ആലപ്പുഴ: ആലപ്പുഴ ബൈപ്പാസിന്റെ നിർമ്മാണം നടക്കുന്ന ഭാഗങ്ങൾ പൊതുമരാമത്ത്- രജിസ്‌ട്രേഷൻ വകുപ്പ് മന്ത്രി ജി. സുധാകരൻ വ്യാഴാഴ്ച സന്ദർശിച്ചു. ബൈപ്പാസിന്റെ 96 ശതമാനം പണികൾ പൂർത്തീകരിച്ചിട്ടുണ്ടെന്നും കരാർ ഓഗസ്റ്റിൽ അവസാനിച്ചതാണെന്നും മന്ത്രി പറഞ്ഞു. റെയിൽവേയുടെ ഭാഗത്തുനിന്ന് മെല്ലെപ്പോക്ക് മൂലം ഒന്നരവർഷമാണ് നഷ്ടമായത്. കരാറിന്റെ ഭാഗമല്ലാതിരുന്ന ചില ജോലികൾ കൂടി പൂർത്തിയാക്കേണ്ടതുണ്ട്. ഇതിന് നൽകിയ ചേഞ്ച് ഓഫ് സ്‌കോപ്പ്, അംഗീകരിക്കാൻ കാലതാമസം നേരിടുന്നതായും മന്ത്രി പറഞ്ഞു. ആർ. ഡി .എസ്, സി.വി.സി സംയുക്ത സംരഭം പൂർത്തിയാക്കാനായി അവസാനം നീട്ടിയ സമയവും ഓഗസ്റ്റിൽ കഴിഞ്ഞു.

ആലപ്പുഴ: കേരള സംസ്ഥാന പട്ടികജാതി-പട്ടിക വർഗ വികസന വകുപ്പിന്റെ ആഭിമുഖ്യത്തിൽ  രാഷ്ട്രപിതാവായ മഹാത്മ ഗാന്ധിയുടെ ജന്മദിനമായ ഒക്‌ടോബർ രണ്ടു മുതൽ 16 വരെ നടത്തുന്ന സാമൂഹ്യ ഐക്യദാർഢ്യ പക്ഷത്തിന്റെ ഭാഗമായി ജില്ലാതല സമ്മേളനം ഇന്ന് (ഒക്‌ടോബർ 12) രാവിലെ 11ന് പട്ടണക്കാട് ബ്ലോക്ക് പഞ്ചായത്ത് ഹാളിൽ അരൂർ എം.എൽ.എ അഡ്വ. എ.എം ആരിഫ് ഉദ്ഘാടനം ചെയ്യും, ജില്ല പഞ്ചായത്ത് വൈസ് പ്രസിഡന്റ് ദലീമ ജോജോ അധ്യക്ഷത  വഹിക്കും. പട്ടണക്കാട് ബ്ലോക്ക് പഞ്ചായത്ത് പ്രസിഡന്റ് മണി പ്രഭാകരൻ മുഖ്യ സന്ദേശം നൽകും. ജില്ലാ പഞ്ചായത്തംഗങ്ങളായ പി.എം.

മലേഷ്യയിലെ പ്രവാസി മലയാളികളുടെ സംഘടന ദുരിതാശ്വാസ നിധിയിലേക്കുള്ള 25 ലക്ഷം രൂപ മുഖ്യമന്ത്രി പിണറായി വിജയന് കൈമാറി. നിയമസഭയിലെ പ്രവാസി സമിതിയുടെ ചെയര്‍മാനായ കെ. വി. അബ്ദുള്‍ ഖാദര്‍ എം. എല്‍. എയ്‌ക്കൊപ്പം മുഖ്യമന്ത്രിയുടെ ഓഫീസിലെത്തിയാണ് തുക നല്‍കിയത്. സംഘടനയുടെ പ്രസിഡന്റ് സി. എം. അഷ്‌റഫ് അലി, ജനറല്‍ സെക്രട്ടറി മുഹമ്മദ് ബാദുഷ, വൈസ് പ്രസിഡന്റ് ജബ്ബാര്‍ ഇടുക്കി, അംഗങ്ങളായ അക്ബര്‍ ഫസ്റ്റ്, ഷിജു എന്നിവര്‍ സന്നിഹിതരായിരുന്നു. 

സംസ്ഥാനത്തെ 20 തദ്ദേശസ്വയംഭരണ വാര്‍ഡുകളിലേക്ക് ഇന്നലെ (ഒക്‌ടോബര്‍ 11ന്) നടന്ന തിരഞ്ഞെടുപ്പില്‍ 79 ശതമാനം പേര്‍ വോട്ട് രേഖപ്പെടുത്തിയതായി സംസ്ഥാന തിരഞ്ഞെടുപ്പ് കമ്മീഷണര്‍ വി. ഭാസ്‌കരന്‍ അറിയിച്ചു.

തിരുവനന്തപുരം, കൊല്ലം, ഇടുക്കി, എറണാകുളം, തൃശ്ശൂര്‍, പാലക്കാട്, കോഴിക്കോട്, കണ്ണൂര്‍ ജില്ലകളിലെ 16 ഗ്രാമപഞ്ചായത്ത് വാര്‍ഡുകളിലും, മലപ്പുറം, കണ്ണൂര്‍ ജില്ലകളിലെ ഓരോ ബ്ലോക്ക് പഞ്ചായത്ത് വാര്‍ഡുകളിലും വയനാട്, കണ്ണൂര്‍ ജില്ലകളിലെ ഓരോ നഗരസഭാ വാര്‍ഡുകളിലുമാണ് ഉപതിരഞ്ഞെടുപ്പ് നടന്നത്.  നാളെ രാവിലെ 10 മണിക്ക് വോട്ടെണ്ണല്‍ ആരംഭിക്കും

*ഐഎഫ്എഫ്കെ ചലഞ്ച് കാംപെയ്ന്‍ വിജയിപ്പിക്കണമെന്ന് മന്ത്രി

ഈ വര്‍ഷത്തെ അന്താരാഷ്ട്ര ചലച്ചിത്രോത്സവത്തിന്റെ സുഗമമായ നടത്തിപ്പിന് മുഖ്യമന്ത്രി പിണറായി വിജയന്‍ മുഖ്യ രക്ഷാധികാരിയും സാംസ്‌കാരിക മന്ത്രി എ.കെ. ബാലന്‍ ഫെസ്റ്റിവല്‍ പ്രസിഡന്റുമായി 101 അംഗ സംഘാടക സമിതി രൂപീകരിച്ചു. ഹോസ്പിറ്റാലിറ്റി, പ്രോഗ്രാം, ഫിനാന്‍സ്, മീഡിയ, ഡെലിഗേറ്റ് സെല്‍, ടെക്നിക്കല്‍, സ്പോണ്‍സര്‍ഷിപ്പ്, വോളന്റിയര്‍, ഓഡിയന്‍സ് പോള്‍,, തിയറ്റര്‍ കമ്മിറ്റി തുടങ്ങി വിവിധ സബ്കമ്മിറ്റികളും രൂപീകരിച്ചു. സംഘാടക സമിതി രൂപീകരണയോഗം മന്ത്രി എ.കെ. ബാലന്‍ ഉദ്ഘാടനം ചെയ്തു.

കൊച്ചിന്‍ യൂണിവേഴ്‌സിറ്റി ഓഫ് സയന്‍സ് ആന്റ് ടെക്‌നോളജി വൈസ് ചാന്‍സലറുടെ ചുമതല ഒക്‌ടോബര്‍ 20 മുതല്‍ മുതിര്‍ന്ന പ്രൊഫസറായ പ്രൊഫ. ആര്‍. ശശിധരന് നല്‍കി ഗവര്‍ണര്‍ ഉത്തരവായി. നിലവിലെ വൈസ് ചാന്‍സലര്‍ ഡോ. ജെ. ലതയുടെ കാലാവധി 19ന് അവസാനിക്കുന്ന സാഹചര്യത്തിലാണിത്. പുതിയ മുഴുസമയ വൈസ് ചാന്‍സലര്‍ നിയമനം ആകുന്നതുവരെയാണ് പ്രൊഫ. ആര്‍. ശശിധരന് ചുമതല നല്‍കിയിട്ടുള്ളത്.

   പി.എന്‍.എക്‌സ്.4548/18

കൊച്ചിന്‍ യൂണിവേഴ്‌സിറ്റി ഓഫ് സയന്‍സ് ആന്റ് ടെക്‌നോളജി (കുസാറ്റ്)യില്‍ പുതിയ വൈസ് ചാന്‍സലര്‍ നിയമനത്തിന് ശുപാര്‍ശകള്‍ സമര്‍പ്പിക്കാന്‍ സെര്‍ച്ച് കമ്മിറ്റി രൂപീകരിച്ച് ഗവര്‍ണര്‍ പി. സദാശിവം ഉത്തരവായി. യു.ജി.സി പ്രതിനിധിയായി ഡോ. എം. ജഗദീഷ് കുമാര്‍ (വൈസ് ചാന്‍സലര്‍, ജെ.എന്‍.യു), ഡോ. ബി. ഇക്ബാല്‍ (സിന്‍ഡിക്കേറ്റ് പ്രതിനിധി), ടോം ജോസ് (ചീഫ് സെക്രട്ടറി) എന്നിവരാണ് കമ്മിറ്റി അംഗങ്ങള്‍.

   പി.എന്‍.എക്‌സ്.4547/18

കേരളത്തിന്റെ പുനര്‍നിര്‍മിതിക്കു വേണ്ടി വിവിധ നിസാന്‍ ഗ്രൂപ്പ് കമ്പനികളിലെ ജീവനക്കാര്‍ സ്വരൂപിച്ച ഒരു കോടി രൂപയുടെ ചെക്ക് നിസാന്‍ ചീഫ് ഇന്‍ഫര്‍മേഷന്‍ ഓഫീസര്‍ ആന്റണി തോമസിന്റെ നേതൃത്വത്തിലുള്ള സംഘം മുഖ്യമന്ത്രി പിണറായി വിജയനു നല്‍കി.  റെനോ -നിസാന്‍ ടെക്‌നോളജി ബിസിനസ് സെന്റര്‍ ഇന്ത്യാ മാനേജിംഗ് ഡയറക്ടര്‍ കൃഷ്ണന്‍ സുന്ദരരാജന്‍, നിസാന്‍ ഇന്ത്യാ വൈസ് പ്രസിഡന്റ് അഭിഷേക് മഹപത്ര, എച്ച്.ആര്‍.ഡയറക്ടര്‍ ജയകുമാര്‍  ഡേവിഡ്, നിസാന്‍ ഡിജിറ്റല്‍ ഇന്ത്യാ മാനേജിംഗ് ഡയറക്ടര്‍ സുജാ ചാണ്ടി എന്നിവരും ഒപ്പമുണ്ടായിരുന്നു.

   പി.എന്‍.എക്‌സ്.4546/18