മടപ്പള്ളി ഗവ: വൊക്കേഷണല്‍ ഹയര്‍സെക്കണ്ടറി സ്‌കൂളില്‍ ഡിപ്പാര്‍ട്ട്‌മെന്റ് ഫണ്ട്  ഉപയോഗിച്ച് പുതുതായി പണികഴിപ്പിച്ച അക്കാദമിക് ബ്ലോക്കിന്റെ  ഉദ്ഘാടനം  ഇന്ന് (ഒക്‌ടോബര്‍ 11) വൈകീട്ട്  3 ന്് സി.കെ നാണു എം.എല്‍.എ നിര്‍വ്വഹിക്കും. ജില്ലാപഞ്ചായത്ത് ഫണ്ട് ഉപയോഗിച്ച് നിര്‍മ്മിച്ച മിനി ഓഡിറ്റോറിയത്തിന്റെ ഉദ്ഘാടനം ജില്ലാപഞ്ചായത്ത് മെമ്പര്‍ ടി.കെ രാജന്‍ മാസ്റ്ററും,   ഹൈടെക് ക്ലാസ്സ് റൂമിന്റെ ഉദ്ഘാടനം വൊക്കേഷണല്‍ ഹയര്‍സെക്കണ്ടറി ഡയറക്ടര്‍ എ. ഫാറൂഖും നിര്‍വ്വഹിക്കും. 

കയര്‍ രണ്ടാം പുന.സംഘടനയുടെ ഭാഗമായി  കയര്‍ വകുപ്പിന്റെ ധനസഹായത്തോടെ ജില്ലയില്‍ ആരംഭിക്കുന്ന 11 ചകിരിമില്ലുകള്‍ ഉള്‍പ്പടെ സംസ്ഥാനത്തെ അമ്പതാമത്തെ ചകിരി മില്ലിന്റെ ഉദ്ഘാടനം നവംബര്‍ മൂന്നിന്  ഫറൂക്കില്‍ ധനകാര്യ -കയര്‍ വകുപ്പ് മന്ത്രി ഡോ. തോമസ് ഐസക് നിര്‍വഹിക്കും. ചടങ്ങ് വിജയമാക്കുന്നതിനുള്ള സ്വാഗത സംഘ രൂപീകരണ യോഗം ഈ മാസം 15 ന് വൈകീട്ട് നാലു മണിക്ക് ഫറൂക്ക്  മുന്‍സിപ്പാലിറ്റി കമ്മ്യൂണിറ്റി ഹാളില്‍ ചേരും

ഗതാഗതവകുപ്പ് മന്ത്രി എ.കെ ശശീന്ദ്രന്‍ ഈ മാസം 11, 12, 13,14 തീയതികളില്‍  ജില്ലയില്‍ വിവിധ പരിപാടികളില്‍ പങ്കെടുക്കും. ഇന്ന് (ഒക്‌ടോബര്‍ 11) രാവിലെ 11 ന് നേവല്‍ യൂണിറ്റ് ബോട്ട് ഹൗസിലേക്കുള്ള അപ്രോച്ച് റോഡ് ഉദ്ഘാടനം. വെങ്ങാലി ബോട്ട് ജെട്ടി. 12 ന് ന•ണ്ട എച്ച്.എസ്.എസ് സ്മാര്‍ട്ട് ക്ലാസ് റൂം ഉദ്ഘാടനം. 2 ന് നടുവത്തൂര്‍ എസ്.വി.എ.എച്ച്.എസ്.എസ് കമ്പ്യൂട്ടര്‍ സാക്ഷരത പദ്ധതി ഉദ്ഘാടനം. 4.30 ന് പുതിയാപ്പ ഹാര്‍ബര്‍ നവീകരണ പ്രവൃത്തി. 12 ന് 11 കൊയിലാണ്ടി ജോയിന്റ് റീജ്യണല്‍ ട്രാന്‍സ്‌പോര്‍ട്ട് ഓഫീസ് ഉദ്ഘാടനം. 14 ന് 11 പയമ്പ്ര ടെലിഫോണ്‍ എക്‌സ്‌ചേഞ്ചിന് സമീപം കാര്‍ഷിക സെമിനാറും കര്‍ഷക സംഗമവും. 

പുതിയാപ്പ മത്സ്യ ബന്ധന തുറമുഖത്തില്‍ വിവിധ വികസന പദ്ധതികളായ ഫിങ്കര്‍ ജെട്ടി, ചുറ്റുമതില്‍, ലോക്കര്‍ റൂം, ഡ്രഡ്ജിംഗ് എന്നിവയുടെ പ്രവൃത്തി ഉദ്ഘാടനം ഇന്ന് (ഒക്‌ടോബര്‍ 11) വൈകീട്ട് 4.30 ന് ഫിഷറീസ്,ഹാര്‍ബര്‍ എഞ്ചിനീയറിംഗ്, കശുവണ്ടി വ്യവസായ വകുപ്പ് മന്ത്രി ജെ മേഴ്‌സികുട്ടിയമ്മ നിര്‍വഹിക്കും. ചടങ്ങില്‍ ഗതാഗത വകുപ്പ് മന്ത്രി എ.കെ ശശീന്ദ്രന്‍ അധ്യക്ഷത വഹിക്കും. മേയര്‍ തോട്ടത്തില്‍ രവീന്ദ്രന്‍, എം.കെ രാഘവന്‍ എം.പി, ജില്ലാ കലക്ടര്‍ യു.വി ജോസ് തുടങ്ങിയവര്‍ പങ്കെടുക്കും. 

      ജില്ലയിലുണ്ടായ കാലവര്‍ഷക്കെടുതികളുടെ പശ്ചാത്തലത്തില്‍ നിയമസഭ പരിസ്ഥിതി  സമിതി ഇന്ന് (ഒക്ടോബര്‍ 11) രാവിലെ 11 ന് കളക്ടറേറ്റില്‍ തെളിവെടുപ്പ് നടത്തും. വിവരശേഖരണത്തിന്റെ ഭാഗമായി ജില്ലാതല ഉദ്യോഗസ്ഥര്‍, പരിസ്ഥിതി പ്രവര്‍ത്തകര്‍, പൊതുജനങ്ങള്‍ എന്നിവരില്‍ നിന്നും സമിതി  തെളിവ് ശേഖരിക്കും.  ജില്ലയിലെ പരിസ്ഥിതിയുമായി ബന്ധപ്പെട്ട് പ്രവര്‍ത്തിക്കുന്നവര്‍, പൊതുജനങ്ങള്‍ എന്നിവര്‍ക്ക് യോഗത്തില്‍ പങ്കെടുത്ത് തെളിവുകള്‍ നല്‍കാമെന്ന് ജില്ലാ കളക്ടര്‍ അറിയിച്ചു.
 

    കരിങ്കുറ്റി ഗവ.വൊക്കേഷണല്‍ ഹയര്‍ സെക്കന്ററി സ്‌കൂളില്‍ തപാല്‍ദിനം ആചരിച്ചു.  പ്രളയവുമായി ബന്ധപ്പെട്ട് മഹത്തായ സേവനം നടത്തിയ മുഖ്യമന്ത്രി, മന്ത്രിമാര്‍, വിവിധ ഓഫീസ് മേധാവികള്‍, മത്സ്യത്തൊഴിലാളികള്‍, വിവിധ സേനാ വിഭാഗങ്ങള്‍ തുടങ്ങിയവര്‍ക്ക്  അഭിനന്ദനമറിയിച്ചുകൊണ്ട് വിദ്യാര്‍ത്ഥികള്‍ കത്തെഴുതി.  ഹരീഷ് കുമാര്‍ എന്‍.കെ, ബിനു.പി.സ്, ജോസ് കെ സേവ്യര്‍, എ.സി. ഹസീന, ജ്യോതിക, അളകനന്ദ, അഭിന, ആദിത്യ, ശ്യാമിനി, പോസ്റ്റ് ഓഫീസ് ജീവനക്കാരായ ശില്‍പ.കെ., ശയന ശശികുമാര്‍  എന്നിവര്‍ നേതൃത്വം നല്‍കി.