര്‍ക്കാരിന് സമര്‍പ്പിച്ചു. യു. എന്‍ ആക്ടിംഗ് റസിഡന്റ് കോഓര്‍ഡിനേറ്ററും ലോകാരോഗ്യ സംഘടനയുടെ ഇന്ത്യയിലെ മേധാവിയുമായ ഡോ. ഹെന്‍ക് ബെക്കഡാം സംസ്ഥാന ഡി. ഡി എന്‍. എ കോഓര്‍ഡിനേറ്റര്‍ വെങ്കിടേസപതി എന്നിവര്‍ ചേര്‍ന്നാണ് ചീഫ് സെക്രട്ടറി ടോം ജോസിന് റിപ്പോര്‍ട്ടിന്റെ കരട് കൈമാറിയത്. 

കയ്‌പമംഗലം ഗ്രാമപഞ്ചായത്ത്‌ 16-ാം വാര്‍ഡ്‌ ഉപതിരഞ്ഞെടുപ്പില്‍ വോട്ടെടുപ്പ്‌ പൂര്‍ത്തിയായി. 83.18 ശതമാനമാണ്‌ പോളിങ്‌. ഇന്ന്‌ (ഒക്‌ടോബര്‍ 12) രാവിലെ 10 ന്‌ വോട്ടെണ്ണും.

* രക്ഷാപ്രവര്‍ത്തനത്തില്‍ ഏര്‍പ്പെട്ട വിദ്യാര്‍ത്ഥികള്‍ക്കും രക്ഷിതാക്കള്‍ക്കും സൈക്കിള്‍

ഈ വര്‍ഷത്തെ ശബരിമല തീര്‍ത്ഥാടനത്തോടനുബന്ധിച്ച് മുന്നൊരുക്കപ്രവര്‍ത്തനങ്ങള്‍ക്കായി ആവശ്യമായ തയ്യാറെടുപ്പുകള്‍ നടത്താന്‍ തദ്ദേശ സ്വയംഭരണ സ്ഥാപനങ്ങള്‍ക്ക് സര്‍ക്കാര്‍ നിര്‍ദേശം നല്‍കിയിട്ടുണ്ടെന്ന് തദ്ദേശ സ്വയംഭരണ വകുപ്പ് മന്ത്രി എ.സി. മൊയ്തീന്‍ പറഞ്ഞു. ലക്ഷക്കണക്കിന് വരുന്ന ശബരിമല തീര്‍ത്ഥാടകര്‍ ശബരിമലയിലേക്കെത്തുന്നതിനു മുമ്പുള്ള ഇടത്താവളങ്ങളിലെല്ലാം ആവശ്യമായ തയ്യാറെടുപ്പുകള്‍ നടത്തണമെന്നാണ് ഈ പ്രദേശങ്ങളിലെ തദ്ദേശ സ്വയംഭരണ സ്ഥാപനങ്ങളോട് ആവശ്യപ്പെട്ടിട്ടുള്ളത്.

പനവൂര്‍ പഞ്ചായത്ത് പരിധിയിലെ റോഡുകളിലും നടപ്പാതകളിലും കാല്‍നടയാത്രക്കാര്‍ക്കും പൊതുജനങ്ങള്‍ക്കും ബുദ്ധിമുട്ടാകുന്ന രീതിയില്‍ അനധികൃതമായി സ്ഥാപിച്ചിട്ടുള്ള ഫ്‌ളെക്‌സുകള്‍, പരസ്യബോര്‍ഡുകള്‍, ബാനറുകള്‍, ഹോര്‍ഡിങ്സ് എന്നിവ ഒക്ടോബര്‍ 15 നു മുന്‍പ് സ്വമേധയാ നീക്കം ചെയ്യണമെന്നു പഞ്ചായത്ത് സെക്രട്ടറി അറിയിച്ചു. അല്ലാത്തപക്ഷം നിയമനടപടി സ്വീകരിച്ച് നീക്കം ചെയ്യുമെന്നും സ്ഥാപിച്ചവര്‍ക്കെതിരെ കര്‍ശന നടപടി സ്വീകരിക്കുമെന്നും സെക്രട്ടറി അറിയിച്ചു.
(പി.ആര്‍.പി. 2478/2018)