* 'ഡൗണ്‍ടൗണ്‍ ട്രിവാന്‍ഡ്ര'ത്തിന് തുടക്കമായി

സോഫ്ട്‌വെയര്‍ കയറ്റുമതി വര്‍ധിപ്പിക്കാനും അതിനുതകുന്ന പുതിയ വ്യവസായമേഖലകളിലേക്ക് നിക്ഷേപകരെ ആകര്‍ഷിക്കാനും ഭൗതികസൗകര്യങ്ങളും സാമൂഹ്യപശ്ചാത്തല സൗകര്യങ്ങളും ഒരുക്കുകയാണ് സര്‍ക്കാരെന്ന് മുഖ്യമന്ത്രി പിണറായി വിജയന്‍ പറഞ്ഞു. ടെക്‌നോപാര്‍ക്കിലെ ഏറ്റവും വലിയ വിദേശനിക്ഷേപ പദ്ധതിയായ 'ഡൗണ്‍ടൗണ്‍ ട്രിവാന്‍ഡ്ര'ത്തിന്റെ നിര്‍മ്മാണത്തിന് തുടക്കം കുറിച്ച് സംസാരിക്കുകയായിരുന്നു മുഖ്യമന്ത്രി. 

സൗദി അറേബ്യന്‍ സര്‍ക്കാര്‍ ആരോഗ്യ മന്ത്രാലയത്തിന്റെ കീഴില്‍ റിയാദിലുള്ള കിംഗ് ഫഹദ് മെഡിക്കല്‍ സിറ്റി ആശുപത്രിയിലേക്ക് നിയ മനത്തിനായി ഇന്റേണ്‍ഷിപ്പ് കൂടാതെ മൂന്നു വര്‍ഷത്തില്‍ കുറയാത്ത സേവന പരിചയമുള്ള ബി.എസ്.സി., എം.എസ്.സി പി.എച്ച്.ഡി നഴ്‌സുമാരെ (സ്ത്രീകള്‍ മാത്രം) തെരഞ്ഞെടുക്കുന്നതിന് കേരള സര്‍ക്കാര്‍ സ്ഥാപനമായ ഒഡെപെക്‌നെ ചുമതലപ്പെടുത്തിയിട്ടുണ്ട്. ഇതിനുള്ള ഇന്റര്‍വ്യൂ നവംബര്‍ മാസം 19,20,21,22,23 തീയതികളില്‍ ഡല്‍ഹിയില്‍ നടത്തും.

മധൂര്‍ ഗ്രാമപഞ്ചായത്തിന്റെ പരിധിയിലെ 12 വാര്‍ഡുകളിലേക്ക് ആശ വര്‍ക്കര്‍മാരെ തിരഞ്ഞെടുക്കുന്നു. 25 നും 45 നും മധ്യേ പ്രായമുള്ള ,മധൂര്‍ ഗ്രാമപഞ്ചായത്തു പരിധിയിലെ സ്ഥിരതാമസക്കാരായ സ്ത്രീകളെയാണ് പരിഗണിക്കുക. ജനങ്ങള്‍ക്കിടയില്‍ മികച്ച ആശയ വിനിമയ ശേഷിയോടെ പ്രവര്‍ത്തിക്കാന്‍ കഴിയുന്നവരായിരിക്കണം.  ചുരുങ്ങിയത് എസ്.എസ്.എല്‍.സി യെങ്കിലും വിദ്യാഭ്യാസ യോഗ്യത ഉണ്ടായിരിക്കണം.16ന് ഉച്ചയ്ക്ക് രണ്ടിന്  ഗ്രാമപഞ്ചായത്ത് കോണ്‍ഫറന്‍സ് ഹാളില്‍ നടത്തുന്ന കൂടിക്കാഴ്ചയിലൂടെ യോഗ്യരായവരെ തിരഞ്ഞെടുക്കും. ഫോണ്‍: 04994230427

 സഹകരണ വകുപ്പിനു കീഴില്‍ ജില്ലയിലെ പുതിയ രണ്ട് താലൂക്കുകളിലും അസിസ്റ്റന്റ് രജിസ്ട്രാര്‍ (ജനറല്‍) ഓഫീസുകള്‍  തുറക്കും. ഇന്ന്(13) രാവിലെ 10.30ന് വെള്ളരിക്കുണ്ട് താലൂക്കിലെ അസിസ്റ്റന്റ് രജിസ്ട്രാര്‍(ജനറല്‍) ഓഫീസ് പരപ്പയില്‍ രാജഗോപാലന്‍ എം.എല്‍.എ. യുടെ അധ്യക്ഷതയില്‍ റവന്യൂ മന്ത്രി ഇ.ചന്ദ്രശേഖരന്‍ ഉദ്ഘാടനം ചെയ്യും. ഒന്‍പത് സഹകരണ ബാങ്കുകളും ഒരു പ്രാഥമാക കാര്‍ഷിക ഗ്രാമ വികസന ബാങ്കും ഉള്‍പ്പെടെ    58 സംഘങ്ങളാണ്  പുതിയ വെള്ളരിക്കുണ്ട് സര്‍ക്കിള്‍ ഓഫീസിനു കീഴിലുണ്ടാകുക.

കരിന്തളത്ത് 100 കിടക്കകളുള്ള ആശുപത്രി ഉള്‍പ്പെടെയുള്ള യോഗ ആന്റ് നാച്ച്യുറോപ്പതി പോസ്റ്റ് ഗ്രാജുവേറ്റ് ഇന്‍സ്റ്റിറ്റ്യൂട്ടിന്റെ നിര്‍മ്മാണപ്രവര്‍ത്തനങ്ങള്‍ക്ക് തുടക്കംകുറിക്കുന്നതിന് മുന്നോടിയായി സ്ഥലം പാട്ടത്തിന് കൈമാറുന്നിനുള്ള ധാരണാപത്രം ഒപ്പുവച്ചു. ജില്ലാ കളക്ടറുടെ ചേംബറില്‍ നടന്ന ചടങ്ങില്‍ സംസ്ഥാന സര്‍ക്കാരിനുവേണ്ടി ജില്ലാ കളക്ടര്‍ ഡോ.ഡി.സജിത്ത് ബാബുവും സെന്‍ട്രല്‍ കൗണ്‍സില്‍ ഫോര്‍ റിസര്‍ച്ച് ഇന്‍ യോഗ ആന്റ് നാച്ച്യുറോപ്പതി ഡയറക്ടര്‍ ഡോ.ഈശ്വര എന്‍ ആചാര്യയുമാണ് ധാരണാപത്രത്തില്‍ ഒപ്പുവച്ചത്. 

സഹകരണ വകുപ്പിനു കീഴില്‍ പ്രവര്‍ത്തിക്കുന്ന പട്ടികജാതി പട്ടികവര്‍ഗ വികസന സഹകരണ ഫെഡറേഷന്റെ ആയൂര്‍ധാര മരുന്ന് ഉത്പാദന കേന്ദ്രത്തിലെ ആയൂര്‍വേദ മരുന്നുകളുടെ മൊത്ത, ചില്ലറ വ്യാപാര ഏജന്‍സിയെടുക്കുന്നതിന് അപേക്ഷ ക്ഷണിച്ചു. ജില്ലാ, താലൂക്ക്, പഞ്ചായത്ത് തലങ്ങളില്‍ ഏജന്‍സിയെടുക്കാം. താത്പര്യമുള്ളവര്‍ ആയൂര്‍ധാര ഫാര്‍മസ്യൂട്ടിക്കല്‍സ്, സൗത്ത് അഞ്ചേരി, തൃശൂര്‍ - 680006 എന്ന വിലാസത്തില്‍ അപേക്ഷിക്കണമെന്ന് മാനേജിങ് ഡയറക്ടര്‍ അറിയിച്ചു. കൂടുതല്‍ വിവരങ്ങള്‍ക്ക് 0487 2354851, 9446060604 എന്ന നമ്പറില്‍ ലഭിക്കും.
(പി.ആര്‍.പി. 2486/2018)

ജില്ലയിലെ ഗാന്ധിജയന്തി വാരാചരണത്തിന് നാളെ (ഒക്ടോബര്‍ 14) സമാപനം. മൈലോട്ടുമൂഴി ജനതാ ലൈബ്രറി അങ്കണത്തില്‍ നടക്കുന്ന ഗാന്ധിസ്മൃതിയോടെയാണ് ഈ വര്‍ഷത്തെ ഗാന്ധിജയന്തി വാരാചരണത്തിനു തിരശീല വീഴുന്നത്.

സമാപന ചടങ്ങുകളുടെ ഭാഗമായി ഗാന്ധിജിയുടെ 150-ാം ജ•-വാര്‍ഷികത്തെ അനുസ്മരിച്ച് 150 മണ്‍ചെരാതുകള്‍ തെളിയിക്കും. ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പും മൈലോട്ടുമൂഴി ജനതാ ലൈബ്രറിയും ജില്ലാ ശുചിത്വ മിഷനും നവകേരളം മിഷനും സംയുക്തമായാണു പരിപാടി സംഘടിപ്പിച്ചിരിക്കുന്നത്.

** അപേക്ഷാ വിവരങ്ങള്‍ അന്വേഷിക്കാന്‍ ഇനി ഓഫിസില്‍ പോകേണ്ട
** സ്റ്റാറ്റസ് ഒറ്റ ക്ലിക്കില്‍ മൊബൈലില്‍ അറിയാം

തിരുവനന്തപുരം റവന്യൂ ഡിവിഷണല്‍ ഓഫിസ് ഇനി ഇ-ഓഫിസ്. സേവനങ്ങള്‍ സുതാര്യവും സമയബന്ധിതവുമാക്കുന്നതിനുള്ള ഇ-ഓഫിസ് സംവിധാനം ആര്‍.ഡി.ഒ. ഓഫിസില്‍ നിലവില്‍വന്നു. സംസ്ഥാന സര്‍ക്കാരിന്റെ ഇ-ഗവേണന്‍സ് പദ്ധതിയുടെ ഭാഗമായാണ് ഇ-ഓഫിസ് നടപ്പാക്കുന്നത്.

* ഇന്നലെ നാലു മണിവരെ വില്‍പ്പന ഒന്നരലക്ഷം കടന്നു
* തിങ്കളാഴ്ച നറുക്കെടുക്കും