ശബരിമല സന്നിധാനത്ത് ഉത്സവ സീസണില്‍ സ്‌പെഷ്യല്‍ ഡ്യൂട്ടിക്കായി നിയോഗിക്കപ്പെടുന്ന എക്‌സൈസ് വകുപ്പിലെ സേനാംഗങ്ങള്‍ക്ക് ലഗേജ് അലവന്‍സ് ഇനത്തില്‍ ഒറ്റത്തവണയായി ഒരാള്‍ക്ക് 250 രൂപ അനുവദിച്ച് നികുതി വകുപ്പ് ഉത്തരവായി. 

 പി.എന്‍.എക്‌സ്.4577/18

കേരള വനിതാ കമ്മീഷനില്‍ കോണ്‍ഫിഡന്‍ഷ്യല്‍ അസിസ്റ്റന്റ് തസ്തികയിലേക്ക് ഡെപ്യൂട്ടേഷന്‍ വ്യവസ്ഥയില്‍ സര്‍ക്കാര്‍ സര്‍വീസില്‍ സമാന തസ്തികയില്‍ സേവനമനുഷ്ഠിക്കുന്ന നിശ്ചിത യോഗ്യതയുള്ളവരില്‍ നിന്നും അപേക്ഷ ക്ഷണിച്ചു.

നിശ്ചിത ഫോറത്തിലുള്ള അപേക്ഷ നിരാക്ഷേപപത്രം സഹിതം മേലധികാരി മുഖേന മെമ്പര്‍ സെക്രട്ടറി, കേരള വനിതാ കമ്മീഷന്‍, ലൂര്‍ദ്ദ് പള്ളിക്കുസമീപം, പി.എം.ജി, പട്ടം പി.ഒ, തിരുവനന്തപുരം -695004 എന്ന വിലാസത്തില്‍ നവംബര്‍ 12നകം ലഭിക്കണം.

   പി.എന്‍.എക്‌സ്.4576/18

കേരള സ്റ്റേറ്റ് റിമോട്ട് സെന്‍സിംഗ് ആന്റ് എന്‍വയോണ്‍മെന്റ് സെന്റര്‍ ഓഫീസിലേക്ക് നല്‍കുന്ന ഡാറ്റാ ബാങ്ക് അപേക്ഷയോടൊപ്പം ഓണ്‍ലൈനായി ഫീസ് അടയ്ക്കാന്‍ സംവിധാനം ഏര്‍പ്പെടുത്തി. വിശദവിവരം www.ksrec.kerala.gov.in ലെ Pay Now എന്ന ലിങ്കിലുണ്ട്. അപേക്ഷ ഫീസ് അടച്ച ചെലാന്റെ പകര്‍പ്പ് കൃഷി ഓഫീസര്‍  അപേക്ഷയോടൊപ്പം ഉള്ളടക്കം ചെയ്ത് സമര്‍പ്പിക്കണം.

   പി.എന്‍.എക്‌സ്.4574/18

സംസ്ഥാനത്തെ കോണ്‍ട്രാക്റ്റ് കാര്യേജ് വാഹനങ്ങളുടെ നികുതി പിഴ കൂടാതെ അടയ്ക്കുന്നതിനുള്ള അവസാന തിയതി 30 വരെ നീട്ടി സര്‍ക്കാര്‍ ഉത്തരവായി. പ്രളയക്കെടുതിയെ തുടര്‍ന്ന് ടൂറിസം മേഖലയിലും മറ്റും ഉണ്ടായ മാന്ദ്യം കണക്കിലെടുത്ത് നികുതി അടയ്ക്കുന്ന തിയതി നീട്ടി നല്‍കണമെന്ന് കോണ്‍ട്രാക്റ്റ് കാര്യേജ് വാഹന ഉടമകളുടെ സംഘടനകള്‍ ഗതാഗത വകുപ്പ് മന്ത്രി എ.കെ. ശശീന്ദ്രന് നിവേദനം നല്‍കിയിരുന്നു.

   പി.എന്‍.എക്‌സ്.4573/18

വിത്ത്‌ വികസന അതോറിറ്റി സംഭരിക്കുന്ന വിത്തുകള്‍ സംസ്‌കരിച്ച്‌ ചാക്കുകളില്‍ ഇനം തിരിച്ച്‌ അട്ടിയിട്ട്‌ വെയ്‌ക്കുന്നതിന്‌ ഇ-ടെണ്ടര്‍ ക്ഷണിച്ചു. ടെണ്ടര്‍ സ്വീകരിക്കുന്ന അവസാന തീയതി നവംബര്‍ 9, കൂടുതല്‍ വിവരങ്ങള്‍ക്ക്‌ വെബ്‌ സൈറ്റ്‌ www.etenders.kerala.gov.in. ഫോണ്‍ : 0487-2360299, 2360301.

കൈപ്പമംഗലം ഗ്രാമപഞ്ചായത്തിലെ 16 വാര്‍ഡ്‌ തായ്‌നഗറിലേക്ക്‌ നടന്ന ഉപതെരഞ്ഞെടുപ്പിന്റെ ഫലം പ്രഖ്യാപിച്ചു. ഞാന്‍സി (ജാന്‍സി) ഐ എന്‍ സി (ഐ) ക്ക്‌ 322 വോട്ട്‌ ലഭിച്ചു. ഭൂരിപക്ഷം 65. തങ്കമണി സി പി ഐ (എം) ക്ക്‌ 257 വോട്ടുകള്‍ ലഭിച്ചു. കെ ജി ദീലിപ്‌ (ബി ജെ പി) ന്‌ 252 വോട്ടും കെ ബി അനില്‍ (സ്വാതന്ത്ര്യന്‍) 173 വോട്ടുമാണ്‌ ലഭിച്ചത്‌. ആകെ പോള്‍ ചെയ്‌തത്‌ 1004 വോട്ടുകളാണ്‌.

പ്രളയാനന്തര പുനര്‍നിര്‍മ്മിതിയുമായി ബന്ധപ്പെട്ട്‌ ഒക്‌ടോബര്‍ 28 ന്‌ തൃശൂര്‍ ടൗണ്‍ഹാളില്‍ മുഖ്യമന്ത്രി പിണറായി വിജയന്‍ പ്രകാശനം ചെയ്യുന്ന പ്രളയാനന്തര കഥ-കവിത പുസ്‌തകത്തിന്റെ വിതരണവുമായി ബന്ധപ്പെട്ട യോഗം ഒക്‌ടോബര്‍ 22 വൈകീട്ട്‌ 4 ന്‌ കളക്‌ടറേറ്റ്‌ കോണ്‍ഫറന്‍സ്‌ ഹാളില്‍ ചേരും.

ഗാര്‍ഹികാതിക്രമത്തിന്‌ ഇരയായി 2011 നവംബര്‍ 24 ന്‌ ശേഷം കേസ്‌ ഫയല്‍ ചെയ്‌തിട്ടുളളവരും സാമ്പത്തികമായി പിന്നോക്കം നില്‍ക്കുന്നവരുമായ സ്‌ത്രീകള്‍ക്ക്‌ ഉപജീവനം, താമസം, ഭക്ഷണം, കുട്ടികളുടെ വിദ്യാഭ്യാസം, ചികിത്സ എന്നിവയ്‌ക്ക്‌ ധനസഹായം നല്‍കുന്നു. താല്‍പര്യമുളളവര്‍ വനിത പ്രൊട്ടക്ഷന്‍ ഓഫീസര്‍, മിനി സിവില്‍ സ്റ്റേഷന്‍, ചെമ്പൂക്കാവ്‌, തൃശൂര്‍ എന്ന വിലാസത്തില്‍ അപേക്ഷ നവംബര്‍ 5 നകം നല്‍കണം. കൂടുതല്‍ വിവരങ്ങള്‍ക്ക്‌ ഫോണ്‍ : 8281999058.